ថ្ងៃ អាទិត្យ ទី២១ ខែ ឧសភា ឆ្នាំ២០២២

 ព័ត៌មានថ្មី   
  • រាជធានីភ្នំពេញ និង រដ្ឋធានីហាណូយ បន្តជំរុញកិច្ចសហប្រ តិបត្តិការ លើវិស័យវិនិយោគ ពាណិជ្ជកម្ម ទេសចរណ៍ វប្បធម៌ និងអប់រំ សមាជិកគណៈកម្មាធិការកណ្តាល គណបក្សប្រជាជាជនកម្ពុជា ប្រធានគណៈកម្មាធិការគណបក្សប្រជាជាជនកម្ពុជារាជធានីភ្នំពេញ និងជាអភិបាលនៃគណៈអភិបាលរាជធានីភ្នំពេញ ឯកឧត្តម ឃួង ស្រេង និង ឯកឧត្តម ម៉ប់ សារិន ប្រធានក្រុមប្រឹក្សារាជធានីភ្នំពេញ កាលពីរសៀលថ្ងៃទី២៧ ខែមេសា ឆ្នាំ២០២២នេះ បានទទួលស្វាគមន៍វត្តមាន គណៈប្រតិភូជាន់ខ្ពស់ រដ្ឋធានីហាណូយ នៃសាធារណរដ្ឋសង្គមនិយមវៀតណាម ដឹកនាំដោយ ឯកឧត្តម ឌិញ ទៀន ហ្ស៊ង សមាជិក ការិយាល័យនយោបាយ នៃគណៈកម្មាធិ ការមជ្ឈិមបក្សកុម្មុយនីស្តវៀតណាម លេខាគណៈកម្មាធិការបក្សរដ្ឋធានីហាណូយ ខណៈដែលប្រតិភូនេះ អញ្ជើញមកបំពេញទស្សនកិច្ចនៅកម្ពុជា។ កិច្ចប្រជុំពិភាគ្សាការងារនេះ បង្ហាញអំពីកិច្ចសហប្រតិបត្តិការការងាររវាងទីក្រុងទាំងពីរ ដែលបានចងសម្ព័ន្ធមេត្រីភាពនៃទីក្រុងទាំង២ រយៈពេល ១៨ឆ្នាំកន្លងមក ដែលមានគ្រប់វិស័យ ពិសេសការវិនិយោគ ពាណិជ្ជកម្ម ទេសចរណ៍ វប្បធម៌និងអប់រំជាដើម។ ឯកឧត្តម ឃួង ស្រេង ក្នុងឱកាសនោះ បានលើកឡើងពីស្ថានភាពរបស់រាជធានីភ្នំពេញ ដែលកំពុងតែមានការអភិវឌ្ឍន៍រីកចំរើនយ៉ាងខ្លាំង ក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ។ ដោយឯកឧត្តមបញ្ជាក់ថា នៅភ្នំពេញ […]
  • ស្ពានអាកាសថ្មើរជើងសន្ធរម៉ុក គ្រោងនឹងសម្ពោធដាក់អោយប្រើប្រាស់ នៅពេលដ៏ខ្លីខាងមុខ ក្រោមវត្តមានអភិបាលរាជធានីភ្នំពេញ ស្ពានអាកាសថ្មើរជើងសន្ធរម៉ុក ស្ថិតក្នុងខណ្ឌទួលគោក គ្រោងនឹងសម្ពោធដាក់អោយប្រើប្រាស់នៅពេលដ៏ខ្លីខាងមុខនេះ ខណៈដែលការដ្ឋាន សាងសង់ស្ពានអាកាសថ្មើរជើងមួយនេះបានស្ថាបនារួចរាល់១០០%ហើយ ដើម្បីទុកអោយបងប្អូនប្រជាពលរដ្ឋ ពិសេសប្អូនៗ ក្មួយសិស្សានុសិស្សបានដើរឆ្លងកាត់ ដែលអាចកាត់បន្ថយបាន នូវគ្រោះថ្នាក់ចរាចរណ៍។ ប្រធានមន្ទីរសាធារណការនិងដឹកជញ្ជូនរាជធានីភ្នំពេញ បានអោយដឹងនៅព្រឹកថ្ងៃទី២៨ ខែមេសានេះថា ស្ពានអាកាសថ្មើរជើងសន្ធរម៉ុកនេះ ជាសមិទ្ធផលថ្មីមួយទៀតរបស់ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ ។ ការដ្ឋាននេះ ស្ថាបនាបានរួចរាល់១០០% ហើយ គ្រោងនឹងសម្ពោធដាក់អោយប្រើប្រាស់នៅពេលដ៏ខ្លីខាងមុខនេះ ក្រោមវត្តមាន ឃួង ស្រេង អភិបាលរាជធានីភ្នំពេញ ដើម្បីទុកអោយបងប្អូនប្រជាពលរដ្ឋពិសេសប្អូនៗ កូនក្មួយសិស្សានុសិស្សបានដើរឆ្លងកាត់ព្រោះថា ស្ពានថ្មើជើងមួយនេះ បានហោះលើមហាវិថីធំៗ២ខ្សែ និងនៅលើចំណុចប្រសព្វផ្លូវបែកជា៤ ដែលត្រូវមានអ្នកដើរឆ្លងកាត់ច្រើន។ ដោយមើលឃើញពីបញ្ហានេះ ទើបឯកឧត្តម ឃួង ស្រេង ណែនាំអោយស្ថាបនាស្ពានអាកាសថ្មើជើងថ្មីនេះឡើង។ យុវជន ហ៊ុន ពេជ្រធន់នរៈ បានបង្ហាញពីការចាប់អារម្មណ៍ថា បន្ទាប់ពីមានស្ពានមួយនេះហើយ ពួកគេមានភាពងាយ ស្រួលក្នុងការធ្វើដំណើរឆ្លងកាត់ដោយជួយកាត់បន្ថយនូវគ្រោះថ្នាក់ជាយថាហេតុ និង មិនបាច់រងចាំស្តុបមិនចំណា យពេលយូរ ដូចជាការពេលដែលមិនទាន់មានស្ពានអាកាស ។ ជាមួយគ្នានោះ ប្រជាពលរដ្ឋបានថ្លែងអំណរគុណដល់រាជរដ្ឋាភិបាល និងគណៈអភិបាលរាជធានីភ្នំពេញ ដែលបានកសាងស្ពានអាកាសនេះឡើង […]
