សម្តេចតជោ ហ៊ុន សែន ស្នើអោយសហគមន៍អឺរ៉ុបពិចារណាឡើងវិញទណ្ឌកម្មសេដ្ឋកិច្ចលើរុស្សី

ព័ត៌មានថ្មី

សេនាធិការ នៃកងទ័ពប្រជាជនវៀតណាម និង កងទ័ព ជើងគោកកម្ពុជា ឯកភាពគ្នាធ្វើយ៉ាងណាបន្តថែរក្សាចំណងសាមគ្គីភាព មិត្តភាព ការទុកចិត្តគ្នា ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានអញ្ជើញចូលជួបសម្តែងការគួរសម និងពិភាក្សាការងារជាមួយ ឧត្តមសេនីយ៍ឯកបម្រុង ង្វៀន តឹនគឿង អនុរដ្ឋមន្រ្តីការពារប្រទេស និងជាប្រធានអគ្គសេនាធិការនៃកងទ័ពប្រជាជនវៀតណាម នៅទីស្តីការក្រសួងការពារប្រទេស នៃសាធារណរដ្ឋសង្គមនិយមវៀតណាម ក្នុងឱកាសនៃការបំពេញទស្សនកិច្ចផ្លូវការរបស់គណៈប្រតិភូជាន់ខ្ពស់កងទ័ពជើងគោក នៃកងយោធពលខេមរភូមិន្ទ នៅក្នុងប្រទេសវៀតណាម។ ក្នុងជំនួបនេះ ឯកឧត្តម ហ៊ុន ម៉ាណែត បានជម្រាបជូន ឯកឧត្តម ង្វៀន តឹនគឿង អំពីលទ្ធផលនៃជំនួបពិភាក្សាការងារជាមួយ ឯកឧត្តម អនុប្រធានអគ្គសេនាធិការ នៃកងទ័ពប្រជាជនវៀតណាម និងបានស្នើសុំ ឯកឧត្តមប្រធាន អគ្គសេនាធិការ ផ្តល់ការគាំទ្រលើទិសដៅសំខាន់ៗនៃកិច្ចសហប្រតិបត្តិការក្នុងកម្រិតកងទ័ពជើងគោក ដែលបានឯកភាពគ្នា សំដៅធ្វើយ៉ាងណាបន្តថែរក្សាចំណងសាមគ្គីភាព មិត្តភាព ការទុកចិត្តគ្នា និងការសហការគ្នាឱ្យបានស្អិតរមួតបន្ថែមទៀត ដើម្បីកសាង និងការពារប្រទេសទាំងពីរ តាមរយៈការធានាបាននូវព្រំដែនសន្តិភាព និងការអភិវឌ្ឍរួមសម្រាប់ទាំងអស់គ្នា។ ជាការឆ្លើយតប ឧត្តមសេនីយ៍ឯកបម្រុង ង្វៀន តឹនគឿង បានសម្តែងនូវវាយតម្លៃខ្ពស់ចំពោះលទ្ធផលកិច្ចសហប្រតិ បត្តិការរវាងកងទ័ពនៃប្រទេសទាំងពីរ ដែលសម្រេចបានកន្លងមក និងបានបង្ហាញនូវការគាំទ្រចំពោះទិសដៅសម្រាប់ពេលខាងមុខ ដែលបានឯកភាពគ្នា ដើម្បីសន្តិសុខ ស្ថិរភាព និងការអភិវឌ្ឍសម្រាប់ប្រទេសយើងទាំងពីរ […]
កំណាត់ផ្លូវជាច្រើនខ្សែ ក្នុងរាជធានីភ្នំពេញត្រូវបានអ៊ុតគំនូសចរាចរឡើងវិញ ដើម្បីលើកកម្ពស់សោភ័ណភាពរាជធានីភ្នំពេញ ឱ្យកាន់តែមានភាពស្រស់បំព្រងនិងកាត់បន្ថយគ្រោះថ្នាក់ចរាចរណ៍ជូនប្រជាពលរដ្ឋ រដ្ឋបាលរាជធានីភ្នំពេញ បានយកចិត្តទុកដាក់លើការកែលំអរហេដ្ឋរចនាសម្ព័ន្ធ និង ចាក់អ៊ុតគំនូសចរាចរលើដងផ្លូវជាច្រើនខ្សែឡើងវិញ បន្ទាប់ពីចាក់អ៊ុតកៅស៊ីថ្មីរួចនៅក្នុងភូមិសាស្ត្ររាជធានីភ្នំពេញ។ មន្រ្តីការិយាល័យសាធារណៈការនៃមន្ទីរសាធារណការនិងដឹកជញ្ជូនរាជធានីភ្នំពេញ បានអោយដឹងនៅព្រឹកថ្ងៃទី០៩ ខែសីហានេះថា រាជធានីភ្នំពេញ បាននិងកំពុងធ្វើសកម្មភាពអ៊ុតគំនូសចរាចរលើដងផ្លូវជាច្រើនខ្សែនៅក្នុងភូមិសាស្ត្ររាជធានីភ្នំពេញ ដោយចាប់ផ្តើមអនុវត្ត តាំងតែពីថ្ងៃទី២០ ខែកក្កដាមក ក្នុងនោះបានអ៊ុតគំនូសចរាចរលើកំណាត់ផ្លូវកម្ពុជាក្រោម ចាប់ពីដល់ផ្សារធំថ្មីដល់ស្ពានអាកាស៧មករា ខណៈផ្លូវនេះបានជួសជុលនិងអ៊ុតកៅស៊ូ ACរួចរាល់ ហើយការអ៊ុតគំនូសចរាចរលើកំណាត់នេះក៏បានរួចរាល់ហើយដែរ។ ក្រុមការងារបានបន្តសកម្មភាពអ៊ុតគំនូសចរាចរលើកំណាត់ផ្លូវស៊ីសុវត្តិ ចាប់ពីស្ពានជ្រោយចង្វា ដល់រង្វង់មូលសម្តេច ជួន ណាត ។ ដោយឡែកលើកំណាត់ផ្លូវសហព័ន្ធរុស្ស៊ី ចាប់ពីព្រលានយន្តហោះភ្នំពេញ ដល់ផ្លូវព្រះមុន្នីវង្ស ក្រុមការងារកំពុងតែអនុវត្តការងារ។ មន្រ្តីខាងលើបានអោយដឹងទៀតថា ចាប់ពីថ្ងៃទី២០ ដល់ថ្ងៃទី ៣០ខែកក្កដា ឆ្នាំ ២០២២កន្លងមកនេះ រដ្ឋបាលរាជធានីភ្នំពេញ បានអ៊ុតគំនូសចរាចរផ្លូវបានចំនួន៦ខ្សែក្នុងនោះរួមមាន៖ បានអ៊ុតគំនូសចរាចរផ្លូវលេខ៣៣៧ ,វិថីមាត់ទន្លេជ្រោយចង្វារ,មហាវិថីរដ្ឋសភា, ផ្លូវខាងជើងស្ថាន ទូតរុស្សី,ស្ពានជ្រោយចង្វារ រង្វង់មូលបាយ័ន រង្វង់មូលកួចកាណុង និងវិថី កែវ ចិន្តា ផងដែរ៕ ដោយ៖ សំអាត និង ពិសិដ្ឋ
ក្រសួងកសិកម្មចុះ MOU ជាមួយមជ្ឈមណ្ឌល Xiamen នាំចេញផលិតផលសំបុកត្រចៀកកាំ ទៅកាន់ប្រទេសចិន ក្រសួងកសិកម្ម រុក្ខាប្រមាញ់ និងនេសាទ បានចុះហត្ថលេខាលើអនុស្សរណៈយោគយល់គ្នា (MOU) ជាមួយមជ្ឈ មណ្ឌល Cambodia (Xiamen) Commercial Center ស្តីពីការនាំចេញផលិតផលសំបុកត្រចៀកកាំទៅកាន់សាធារណរដ្ឋប្រជាមានិតចិន។ ឯកឧត្តមរដ្ឋមន្ដ្រី នាយកមជ្ឈមណ្ឌល Cambodia (Xiamen) Commercial Center ចំពោះកិច្ចខិតខំប្រឹងប្រែង សហការជាមួយអគ្គនាយកដ្ឋានកសិកម្មក្នុងការជំរុញ លើកទឹកចិត្ត និងគាំទ្រផលិតផលកសិកម្មថ្មីមួយទៀតគឺការបើកទីផ្សារទឹកមាត់ត្រចៀកកាំកម្ពុជាឲ្យនាំចេញទៅកាន់ទីផ្សារចិននាពេលអនាគតដ៏ខ្លី។ ឯកឧត្តមបានលើកឡើងថា ទឹកមាត់ត្រចៀកកម្មកម្ពុជាកន្លងមកផលិតសម្រាប់ផ្គត់ផ្គង់ឲ្យទីផ្សារក្នុងស្រុក និងមានការនាំ ចេញក្នុងបរិមាណតិចតូច និងក្រៅផ្លូវការ។ MOU នេះ នឹងជួយបើកទីផ្សារចិន ដែលជាទីផ្សារធំជាងគេ ឲ្យទទួលយកផលិតផលមួយនេះជាផ្លូវការ ធានាបាននូវស្តង់ដាផលិត គុណភាពផលិតផល និងសុវត្ថិភាពសម្រាប់សុខភាពសាធារណ: ឆ្លើយតបបានតាមលក្ខខណ្ឌតម្រូវភូតគាមអនាម័យនៃអគ្គនាយកដ្ឋានគយចិន។ ឯកឧត្តមបញ្ជាក់បន្ថែមថា ផលិតកម្មទឹកមាត់ត្រចៀកកាំ (ការចិញ្ចឹម) ការប្រមូលផល ការកែច្នៃ ក៏នឹងត្រូវបានលើកកម្ពស់ ឆ្លើយតបបានតាមសេចក្តីត្រូវការទីសារចិន តាមរយ:ការលើកកម្ពស់គុណភាពផលិត និងកែច្នៃ ស្រមតាមមតិរបស់លោកប្រធានមជ្ឈមណ្ឌលបានលើកឡើងថាមជ្ឈមណ្ឌលនឹងបង្កើតរោងចក្រកែច្នៃទឹកមាត់ត្រចៀកកាំនៅកម្ពុជានាពេលអានគតដ៏ខ្លី៕
ក្រសួងទេសចរណ៍ កំពុងសិក្សាពីការរៀបចំកញ្ចប់ទស្សន កិច្ចទេសចរណ៍ពិសេសៗ ដើម្បីជំរុញចលនាទេសចរទៅកាន់ខេត្តសៀមរាប ក្រសួងទេសចរណ៍កំពុងសិក្សាពីការរៀបចំដាក់ចេញកញ្ចប់ទស្សនកិច្ចទេសចរណ៍ពិសេសៗបន្ថែមទៀត ដើម្បីជំរុញចលនាទេសចរទៅទស្សនានៅខេត្តសៀមរាប ពិសេសគឺដើម្បីត្រៀមចាប់ផ្តើមបើកឆ្នាំទស្សនាកម្ពុជា ២០២៣ (Visit Cambodia Year 2023) និងត្រៀមការប្រកួតកីទ្បាស៊ីហ្គេមលើកទី៣២ និងអាស៊ានប៉ារ៉ាហ្គេមលើកទី១២នៅកម្ពុជា។ ថ្លែងក្នុងកិច្ចប្រជុំអនុគណៈកម្មការផ្សព្វផ្សាយ និងទាក់ទាញទេសចរណ៍លើកទី១នៃគណៈកម្មការគ្រប់គ្រងនិងអភិវឌ្ឍន៍ទេសចរណ៍សៀមរាប-អង្គរ នាថ្ងៃទី៨ ខែសីហា ឆ្នាំ២០២២ ឯកឧត្ដម ថោង ខុន រដ្ឋមន្រ្តីក្រសួងទេសចរណ៍ បានបញ្ជាក់ថា