ថ្ងៃ អាទិត្យ ទី១៨ ខែ Apr ឆ្នាំ២០២១

 ព័ត៌មានថ្មី   
  • ស្ថានទូតចិនប្រចាំកម្ពុជា÷ វ៉ាក់សាំងចិន Sinovac ដែលជាការបញ្ជាទិញជំហានទីពីរ របស់រាជរដ្ឋាភិបាលកម្ពុជា ចំនួន ៥០ម៉ឺនដូស ស្ថានទូតចិនប្រចាំកម្ពុជា បានបញ្ជាក់ថា វ៉ាក់សាំងចិន Sinovac ដែលជាការបញ្ជាទិញជំហានទីពីរ របស់រាជរដ្ឋា ភិបាលកម្ពុជា ចំនួន៥០ម៉ឺនដូស នឹងដឹកជញ្ជូនមកដល់អាកាសយានដ្ឋានអន្តរជាតិ រាជធានីភ្នំពេញនាថ្ងៃទី១៧ ខែមេសាខាងមុខនេះ។ ទោះបីជាប្រទេសចិនស្ថិតក្នុងស្ថាន ភាពដែលមានតម្រូវការវ៉ាក់សាំងក៏ដោយ ក៏នៅតែបន្តផ្តល់ទៅតាមតម្រូវការបញ្ជាទិញរបស់ភាគីកម្ពុជាដែរ។ នេះបានបង្ហាញយ៉ាងច្បាស់អំពីចំណងមិត្តភាពដែកថែបប្រៀបដូចបងប្អូនរវាងប្រទេសទាំងពីរ។ សង្ឃឹមថាវ៉ាក់សាំងចិនអាចរួមចំណែកយ៉ាងសកម្មជូនដល់ប្រជាជនកម្ពុជាក្នុងកិច្ចការប្រយុទ្ធប្រឆាំងជំងឺវីរុសកូវីដ-១៩។
  • ចូលឆ្នាំថ្ងៃទី២ម៉ូតូបុកម៉ូតូស្លាប់ម្នាក់របួសធ្ងន់ ២នាក់នៅមុខបន្ទាយ សឹករងក្រុងកំពង់ឆ្នាំង (ខេត្តកំពង់ឆ្នាំង,ថ្ងៃទី១៦ ខែមេសា ឆ្នាំ២០២១)៖ បុរសម្នាក់បានស្លាប់ ក្រោយពេលបញ្ជូនទៅសង្គ្រោះនៅមន្ទីរពេទ្យ និង ២ នាក់ទៀត រងរបួសជាទម្ងន់ នៅក្នុងហេតុការណ៍គ្រោះថ្នាក់ចរាចរណ៍មួយបាន កើតឡើងនៅវេលាម៉ោង ៦ និង ៣០នាទីយប់ ថ្ងៃទី ១៥ ខែមេសា ឆ្នាំ ២០២១ នៅតាមបណ្តោយផ្លូវជាតិលេខ ៥៣ចំណុចមុខទីបញ្ជាការ សឹករងក្រុងកំពង់ឆ្នាំង ស្ថិតក្នុងភូមិបារាំង សង្កាត់ប្អេរ ក្រុងកំពង់ឆ្នាំង ខណ: ម៉ូតូ ២គ្រឿងបុកគ្នាក្នុងដំណើរច្រាស់ទិសគ្នា ។ សមត្ថកិច្ចនគរបាលក្រុងកំពង់ឆ្នាំងបានអោយដឹងថា ជនរងគ្រោះដែលបានបាត់បង់ជីវិត មានឈ្មោះ ឈិន ណារ៉ូអាយុ ៣៦ ឆ្នាំ មានទីលំនៅសង្កាត់ខ្សាមក្រុងកំពង់ឆ្នាំង ។ ប្រភពដដែលបានបន្តថាមុនពេលកើតហេតុមានម៉ូតូមួយគ្រឿងម៉ាកហុងដាសេ១២៥ ស៊េរី ២០២០ ពាក់ស្លាកលេខ កំពង់ឆ្នាំង1J. 27 37 បើកបរដោយបុរសឈ្មោះ ប៊ុន ថាន់អាយុ៥២ឆ្នាំ ទីលំនៅភូមិម៉ុងបារាំង សង្កាត់ប្អេរ ក្រុងកំពង់ឆ្នាំង ក្នុងដំណើរពីកើតទៅលិច លុះមកដល់ចំណុចកើតហេតុក៏បានបត់ឆ្វេងមិនបានប្រុងប្រយ័ត្ន ក៏បានបុកជាមួយនិងម៉ូតូ មួយគ្រឿងម៉ាកហុងដាសេ១២៥ស៊េរី […]
