អភិបាលខេត្តពោធិ៍សាត់ ថ្វាយគ្រឿងរណ្ដាប់បូជា ថ្វាយលោកតា ឃ្លាំង មឿង សុំទឹកភ្លៀង និងសូមឱ្យជំងឺកូវីដ១៩ ជៀសចេញឱ្យឆ្ងាយ

ព័ត៌មានថ្មី

ទឹកជំនន់សម្លាប់មនុស្ស ពីរនាក់នៅភាគនិរតីកាមេរូន អាជ្ញាធរក្នុងតំបន់បាននិយាយកាលពីថ្ងៃអាទិត្យថា យ៉ាង ហោចណាស់មនុស្សពីរនាក់បានស្លាប់ បន្ទាប់ពីភ្លៀងធ្លាក់យ៉ាងគំហុក បង្កជាទឹកជំនន់ភ្លាមៗនៅក្នុងទីក្រុង ប៊ូយ័រ (Buea) ជាទីប្រជុំជននៃតំបន់ភាគនិរតីនៃប្រទេសកាមេរូន។ យោងតាមលោក ដេវីដ ម៉ាហ្វានី ណាម៉ាង (David Mafani Namange) អភិបាលក្រុង ប៊ូយ័រនិយាយថា ទឹកជំនន់ត្រូវបានបង្កឡើងដោយភ្លៀងធ្លាក់ខ្លាំងជាច្រើនម៉ោងកាលពីថ្ងៃសៅរ៍ បានហូរនាំរថយន្ត និងកំទេចកំទី ហើយជន់លិចបន្ទប់ក្រោមដី និងជាន់ផ្ទាល់ដីនៃអគារមួយចំនួន។ មនុស្សយ៉ាងតិច១០នាក់ កំពុងទទួលការព្យាបាលនៅមន្ទីរពេទ្យក្នុងក្រុង បន្ទាប់ពីបានរងរបួសពីគ្រោះមហន្តរាយមួយនេះ៕ ប្រែសម្រួលដោយ រម៉ាម វ៉ុង
យ៉ាងហោចណាស់មនុស្ស៥នាក់ ស្លាប់ក្នុងការក្រឡាប់ទូកនៅហ្គាណា អាជ្ញាធរក្នុងតំបន់បានបញ្ជាក់ថា យ៉ាងហោចណាស់មនុស្ស ៥នាក់បានស្លាប់ បន្ទាប់ពីទូកមួយបានក្រឡាប់នៅភាគខាងត្បូងបឹង វ៉ុលតា(Volta) របស់ប្រទេសហ្គាណា កាលពីព្រឹកថ្ងៃសៅរ៍។ លោកដានីយ៉ែល អាហ្សាក់ប៉ា (Daniel Adzakpa) សមាជិកសភាតំបន់បោះឆ្នោត អាហ្ស៊ីហ្សាកប៉េ (Azizakpe) បាននិយាយថា ទូកបានក្រឡាប់នៅក្នុងព្យុះដ៏ខ្លាំងមួយ ខណៈដែលវាកំពុងដឹកអ្នកដំណើរប្រហែល ២៥នាក់ពី អាហ្សីហ្សានយ៉ា ទៅ អាហ្ស៊ីហ្សាកប៉េ) ក្នុងតំបន់អាក្រា (Accra) ៕ ប្រែសម្រួលដោយ ប៊ុន សុភាព
អាជ្ញាធរជាតិអប្សរា ធ្វើការជួសជុលកម្រាលថ្មភក់ និងចម្លាក់តោ នៅប្រាសាទបាគង ក្រុមអ្នកបច្ចេកទេស នាយកដ្ឋានអភិរក្សប្រាសាទ និងបុរាណវិទ្យា អាជ្ញាធរជាតិអប្សរា បានធ្វើការជួសជុលឡើងវិញ កម្រាលថ្មភក់និងចម្លាក់តោនៅជាន់ទី១(ជ្រុងខាងត្បូង) ប្រាសាទបាគងដែលរងការខួចខាត។ ការងារជួសជុលនេះ ក្រុមអ្នកបច្ចេកទេសបានរើកម្រាលថ្មភក់ផ្នែកខាងលើដែលបាក់បែក និងចម្លាក់តោដែលប្រេះ ស្រុតផ្អៀង ដើម្បីពង្រឹងស្រទាប់ក្រោម ធ្វើការជួសជុលថ្មប្រេះបែកបាក់ ហើយរៀបផ្គុំឡើងវិញតាមទីតាំងដើមវិញ ព្រមទាំងបិទបាយអតាមចន្លោះប្រហោងការពារជម្រាបទឹកផងដែរ។ នេះគឺជាផ្នែកមួយនៃកិច្ចការអភិរក្ស ដែលអាជ្ញាធរជាតិអប្សរាបានអនុវត្តន៏ជាប្រចាំ ក្នុងគោលគំនិតដើម្បីថែរក្ស លើកតម្លៃប្រាសាទបុរាណផង និងដើម្បីរក្សាសុខសុវត្ថិភាពដល់ភ្ញៀវទេសចរផង។ សូមបញ្ជាក់ថា ប្រាសាទបាគងត្រូវបានកសាងឡើងនាចុងសតវត្សរ៍ទី៩ ក្នុងរជ្ជកាលព្រះបាទឥន្ទ្រវរ្ម័នទី១ ដើម្បីឧទ្ទិសថ្វាយចំពោះលិទ្ធិព្រហ្មញ្ញសាសនា។