ក្រសួងទេសចរណ៍កំពុងសិក្សាជាមួយស្ថានប័នពាក់ព័ន្ធ និងផ្នែកឯកជនក្នុងវិស័យទេសចរណ៍ដាក់ចេញនូវកញ្ចប់ទស្សនកិច្ចទេសចរណ៍ពិសេសសម្រាប់ខេត្តសៀមរាប ដោយក្នុងនោះនឹងសិក្សាស្នើសុំការពិនិត្យ និងសំរេចពីរាជរដ្ឋាភិបាលលើសំណើមួយចំនួន។ សំណើបង្កើតកញ្ចប់ទស្សនកិច្ចពិសេសសម្រាប់ខេត្តសៀមរាប ដែលគ្រោងស្នើទៅកាន់រាជរដ្ឋាភិបាលនោះ រួមមាន៖ ១. បណ្ណចូលទស្សនារមណីយដ្ឋានអង្គរពេញមួយជីវិត (Angkor Life time Pass) ដោយអាចមានជាជម្រើសក្នុងការគិតគូរលក់ជាកញ្ចប់បណ្ណទស្សនា (Angkor Pass Package) ដែលអាចឱ្យទេសចរអន្តរជាតិទស្សនាតំបន់ប្រាសាទ ឬតំបន់ផ្សេងៗទៀតពេញមួយជីវិត ឬការលក់បណ្ណជាទម្រង់កញ្ចប់ទស្សនកិច្ចអាទិភាព ( Privileged Pass Package) ដែលអនុញ្ញាតឱ្យទេសចរអន្តរជាតិអាចមានសិទ្ធិអាទិភាពក្នុងការប្រើប្រាស់សេវាកម្មទេសចរណ៍និងចូលទស្សនារមណីដ្ឋានអង្គរពេញមួយជីវិត ដើម្បីទាក់ទាញឱ្យទេសចរមកទស្សនាច្រើនដង។ ២ . ការដោះស្រាយថ្លៃសំបុត្រទូកទេសចរណ៍តំបន់ចុងឃ្នៀសសម្រាប់ទេសចរជាតិ។ ៣. ការជំរុញការតភ្ជាប់ជើងហោះត្រង់ពីកោះត្រល់ (Phu Quoc) មកកាន់ខេត្តសៀមរាប។ ៤. […]
ក្រសួងធនធានទឹក÷ ទឹកទន្លេមេគង្គនឹងហក់ឡើង ក្នុងរយៈ ពេលពី៤ ទៅ៥ថ្ងៃទៀត ជាពិសេសខេត្តនៅតំបន់ខ្ពង់រាប ក្រសួងធនធានទឹក និងឧត្តុនិយម បានចេញសេចក្តីជូន ដំណឹងថា យោងលើស្ថានភាពអាកាសធាតុដែលបាននឹងកំពុងមានការប្រែប្រួលកើតឡើងដោយសារឥទ្ធិពលពីប្រព័ន្ធសម្ពាធទាប និងវិសម្ពាធ ដែលនឹងក្លាយទៅជាព្យុះទី៧ ឈ្មោះ មូឡេន (MULAN) បណ្តាលឱ្យនៅតំបន់ផ្ទៃរងទឹកភ្លៀងនៃទន្លេមេគង្គ ក្នុងប្រទេសថៃ ឡាវ វៀតណាម និងប្រទេសកម្ពុជា មានភ្លៀងធ្លាក់ច្រើន នៅក្នុងអាងទន្លេមេគង្គ។ ទឹកទន្លេមេគង្គនឹងហក់ឡើងក្នុងរយៈពេលពី៤ ទៅ ៥ ថ្ងៃ ខាងមុខ ជាពិសេសនៅភាគខាងលើ និងបណ្តាខេត្តនៅក្នុងតំបន់ខ្ពង់រាប នៃប្រទេសកម្ពុជា មានខេត្តស្ទឹងត្រែង ទឹកនឹងអាចឡើងដល់កម្ពស់ ៨,៥០ម៉ែត្រ, ខេត្តក្រចេះ ទឹកនឹងអាចឡើងដល់កម្ពស់ ១៩,០០ម៉ែត្រ និងខេត្តកំពង់ចាម ទឹកនឹងអាចឡើងដល់កម្ពស់ ១២,០០ម៉ែត្រ។ ទឹកទន្លេដែលហក់ឡើងនៅពេលនេះ នៅមិនទាន់ដល់កម្រិតប្រកាសឱ្យមាន ការប្រុងប្រយ័ត្ននៅឡើយទេ តែទឹកអាចលិចតំបន់ទំនាបមួយចំនួនអមដងទន្លេ និងហូរចូលទៅតាមបណ្តាព្រែកមួយចំនួន។ ទឹកទន្លេនៅតំបន់ភាគឦសាន៖ រួមមានទន្លេ សេកុង ទន្លេសេសាន និងទន្លេស្រែពក ទឹកទន្លេកំពុងហក់ឡើង ដែលអាចប្រឈមនឹងទឹកជំនន់៕
ចុងសប្ដាហ៍ទី១ខែសីហា កម្ពុជាទទួលបានភ្ញៀវទេសចរជាង២៤ម៉ឺននាក់ (ភ្នំពេញ)៖ ស្ថានភាពភ្ញៀវទេសចរផ្ទៃក្នុងប្រចាំសប្តាហ៍ ថ្ងៃទី៦-៧ ខែសីហា ឆ្នាំ២០២២ ដែលមានភ្ញៀវសរុប២៤៦,១៩៥នាក់ ក្នុងនោះភ្ញៀវជាតិ២២៤,៩៩៣នាក់ និងភ្ញៀវបរទេសផ្ទៃក្នុង២១,២០២នាក់។ គោលដៅទេសចរណ៍សំខាន់ៗ រួមមាន៖ * ខេត្តសៀមរាប ៣៩,៩៧៩នាក់ * ខេត្តព្រះសីហនុ ៣៣,៨៣៧នាក់ * ខេត្តកំពត ៣៣,៤៦១នាក់ * ខេត្តកែប ២០,០៥៧នាក់ * ខេត្តបាត់ដំបង ១៩,៦៨៨នាក់ * រាជធានីភ្នំពេញ ១៨,៧៣៤នាក់ * ខេត្តកំពង់ស្ពឺ ១២,១៩៩នាក់ * ខេត្តពោធិ៍សាត់ ១១,៩៩៩នាក់ * ខេត្តកណ្តាល ១១,០៨៥នាក់ តួលេខខាងលើ មានការកើនឡើងប្រមាណ១១.៤៣% ធៀបនឹងសប្តាហ៍កន្លងមក។ សប្តាហ៍កន្លងមក គឺជាសប្តាហ៍ដ៏មមាញឹកមួយដែលកម្ពុជាបានធ្វើជាម្ចាស់ផ្ទះដោយជោគជ័យកិច្ចប្រជុំរដ្ឋមន្រ្តីការបរទេសអាស៊ាន អាស៊ានបូក និងដៃគូអាស៊ាន។ នាឱកាសនោះ រដ្ឋមន្រ្តីការបរទេសអាស៊ានមួយចំនួន និងភរិយារដ្ឋមន្រ្តីការបរទេសអាសាន អាស៊ានបូក និងដៃគូ បានឆ្លៀតឱកាសធ្វើទស្សនកិច្ចនៅតំបន់មួយចំនួន ពិសេសតំបន់សៀមរាប-អង្គរ។ ទន្ទឹមនឹងនេះ នាសប្តាហ៍កន្លងមក នៅខេត្តសៀមរាបមាន ការរៀបចំព្រឹត្តិការណ៍ទេសចរណ៍សំខាន់ៗមួយចំនួន […]
សម្តេចតេជោ÷ អាស៊ានចាំបាច់ត្រូវតែឈរលើជំហរនៃការឯកភាពគ្នា សម្រាប់កិច្ចសហប្រតិបត្តិការ ដើម្បីផលប្រយោជន៏រួម សម្តេចតេជោ ហ៊ុន សែន នាយករដ្ឋមន្ត្រីនៃ ព្រះរាជាណា ចក្រកម្ពុជា បានមានប្រសាសន៍ថា អាស៊ានចាំបាច់ត្រូវតែឈរលើជំហរ នៃការឯកភាពគ្នាសម្រាប់កិច្ចសហប្រតិបត្តិការ និងដើម្បីផលប្រយោជន៍ទៅវិញទៅ មក។ អាស៊ាននឹងបន្តផ្តោតសំខាន់លើសកម្មភាពនានា ដែលចងភ្ជាប់យើងទាំងអស់គ្នា ដើម្បីវិបុលភាពកាន់តែប្រសើរឡើងសម្រាប់តំបន់។ សារលិខិត អបអរសាទរទិវាអាស៊ាន ថ្ងៃទី ០៨ ខែ សីហា ឆ្នាំ២០២២ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានបញ្ជាក់ថាយើងនឹងលើក កម្ពស់ស្មារតីអាស៊ាននៃ “ការរួបរួមគ្នា” ដើម្បីប្រមូលផ្តុំនូវកិច្ចខិតខំប្រឹងប្រែងនានា ទាំងផ្ទៃក្នុងអាស៊ាន ទាំងជាមួយប្រទេសជាដៃគូខាងក្រៅ ដើម្បីលើកកម្ពស់នូវសាមគ្គីភាព និងភាពធន់របស់អាស៊ាន ដើម្បីសម្រេចបានគោលដៅ នៃការកសាងទស្សនៈវិស័យសហគមន៍អាស៊ានឆ្នាំ២០២៥ ប្រកបដោយភាពធន់។ សម្តេចតេជោ ជឿជាក់ថា អាស៊ាន អាចធ្វើដំណើរទៅមុខប្រកបដោយភាពរឹងមាំ សាមគ្គីភាព និងមិត្តភាព ដើម្បីជំនះរាល់បញ្ហាប្រឈមនានា ដែលកំពុងបង្កផលប៉ះពាល់ដល់ប្រយោជន៍រួមរបស់ប្រជាជន និងតំបន់របស់យើង ដោយអនុលោមទៅតាមស្មារតីអាស៊ាន៖ “ទស្សនៈវិស័យមួយ អត្តសញ្ញាណមួយ សហគមន៍មួយ”។ ក្នុងរយៈពេល៥៥ឆ្នាំមកនេះ អាស៊ាន បានផ្លាស់ប្តូរខ្លួន ពីអង្គការដែលមានក្របខ័ណ្ឌធូររលុង ទៅជាអង្គការដែលមានរចនាសម្ព័ន្ធរឹងមាំ និងផ្អែកលើវិធានច្បាប់។ […]
ករណីឆ្លងថ្មីជំងឺកូវីដ-១៩ នៅថ្ងៃទី០៧ ខែសីហា ឆ្នាំ២០២២ ក្រសួងសុខាភិបាលប្រកាសពីការរកឃើញករណីឆ្លងថ្មីជំងឺកូវីដ-១៩ ចំនួន ៤៤នាក់(សុទ្ធតែជាប្រភេទអូមីក្រុង) ជាសះស្បើយចំនួន ៣៣នាក់ និងគ្មានករណីស្លាប់ថ្មីទេ នៅថ្ងៃទី០៧ ខែសីហា ឆ្នាំ២០២២នេះ។
សម្តេចតេជោ ហ៊ុន សែន ប្រកាសលុបចោលលិខិតអនុញ្ញតឱ្យដោះដូរនិងអភិវឌ្ឍភ្នំតាម៉ៅ ប៉ុន្មានថ្ងៃមកនេះមានសំណូមពរជាច្រើន មករាជរដ្ឋាភិបាល ដើម្បីរក្សាទុកព្រៃនៅ ក្បែរសួនសត្វភ្នំតាម៉ៅទោះបីក្រសួង កសិកម្មបានពន្យល់ថាសួនសត្វភ្នំតាម៉ៅ មិនមានប៉ះពាល់ក៏ដោយ។ ក្នុងនាមជាអ្នកទទួលខុសត្រូវខ្ពស់បំផុតនៃ រាជរដ្ឋាភិបាលខ្ញុំសូមចេញបញ្ជា៖ ១.លុបចោលទាំងអស់នូវរាល់ការអនុញ្ញាត ឱយធ្វើការដោះដូរនិងអភិវឌ្ឍ។ ២.