  • រដ្ធបាលខេត្តព្រៃវែងចេញសេចក្តីណែនាំ ស្តីពី ការផ្អាកលក់គ្រឿងស្រវឹងគ្រប់ប្រភេទនិងផ្កាកការជួបជុំគ្នារយ:ពេល១៤ថ្ងៃ (ខេត្តព្រៃវែង,ថ្ងៃទី១៦ ខែមេសា ឆ្នាំ២០២១)៖រដ្ឋបាលខេត្តព្រៃវែងបាន ចេញសេចក្តីណែនាំ លេខ:១៥០/២១ សណន ស្តីពី ការផ្អាកលក់គ្រឿង ស្រវឹងគ្រប់ប្រភេទ និងផ្អាកការជួបជុំគ្នា រយ:ពេល១៤ថ្ងៃ គិតចាប់ពីថ្ងៃជូនដំណឹងទី១៥ ខែមេសា ដល់ថ្ងៃទី២៨ ខែមេសា ឆ្នាំ២០២១ នៅក្នុងភូមិសាស្ត្រខេត្តព្រៃវែង ដើម្បីទប់ស្កាត់ការឆ្លងរាលដាលនៃជំងឺ កូវីដ-១៩ ក្នុងព្រឹត្តការណ៍ “សហគមន៍ ២០ កុម្ភ:” និងក្នុងគោលបំណង ការពារអាយុជីវិតរបស់ប្រជាពលរដ្ឋ សុខភាពសាធារណ: និង សណ្តាប់ ធ្នាប់សាធារណ:។
  • អ្នកជំងឺកូវីដ១៩ បានទៅដើរផ្សារផ្សារលូ៥ កាលពីថ្ងៃទី១០ អ្នកសង្ស័យប្រញាប់ទៅធ្វើតេស្ត អនុគណៈកម្មការស្រាវជ្រាវកូវីដ-១៩ សូមអំពាវនាវដល់ ប្រជាពលរដ្ឋ ដែលបានដើរផ្សារ និងអាជីវករនៅផ្សារលូ៥ ដែលមានទីតាំងស្ថិតនៅផ្លូវវេងស្រេង ភូមិដំណាក់ធំ៣ សង្កាត់ស្ទឹងមានជ័យ៣ ខណ្ឌមានជ័យ នៅថ្ងៃទី ១០ ខែ មេសា ឆ្នាំ២០២១ សូមទៅធ្វើតេស្តកូវីដ-១៩ ដោយសារ អ្នកជំងឺកូវីដ១៩ បានទៅដើរផ្សារ នៅទីតាំងខាងលើនេះ។ ពិសេសសូមដាក់ខ្លួនដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនេះ៕
  • សម្ដេចតេជោ នឹងដឹកនាំគណៈប្រតិភូចូលរួមកិច្ចប្រជុំអាស៊ាន ថ្ងៃទី២៤ ខែមេសានេះ នៅឥណ្ឌូណេស៊ី តាមរយៈ facebook page ផ្លូវការ សម្ដេចតេជោ ហ៊ុន សែន នៅថ្ងៃនេះ បានបញ្ជាក់ឲ្យដឹងថា ដោយភារកិច្ចខាន មិនបានក្នុងការចូលរួមប្រជុំអាស៊ាននាថ្ងៃទី២៤ មេសា ២០២១ ខាងមុខនៅរដ្ឋធានីហ្សាកាតាប្រទេសឥណ្ឌូណេ ស៊ី។ កិច្ចការដែលខ្ញុំត្រូវធ្វើដើម្បីការពារការឆ្លងកូវីដ-១៩ ស្របតាមវិធានការសុខាភិបាល ដំបូងខ្ញុំត្រូវចាក់វ៉ាក់សាំង ដូសទី២នៅថ្ងៃទី២០ មេសា ២០២១ ដែលមុននោះគ្រោងចាក់នៅថ្ងៃទី២៩ មេសា ២០២១។ ថ្ងៃទី២៣ មេសា ត្រូវយកសំណាកពិនិត្យដើម្បីទទួលលិខិតបញ្ជាក់សម្រាប់អោយអាជ្ញាធរសុខាភិបាលឥណ្ឌូណេស៊ី។ ព្រឹកថ្ងៃទី២៤ មេសា ចេញដំណើរទៅហ្សាកាតា។ ពេលទៅ ដល់ត្រូវយកសំណាកពិនិត្យម្តងទៀតពេលរសៀលការ ប្រជុំចាប់ផ្តើម ពេលចប់មិនថាថ្ងៃឬយប់ខ្ញុំត្រូវត្រឡប់មកវិញ។ ពេលមកដល់ព្រលានយន្តហោះអន្តរជាតិភ្នំពេញ ខ្ញុំត្រូវយកសំណាកពិនិត្យម្តងទៀត។ មកដល់ផ្ទះខ្ញុំត្រូវធ្វើចត្តាឡីស័ក១៤ថ្ងៃជាមួយនឹងការពិនិត្យសំណាក២ ទៅ ៣ដងទៀត។ ដើម្បីធានាសុវត្ថិភាពសម្រាប់ភរិយា