គម្រោងការងាររៀបចំច្រកទ្វារព្រំដែនអន្តរជាតិ ស្ទឹងបត់-បានណងអៀន សម្រេចបានជាង ៨០ភាគរយ គម្រោងការងាររៀបចំច្រកទ្វារព្រំដែនអន្តរជាតិ ស្ទឹងបត់-បានណងអៀន សម្រេចបានជាង ៨០ភាគរយ គិតត្រឹមពាក់ កណ្តាលខែមីនានេះ ខណៈ ផ្លូវជាតិលេខ៥ ប្រវែង៣៦៦ គ.ម៖ ព្រែកក្តាម-ធ្លាម្អម សម្រេច៩៨% ធ្លាម្អម-បាត់ដំបង និងសិរីសោភ័ណ-ប៉ោយប៉ែត សម្រេច៦៩% និងបាត់ដំបង -សិរីសោភ័ណ សម្រេច១០០%។ ឯកឧត្តម ស៊ុន ចាន់ថុល ទេសរដ្ឋមន្ត្រី រដ្ឋមន្ត្រីក្រសួង សាធារណការ និងដឹកជញ្ជូន បានដឹកនាំប្រតិភូក្រសួងចុះពិនិត្យវឌ្ឍនភាពការងារគម្រោងលើកកម្រិតគុណភាព កំណាត់ផ្លូវជាតិលេខ៥ ពីក្រុងសិរីសោភ័ណ ទៅក្រុងប៉ោយប៉ែត និង គម្រោងការងាររៀបចំច្រកទ្វារព្រំដែនអន្តរជាតិស្ទឹងបត់-បានណងអៀន ដោយមានការចូលរួមអមដំណើរពីសំណាក់ថ្នាក់ដឹកនាំ និងមន្ត្រីជំនាញពាក់ព័ន្ធជាច្រើនរូប។ គម្រោងរៀបចំច្រកទ្វារអន្តរជាតិស្ទឹងបត់ ត្រូវបានបើកការ ដ្ឋានសាងសង់នៅថ្ងៃទី២២ ខែមេសា ឆ្នាំ២០១៩ ក្រោមអធិបតីភាពដ៏ខ្ពង់ខ្ពស់ សម្តេចតេជោ នាយករដ្ឋមន្ត្រីនៃព្រះរាជាណាចក្រកម្ពុជា ដែលមានទំហំទឹកប្រាក់ចំនួនប្រមាណ ២៦,៤២ លានដុល្លារអាមេរិក។ ដោយសារមានបញ្ហាការរាតត្បាតនៃជម្ងឺកូវីត-១៩ គ្រោះទឹកជំនន់ និងបម្រែបម្រួលការងារក្នុងកិច្ចសន្យា នាំឱ្យគម្រោងការងារនេះត្រូវបានពន្យារពេលសាងសង់ចំនួនពីរលើករួចមកហើយ។ បើតាមការពន្យាពេលសាងសង់លើកទី២ គម្រោងគ្រោងនឹងបញ្ចប់នៅបំណាច់ខែឧសភា ឆ្នាំ២០២៣ ខាងមុខនេះ ហើយគិតមកត្រឹមថ្ងៃទី១៤ ខែមីនា ឆ្នាំ២០២៣ […]
សម្ដេចតេជោ ហ៊ុន សែន បញ្ជាក់ថា កម្ពុជាខ្ចីថវិកាពីបរទេសប្រចាំឆ្នាំ តិចជាង២០ភាគរយនៃថវិកាជាតិសរុប សម្តេចតេជោ ហ៊ុន សែន នាយយករដ្ឋមន្ត្រីនៃកម្ពុជា បានឱ្យដឹងថា បច្ចុប្បន្នការខ្ចីថវិកាពីក្រៅប្រទេសប្រចាំឆ្នាំរបស់កម្ពុជា មានទំហំមិនស្មើនឹង២០ភាគរយនៃថវិកាជាតិសរុបនោះឡើយ។ នេះជាលទ្ធផលនៃការអនុវត្តកម្មវិធីកែទម្រង់ ការ គ្រប់គ្រងហិរញ្ញវត្ថុសាធារណៈកាត់បន្ថយការពឹងពាក់លើការខ្ចីពីក្រៅប្រទេស។ ក្នុងឱកាសប្រកាសដាក់ឱ្យអនុវត្តកម្មវិធីកែទម្រង់ការគ្រប់ គ្រងហិរញ្ញវត្ថុសាធារណៈដំណាក់កាលទី៤ ឆ្នាំ២០២៣- ២០២៧ នាព្រឹកថ្ងៃទី២០ ខែមីនា ឆ្នាំ២០២៣ នៅសណ្ឋាគាររ៉េស៊ីដង់សុខាភ្នំពេញ សម្តេចតេជោ ហ៊ុន សែន នាយករដ្ឋមន្ត្រី បានបញ្ជាក់ថា បុព្វហេតុឯករាជ្យ និងអធិប តេយ្យជាតិ សមិទ្ធកម្មដ៏ល្អនៃកម្មវិធីកែទម្រង់ការគ្រប់ គ្រងហិរញ្ញវត្ថុសាធារណៈ បានពង្រឹងឱ្យកាន់តែមាំមួនឡើងនូវភាពជាម្ចាស់ និងតួនាទីរបស់រាជរដ្ឋាភិបាលកម្ពុជាក្នុងការទទួលខុសត្រូវលើជោគវាសនារបស់ប្រទេសជាតិ ដោយបានកាត់បន្ថយការពឹងពាក់លើការខ្ចីពីក្រៅប្រទេស។ សម្តេចតេជោបានរំឭកថា នៅក្នុងអតីតកាល៣០ឆ្នាំមុន ចំណូលក្នុងស្រុករបស់កម្ពុជាដែលរកបានដោយខ្លួនឯង មានត្រឹមប្រមាណ១ ភាគ៣នៃថវិកាជាតិសរុបតែប៉ុណ្ណោះ បានន័យថា តមូ្រវការប្រមាណ២ភាគ៣នៃថវិកាជាតិត្រូវបានដោះ ស្រាយដោយប្រភពធនធាន ជាជំនួយហិរញ្ញវត្ថុពីក្រៅប្រទេស។ នេះគឺជាលទ្ធផលជាក់ស្ដែងដែលកម្ពុជាសម្រេចបានស្របតាមគោលជំហរដឹកនាំ ដែលសម្តេចធ្លាប់បានប្រកាសជាសាធារណៈនាពេលកន្លងទៅ គឺ «កែទម្រង់-រស់ មិនកែទម្រង់-ស្លាប់»។ សម្ដេចតេជោ នាយករដ្ឋមន្ត្រី បានដាក់តឿនដល់មន្ត្រីគ្រប់គ្នាថា ត្រូវប្រឹងប្រែង និងរៀនសូត្រពីការអនុវត្តនូវបណ្ដាបញ្ហាប្រឈម ដើម្បីបោះជំហានទៅដំណាក់កាលថ្មីបន្ថែមទៀត ជាមួយនឹងមហច្ចតាបែបប្រាកដនិយមដោយមិនបង្អង់រង់ចាំ។ ប្រការនេះមានន័យថា យើងត្រូវវាយតម្លៃឱ្យចំសកម្មភាពអាទិភាពដែលយើងត្រូវធ្វើជាបន្ទាន់ និងអាចធ្វើទៅបាន […]
ទីលានទុកដាក់សំរាមនៅក្រុងបាត់ដំបង ដែលចាយថវិកាជាង៦លានដុល្លារ ត្រូវសម្ពោធដាក់ឱ្យប្រើប្រាស់ជាផ្លូវការ ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារ ណការ និងដឹកជញ្ជូន នាថ្ងៃទី២០ ខែមីនា ឆ្នាំ២០២៣ បានអញ្ជើញជាអធិបតីភាពក្នុងពិធីប្រគល់-ទទួល និងសម្ពោធដាក់ឱ្យប្រើប្រាស់ជាផ្លូវការ ទីលានទុកដាក់សំរាមដ៏ធំមួយនៅក្នុងក្រុងបាត់ដំបង នៃគម្រោងកែលម្អគ្រប់គ្រងបរិស្ថានក្រុងជុំវិញបឹងទន្លេសាប ជំហានទី២ ក្រោមកម្ចីឥណទានធនាគារអភិវឌ្ឍន៍អាស៊ី (ADB)។ ឯកឧត្តមទេសរដ្ឋមន្ត្រី ស៊ុន ចាន់ថុល បានបញ្ជាក់ថា ពិធីនេះធ្វើឡើងដើម្បីផ្តល់ជូនដល់អាជ្ញាធរខេត្តបាត់ដំបង អាចទទួលគ្រប់គ្រង និងប្រតិបត្តិបន្តដើម្បីប្រើប្រាស់ជាប្រយោ ជន៍សាធារណៈ ផ្តោតទៅលើសុខុមាលភាព អនាម័យ និងសណ្តាប់ធ្នាប់សាធារណៈ សម្រាប់ប្រជាពលរដ្ឋក្នុងខេត្តបាត់ដំបង ហើយគម្រោងនេះក៏ចូលរួមចំណែកថែរក្សាការពារ សំដៅធ្វើយ៉ាងណាឱ្យហេដ្ឋារចនាសម្ព័ន្ធទទួលបាននេះស្ថិតស្ថេរ គង់វង្សយូរអង្វែង។ សូមបញ្ជាក់ថា ទីលានទុកដាក់សំរាមដ៏ធំមួយនេះ ស្ថិតនៅក្នុងភូមិប៉ោយស្វាយ ឃុំតាគ្រាម ស្រុកបាណន់ ខេត្តបាត់ដំបង។ គម្រោងនេះត្រូវបានសាងសង់ឡើងនៅលើផ្ទៃដីសរុបទំហំ ២០.៨០ ហិកតា ដែលនឹងគ្រោងឱ្យ ប្រើប្រាស់នៅដំណាក់កាលដំបូង នៅរណ្ដៅទី១ មានទំហំ ២.៩៤ហិកតា ហើយមានសមត្ថភាពអាចផ្ទុកសំរាមបាន ៣១៣ ៧០៣ម៉ែត្រគូប សម្រាប់រយៈពេល ១០ ឆ្នាំ (២០២២ រហូតដល់ ២០៣២) សម្រាប់ប្រជាជនក្នុង […]
ក្រុមប្រឹក្សាអភិវឌ្ឍន៍កម្ពុជា អនុម័តគម្រោងវិនិយោគថ្មីៗចំនួន៤ទៀត ក្រោមទុនវិនិយោគជាង១៨លានដុល្លារ ក្រុមប្រឹក្សាអភិវឌ្ឍន៍កម្ពុជា (CDC) ទើបតែអនុម័តគម្រោងវិនិយោគថ្មីៗចំនួន ៤ទៀត សរុបទុនវិនិយោគជាង១៨លានដុល្លារ និងអាចបង្កើតការងារ បានជាច្រើនកន្លែង។ តាមសំ ណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រ ចុះបញ្ជីគម្រោងវិនិយោគ ជូនដល់ក្រុមហ៊ុនដូចខាងក្រោម៖ ១៖ DAZHENGXUAN (CAMBODIA) INDUSTRIAL CO., LTD គម្រោងបង្កើតរោងចក្រផលិតឆត្រ អាវភ្លៀង វាំងនន កន្សែងតុបាយ និងផ្សេងៗទៀត ដែលមានទីតាំងវិនិយោគស្ថិតនៅផ្លូវជាតិលេខ២ ភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ក្នុងទុនវិនិយោគប្រមាណ៦លានដុល្លារអាម៉េរិក និងអាចបង្កើតការងារបានចំនួន១,៧៤១កន្លែង។ ២៖ XIN YUAN CHENG FACTORY CO., LTD គម្រោងបង្កើតរោងចក្រផលិតគ្រឿងបន្សំស្បែកជើង ដែលមានទីតាំងវិនិយោគស្ថិតនៅផ្លូវលំ ភូមិព្រៃខ្លា ឃុំក្រាំងម្កាក់ ស្រុកអង្គស្នួល ខេត្តកណ្តាល ក្នុងទុនវិនិយោគប្រមាណ៥.១លានដុល្លារអាម៉េរិក និងអាចបង្កើតការងារបានចំនួន ៣១៨កន្លែង។ ៣៖ XU WEI GARMENT (CAMBODIA) CO., LTD […]