  • ប្រទះឃើញវត្តមានខ្លារខិនញី ជាប្រភេទសត្វរងគ្រោះថ្នាក់ជិតផុតពូជបំផុត និងពពួកសត្វក្រចកជើងចំពាម ក្នុងតំបន់ព្រៃទេសភាពខ្ពង់រាបភាគខាងកើត ក្រុមអ្នកជំនាញស្រាវជ្រាវសត្វព្រៃ នៃមន្ទីរបរិស្ថានខេត្ត មណ្ឌលគិរីនៃក្រសួងបរិស្ថាន និងអង្គការWWF មានក្តីរំភើបជាខ្លាំង ខណៈដែលពួកគេបានផ្តល់សេចក្តីរាយការណ៍ពីលទ្ធផលនៃការតាមដានសត្វព្រៃ នៅក្នុងតំបន់ព្រៃទេសភាពខ្ពង់រាបភាគខាងកើតត្រឹមខែមេសានេះ ដោយបានបញ្ជាក់ពីវត្តមានរបស់សត្វខ្លារខិនញី១ក្បាល តាមរយៈរូបថតដ៏កម្រដែលថតដោយម៉ាស៊ីនថតស្វ័យប្រវត្តិ។ លទ្ធផលនៃការតាមដានសត្វព្រៃ ក៏បានបង្ហាញផងដែរពីវត្តមាននៃពពួក សត្វក្រចកជើងចំពាមរួមមានសត្វប្រើស ដែលជាប្រភេទសត្វកម្រ សត្វជ្រូកព្រៃ សត្វឈ្លូស ក៏ដូចជាសត្វស្លាប និងស្វាក្តាមផងដែរ។ សត្វខ្លារខិនត្រូវបានចាត់ថ្នាក់ក្នុងបញ្ជីក្រហមរបស់អង្គការ IUCN ថាជាប្រភេទសត្វរងគ្រោះថ្នាក់ជិតផុតពូជបំផុត ហើយចំនួនវាត្រូវបានបាត់បង់ពីទីជម្រកដែលវាធ្លាប់រស់នៅនៃប្រទេសក្នុងតំបន់អាស៊ីអាគ្នេយ៍។ តំបន់ព្រៃទេសភាពខ្ពង់រាបភាគ ក្នុងប្រទេសកម្ពុជាគឺជាទីជម្រកចុងក្រោយសម្រាប់ប្រភេទសត្វខ្លារខិននេះ ដែលអ្នកវិទ្យាសាស្ត្រជឿថានៅសេសសល់ចំនួនតិចតួចបំផុត។ បើទោះជាយ៉ាងនេះក្តី សត្វមំសាសីដ៏កម្របំផុតមួយប្រភេទនេះកំពុងបន្តទទួលរងការគំរាមកំហែងនឹងការផុតពូជដោយសារវិបត្តិអន្ទាក់ដែលបានរាលដាលឡើងដោយការជួញដូរសត្វ ព្រៃខុសច្បាប់។ សត្វខ្លារខិនអាចប្រឈមមុខនឹងជោគវាសនាដូចគ្នានឹងសត្វខ្លាធំដែលបានផុតពូជទៅហើយ ដោយហេតុ ថាចំនួននៅសេសសល់ដ៏តិចតួចបំផុតរបស់វានៅក្នុងប្រទេសកម្ពុជាកំពុងប្រឈមនឹងហានិភ័យខ្ពស់នៃការជាប់អន្ទាក់ដែលបានលាក់បង្កប់ខ្លួនយ៉ាងស្ងៀមស្ងាប់នៅក្នុងជម្រកព្រៃហើយរង់ចាំស្ទាក់ចាប់ និងសំលាប់សត្វគ្រប់ប្រភេទទាំងអស់រួមទាំងសត្វខ្លារខិន សត្វក្រចកជើងចំពាម និងសត្វព្រៃផ្សេងៗទៀតដោយមិនរើសមុខឡើយ។ ដើម្បី ដោះស្រាយវិបត្តិនេះ តួអង្គសំខាន់ៗនៃស្ថាប័នរបស់រាជ រដ្ឋាភិបាលពាក់ព័ន្ធ និងអង្គការអន្តរជាតិជាដៃគូក្នុងវិស័យបរិស្ថានបានបើកយុទ្ធនាការ«អន្ទាក់-សូន្យក្នុងតំបន់ការ ពារធម្មជាតិកម្ពុជា»កាលពីដើមខែមីនាឆ្នាំ២០២២កន្លងទៅនេះ ដោយបានប្តេជ្ញាចិត្តរួមគ្នាបញ្ចប់វិបត្តិអន្ទាក់ និងការជួញដូរសត្វព្រៃខុសច្បាប់ ដើម្បីការពារអនាគតប្រជាជន និងការរស់រានរបស់សត្វព្រៃកម្ពុជា៕
  • វគ្គបណ្តុះបណ្តាលប្រឆាំងការសម្អាតប្រាក់ និងប្រឆាំងហិរញ្ញ ប្បទានភេរវកម្មនៃក្រសួងបរិស្ថាន ជូនដល់មន្ត្រីនគរបាលយុត្តិធម៌ ក្រុមការងារប្រឆាំងការសម្អាតប្រាក់និងប្រឆាំងហិរញ្ញប្បទានភេរវកម្មនៃក្រសួងបរិស្ថាន នៅថ្ងៃទី២៨ ខែមេសា ឆ្នាំ ២០២២ បានបើកវគ្គបណ្តុះបណ្តាលគោលការណ៍ណែនាំស្តីពីបែបបទនិងនីតិវិធីប្រតិបត្តិស្តង់ដារសម្រាប់ការស៊ើបអង្កេត និងការរៀបចំសំណុំរឿងសម្អាងបទល្មើស និងបទល្មើសសម្អាតប្រាក់ និងហិរញ្ញប្បទានភេរវកម្មជូនមន្ត្រីនគរបាលយុត្តិធម៌នៃមន្ទីរបរិស្ថាន ខេត្តកំពង់ស្ពឺ ក្រោមអធិបតីភាពឯកឧត្តម នេត្រ ភក្ត្រា រដ្ឋលេខាធិការ និងជាអនុប្រធានអចិន្ត្រៃយ៍នៃក្រុមការងារប្រឆាំងការសម្អាតប្រាក់និងហិរញ្ញ ប្បទានភេរវកម្ម និងប្រឆាំងនឹងហិរញ្ញប្បទានដល់ការរីក សាយភាយអាវុធមហាប្រល័យនៃក្រសួងបរិស្ថានដោយមានការចូលរួមពីមន្រ្តីនគរបាលយុត្តិធម៌ មន្ត្រីអនុវត្តច្បាប់ និងមន្ត្រីជំនាញនៃក្រសួងបរិស្ថានជាច្រើនរូប។ ឯកឧត្តមរដ្ឋលេខាធិការក្រសួងបរិស្ថានបានថ្លែងថា វគ្គបណ្តុះបណ្តាលនេះមានសារៈសំខាន់ដើម្បីពង្រឹងសមត្ថភាពមន្ត្រីជំនាញក្នុងការអនុវត្តច្បាប់ទាក់ទងនឹងច្បាប់ស្តីពីតំបន់ ការពារធម្មជាតិ និងការរៀបចំសំណុំរឿងសម្អាងបទល្មើស និងបទល្មើសសម្អាតប្រាក់ក្នុងហិរញ្ញប្បទានភេរវកម្មពាក់ព័ន្ធនឹងបទល្មើសធនធានធម្មជាតិ។ ឯកឧត្តម នេត្រ ភក្ត្រា បានថ្លែងថា៖ «ក្រៅពីច្បាប់ស្តីពីតំបន់ការពារ ធម្មជាតិដែលប្រើប្រាស់ក្នុងកិច្ចការពារនិងអភិរក្សធនធានធម្មជាតិ មន្ត្រីនគរបាលយុត្តិធម៌នៃក្រសួងបរិស្ថានត្រូវពិនិត្យលើសម្អាងបទល្មើសដែលអាចពន្លាតដល់ការអនុវត្តច្បាប់ស្តីពីការប្រឆាំងនឹងការសម្អាតប្រាក់និងហិរញ្ញប្បទានភេរវកម្មក្នុងបទល្មើសធនធានធម្មជាតិ ក្នុងករណី មានតម្រុយដែលឈានដល់ការកសាងសំណុំរឿងពាក់ព័ន្ធនឹងការសម្អាតប្រាក់។ មន្ត្រីជំនាញផ្នែកច្បាប់ និងមន្ត្រីនៃក្រសួងបរិស្ថានបានធ្វើបទបង្ហាញជូនសិក្ខាកាមជាបន្តបន្ទាប់ពីច្បាប់ស្តីពីតំបន់ការពារ ធម្មជាតិ ច្បាប់ស្តីពីការប្រឆាំងការសម្អាតប្រាក់និងហិរញ្ញប្ប ទានភេរវកម្ម គោលការណ៍ណែនាំស្តីពីបែបបទនិងនីតិវិធីប្រតិបត្តិស្តង់ដារសម្រាប់ការស៊ើបអង្កេត និងការរៀបចំសំណុំរឿងសម្អាងបទល្មើស និងបទល្មើសសម្អាតប្រាក់និងហិរញ្ញប្បទានភេរវកម្ម ព្រមទាំងបានចែករំលែកបទពិសោធការងារពាក់ព័ន្ធនឹងការចងក្រងសំណុំរឿងពាក់ព័ន្ធនឹងការសម្អាតប្រាក់នាពេលកន្លងទៅ។ ឯកឧត្តមរដ្ឋលេខាធិការបានជំរុញឱ្យមន្ត្រីអនុវត្តច្បាប់ត្រូវយកចិត្តទុកដាក់បន្តអនុវត្តច្បាប់ឱ្យបានហ្មឺងម៉ាត់ និងប្រកបដោយការទទួលខុសត្រូវ និងវិជ្ជាជីវៈដើម្បីបង្កើនប្រសិទ្ធភាពខ្ពស់ក្នុងកិច្ចការពារ និងអភិរក្សធនធានធម្មជាតិ និងជាពិសេសទប់ស្កាត់និងបង្ក្រាបបទល្មើសទាក់ទងនឹងការសម្អាតប្រាក់ពាក់ព័ន្ធនឹងបទល្មើសធនធានធម្មជាតិ៕
  • ប្រធានាធិបតីអាមេរិក Jeo Biden អញ្ជើញសម្ដេចតេជោនាយករដ្ឋមន្រ្តី ចូលរួមដោយផ្ទាល់ក្នុងកិច្ចប្រជុំកំពូលពិសេសអាស៊ាន-អាមេរិក នៅរដ្ឋធានីវ៉ាស៊ីនតោន នៅថ្ងៃទី១២-១៣ ឧសភា ២០២២ ប្រធានាធិបតីអាមេរិក Jeo Biden អញ្ជើញសម្ដេចតេជោនាយករដ្ឋមន្រ្តី ចូលរួមដោយផ្ទាល់ក្នុងកិច្ចប្រជុំកំពូលពិសេសអាស៊ាន-អាមេរិក នៅរដ្ឋធានីវ៉ាស៊ីនតោន នៅថ្ងៃទី១២-១៣ ឧសភា ២០២២
  • រថយន្តដឹកពលករខ្មែរ បុកពីក្រោយរថយន្តសណ្ដោងកង់១៨ ស្លាប់២ របួសធ្ងន់-ស្រាល ១២នាក់ (ខេត្តបន្ទាយមានជ័យ,ថ្ងៃទី២៤ ខែមេសា ឆ្នាំ២០២២)៖ប្រភពព័ត៌មានពីប្រទេសថៃបានរាយការណ៍មកថាកាលពវេលាម៉ោងប្រមាណ៣ទាបភ្លឺ ថ្ងៃទី២៣ មេសា ២០២២ មានឧបត្តិហេតុរថយន្តប៊ិចអាប់ មួយគ្រឿងបានបុកពីក្រោយរថយន្តផ្ទុកទំនិញធុនធ្ងន់ នៅលើផ្លូវជាតិលេខ៣៥៩ ស្រះកែវ-ខៅហ៊ីនសន ស្ថិតក្នុងភូមិម៉ៃប្រៃវ៉ាល់ ឃុំស្រះខ្វាន់ ទីរួមខេត្តស្រះកែវ។ប្រភពបានឲ្យដឹងថា រថយន្តប៊ិចអាប់តូយ៉ូតា វីហ្គោ ពាក់ស្លាកលេខกท2559ស្រះកែវ ដែលអ្នកបើកមានឈ្មោះ លិឃីត ធម្មប្រះឌិត អាយុ៣០ឆ្នាំ ជាជនជាតិថៃ បានបុកពីក្រោយរថយន្តសណ្ដោងកង១៨ ពាក់ស្លាកលេខ71-4185រៈយ៉ង អ្នកបើកមានឈ្មោះចុះសេន ខុនតាល។ ក្រោយពីសមត្ថកិច្ចត្រួតពិនិត្យរថយន្តដែលជួបគ្រោះថ្នាក់នោះ បានរកឃើញថាមានអ្នករងរបួសធ្ងន់-ស្រាលជាច្រើន