កូន និងចៅ ខ្ញុំត្រូវអោយភរិយាខ្ញុំនាំកូននិងចៅទៅសម្រាកនៅទីកន្លែងផ្សេង។សមាជិ កប្រតិភូដែលធ្វើដំណើរជាមួយខ្ញុំ ត្រូវយកសំណាកនិងធ្វើចត្តាឡីស័ក១៤ថ្ងៃដូចគ្នា។ មានអ្នកអោយយោបល់ខ្ញុំថាដោយសារខ្ញុំចាក់វ៉ាក់សាំងរួចហើយ ខ្ញុំគួរធ្វើចត្តាឡីស័ក៧ថ្ងៃបានហើយ តែខ្ញុំបានប្រាប់ទៅពួកគាត់វិញថាខ្ញុំចង់ធ្វើអោយប្រាកដថាខ្ញុំមិនមានវិជ្ជមានកូវីដ-១៩ នោះទេព្រោះខ្ញុំត្រូវធ្វើការជាមួយមនុស្សច្រើនគ្នា ពិសេសចៅៗរបស់ខ្ញុំទាំងតូចទាំងធំតែងមកលេងច្របាច់ជើងនិងគេងលើគ្រែព្រម ទាំងរត់លេងក្នុងបន្ទប់របស់ជីតា៕
  • លទ្ធផលសំណាកប្រជាពលរដ្ឋចំនួន ៤៤នាក់ នៅខេត្តឧត្តរមានជ័យដែលប៉ះពាល់ផ្ទាល់ នឹង ប្រយោលជាមួយបុរសជនជាតិថៃ លទ្ធផលសំណាកប្រជាពលរដ្ឋចំនួន ៤៤នាក់ នៅខេត្តឧត្តរមានជ័យដែលប៉ះពាល់ផ្ទាល់ នឹង ប្រយោលជាមួយបុរសជនជាតិថៃ គឺ(អវិជ្ជមានទាំងអស់) ប៉ុន្តែត្រូវបន្តធ្វើចត្តាឡីស័កឲ្យគ្រប់១៤ថ្ងៃ។
  • រដ្ឋបាលស្រុកវាលវែង បំភ្លឺព័ត៌មាន ជុំវិញការស្លាប់របស់មេភូមិកណ្តាល គឺជា ករណីខ្យល់គរ ពុំមែនស្លាប់ដោយសារការចាក់វ៉ាក់សាំងកូវីដ១៩ នោះឡើយ (ខេត្តពោធិ៍សាត់,ថ្ងៃទី០៩ ខែមេសា ឆ្នាំ២០២១)៖ រដ្ឋបាលស្រុកវាលវែង នៅព្រឹកម៉ិញនេះ បានចេញសេចក្តីបំភ្លឺព័ត៌មានមួយ ពាក់ព័ន្ធនឹងការស្លាប់របស់លោកមេភូមិកណ្តាល ឃុំថ្មដា ស្រុកវាលវែង គឺជាករណីខ្យល់គរពេលកំពុងធ្វើដំណើរតាមឡាន ពុំមែនស្លាប់បណ្តាលមកពីការចាក់វ៉ាក់សាំងកូវីដ១៩ ដូចការចុះផ្សាយរបស់គេហទំព័រឈ្មោះ News Assembly និងគណនីហ្វេសប៊ុកឈ្មោះ Sum Seyha នោះឡើយ។ ក្នុងសេចក្តីបំភ្លឺព័ត៌មាននោះ បានសរសេររៀបរាប់ថា នៅវេលាម៉ោង៨ និង៤៦នាទីព្រឹក ថ្ងៃទី៧ ខែមេសា ឆ្នាំ២០២១ កន្លងមកនេះ មានករណីកើតហេតុស្លាប់មនុស្សម្នាក់ឈ្មោះ ហែម រឿន ភេទប្រុស អាយុ២៤ឆ្នាំ មានតួនាទីជាមេភូមិ មានទីលំនៅស្ថិតនៅភូមិកណ្តាល ឃុំថ្មដា ស្រុក វាលវែង ខេត្តពោធិ៍សាត់។ ករណីនេះអាជ្ញាធរមូលដ្ឋានភូមិ ឃុំ ស្រុក បានទៅចូលរួមរំលែកទុក្ខគ្រសារសព និងបានសាកសួរអំពីប្រវត្តិស្ថានភាពជំងឺរបស់សពកន្លងមក ដោយគ្រួសារសពបានបញ្ជាក់ប្រាប់អាជ្ញាធរថា លោក ហែម រឿន កន្លងមកមានប្រវត្តិជំងឺលើសឈាម និងឧស្សាហ៍គាំងបេះដូង តែត្រូវបានកូនចៅនៅជិត ជួយសង្គ្រោះគាត់ទាន់ពេលវេលា។ អាជ្ញាធរឃុំក៏បានបញ្ជាក់បន្ថែមថា នៅព្រឹកថ្ងៃទី០៧ ខែមេសា ឆ្នាំ២០២១ លោក […]