ឯកឧត្តម គន់ គីម ប្រគល់ផ្ទះ១០០ខ្នង ជូនអតីតយុទ្ធជននៅស្រុកសាមគ្គីមានជ័យ ខេត្តកំពង់ឆ្នាំង (កំពង់ឆ្នាំង)៖ ឯកឧត្តម នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន និងជាអគ្គលេខា ធិការសមាគមអតីតយុទ្ធជនកម្ពុជា អញ្ជើញប្រគល់ផ្ទះចំនួន១០០ខ្នង ធ្វើពីដែកនិងស្មាតបត ប្រក់សង្ក័សី ទំហំ៥ម៉ែត្រ គុណ៧ម៉ែត្រ និងតសំយ៉ាប៣ម៉ែត្រ រួមនឹងបន្ទប់ទឹក១ ជាអំណោយរបស់ សម្តេចតេជោ ហ៊ុន សែន នាយករដ្ឋមន្ដ្រីនៃកម្ពុជា ដែលសាងសង់ ដោយ ឧកញ៉ា វិញ ហួរ ក្នុងនាមសម្តេច តេជោ ហ៊ុន សែន ជូនដល់អតីតយុទ្ធជន ស្ថិតនៅឃុំក្រាំងល្វា ស្រុកសាមគ្គីមានជ័យ ខេត្តកំពង់ឆ្នាំង។ ពិធីប្រគល់នៅថ្ងៃទី២០ ខែ មីនា ឆ្នាំ២០២៣ នេះ ក៏មានការអញ្ជើញចូលរួមពី ឯកឧត្តម ស៊ុន សុវណ្ណរិទ្ធ អភិបាលខេត្ត និងជាប្រធានកិត្តិយសសមាគមអតីតយុទ្ធជនកម្ពុជា ខេត្តកំពង់ឆ្នាំង និង លោកឧកញ៉ា វិញ ហួរ រួមទាំងមន្ត្រីពាក់ព័ន្ធជាច្រើនទៀតផងដែរ។ ក្នុងឱកាសនោះ ទេសរដ្ឋមន្ដ្រី គន់ […]
យុទ្ធនាការផ្លូវស្អាត គ្មានគ្រលុក នៅស្រុកអូររាំងឪ ដើម្បីដោះស្រាយការលំបាកជូនប្រជាពលរដ្ឋ នៅតាមមូលដ្ឋាន ឯកឧត្តម អ៊ាង សុផល្លែត ប្រធានក្រុមការងារគណបក្សចុះមូលដ្ឋានស្រុកអូររាំងឪ ខេត្តត្បូងឃ្មុំ បានគូសបញ្ជាក់ថា ការរៀបចំយុទ្ធនាការផ្លូវស្អាត គ្មានគ្រលុក បានបង្កើតឡើង ការអនុវត្តការងារណបក្សប្រជាជនកម្ពុជា ច្បាស់លាស់ ដើម្បីដោះស្រាយការលំបាក ជូនប្រជាពលរដ្ឋ នៅតាមមូលដ្ឋាន ជាពិសេសការធ្វើដំណើរកម្សាន្ត ក្នុងរដូវឆ្នាំថ្មីប្រពៃណីជាតិ និងអបអរសាទរទេវតាឆ្នាំថ្មី ដែលយាងប្រទានពរជ័យ ដល់មាតុភូមិនិងប្រជាជនកម្ពុជា នាពេលខាងមុខ។ ឯកឧត្តម អ៊ាង សុផល្លែត បានលើកឡើងបែបនេះ នៅក្នុងពិធីសំនេះសំណាលជាមួយថ្នាក់ដឹកនាំ សមាជិក សមាជិកា ក្រុមការ ងារគណបក្សចុះមូលដ្ឋាន ស្រុក ឃុំ និងមកពីគណបក្សមូលដ្ឋានឃុំដំរិលជាច្រើននាក់ នៅរសៀលថ្ងៃអាទិត្យ ទី១៩ ខែមីនា ឆ្នាំ២០២៣ នៅក្នុងឃុំដំរិល ស្រុកអូររាំងឪ ខេត្តត្បូងឃ្មុំ។ ឯកឧត្តម អ៊ាង សុផល្លែត បានលើកឡើងពីសមិទ្ធផលសំខាន់ៗ ជាច្រើនផ្សេងទៀត ដែលស្រុកអូររាំងឪ សម្រេចបាននាពេលកន្លងមក ជូនប្រជាពលរដ្ឋ ក្នុងការកសាងនូវហេដ្ឋារចនាសម្ព័ន្ធផ្លូវថ្នល់ខ្វាត់ខ្វែង ព្រមទាំងកសាង ពង្រឹងសន្តិសុខ និងជីវភាពប្រជាពលរដ្ឋ ជាពិសេសការរៀបចំប្រែក្លាយតំបន់ប្រវត្តិសាស្រ្តបុរាណ ទន្លេស្ងួតនៅក្នុងឃុំព្រះធាតុ ជាតំបន់ទេសចរណ៍ធម្មជាតិ អព្យាក្រឹតកាបូន […]