រក្សា ទុកដីនិងព្រៃនៅជុំវិញសួនសត្វ ភ្នំតាម៉ៅជាដីដែលត្រូវការពារនិងអភិរក្ស ដោយក្រសួងកសិកម្ម។ ៣.ក្រុមហ៊ុនដែលបានឈូសឆាយត្រូវ បញ្ឈប់សកម្មភាពនិងត្រូវដាំដើមឈើ ឡើងវិញលើដីដែលបានឈូសឆាយ។ សូមអរគុណចំពោះបងប្អូនជនរួមជាតិ ដែលបានចូលរួមផ្តល់យោបល់ប្រកប ដោយការស្ថាបនា៕
ព្រះមហាក្សត្រ ឡាយព្រះហស្ថលេខាប្រកាសឱ្យប្រើប្រាស់ វិសោធនកម្មរដ្ឋធម្មនុញ្ញ លើកទី១០ ព្រះករុណា ព្រះបាទ សម្ដេចព្រះ បរមនាថ នរោត្តម សីហមុនីព្រះមហាក្សត្រ នៃព្រះរាជាណាចក្រកម្ពុជា នៅថ្ងៃទី០៦ ខែសីហា ឆ្នាំ២០២២នេះ បានឡាយព្រះហស្ថលេខាប្រកាសឱ្យប្រើប្រាស់ វិសោធនកម្មរដ្ឋធម្មនុញ្ញ លើកទី១០។
ជប៉ុនផ្ដល់កម្ចីជាទឹកប្រាក់ ជាង៣៨០លានដុល្លារសម្រាប់អភិវឌ្ឍន៍កំពង់ផែខេត្តព្រះសីហនុ ឯកឧត្តម ហាយ៉ាហ្ស៊ី យ៉ូហ្ស៊ីម៉ា រដ្ឋមន្ត្រីការបរទេសជប៉ុន បានចុះហត្ថលេខា លើលិខិតប្ដូរសារមួយជាមួយឯកឧត្តម ប្រាក់ សុខុន រដ្ឋមន្ត្រីក្រសួងការបទេស និងសហប្រតិបត្តិការអន្តរជាតិកម្ពុជា នៅព្រឹកថ្ងៃសៅរ៍ ទី៦ ខែសីហានេះ ក្នុងការផ្ដល់កម្ចីជាសាច់ប្រាក់ជាង ៣៨៣,២២លានដុល្លារអាមេរិកសម្រាប់អភិវឌ្ឍន៍កំពង់ផែស្វយ័តក្រុងព្រះសីហនុជំហានទី១។ ពិធីចុះហត្ថលេខាខាងលើធ្វើឡើងនៅវិមានសន្ដិភាព ក្រោមអធិបតីភាពសម្ដេចតេជោ ហ៊ុន សែន ។ ឥណទានសម្បទាននេះ នឹងរួមចំណែកយ៉ាងសំខាន់ដល់ការពង្រីក និងធ្វើទំនើបកម្មកំពង់ផែស្វយ័តក្រុងព្រះសីហនុ និងដើម្បីប្រែក្លាយកំពង់ផែនេះទៅជាកំពង់ ផែទឹកជ្រៅស្នូលសម្រាប់ប្រទេសកម្ពុជា និងក្នុងតំបន់ ស្រប តាមការប្តេជ្ញាចិត្តរបស់នាយករដ្ឋមន្ត្រីនៃប្រទេសទាំងពីរកាលពីដើមឆ្នាំនេះ។ កំពង់ផែស្វយ័តក្រុងព្រះសីហនុ (កសស) គ្រោងនឹងពង្រីកផ្ទៃកំពង់ផែ នៅចុងឆ្នាំ២០២២ ខាងមុខ ដែលនឹងពង្រីកដល់ប្រវែង៣៥០ម៉ែត្រ និងដល់ជម្រៅទឹក ១៤ ម៉ែត្រកន្លះ ដែលអនុញ្ញាតដល់កប៉ាល់ដែលមានសមត្ថ ភាពផ្ទុករហូតដល់ ៤០០០កុងតឺន័រអាចចូលកំពង់ផែបាន៕