  • អាជ្ញាធរខណ្ឌប្ញស្សីកែវ និងក្រុមគ្រូពេទ្យ រកឃើញអ្នកវិជ្ជមាននឹងមេរោគកូវីដ១៩ ចំនួន០៣នាក់ លោក ជា ពិសី អភិបាលខណ្ឌឬស្សីកែវ សូមជូនដំណឹងដល់ បងប្អូនប្រជាពលរដ្ឋទាំងអស់ក្នុងខណ្ឌប្ញស្សីកែវ មេត្តាជ្រាបថា នៅយប់ថ្ងៃទី៨ ខែមេសា ឆ្នាំ២០២១ វេលាម៉ោង ២២ និង ៣០នាទី អាជ្ញាធរនៃរដ្ឋបាលខណ្ឌប្ញស្សីកែវ និងក្រុមគ្រូពេទ្យ បានស្វែងរកឃើញ​ អ្នកវិជ្ជមាននឹងមេរោគកូវីដ១៩ ចំនួន ០៣ នាក់ រួមមាន ៖ ១/ ស្ត្រី អាយុ ២៦ ឆ្នាំ មានទីលំនៅ នៅបុរីមង្គលភ្នំពេញ ផ្ទះលេខ AC ៣១ ផ្លូវB1 ភូមិទួលថ្ងាន់ សង្កាត់ទួលសង្កែទី២ ខណ្ឌប្ញស្សីកែវ រាជធានីភ្នំពេញ ។ ២/ បុរស អាយុ ៥៣ ឆ្នាំ មានទីលំនៅ នៅផ្ទះលេខ៣៨ ផ្លូវ៩០៧ សង្កាត់ទួលសង្កែទី១ ខណ្ឌប្ញស្សីកែវ រាជធានីភ្នំពេញ (អ្នកលក់ឥវ៉ាន់សែនព្រេននៅផ្សារអូរប្ញស្សី)។ ៣/ បុរស អាយុ ៤១ […]
  • គ្រោះអគ្គីភ័យមួយនៅស្រុកកណ្ដៀង ខេត្តពោធិ៍សាត់បណ្ដាល ឲ្យដូនចាស់ម្នាក់បាត់បង់ជីវិត គ្រោះអគ្គីភ័យមួយនៅស្រុកកណ្ដៀង ខេត្តពោធិ៍សាត់បណ្ដាល ឲ្យដូនចាស់ម្នាក់បាត់បង់ជីវិត (ខេត្តពោធិ៍សាត់,ថ្ងៃទី០៨ ខែមេសា ឆ្នាំ២០២១)៖គ្រោះអគ្គីភ័យមួយបាន កើតឡើង នៅភូមិពោធិ៍ដំណាក់ ឃុំវាល ស្រុកកណ្តៀង ខេត្តពោធិ៍សាត់បណ្តាលឲ្យឆេះផ្ទះអស់១ខ្នងធ្វើអំពីឈើប្រក់សង័្កសី ជញ្ជាំងក្តារលាយសង័្កសី ក្រាលក្តារទំហំ៤ម×៥ម ម្ចាស់ផ្ទះឈ្មោះ រំដួល សួន ភេទស្រី អាយុ៩៦ឆ្នាំ ។អគ្គីភ័យនេះកើតឡើងនៅវេលាម៉ោង៣និង៣០នាទីល្ងាចថ្ងៃទី០៨ ខែមេសា។គ្រោះអគ្គីភ័យនេះ បណ្តាលអោយខូចខាតសម្ភារៈមួយចំនួន និងស្លាប់ម្ចាស់ផ្ទះ១នាក់គឺលោកយាយរំដួល សួន ។ អាជ្ញាធរបានឲ្យដឹងថាមូលហេតុគឺបណ្តាលមកពីភ្លើងចង្ក្រានដែលលោកយាយដាំទឹក។សាកសពត្រូវបានប្រគល់ជូនឈ្មោះហង់ វណ្ណា ភេទប្រុស អាយុ៤៣ឆ្នាំត្រូវជាញាតិក្នុងភូមិជាមួយគ្នាដើម្បីយកទៅចាត់ចែងតាមគន្លងប្រពៃណីព្រះពុទ្ធសាសនា។ករណីនេះអាជ្ញាធរបានប្រើប្រាស់រថយន្តពន្លត់អគ្គីភ័យចំនួន២គ្រឿងក្នុងនោះរថយន្តន្លត់អគ្គីភ័យរបស់អធិការដ្ឋានស្រុកកណ្តៀងចំនួន១គ្រឿងនិងរថយន្តពន្លត់អគ្គិភ័យរបស់ស្នងការខេត្តពោធិ៍សាត់ចំនួន១គ្រឿងនិងប្រើប្រាស់ទឹកអស់ចំនួន២រថយន្ត៕ដោយ៖រំដួល(កែសម្រួលដោយ មណ្ឌល កែវ)