អូស្រ្តាលី នឹងបន្តឈរជាមួយរាជរដ្ឋាភិបាលកម្ពុជា គាំទ្រដល់ការងារបោសសម្អាតមីន រហូតឆ្នាំ២០២៥ ប្រទេសអូស្រ្តាលី នឹងបន្តឈរជាមួយរាជរដ្ឋាភិបាលកម្ពុជា គាំទ្រដល់ការងារបោសសម្អាតមីនមនុស្សធម៌រហូតដល់ឆ្នាំ២០២៥។ ការបញ្ជាក់របស់ឯកឧត្តមJustin Kevin Whyatt ឯកអគ្គរដ្ឋទូតអូស្រា្តលីប្រចាំកម្ពុជា ក្នុងជំនួបជាមួយនឹងឯកឧត្តមទេសរដ្ឋមន្ត្រី លី ធុជ អនុប្រធានទី១ អាជ្ញាធរមានកម្ពុជា កាលម្សិលមិញ។ ឯកឧត្តមទេសរដ្ឋមន្ត្រីលី ធុជ អនុប្រធានទីមួយអាជ្ញាធរមីនកម្ពុជា បានអនុញ្ញាតឲ្យ ឯកឧត្តម Justin Kevin Whyatt ឯកអគ្គរដ្ឋទូតអូស្រា្តលីប្រចាំកម្ពុជា ចូលជួបសម្តែងការគួរ សម និងពិភាក្សាការងារ ស្តីពីភាពជាដៃគូ និងកិច្ចសហប្រ តិបត្តិការសកម្មភាពមីននៅកម្ពុជា។ ឯកឧត្តមទេសរដ្ឋមន្ត្រីលី ធុជ បានថ្លែងអំណរគុណយ៉ាងជ្រាលជ្រៅជូនចំពោះរដ្ឋាភិបាល និងប្រជាជនអូស្រ្តាលី ដែលបានចូលរួមក្នុងការស្វែងរកសុខសន្តិភាព និងការអភិវឌ្ឍនៅកម្ពុជា ចាប់តាំងពីឆ្នាំ១៩៩២ ក៏ដូចជាចូលរួមដល់ការងារបោសសម្អាតមីនមនុស្សធម៌នៅកម្ពុជា ផងដែរ។ ប្រទេសអូស្រ្តាលីគឺជាដៃគូមួយយ៉ាងសំខាន់ក្នុងការងារបោសសម្អាតមីនមនុស្សធម៌ ដែលបច្ចុប្បន្ននេះកំពុងចូលរួមវិភាគទានតាមរយៈគម្រោងបោសសម្អាតមីនដើម្បីលទ្ធផល ។ ក្រៅពីការងារបោសសម្អាតមីន ប្រទេសអូស្រ្តាលី ក៏បានចូលរួមដល់កសាងសមត្ថភាព និងការគាំទ្រដល់ការរៀបចំផែនការយុទ្ធសាស្រ្តជាតិសកម្មភាពមីន ២០១៨-២០២៥ ផងដែរ។ ឯកឧត្តមទេសរដ្ឋមន្ត្រីលី ធុជ បានលើកឡើងអំពីវឌ្ឍនភាពនៃការងារបោសសម្អាតមីន និងការរៀបចំផែនការបន្តឆ្ពោះទៅរកកម្ពុជាគ្មានមីនឆ្នាំ២០២៥ ចាប់ពីឆ្នាំ២០២៣ ស្របតាមទស្សនវិស័យដឹកនាំដ៏ខ្ពង់ខ្ពស់របស់ សម្តេចតេជោ នាយករដ្ឋមន្រ្តី។ ខ្ញុំបានបញ្ជាក់បន្ថែមទៀតថា […]
ចិន រុស្ស៊ី និងអ៊ីរ៉ង់ ធ្វើសមយុទ្ធកងទ័ពជើងទឹករួមគ្នានៅឈូងសមុទ្រអូម៉ង់ ក្រុងប៉េកាំង បាននិយាយថាកងកម្លាំងទ័ពជើងទឹកមកពីប្រទេសចិន អ៊ីរ៉ង់ និងរុស្ស៊ីកំពុងធ្វើសមយុទ្ធរួមគ្នានៅឈូងសមុទ្រអូម៉ង់ ក្នុងសប្តាហ៍នេះចំពេលមានភាពតានតឹងកាន់តែខ្លាំងជាមួយសហរដ្ឋអាមេរិក។ ក្រសួង ការពារជាតិចិន បាននិយាយនៅក្នុងសេចក្តីថ្លែងការណ៍មួយកាលពីថ្ងៃពុធថា “សមយុទ្ធនេះនឹងជួយឱ្យស៊ីជម្រៅកិច្ចសហប្រតិ បត្តិការជាក់ស្តែង រវាងកងទ័ពជើងទឹកនៃប្រទេសដែលចូលរួម និងបញ្ចូលថាមពលវិជ្ជមានទៅក្នុងសន្តិភាព និងស្ថិរភាពក្នុងតំបន់”។ លោក បានបន្ថែមថា ប្រទេសផ្សេង ទៀតក៏កំពុងចូលរួមក្នុងសមយុទ្ធ Security Bond-2023 ដោយមិនផ្តល់ព័ត៌មានលម្អិត។ អ៊ីរ៉ង់ ប៉ាគីស្ថាន អូម៉ង់ និងអេមីរ៉ាត់ អារ៉ាប់រួម សុទ្ធតែមានឆ្នេរ សមុទ្រតាមបណ្តោយឈូងសមុទ្រអូម៉ង់ ដែលស្ថិត នៅមាត់ឈូងសមុទ្រពែរ្សយុទ្ធសាស្ត្រ។ ទីក្រុងប៉េកាំងបានបញ្ជូននាវាពិឃាតមីស៊ីលដឹកនាំណាននីង ( Nanning) ដើម្បីចូលរួមក្នុងសមយុទ្ធ ដែលផ្តោតលើការស្វែងរក និងជួយសង្គ្រោះនៅសមុទ្រនិងបេសកកម្មមិនប្រយុទ្ធផ្សេងទៀត។ សមយុទ្ធដែលគ្រោងធ្វើនៅថ្ងៃពុធ ដល់ថ្ងៃអាទិត្យនេះ កើតឡើងចំពេលមានភាពតានតឹងកាន់តែខ្លាំងឡើងរវាងសហរដ្ឋអាមេរិក និងចិនជុំវិញបញ្ហាជាច្រើនរួមទាំងការបដិសេធរបស់ចិនក្នុងការរិះគន់ទីក្រុងមូស្គូ ជុំវិញការឈ្លានពានអ៊ុយក្រែននិងការបន្តគាំទ្រសេដ្ឋ កិច្ចរុស្ស៊ី។ សហរដ្ឋអាមេរិកនិងសម្ព័ន្ធមិត្តក៏បានថ្កោលទោសការ ឈ្លានពានរបស់រុស្ស៊ីលើអ៊ុយក្រែនដោយដាក់ទណ្ឌកម្មសេដ្ឋកិច្ចលើរុស្ស៊ីនិងផ្គត់ផ្គង់អាវុធការពារដល់អ៊ុយក្រែន ខណៈដែលទំនាក់ទំនងកាន់តែស៊ីជម្រៅរបស់ចិនជាមួយទីក្រុងម៉ូស្គូបា នចោទជាសំណួរអំពីឆន្ទៈដ៏មានសក្តានុពលរបស់ខ្លួនក្នុងការផ្តល់ជំនួយយោធាដល់ប្រធានាធិបតីរុស្ស៊ី លោក វ្ល៉ាឌីមៀ ពូទីន៕ ប្រែសម្រួលដោយ ប៊ុន សុភាព
មនុស្ស២នាក់ បានស្លាប់ និង៤នាក់បាត់ខ្លួន បន្ទាប់ពីការបាក់ដី នៅក្រុងក្បែររដ្ឋធានី ប្រទេសឥណ្ឌូនេស៊ី ហ្សាការតា៖ មន្ត្រីជាន់ខ្ពស់នៃទីភ្នាក់ងារគ្រប់គ្រងគ្រោះ មហន្តរាយ ក្នុងតំបន់បាននិយាយកាលពីថ្ងៃពុធថា មនុស្សពីរនាក់បានស្លាប់ និងបួននាក់ផ្សេងទៀតបានបាត់ខ្លួន បន្ទាប់ពីការរអិលបាក់ដី បានវាយប្រហារទីក្រុង បូហ្គ័រ ក្បែររដ្ឋធានីហ្សាកាតា ប្រទេសឥណ្ឌូនេស៊ី។ មនុស្ស១១នាក់បានរួចផុតពីឧបទ្ទវហេតុវាយប្រ ហារ ក្រុងនៅម៉ោង១១ និង ៤៩ នាទីយប់។ លោកអាម៉ាដ ម៉ូឡាណា ( Ahmad Maulana) មន្ត្រីសារព័ត៌មាននៃទីភ្នាក់ងារគ្រប់គ្រង និងកាត់បន្ថយគ្រោះមហន្ត រាយនៅក្នុងទីក្រុងបាននិយាយថា មនុស្សជាច្រើននាក់បានរងរបួសយ៉ាងធ្ងន់ធ្ងរ។ លោកបានប្រាប់ស៊ីនហួតាមទូរស័ព្ទថា៖ «ភ្លៀងធ្លាក់ខ្លាំងបានបង្កឲ្យមានការបាក់ដី ផ្ទះប្រាំមួយខ្នង និងវិហារឥស្លាមមួយត្រូវបានបំផ្លាញ។ ឧបទ្ទវហេតុនេះក៏បានរំខានដល់ការដឹកជញ្ជូនរថភ្លើងពីទីប្រជុំជនបូហ្គ័រ ( Bogor) ទៅកាន់ស្រុក ស៊ូកាប៊ូមី (Sukabumi) នៃខេត្តចាវា ខាងលិច (West Java)ផងដែរ។ គួរបញ្ជាក់ថាប្រតិបត្តិការស្វែងរកអ្នកបាត់ខ្លួនកំពុងដំណើរការនៅឡើយ៕ ប្រែសម្រួលដោយ ប៊ុន សុភាព
ទឹកជំនន់នៅតួកគី សម្លាប់មនុស្ស១៣នាក់ ក្នុងខេត្តដែលធ្លាប់រងគ្រោះរញ្ជួយដី អាជ្ញាធរបាននិយាយថា ទឹកជំនន់ដែលបង្កឡើងដោយភ្លៀងធ្លាក់ខ្លាំងបានវាយប្រហារខេត្តចំនួនពីររបស់ប្រទេសតួកគី ដែលត្រូវបានបំផ្លិចបំផ្លាញដោយការ រញ្ជួយដី កាលពីខែមុនដោយបានសម្លាប់មនុស្សយ៉ាងហោចណាស់ ១៣នាក់។ ទឹកជំនន់នេះ បង្កើនការលំបាក ដល់មនុស្សរាប់ពាន់នាក់ ដែលគ្មានផ្ទះសម្បែង។ មនុស្សជាច្រើននាក់ ត្រូវបានគេជម្លៀសចេញពីកន្លែងបោះជំរុំដែលមានទឹកលិចជាកន្លែង ដែលអ្នករួចរស់ជីវិតពីការរញ្ជួយដីកំពុងជ្រកក្នុងតង់។ ទូរទស្សន៍ ហេប៊ើ ធើក (HaberTurk )បានរាយការណ៍ថា អ្នកជំងឺក៏ត្រូវបានជម្លៀសចេញពីមន្ទីរពេទ្យផងដែរ។ រូបភាពបានបង្ហាញពីទឹកជន់លិចតាមដងផ្លូវមួយ និងបានបោកបក់រថយន្តទៅឆ្ងាយ។ ទីភ្នាក់ងារគ្រប់គ្រងគ្រោះមហន្តរាយរបស់ប្រទេសតួកគី បាននិយាយថា