និងអ្នកស្លាប់នៅកន្លែងកើតហេតុចំនួន២នាក់ គឺប្រពន្ធអ្នកបើករថយន្តប៊ិចអាប់ជនជាតិថៃ និងក្មេងប្រុសខ្មែរ នៅមិនទាន់ដឹងឈ្មោះ អាយុប្រមាណ១ខួប។ ដោយឡែកអ្នករងរបួស ១១នាក់ ជាពលករខ្មែរ។ឯឈ្មោះ លិឃីត ធម្មប្រះឌីត ប្រុស អាយុ៣០ឆ្នាំជនជាតិថៃ ជាមេខ្យល់និងជាអ្នកបើករថយន្តប៊ិចអាប់។ ក្រោយពីការសួរនាំជំហានដំបូងរបស់សមត្ថកិច្ច ឈ្មោះលកឃីត បានប្រាប់ថា បានទទួលការទំនាក់ទំនងពីក្រុមបណ្ដាញនាំពលករខ្មែរ អោយមកទទួលពលករខ្មែរនៅបរិវេណតាមបន្ទាត់ព្រំដែនថៃ-កម្ពុជា ក្នុងទឹកដីស្រុកខ្លងហាត មានព្រំប្រទល់ជាប់ជាមួយស្រុកអារញ្ញ ដោយឲ្យដេកនៅស្រុកភ្នំសារខាម ខេត្តឆះឈើងសៅ ចំនួន១២នាក់។ សរុបអ្នកធ្វើដំណើរទាំងអស់១៤នាក់ នៅពេលទៅដល់គោលដៅនិងបានទទួលប្រាក់ថ្លៃឈ្នួលពីពលករខ្មែរ ដោយអ្នកបើករថយន្តគ្រោះថ្នាក់បានរងរបួស។ដោយឡែកអ្នករងរបួសជនជាតិខ្មែរទាំងអស់ សមត្ថកិច្ចនិងក្រុមសង្រ្គោះ បញ្ជូនទៅព្យាបាលនៅមន្ទីរពេទ្យសម្ដេចព្រះ […]
  • https://fb.watch/cA-UnXmCU-/ ក្រសួងការបរទេស បង្ហាញលទ្ធផលនៃការអញ្ជើញចូលរួមកិច្ចប្រជុំកំពូលលើកទី ៤ ស្តីពី «បញ្ហាទឹកនៅតំបន់អាស៊ី- ប៉ាស៊ីហ្វិក» របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នៅទីក្រុងខឹម៉ាមូតុ ប្រទេសជប៉ុន ពីថ្ងៃទី២៣ ដល់ទី ២៤ ខែមេសា ឆ្នាំ២០២២។
  • សម្តេចតេជោ ចាត់ទុកគម្រោងការពារទឹកជំនន់ ក្នុងរាជធានីភ្នំពេញ នឹងជួយកាត់បន្ថយទឹកលិចក្នុងក្រុង សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងលោក ការីម៉ាតា អាហ្សូហ្ស៉ី ភារធារីស្តីទីស្ថានទូតជប៉ុនប្រចាំកម្ពុជា នៅព្រឹកថ្ងៃពុធ ទី២០ ខែមេសា បានអញ្ជើញសម្ពោធសមិទ្ធផលនានា ដែលជាគម្រោង ការ ពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញជំហានទី៤ ក្រោមហិរញ្ញប្បទានឥតសំណងពីប្រទេសជប៉ុន។ សម្តេចតេជោ ហ៊ុន សែន នាយករដ្ឋ មន្ត្រីកម្ពុជា ចាត់ទុកគម្រោងនេះ នឹងជួយដល់ការកាត់ បន្ថយការជន់លិចក្នុងក្រុងភ្នំ ពេញ។ ថ្លែងសម្ពោធសមិទ្ធផលនានា ដែលជាគម្រោង ការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញជំហានទី៤ នៅព្រឹកម៉ិញ សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មានប្រសាសន៍ថា គម្រោងនេះមានភាពចាំបាច់ណាស់ សម្រាប់ធ្វើការរំដោះទឹក និងសំដៅកាត់បន្ថយការជន់លិចរយ:ពេលយូរ ក្នុងរាជធានីភ្នំពេញ។ សមិទ្ធផលនេះ បានកើតចេញពីទំនាក់ទំនងកិច្ចសហប្រតិបត្តិការ និងផ្លែផ្កានៃទំនាក់ទំនងយ៉ាងល្អ រវាងកម្ពុជា និងរដ្ឋាភិបាលជប៉ុន។ សម្តេចតេជោ មិនភ្លេចអរគុណដល់ជប៉ុន ដែលតែងតែផ្តល់ហិរញ្ញប្បទានឥតសំណងយ៉ាងសន្ធឹកសន្ធាប់ សម្រាប់កសាងហេដ្ឋារចនាសម្ព័ន្ធ នៅកម្ពុជា ។ ឯ.ឧ ឃួង ស្រេង […]
  • ប្រជាការពារ ជាកម្លាំងស្នូលនៅថ្នាក់មូលដ្ឋាន ការអនុវត្តគោលនយោបាយជាតិភូមិ ឃុំ សង្កាត់មានសុវត្ថិភាព «ប្រជាការពារគឺជាកម្លាំងស្នូលនៅថ្នាក់មូលដ្ឋាន និងបានដើរតួនាទីសំខាន់ក្នុងការអនុវត្តគោលនយោបាយជាតិភូមិ ឃុំ សង្កាត់មានសុវត្ថិភាពដើម្បីចូលរួមក្នុងកិច្ចការពារសន្តិសុខ សុវត្ថិភាព សណ្តាប់ធ្នាប់ជូនប្រជាពលរដ្ឋនៅមូលដ្ឋាន ដោយបានសហការយ៉ាងស្អិតរមួតជាមួយកម្លាំងមានសមត្ថកិច្ច»។ នេះគឺជាការថ្លែងរបស់ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន និងជាអនុប្រធានក្រុមការងាររាជរដ្ឋាភិ បាលចុះមូលដ្ឋានក្រុងបូកគោ ខេត្តកំពតកាលពីថ្ងៃទី១៩ ខែមេសា ឆ្នាំ ២០២២ ក្នុងអំឡុងពិធីសំណេះសំណាលសាកសួរសុខទុក្ខនិងប្រគល់វិទ្យុ ទាក់ទងចំនួន ៥៦ គ្រឿងជូនប្រជាការពារចំនួន ៥៦នាក់របស់សង្កាត់កោះតូច ក្រុងបូកគោ។ វិទ្យុទាក់ទងដែលឯកឧត្តមរដ្ឋលេខាធិការបានគូសបញ្ជាក់ថាជាមធ្យោបាយមួយដ៏សំខាន់សម្រាប់ទំនាក់ទំនងការពាររវាងប្រជាការពារនិងប្រជាការពារ និងរវាងកម្លាំងមានសមត្ថកិច្ចដើម្បីប្រសិទ្ធភាពការងារ និងបម្រើសេវាជូនប្រជាពលរដ្ឋបានទាន់ ពេលវេលាជាពិសេសចូលរួមរក្សាសណ្ដាប់ធ្នាប់របៀប រៀបរយនិងធ្វើយ៉ាងណាឲ្យភូមិសង្កាត់មានសុវត្ថិភាព កាន់តែផ្តល់ភាពកក់ក្តៅបន្ថែមទៀតក្នុងការរស់នៅដល់ប្រជាពលរដ្ឋក្នុងម្លប់សុខសន្តិភាព។ ឯកឧត្តមអនុប្រធានក្រុមការងាររាជរដ្ឋាភិបាលចុះមូលដ្ឋានក្រុងបូកគោបានថ្លែងអំណរគុណបងប្អូនប្រជាការពារចំពោះការលះបង់ពេលវេលា កម្លាំងកាយ កម្លាំងចិត្តរបស់ដើម្បីការពារសន្តិសុខសណ្ដាប់ធ្នាប់ សុវត្ថិភាពជូនប្រជាពលរដ្ឋក្នុងភូមិសង្កាត់របស់ខ្លួន។ ឯកឧត្តម នេត្រ ភក្ត្រា បានមានប្រសាសន៍ថាក្រុមប្រជាការពារជាកម្លាំងដ៏សំខាន់ ដើម្បីចូលរួមថែរក្សាសុវត្ថិភាព សន្តិសុខជូនប្រជាពលរដ្ឋភូមិសង្កាត់ ហើយកម្លាំងនេះក៏ជាសេនាធិការយ៉ាងសំខាន់របស់ប៉ុស្តិ៍រដ្ឋបាលនគរបាលសង្កាត់ ដើម្បីចូលរួមទប់ស្កាត់ និងបង្ក្រាបរាល់បទល្មើសគ្រប់ប្រភេទដែលកើតមានឡើងក្នុងមូលដ្ឋានផងដែរ។ ឯកឧត្តមបានគូស បញ្ជាក់ថា ភូមឃុំសង្កាត់មានសុវត្ថិភាពជាក្តីប្រាថ្នារបស់ប្រជាពលរដ្ឋគ្រប់រូប ហើយកន្លងមកនេះ ប្រជាការពារបានបំពេញការងារយ៉ាង សកម្មជាមួយអាជ្ញាធរក្នុងការការពារសន្តិសុខ សណ្តាប់ធ្នាប់ជូនប្រជាពលរដ្ឋ។ ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន និងជាអនុប្រធានក្រុមការងាររាជរដ្ឋាភិបាលចុះមូលដ្ឋានក្រុងបូកគោ ខេត្តកំពត […]
  • ក្មេងប្រុសអាយុ១២ឆ្នាំម្នាក់ កំពុងដេញគោត្រឡប់ចូលផ្ទះត្រូវរន្ទះបាញ់ ស្លាប់ (ខេត្តបន្ទាយមានជ័យ,ថ្ងៃទី១៩ ខែមេសា ឆ្នាំ២០២២)៖ក្មេងប្រុសអាយុ១២ ឆ្នាំម្នាក់បានបាត់បង់ជីវិតដោយសាររន្ទះបាញ់ខណៈដេញគោត្រឡប់ចូលផ្ទះ ។ ហេតុការណ៍បានកើតឡើងនៅវេលាម៉ោង០៣និង១៥នាទីរសៀលថ្ងៃទី១៨ ខែមេសា ឆ្នាំ២០២២ ចំណុច.វាលគោកតាម៉ាចម្ងាយពីផ្ទះជនរងគ្រោះប្រមាណជា២,៥០០ម៉ែត្រ ស្ថិតក្នុងភូមិឈូក ឃុំចង្ហា ស្រុអូរជ្រៅ ខេត្តបន្ទាយមានជ័យ។ នគរបាលស្រុកអូរជ្រៅបានឲ្យដឹងថា ក្រោយពីទទួលបានព័ត៌មានពីឈ្មោះ ជា ត្រាន ប្រជាកាពារបានរាយការណ៍មកថា (មានករណីរន្ទះបាញ់ស្លាប់) កម្លាំងនគរបាលមូលដ្ឋានបានចុះទៅដល់កន្លែងកើតហេតុទើបដឹងថាកុមារារងគ្រោះឈ្មោះ រ៉ា រឿន ភេទប្រុស អាយុ១២ឆ្នាំ.នៅភូមិឈូក.ឃុំចង្ហា ស្រុកអូរជ្រៅ ខេត្តបន្ទាយមានជ័យ ។ នគរបាលបានបញ្ជាក់ថា នៅមុនពេលកើតហេតុ មេឃមានធ្លាក់ភ្លៀងលាយឡំជាមួយខ្សល់និងផ្គររន្ទះយ៉ាងខ្លាំង ពេលនោះក្មេងប្រុសរងគ្រោះឃើញសភាពផ្ទៃមេឃមិនស្រួលក៏បានដេញគោដែលយកទៅឃ្វាលនៅឯវាលស្រែត្រឡប់មកផ្ទះ ពេលមកដល់ចំណុចវាលគោកតាម៉ាក៏ត្រូវរន្ទះបាញ់ស្លាប់តែម្តង។សពក្មេងរងគ្រោះបានប្រគល់ជូនក្រុមគ្រួសារចាត់ចែងធ្វើបុណ្យតាមប្រពៃណី បន្ទាប់ពីគណៈកម្មការចម្រុះត្រួតពិនិត្យរួច ៕ ដោយ៖ណុប រក្សា(កែសម្រួលដោយ មណ្ឌល កែវ)