  • សត្វប្រើសមួយក្បាល បានងាប់ដោយសារជាប់អន្ទាក់ព្រានក្នុងព្រៃសង្ឃរុក្ខវ័ន នៅខេត្តឧត្តរមានជ័យ ឧត្តរមានជ័យ៖ សត្វប្រើសញីមួយក្បាលទៀត ត្រូវបានគេប្រទះឃើញស្លាប់បាត់បង់ជីវិតគួរអោយសោកស្តាយ ក្រោយ ពីបានជាប់អន្ទាក់ព្រាន នៅក្នុងដែនជម្រកសត្វព្រៃសង្ឃរុក្ខវ័នស្ថិតក្នុងសង្កាត់កូនគ្រៀល ក្រុងសំរោង ខេត្តឧត្តរមានជ័យ។ ព្រះតេជគុណអែម សូអាន បានមានសង្ឃដីកាអោយ ដឹងនៅថ្ងៃទី០៥ខែមេសាឆ្នាំ២០២១នេះថា៖អន្ទាក់គឺជាអាវុធមួយប្រភេទដែលព្រានបានដាក់បង្កប់ក្នុងព្រៃ ដើម្បីចាប់យកសត្វ យ៉ាងណាមុិញសត្វប្រើសញីមួយក្បាលបានដាច់ពីអន្ទាក់ជើងមុខផ្នែកខាងស្តាំ បានរត់មកដេកស្លាប់នៅមាត់ទឹកអន្លង់កញ្ជៀង ភូមិឈូកមាស សង្កាត់កូនក្រៀល ក្រុងសំរោង ខេត្តឧត្តរមានជ័យ។ ព្រះអង្គបានមានសង្ឃដីកាអោយដឹងទៀតថា៖ការប្រទះ ឃើញសត្វប្រើសស្លាប់នេះ គឺដោយសារអ្នកកង្វាលគោបីនាក់តានិងចៅ ហើយក៏បានមកផ្តល់ពត៌មានដល់ព្រះសង្ឃ និងគណៈកម្មការសង្ឃសហគមន៍រុក្ខាវ័ន ព្រះសង្ឃ គណៈ កម្មការ លោកគ្រូ ប៊ុន សាលួត និងកម្លំាងប្រតិបត្តការសឹករងខេត្តបានចុះទៅមើលនិងយកគោយន្តទៅដឹកសពសត្វប្រើសនោះមកធ្វើពិធីបង្សុកូលនិងបញ្ចុះនៅបរិវេណទីស្នាក់ការកណ្តារបស់សង្ឃសហគមន៍រុក្ខាវ័ន នៅវេលាម៉ោងបួនល្ងាច៕
  • ក្រសួងត្រៀមចាក់វ៉ាកសាំងកូវី១៩ជូនកម្មករ-និយាជិតប្រមា ណ១០ម៉ឺននាក់ ចាប់ពីថ្ងៃទី៧ មេសា នេះតទៅ ភ្នំពេញ ៖ អ្នកនាំពាក្យក្រសួងសុខាភិបាល បានបញ្ជាក់ថា ក្រសួងសុខាភិបាល បានត្រៀមទុកវ៉ាក់សាំងការពារជំងឺកូវីដ -១៩ សម្រាប់ចាក់ជូនដល់កម្មករ-និយាជិត ប្រមាណ១០ ម៉ឺននាក់ ក្នុងដំណាក់កាលដំបូងដែលនឹងចាប់ផ្តើមចាក់នៅថ្ងៃទី ៧ ខែមេសា ឆ្នាំ២០២១ តទៅ។ លោកស្រី ឱ វណ្ណឌីន អ្នកនាំពាក្យក្រសួងសុខាភិបាល និងជាប្រធានគណៈ កម្មការចំពោះកិច្ចសម្រាប់ចាក់វ៉ាក់សាំងកូវីដ ១៩ ក្នុងក្រប ខ័ណ្ឌទូទាំងប្រទេស បានបញ្ជាក់ថា៖ «គម្រោងនៃការចាក់របស់យើង គឺទៅលើមនុស្សចំនួន ៧៤៥ ០០០ នាក់ ហើយក្នុងនោះចំនួន ១០ម៉ឺននាក់ គឺជាកម្មករ-និយោជិត ដែលយើងបានត្រៀមវ៉ាក់សាំងទុកសម្រាប់ពួកគាត់រួចហើយ ទោះបីជាចំនួននេះ មិនទាន់គ្រប់ដល់ចំនួនកម្មករទាំងអស់ក៏ដោយ តែយើងនឹងផ្តល់ដល់ពួកគាត់ជាបន្តនៅពេលមានវ៉ាក់សាំងមកដល់ពេលបន្ទាប់ទៀត»។ លោកស្រី ឱ វណ្ណឌីន ក៏បញ្ជាក់ផងដែរថា វ៉ាក់សាំង