អ្នកមុជទឹកអាជីពជាងដប់នាក់បានចូលរួមក្នុងកិច្ចខិតខំប្រឹងប្រែងជួយ សង្គ្រោះនៅក្នុងខេត្តនីមួយៗនៃខេត្តទាំងពីរ។ គួរបញ្ជាក់ថា ការរញ្ជួយដីដ៏ខ្លាំងក្លា បានវាយប្រហារផ្នែកខ្លះនៃប្រទេសតួកគី និងស៊ីរីកាលពីថ្ងៃទី ៦ ខែកុម្ភៈ បានសម្លាប់មនុស្សជាង ៥២០០០ នាក់ ដែលភាគច្រើននៅក្នុងប្រទេសទួរគី។ អគារជាង ២០០០០០ នៅក្នុងប្រទេសទួរគីបានដួលរលំ ឬរងការខូចខាតយ៉ាងធ្ងន់ ធ្ងរ៕ ប្រែសម្រួលដោយ ប៊ុន សុភាព
សម្ដេចតេជោ ហ៊ុន សែន អះអាងថា គណបក្សប្រជាជនជានិមិត្តរូបនៃការផ្លាស់ប្ដូរ ក្នុងពិធីចែកសញ្ញាបត្រ ជូននិស្សិតសាកលវិទ្យាល័យបៀលប្រាយជាង ៤ពាន់នាក់ នៅព្រឹកថ្ងៃទី ១៦ ខែមីនានេះ សម្ដេចតេជោ ហ៊ុន សែន នាយករដ្ឋមន្ត្រី និងជាប្រធានគណបក្សប្រជាជនកម្ពុជា បានបញ្ជាក់ថា គណបក្សប្រជាជនកម្ពុជា គឺជានិមិត្តរូបនៃការផ្លាស់ប្ដូរ មិនមែនគណបក្សផ្សេងនោះទេ។ សម្តេចតេជោ មាន ប្រសាសន៍ថា យើងធ្លាប់បានលឺអំពីគណបក្សខ្លះ បាននិយាយថា ពួកគេជានិមិត្តរូបនៃការផ្លាស់ប្ដូរ ក៏ប៉ុន្តែគណបក្សប្រជាជន ដឹកនាំរដ្ឋាភិបាលទៅវិញទេ ដែលជានិមិត្តរូបនៃការផ្លាស់ប្ដូររបស់ព្រះរាជាណា ចក្រកម្ពុជា។ សម្ដេចតេជោ បានបញ្ជាក់ថា មូលហេតុដែលគណបក្ស ប្រជាជនកម្ពុជា ដឹកនាំរាជរដ្ឋាភិបាលហ៊ានអះអាងថា គណបក្សនេះ ជានិមិត្តរូបនៃការផ្លាស់ប្ដូរ។ ពោលផ្លាស់ប្ដូរពីវាលពិឃាដនៃរបបខ្មែរក្រហម មកកាន់ការ រស់រានមានជីវិតឡើងវិញ ផ្លាស់ប្ដូរពីសង្រ្គាមមកកាន់សន្តិភាព និងផ្លាស់ប្ដូរពីភាពក្រីក្រ មកកាន់ប្រទេសមួយមានប្រាក់ចំណូលមធ្យមកម្រិតទាប ព្រមទាំងឈានទៅដល់ការផ្លាស់ប្ដូរនៅឆ្នាំ ២០៣០ ក្លាយទៅជាប្រទេសដែលមានប្រាក់ចំណូលមធ្យមកម្រិតខ្ពស់ និងឆ្នាំ ២០៥០ ក្លាយទៅជាប្រទេសដែលមានប្រាក់ចំណូលខ្ពស់៕
សម្តេចតេជោ លើកទឹកចិត្តឱ្យបង្កើនការបណ្តុះបណ្តាលជំនាញពិសេសសម្រាប់ជនពិការ ដើម្បីលើកកម្ពស់សមត្ថភាព និងលទ្ធភាពទទួលបានការងារធ្វើ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណា ចក្រកម្ពុជា បានលើកទឹកចិត្តឱ្យបង្កើនកិច្ចសហការរៀបចំការបណ្តុះបណ្តាលជំនាញពិសេស និងប្រើប្រាស់បច្ចេក ទេស សមស្របសម្រាប់ការសិក្សារបស់ជនមានពិការភាព ដើម្បីលើកកម្ពស់សមត្ថភាព និងលទ្ធភាពទទួលបានការងារធ្វើជាមួយបៀវត្សខ្ពស់ ក៏ដូចជាធ្វើឱ្យជនមានពិការភាពអាចចូលរួមកាន់តែច្រើន ពេញលេញ និងស្មើសិទ្ធិក្នុងទីផ្សារការងារ ទាំងក្នុងវិស័យឯកជន និងវិស័យសាធារណៈ។ ថ្លែងក្នុងពិធីបើកសន្និសីទជនមានពិការភាពប្រចាំតំបន់អាស៊ី និងអាស៊ីប៉ាស៊ីហ្វិកលើកទី៥នៅសណ្ឋាគារសុខា រ៉េស៊ីដង់ភ្នំពេញ នៅព្រឹកថ្ងៃទី១៥ ខែមីនា ឆ្នាំ២០២៣ នេះ សម្ដេចតេជោ ហ៊ុន សែន នាយករដ្ឋមន្ត្រី បានជំរុញឲ្យបង្កើនកិច្ចសហការរវាងប្រជាជន រដ្ឋាភិបាល ដៃគូអភិវឌ្ឍ និងសង្គមស៊ីវិលត្រូវបានលើកទឹកចិត្ត សំដៅចែករំលែកបទពិសោធ ផ្លាស់ប្តូរបច្ចេកវិទ្យាព័ត៌មាន និងឧត្តមានុវត្តន៍ជាក់ស្តែង