  • រយៈពេល ៣ខែ ឆ្នាំ២០២២ ចំណូលពន្ធ-អាករ ដែល អគ្គនាយកដ្ឋានពន្ធដារប្រមូលបានជាក់ស្ដែង រយៈពេល ៣ខែ ឆ្នាំ២០២២ ចំណូលពន្ធ-អាករ ដែល អគ្គនាយកដ្ឋានពន្ធដារប្រមូលបានជាក់ស្ដែង តាមប្រព័ន្ធគ្រប់គ្រង ទិន្នន័យចំណូលអនឡាញមានចំនួន ៥ ១១៥, ៤២ ប៊ីលានរៀល (ប្រមាណជា ១២៦៣,០៧ លានដុល្លារ) ស្មើនឹង ៤៤,៨០% នៃផែនការច្បាប់ហិរញ្ញវត្ថុប្រចាំឆ្នាំ ធៀបនឹងចំណូលពន្ធ-អាករ។ ក្នុង រយៈពេលដូចគ្នា ឆ្នាំ២០២១ ឃើញថាកើនឡើងចំនួន ៩៣០,៩៩ ប៊ីលានរៀល (ប្រមា ណជា ២២៩, ៨៧ លានដុល្លារ) ស្មើនឹង ២២,២៥%។
  • ឯកឧត្តម ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងជាប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ា ឯកឧត្តម ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ និងជាប្រេសិតពិសេសរបស់ប្រធានអាស៊ានស្ដីពីមីយ៉ាន់ម៉ា បានអញ្ជើញចូលជួបសាវនាការចំពោះឯកឧត្តម នាយឧត្តមសេនីយ៍ជាន់ខ្ពស់ មីង អោង ឡាំង ប្រធានក្រុមប្រឹក្សារដ្ឋបាលរដ្ឋនៃសាធារណរដ្ឋសហភាពមីយ៉ាន់ម៉ា។ ភាគីទាំងពីរបានពិភាក្សា និងផ្លាស់ប្តូរទស្សនៈស្តីពីការអនុវត្ត និងវឌ្ឍនភាពនៃការព្រមព្រៀងជាឯកច្ឆន្នប្រាំចំណុចរបស់អាស៊ាន។
  • អគារទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិ សន្តិ សុខលម្ហសមុទ្រ នៅកោះព្រាបក្នុងខេត្តព្រះសីហនុ សម្ពោធដាក់ឲ្យ ប្រើប្រាស់ជាផ្លូវការ (ខេត្តសីហនុ,ថ្ងៃទី២១ ខែមីនា ឆ្នាំ២០២២)៖ អគារទីបញ្ជាការជួរមុខ អគ្គ លេខាធិការដ្ឋាន នៃគណៈកម្មាធិការជាតិសន្តិសុខលម្ហសមុទ្រ ដែលទើប សាងសង់ថ្មីរួច នៅក្នុងបរិវេណតំបន់កោះព្រាបស្ថិតក្នុងសង្កាត់លេខ ១ ក្រុងព្រះសីហនុត្រូវបានសម្ពោធដាក់ឲ្យដំណើរការជាផ្លូវការ ក្រោមអធិបតី ភាពដ៏ខ្ពង់ខ្ពស់របស់សម្តេចពិជ័យសេនាទៀ បាញ់ ឧបនាយករដ្ឋមន្ត្រី រដ្ឋ មន្ត្រីក្រសួងការពារជាតិ ។ ឯកឧត្តម ឧត្តមនាវីឯក ទៀ សុខា មេបញ្ជាការរងកងទ័ពជើងទឹក និងជាមេ បញ្ជាការទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិ សន្តិសុខលម្ហសមុទ្រមានប្រសាសន៍ថា ទីបញ្ជាការជួរមុខដាក់សម្ពោធឱ្យ ប្រើប្រាស់នាពេលនេះមានចំនួន ៣ ខ្នងរួមមានអាគារទីបញ្ជាការមួយខ្នង កម្ពស់បីជាន់អាគាររោងជាងមួយខ្នងនិងអគារស្នាក់នៅអាហារដ្ឋានមួយខ្នងរួមជាមួយនឹងសមិទ្ធផលជាច្រើន,បានស្ថាបនារួចរាល់នៅក្នុងបរិវេណទីបញ្ជាការ ហើយសមិទ្ធិផលសម្រេចបានទាំងអស់នេះគឺក្រោមការ យកចិត្ត ទុកដាក់ពីរាជរដ្ឋាភិបាលកម្ពុជា ដែលមានសម្តេចអគ្គមហាសេនាបតី តេជោ ហ៊ុន សែនជាប្រមុខដឹកនាំបានធ្វើឱ្យប្រទេសកម្ពុជាមានសុខ សន្តិ ភាពស្ថេរភាពនយោបាយពេញលេញទូទាំងប្រទេសនិងមានការអភិវឌ្ឍន៍លើគ្រប់វិស័យ។ ឯកឧត្តម ឧត្តមនាវីឯក ទៀ សុខា មានប្រសាសន៍បន្ថែមថាបច្ចុប្បន្នកម្លាំង ចំរុះ របស់ទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិ សន្តិសុខលម្ហសមុទ្រ បាននិងកំពុងធ្វើសកម្មភាព ចូលរួមទប់ស្កាត់បទ […]