គឺជាកងកម្លាំងសម្រាប់ជួយការពារអាយុជីវិតរបស់មនុស្ស ជួយបង្កើតនូវកងការពារសម្រាប់វាយបកទៅនឹងវីរុសកូវីដ-១៩។ «ផលប្រយោជន៍របស់វ៉ាក់សាំងនេះ គឺធំធេងណាស់។ ដូចនេះ ខ្ញុំសុំឱ្យបងប្អូន កម្មករ-កម្មការិនីរបស់យើងយល់ពីបញ្ហានេះ ខណៈនៅបណ្តាប្រទេសនានាគេចង់បានវ៉ាក់សាំងទៅចាក់ណាស់ ចំណែកប្រទេសយើង មានការផ្តល់ការចាក់វ៉ាក់សាំងជូនប្រជាពលរដ្ឋដោយឥតគិតថ្លៃ គឺដើម្បីសុខភាពរបស់ប្រជាពលរដ្ឋកម្ពុជាទាំងអស់គ្នាគ្មានពីជំងឺកូវីដ ១៩»៕
  • ផ្ទុះមីនតោន នៅស្រុកសាលាក្រៅ បង្កឱ្យអ្នកបេីកបររបួស ធ្ងន់ ឯកឧត្តមហេងរតនាអគ្គនាយកស៊ីម៉ាក់បានបង្ហោះនៅលើហ្វេសប៊ុក នៅថ្ងៃទី០៥ ខែមេសាថា មានករណីផ្ទុះមីនតោនចំពោះត្រាក់ទ័រភ្ជួដីចំការដំឡូងមី លាន់សំឡេងផ្ទុះកកេីក នៅភូមិអូររអិល​ ឃុំស្ទឹងកាច់​ ស្រុកសាលាក្រៅ​ ខេត្តប៉ៃលិន​ កាលពីវេលាម៉ោងប្រមាណ១០ព្រឹកថ្ងៃទី០៣​ ខែមេសា​ ឆ្នាំ​២០២១​។ ប្រជាពលរដ្ឋក្នុងភូមិនាំគ្នារត់ស្ទុះស្ទាទៅរកកន្លែងសំឡេងផ្ទុះឡេីងនោះ​ ដេីម្បីជួយសង្គ្រោះ​ ដែលឃេីញថាករណីផ្ទុះគ្រាប់មីនតោននេះ​ បានបង្កឱ្យរបួសអ្នកបេីកបរ​ត្រាក់ទ័រម្នាក់​ និងខូចខាតត្រាក់ទ័រមួយគ្រឿង។ ប្រជាពលរដ្ឋជាម្ចាស់ដីបានរៀបរាប់ថាដីចំការដំឡូងនេះបានប្រេីប្រាស់ជាង២០ឆ្នាំមកហេីយ។ នេះជាសំណល់គ្រាប់ មីនតោនពីសង្គ្រាម​ ព្រោះថាទឹកដីនេះជាសមភូមិប្រយុទ្ធគ្នាយ៉ាងស្វិតស្វាញអស់រយ:ពេលជិត៣០ឆ្នាំ។ ឯកឧត្តមអគ្គ នាយកស៊ីម៉ាក់ បានបញ្ជាក់ថា ទីតាំងកន្លែងផ្ទុះនេះ​ មិនមានកំ ណត់ត្រាក្នុងផែនទី ទិដ្ឋន័យចំការមីនថ្នាក់ជាតិនោះទេ​ ដែលកត្តា ឯ,ឧ បានណែនាំឱ្យកំលាំងសុីម៉ាក់ នៅទិសខេត្តប៉ៃលិន និងសហការជាមួយអាជ្ញាធរមូលដ្ឋាន ចុះពិនិត្យវាយតម្លៃ និងបោសសំអាតជូនប្រជាពលរដ្ឋតាមសំនូមពរចាំបាច់​ ក្នុងការការពារសុខសុវត្ថិភាពជូនប្រជាពលរដ្ឋក្នុងមូលដ្ឋានតាមជាក់ស្តែងនិងធ្វេីបច្ចុប្បន្នបញ្ហាតំបន់គំរាមកំ ហែងដោយសារមីនឱ្យបានច្បាស់លាស់ផងដែរ៕
  • ព្រះសិរព្រះនារាយណ៍ធ្វើពីថ្មភក់មួយបំណែក ត្រូវបានរកឃើញនៅប្រាសាទត្រពាំងផុង ព្រះសិរព្រះនារាយណ៍មួយបំណែកខាងស្តាំត្រូវបានក្រុម ការនងារជួសជុលប្រាសាទត្រពាំងផុងប្រទះឃើញនៅខាងក្នុងតួប៉មកណ្តាលនៃប្រាសាទនេះ។ បំណែកព្រះសិរធ្វើពីថ្មភក់ដែលមានកម្ពស់៣៨ស.ម ទទឹង២០ស.ម និងកម្រាស់ ១៨ស.មនេះ មានព្រះភក្ត្រមួយចំហៀងខាងស្តាំ ដែលនៅលើព្រះភក្ត្រនោះ មានសល់ទ្រនុងចិញ្ចើម ព្រះនេត្រ ចុងច្រមុះ បបូរមាត់បន្តិច និងស្លឹកត្រចៀកមួយចំហៀង។ រីឯនៅផ្នែកខាងលើ មានម្កុដរាងស៊ីឡាំងដែលគ្របត្រឹមថ្ងាសទៅ តាមជើងសក់នៅជុំវិញពីផ្នែកខាងមុខដល់ខាងក្រោយ។ លោក ឈូក សុម៉ាឡា មន្ត្រីក្រុមចុះបញ្ជីវត្ថុសិល្បៈនៃនាយក ដ្ឋានអភិរក្សប្រាសាទក្នុងឧទ្យានអង្គរ និងបុរាណវិទ្យាបង្ការនៃអជ្ញាធរជាតិអប្សរាបានឱ្យដឹងថា បំណែកព្រះសិរនៃបដិមានេះនៅសល់ផ្នែកខ្លះដែលអាចឱ្យយើងធ្វើការកំណត់ សម្គា ល់បានថាជាព្រះសិររបស់បដិមាព្រះនារាយណ៍ ពោលគឺពុំមែនជាព្រះសិវៈ រឺព្រះហរិហរៈឡើយ។ លោកបានបន្ថែមទៀតថា បើតាមលោកយល់ បដិមានេះទំនងជាស្ថិតក្នុងរចនាបថគូលែន ដោយព្រះភក្ត្រនៃបដិមារាងធំខ្លី ចិញ្ចើមដាច់មិនជាប់គ្នាទេ រីឯលក្ខណៈសម្គាល់ពិសេសជាងនេះទៅ ទៀតគឺ ម្កុដរាងជាស៊ីឡាំងខ្ពស់ទៅលើ ដែលនេះហើយជាលក្ខណៈនៃបដិមាសាស្ត្រក្នុងរចនាបថគូលែន។ ម្យ៉ាងវិញទៀត បើយើងគិតទៅលើសំណង់ប្រាសាទត្រពាំង ផុងនោះទៀតសោត ក៏មានអ្នកស្រាវជ្រាវបានអះអាងរួចមកហើយថា ប្រាសាទនេះគឺមានរចនាបថគូលែន ដែលសង់ឡើងនៅពាក់កណ្តាលសតវត្សទី៩ក្នុងរាជ្យព្រះបាទជ័យវរ្ម័ន ទី៣ (៨៥០?-៨៧៧) ដែលត្រូវជាបុត្ររបស់មហាក្សត្រដ៏ល្បីមួយអង្គគឺព្រះបាទ ជ័យវ្ម័នទី២ (៨០២-៨៥០?)។ បើដូច្នេះមែន នោះគឺគ្មានអ្វីចម្លែកទេ ពោលគឺបំណែកបដិមាដែលបានរកឃើញនេះ គឺប្រហែលជាបដិមាដើម ដែលបានសាងសង់ក្នុងពេលដំណាលគ្នាជាមួយប្រាសាទត្រពាំងផុងនោះតែម្តង មានន័យថាពុំមែនជាបដិមាដែលយកមកតម្កល់នាសម័យក្រោយៗមកទៀតនោះទេ។ ក្រោយពីធ្វើកំណត់ហេតុប្រគល់ទទួលបំណែកចម្លាក់ខាង លើ […]
  • កសិករ ប៉ាន់ គឹមហ៊ានទទួលបានប្រាក់ចំណូលជាង៨លានរៀល ពីការចិញ្ចឹមមាន់ និងភ្ញាស់មាន់ ក្នុងរយៈពេល៣ខែនេះ របាយការណ៍របស់មន្ទីរកសិកម្ម រុក្ខាប្រមាញ់ និងនេសាទខេត្តកំពង់ឆ្នាំង បានឲ្យដឹងថា កសិករដែលមានឈ្មោះថា ប៉ាន់ គឹមហ៊ាន បច្ចុប្បន្នគាត់រស់នៅក្នុងភូមិក្រាំងស្រម៉ ឃុំស្វាយជុក ស្រុកសាមគ្គីមានជ័យ ខេត្តកំពង់ឆ្នាំង ឲ្យដឹងថា ការចិញ្ចឹមមាន់ និងភ្ញាស់មាន់ បានជួយកែប្រែជីវភាពរបស់គាត់ឲ្យបានធូធារ ចម្រុងចម្រើនជាងមុន តាមរយៈចូលជាសមាជិកក្នុងគម្រោងស្តីពី “ចង្វាក់ផលិតកម្មមាន់ស្រុក” ដែលគម្រោងនេះសហការអនុវត្តជាមួយមន្ទីរកសិកម្ម