សម្រាប់ជាធាតុចូលដល់ការសម្រួចបន្ថែមលើផែនការអភិវឌ្ឍវិស័យពិការភាពនៅកម្រិត សហគមន៍ឱ្យបាន។ សម្តេចតេជោ បានលើក ទឹកចិត្តឱ្យបន្តពង្រឹងអនុវត្ត និងពង្រីកការអភិវឌ្ឍសហគមន៍ប្រកបដោយបរិយាប័ន្ន មានប្រសិទ្ធភាព និងទូលំទូលាយ និងសូមអំពាវនាវឱ្យមានការចូលរួមជាមួយគ្នា ក្នុងស្មារតីជីវភាពនៃប្រព័ន្ធតួអង្គតែមួយ ក្នុងការអនុវត្តសេចក្តីថ្លែងការណ៍ហ្សាកាតា ស្តីពីទសវត្សរ៍ជនមានពិការភាពប្រចាំតំបន់អាស៊ី និងប៉ាស៊ីហ្វិក ឆ្នាំ ២០២៣-២០៣២ ដើម្បីជាគុណប្រយោជន៍ដល់ជនមានពិការភាព ទាំងក្នុងប្រទេស តំបន់ និងសកល។ សូមបញ្ជាក់ដែរថា […]

អភិបាលខេត្តពោធិ៍សាត់ ថ្វាយគ្រឿងរណ្ដាប់បូជា ថ្វាយលោកតា ឃ្លាំង មឿង សុំទឹកភ្លៀង និងសូមឱ្យជំងឺកូវីដ១៩ ជៀសចេញឱ្យឆ្ងាយ

មីនា ២៣

១០:០៣:០៨ ល្ងាច ២០២០

១០២២ Views

(ពោធិ៍សាត់)៖ ឯកឧត្តម ម៉ៅ ធនិន អភិបាលនៃគណៈអភិបាលខេត្តពោធិ៍សាត់ និងលោកជំទាវ ហ៊ុន ចាន់ធី ប្រធានកិត្តិយស សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ខេត្ត នៅថ្ងៃចន្ទ ទី២៣ ខែមីនា ឆ្នាំ២០២០ នេះ បានរៀបចំថ្វាយទាន ធូប កម្រងផ្កា សម្លៀកបំពាក់ និងគ្រឿងរន្តាប់បូជា ជូនលោកឧកញ៉ា ឃ្លាំង មឿង និងជំទាវ ខាន់ ខៀវ ទៅតាមប្រពៃណីព្រហ្មញ្ញសាសនា ក្នុងគោលបំណងបន់ស្រន់សុំសេចក្តីសុខ សេចក្តីចម្រើន និងទឹកភ្លៀង ជាពិសេសសូមឱ្យប្រជាពលរដ្ឋទូទាំងខេត្តពោធិ៍សាត់ ជៀសផុតពីជំងឺកូវីដ១៩ (COVID-19) ដែលកំពុងរាតត្បាតទូទាំងសកលលោក។

ពិធីនេះត្រូវបានធ្វើឡើង នៅបូជនីយដ្ឋានលោកឧកញ៉ា ដែលមានចម្ងាយប្រមាណ៥គីឡូម៉ែត្រ ពីទីរួមខេត្ត ជាប់ផ្លូវជាតិលេខ៥៥ ស្ថិតក្នុងភូមិកំពែងស្វាយ ឃុំស្នាមព្រះ ស្រុកបាកាន ខេត្តពោធិ៍សាត់ ដោយបានការចូលរួមពីឯកឧត្តម ម៉ក់ រ៉ា ប្រធានក្រុមប្រឹក្សាខេត្ត ថ្នាក់ដឹកនាំក្នុងខេត្ត សមាជិកាសាខាសមាគមនារីខេត្ត និងមន្ត្រីរាជការជាច្រើនរូបទៀត។

បើទោះបីជាខេត្តពោធិ៍សាត់ ពុំទាន់មានករណីកូវីដ១៩ (COVID-19) ផ្ទុះឡើងក៏ពិតមែន ក្នុងនាមថ្នាក់ដឹកនាំខេត្ត ឯកឧត្តម ម៉ៅ ធនិន បានអំពាវនាវសូមឱ្យបងប្អូនប្រជាពលរដ្ឋទូទាំងខេត្ត ត្រូវបន្តការប្រុងប្រយ័ត្នខ្ពស់ ដើម្បីការពារខ្លួនពីជំងឺកូវីដ១៩ ឬជំងឺឆ្លងផ្សេងៗ ព្រមទាំងថែរក្សាសុខភាព និងអនាម័យឱ្យបានជាប់ប្រចាំថ្ងៃ ដោយចងចាំពាក្យស្លោក «ហូបស្អាត ផឹកស្អាត និងរស់នៅស្អាត»។ ជាមួយគ្នានោះ ស្របតាមសេចក្តីប្រកាស របស់គណៈសង្ឃនាយក នៃព្រះរាជាណាចក្រកម្ពុជា ដែលតម្រូវឱ្យគ្រប់វត្តអារាមទូងស្គរ សូត្រធម៌ នារសៀលថ្ងៃទី២៣ ខែមីនា ឆ្នាំ២០២០ ដើម្បីកម្ចាត់គ្រោះចង្រៃ ដែលកើតឡើងដោយមេរោគ COVID-19។

សម្រាប់ខេត្តពោធិ៍សាត់ គ្រប់វត្តអារាមទូទាំងខេត្ត នឹងចាប់ផ្ដើមទូងស្គរយ៉ាងកងរំពង ដោយមានការសូត្រធម៌តាមសាសនា នាវេលាម៉ោង៣រសៀលនេះ ដើម្បីកម្ចាត់គ្រោះមហន្តរាយ ដែលបង្កឡើងដោយវីរុស COVID-19 ៕