  • សមត្ថកិច្ចឃាត់ខ្លួនម្តាយចិត្តអប្រិយនាំកូនស្រីយកឱ្យមនុស្សប្រុសរំលោភ (ខេត្តកំពង់ស្ពឺ,ថ្ងៃទី២១ ខែមីនា ឆ្នាំ២០២២)៖ សមត្ថកិច្ចនគរបាលស្រុកឧដុង្គធ្វើការ ឃាត់ខ្លួន ម្តាយចិត្តអប្រិយ និងមនុស្សប្រុសម្នាក់ទៀតភ្លាមៗ ដោយសារតែ ម្តាយចិត្តតិរិច្ឆានរូបនេះ បាននាំកូនស្រីរបស់ខ្លួនអាយុទើបតែ១៣ឆ្នាំ ឱ្យមនុស្សម្នាក់រំលោភរហូតបានសម្រេច ហើយកូនស្រីរត់ទៅប្តឹងសមត្ថកិច្ច។ ហេតុការឃាត់ខ្លួនម្តាយចិត្តតិរិច្ឆាន និងជនល្មោភកាមនេះ នៅក្នុងភូមិចិនដាំម្លូរ ឃុំវាំចាស់ ស្រុកឧដុង្គ ខេត្តកំពង់ស្ពឺ។នគរបាលស្រុកបាននិយាយឱ្យដឹងថាជនសង្ស័យដែលឃាត់ខ្លួន មានឈ្មោះ ពេជ្រ ស្រីអ៊ី ភេទស្រី អាយុ២៨ឆ្នាំ មុខរបរមិនពិតប្រាកដ រស់នៅភូមិចិនដាំម្លូរ ឃុំវាំងចាស់ ស្រុកឧដុង្គ(ជាម្តាយ និងជាអ្នកផ្តល់ទីតាំងរំលោភសេពសន្ថវៈកូនខ្លួន) និងឈ្មោះ សេក ណារិន ភេទប្រុស អាយុ៣៧ឆ្នាំមុខរបរមិនពិតប្រាកដ រស់នៅភូមិព្រៃក្រឡៅ ឃុំត្រពាំងព្រះ ស្រុកព្រៃឈរ ខេត្តកំពង់ចាម (ជាជនល្មោភកាមពាក់ព័ន្ធករណីរំលោភ)។ នគរបាលស្រុកបានបន្តទៀតថា ស្រ្តីជាម្តាយនិងបុរសឈ្មោះ សេក ណារិន អាយុ៣៧ឆ្នាំ នៅភូមិព្រៃក្រឡៅ ឃុំត្រពាំងព្រះ ស្រុកព្រៃឈរ ខេត្តកំពង់ចាម ស្គាល់គ្នា។ ស្រាប់តែម្តាយចិត្តតិរិច្ឆាន បែរជារៀបចំ និងផ្តល់ទីតាំង ឱ្យបុរសរូបនេះរំលោភសេពសន្ធវៈលើឈ្មោះ ម .ស.ន ភេទស្រីអាយុ១៣ឆ្នាំត្រូវជាកូនស្រីបង្កើតរបស់ស្រីសង្ស័យឈ្មោះពេជ្រ […]
  • សម្តេចតេជោ៖ ភាពជោគជ័យនៃការប្រយុទ្ធប្រឆាំងកូវីដ១៩ គឺជាការរួមចំណែកពីផ្ទេរអំណាច ទៅរដ្ឋបាលថ្នាក់ក្រោមជាតិ កិច្ចប្រជុំពេញអង្គគណៈរដ្ឋមន្ត្រី នឹងលើកយកសេចក្តីព្រាងវិសោធនកម្ម ច្បាប់ស្តីពីគ្រប់គ្រងរដ្ឋបាលថ្នាក់ក្រោមជាតិ នៅថ្ងៃទី០១ ខែមេសា ខាងមុខ។ សម្តេចតេជោ មានប្រសាសន៏ថា ភាពជោគជ័យនៃការប្រយុទ្ធប្រឆាំងកូវីដ១៩ គឺជាការរួមចំណែកពីការផ្ទេរអំណាចទៅ រដ្ឋបាលថ្នាក់ក្រោមជាតិ។ ការបញ្ជាក់នេះធ្វើឡើង នៅរសៀលថ្ងៃទី ២១ មិនា ក្នុងពិធីបិទប្រកាសផ្សព្វផ្សាយ និងដាក់ឱ្យអនុវត្តជាផ្លូវការ កម្មវិធីជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ ក្រោមជាតិ ដំណាក់កាលទី២ (២០២១ -២០៣០) នារសៀលថ្ងៃចន្ទ ទី២១ ខែមីនា ឆ្នាំ២០២២។ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណា ចក្រកម្ពុជា មានប្រសាសន៏ថា បទពិសោធន៏ជោគជ័យក្នុងការប្រយុទ្ធប្រឆាំងនឹងកូវីដ-១៩ រយៈពេល២ឆ្នាំ គឺជាជោគជ័យនៃការប្រសិទ្ធភាពក្នុងការបែងចែកមុខងារ និងការផ្ទេរអំណាចកាន់តែច្រើន ទៅកាន់មូលដ្ឋាន។ បញ្ហាកូវីដ១៩ បើនៅចាំរដ្ឋបាលថ្នាក់ជាតិ ហើយរដ្ឋបាលថ្នាក់ក្រោមជាតិមិនអាចធ្វើសកម្មភាព ទៅតាមទំហំការងារ ក្នុងការឆ្លើយតបបន្ទាន់ទេនោះ គឺយើងមិនអាចមានជោគជ័យ ក្នុងការប្រយុទ្ធនឹងកូវីដ-១៩ ដូចបច្ចុប្បន្ននេះទេ។ សម្តេចតេជោ បន្តថា ដោយសារការផ្ទេរ អំណាច សិទ្ធិស្វ័យសម្រេច ទៅមូលដ្ឋាន ទើបធ្វើឲ្យមូលដ្ឋាននីមួយៗ ឈានទៅ សម្រេចបានសមិទ្ធផលនេះ។ […]

ឯ.ឧ. ស៊ុន ចាន់ថុល: វិទ្យាស្ថានតេជោសែន នឹងបណ្តុះ បណ្តាលឲ្យកូនខ្មែរ មានសមត្ថភាពអាចសាងសង់ស្ពានថ្នល់ដោយខ្លួនឯង


កុម្ភៈ ២២
០៣:០២:៥២ ល្ងាច ២០២១
  ៣៨៥ Views
ឯកឧត្តមទេសរដ្ឋមន្ត្រី ស៊ុន ចាន់ថុល បានគូសបញ្ជាក់អំពីសារសំខាន់នៃវិទ្យាស្ថានតេជោសែន សាធារណការ និងដឹកជញ្ជូន នៃក្រសួងសាធារណការ និងដឹកជញ្ជូន ដែលអាចផ្តល់ការបណ្តុះបណ្តាលកូនខ្មែរឱ្យមានសមត្ថភាពអាចសាង សង់ហេដ្ឋារចនាសម្ព័ន្ធស្ពានថ្នល់ដោយខ្លួនឯងដោយមិនចាំបាច់ពឹងផ្អែកលើក្រុមហ៊ុនសាងសង់របស់បរទេស។