រុក្ខាប្រមា ញ់ និងនេសាទខេត្ត ក្រោមការគាំទ្រហិរញ្ញវត្ថុពីមូលនិធិអន្តរជាតិសម្រាប់ការអភិវឌ្ឍន៍កសិកម្ម ហៅកាត់ថា IFAD។ ត្រឹមត្រីមាសទី១ នេះគាត់អាចរកចំណូលបាន ៨ ៤០០ ០០០រៀល ពីការលក់មាន់សាច់។ បច្ចុប្បន្ន កសិកររូបនេះនៅសល់កូនមាន់ជំទង់ ១៧០ក្បាល មេ-បាពូជ១៧០ ក្បាល និងស៊ុតកំពុងភ្ញាស់ក្នុងទូ ៥០០ គ្រាប់ទៀតទុកត្រៀមចិញ្ចឹមនៅវគ្គបន្ត។ គាត់បានប្រើប្រាស់ប្រាក់ចំណូលនេះយកទៅពង្រីកអាជីវកម្ម ចិញ្ចឹមមាន់យកស៊ុត ភ្ញាស់យកកូនលក់ចែកចាយជូនសមាជិកក្នុងគម្រោង និងធ្វើទ្រុងចិញ្ចឹមមាន់សាច់បន្ថែម។ ដោយសារចំណូលនេះ ធ្វើឲ្យជីវ ភាពគ្រួសារមានការរីកចម្រើន ធានាបានរាល់ការចំណាយសម្រាប់សកម្មភាពផ្សេងៗក្នុងសង្គម កូនៗមានមធ្យោបាយទៅសាលា រៀនសូត្របានខ្ពង់ខ្ពស់ និងមានសមត្ថភាពជួយមើលការខុស ត្រូវអាជីវកម្មរបស់ឱពុកបានទៀតផង “ប្រទេសមានសុខសន្តិភាព គ្រួសារមានសុភមង្គល” នេះគឺជាក្តីប្រាថ្នារបស់រាជរដ្ឋាភិបាល។ លោក […]
  • ការនាំចេញអង្ករធ្លាក់ចុះ៣៣,៤៥% ក្នុងរយៈពេល៣ខែ បរិមាណអង្ករនាំចេញក្នុងរយៈពេល៣ខែឆ្នាំ២០២១ មានចំនួន ១៥៣ ៦៨៨តោន មានការថយចុះចំនួន ៧៧ ២៦០ តោន (-៣៣,៤៥%) តិចជាងបរិមាណនាំចេញក្នុងរយៈ ពេល៣ខែឆ្នាំ២០២០ ដែលមានចំនួន ២៣០ ៩៤៨តោន។ បើប្រៀបធៀបការនាំចេញអង្ករក្នុងខែមីនាដូចគ្នាឃើញថា នៅឆ្នាំ២០២១ មានចំនួន ៧៧ ៤៦៦តោន មានការថយចុះចំនួន ១៦ ៩៨៣តោន (-១៧,៩៨%) តិចជាងបរិមាណនាំចេញក្នុងខែមីនា ឆ្នាំ២០២០ ដែលមានចំនួន ៩៤ ៤៤៩ តោន ។ បើតាមការបញ្ជាក់ពីឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទតាមរយៈហ្វេសប៊ុកផេក។ ឯកឧត្តមរដ្ឋមន្ត្រី បានបញ្ជាក់ថា អង្ករក្រអូបគ្រប់ប្រភេទមានចំនួន ១០៧ ៣៣៩តោន ស្មើនឹង ៦៩,៨៤% និងអង្ករ ស គ្រប់ប្រភេទមានចំនួន ៤៣ ៧៧៧តោន ស្មើនឹង ២៨,៤៩% និងអង្ករចំហុយមានចំនួន ២ ៥៧២តោន ស្មើនឹង ១,៦៧% […]

      Address:

    Sleng Roleung Village, Sangkat Toek Thla, Khan Sen Sok, Phnom Penh, Cambodia.                                                              

      010 555 253 / 092 86 22 71
      info@seatv.com.kh
      8:00 AM - 6:00 PM

      The Southeast Asia Television (SEATV)