ការបញ្ជាក់នេះ ធ្វើឡើងក្នុងឱកាសណែនាំសិស្សានុសិស្សាថ្នាក់ទី១២ និងសាធារណជន សរុបប្រមាណ៤៥០នាក់ មកស្វែងយល់នូវមុខជំនាញ និងកម្មវិធីសិក្សារបស់វិទ្យាស្ថានតេជោ សែន សាធារណការ និងដឹកជញ្ជូន ក្នុងកម្មវិធីតម្រង់ទិសជំនាញសិក្សា និងការងាររបស់វិទ្យាស្ថានតេជោសែន សាធារណការ និងដឹកជញ្ចូន កាលពីម្សិលម៉ិញ។
ឯកឧត្តមទេសរដ្ឋមន្ត្រី បានប្ដេជ្ញាចិត្តយ៉ាងមុតមាំ ថានឹងជួយជំរុញសិស្សនិស្សិត ដែលបានបញ្ចប់ការសិក្សានៅក្នុងវិទ្យា ស្ថាននេះ ឲ្យបានចុះទៅតាមការដ្ឋានសាងសង់នានា ដោយផ្ទាល់ ដើម្បីដកស្រង់បទពិសោធន៍ជាក់ស្តែង និងជួយរកការងារធ្វើនៅក្នុងវិស័យនេះដោយ ហេតុថាក្រសួងមានគម្រោងអភិវឌ្ឍហេដ្ឋារចនាសម្ព័ន្ធជាច្រើន ដែលទាមទារសមត្ថភាព និងធនធានមនុស្សប្រកបដោយគុណភាពខ្ពស់យ៉ាងពិតប្រាកដ។
គួរកត់សម្គាល់ផងដែរថា៖ ការបង្កើតឲ្យមានវិទ្យាស្ថានតេជោ សែន សាធារណការ និងដឹកជញ្ជូន គឺជាការបើកទំព័រប្រវត្តិ សាស្ត្រ ថ្មីមួយទៀតរបស់ក្រសួងសាធារណការ និងដឹក ជញ្ជូនក្រោមគំនិតផ្តួចផ្តើមរបស់ឯក ឧត្តមទេសរដ្ឋមន្ត្រី ស៊ុន ចាន់ថុល ដែលបានគិតគូរពីចក្ខុវិស័យដ៏វែងឆ្ងាយក្នុងការ ជំរុញការអភិវឌ្ឍធនធាន មនុស្សដើម្បីឆ្លើយតបទៅនឹងការរីកចម្រើនលើវិស័យសាធារណការ និងដឹកជញ្ជូនក្នុងសម័យដ៏រុងរឿង ពោរពេញដោយសុខសន្តិភាព និងការអភិវឌ្ឍក្រោមការដឹកនាំប្រកប ដោយគតិបណ្ឌិតរបស់ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។
វិទ្យាស្ថាននេះមានអគារចំនួនមួយខ្នង មានកម្ពស់៤ជាន់ បណ្តោយប្រវែង៧៤,៥ម៉ែត្រ និងទទឹងប្រវែង១៧ ម៉ែត្រ ក្រោមជំនួយពីក្រុមហ៊ុនសាជីវកម្មស្ពាន និងថ្នល់ចិន (CRBC)ក្នុងនោះ៖ មានបន្ទប់សិក្សាចំនួន២៤ បន្ទប់ ការិយា ល័យរដ្ឋបាលចំនួន៣បន្ទប់ និងមន្ទីរពិសោធន៍ចំនួន១បន្ទប់ ដែលបានបំពាក់ និងត្រៀមបំពាក់សម្ភារសិក្សា និងឧបករណ៍បច្ចេកទេសទំនើបៗ។
ជាងនេះទៅទៀត ដើម្បីប្រែក្លាយជាវិទ្យាស្ថានមួយដែលមានស្តង់ដា និងសមត្ថភាពខ្ពស់ ក្នុងការផ្តល់ជំនាញឯកទេស ប្រកបដោយគុណភាព វិទ្យាស្ថានតេជោ សែន សាធារណ ការ និងដឹកជញ្ជូន បានសហ ការជាមួយវិទ្យាស្ថានបច្ចេក វិទ្យាកម្ពុជា ដើម្បីផ្លាស់ប្ដូរបទពិសោធន៍ ចំណេះដឹង ជំនាញឯកទេស និងធនធានមនុស្សទៅវិញទៅមកក្នុងគោលដៅរួមគ្នាជំរុញលើកកម្ពស់ការអភិវឌ្ឍធនធានមនុស្សនិងធ្វើការចែក រំលែកចំណេះដឹងប្រកបដោយចីរភាពដល់សិស្សនិស្សិតនិងបញ្ញវន្តខ្មែរ។
សូមជម្រាបជូនថា៖ វិទ្យាស្ថានតេជោ សែន សាធារណការ និងដឹកជញ្ជូនថ្មីនេះ បានប្រកាសជ្រើសរើស និស្សិតជំនាន់ទី១ ដោយផ្តល់ជាអាហារូបករណ៍ក្នុងតម្លៃសិក្សា ៦០០ ដុល្លារអាមេរិកក្នុងមួយឆ្នាំ (បញ្ចុះថ្លៃ សិក្សាជូន៥០%សម្រា ប់ លើកទឹកចិត្តសិស្សនារី) ចំនួន៥០នាក់ប៉ុណ្ណោះ ដោយត្រូវឆ្លងកាត់ប្រឡងតេស្តសមត្ថភាពជាមុនសិន។ លក្ខខណ្ឌក្នុងការដាក់ពាក្យ៖បេក្ខជនបេក្ខនារីត្រូវមានសញ្ញាប័ត្រមធ្យម សិក្សាទុតិយភូមិ ឬសញ្ញាប័ត្រសមមូល (មានតម្លៃស្មើ)៕
ចែករំលែកបន្ត

  Address:

Sleng Roleung Village, Sangkat Toek Thla, Khan Sen Sok, Phnom Penh, Cambodia.                                                                                                      

  010 555 253 / 092 86 22 71
  info@seatv.com.kh
  8:00 AM - 6:00 PM

  The Southeast Asia Television (SEATV)