រដ្ឋមន្ត្រីការបរទេសជប៉ុន សរសើរកម្ពុជាចំពោះការរៀបចំកិច្ចប្រជុំរដ្ឋមន្ត្រីការបរទេសប្រកបដោយជោគជ័យ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានទទួលជួប ពិភាក្សាការងារជាមួយឯកឧត្តម ហាយ៉ាស៊ិ យ៉ុស៊ិម៉ាសា(HAYASHI Yoshimasa) រដ្ឋមន្ត្រីការបរទេសជប៉ុន។ ឯកឧត្តម ហាយ៉ាស៊ិ យ៉ុស៊ិម៉ាសា បានអរគុណចំពោះរាជរដ្ឋាភិបាលកម្ពុជា ដែលបានខិតខំប្រឹងប្រែង ក្នុងការស្វែងរកដំណោះស្រាយបញ្ហានៅប្រទេសមីយ៉ាម៉ា អោយត្រឡប់មករកភាពប្រក្រតីវិញ។ ឯកឧត្តមក៏បានសម្ដែងនូវការអបអរសាទរ ចំពោះភាពជោគជ័យនៃកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ ព័ន្ធ ដែលកម្ពុជាធ្វើជាម្ចាស់ផ្ទះ។ ឯកឧត្តម ហាយ៉ាស៊ិ យ៉ុស៊ិម៉ាសា ក៏បានសម្ដែងនូវក្តីរីករាយចំពោះទំនាក់ទំនងរវាងកម្ពុជា និងជប៉ុន ដែលឯកឧត្តមគិតថា ជាទំនាក់ទំនងមួយដែលស្ថិតនៅលើគន្លងមួយដែលល្អបំផុត។ ក្នុងន័យនេះ ឯកឧត្តមបានមានប្រសាសន៍ថា ឯកឧត្តមនឹងបន្តកិច្ចសហការ ជាមួយឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេសកម្ពុជា ហើយធ្វើយ៉ាងណាជំរុញទំនាក់ទំនងនេះឱ្យកាន់តែល្អប្រសើរបន្ថែមទៀត ជាមួយនឹងការជំរុញនូវកិច្ចសហប្រតិបត្តិការរវាងប្រទេសយើងទាំងពីរ ជា ពិសេសលើវិស័យសេដ្ឋកិច្ចការជំរុញអ្នកវិនិយោគជប៉ុនឲ្យមកវិនិយោគនៅកម្ពុជា រួមទាំងវិស័យការពារជាតិ និងវិស័យផ្សេងៗជាច្រើនទៀតផងដែរ។ សម្ដេចតេជោ ហ៊ុន សែន បានថ្លែងអំណរគុណចំពោះរដ្ឋាភិបាលជប៉ុន និងប្រជាជនជប៉ុនដែលបានផ្ដល់នូវឥណ ទានសម្បទានដល់គម្រោងស្ថាបនាសាងសង់កំពង់ផែក្រុងព្រះសីហនុ និងអរគុណដល់រដ្ឋាភិបាលជប៉ុនដែលបានផ្ដល់នូវវ៉ាក់សាំងកូវីត-១៩ ជូនដល់កម្ពុជា ហើយការផ្ដល់វ៉ាក់ សាំងនេះ ជាការចូលរួមចំណែកធ្វើឱ្យកម្ពុជា ទទួលបានជោគជ័យក្នុងការទប់ ស្កាត់ការឆ្លងរាលដាលជំងឺកូវីដ-១៩ […]
អាស៊ាននឹងមិនបន្តអញ្ជើញ មីយ៉ាន់ម៉ា ឱ្យចូលរួមកិច្ចប្រជុំនានាទៀតទេ បើមិនមានការវិវឌ្ឍជាវិជ្ជមានលើកិច្ចព្រម ព្រៀងជាឯកច្ឆន្ទទាំង៥ចំណុច រដ្ឋមន្ត្រីក្រសួងការបរទេសនិងសហប្រតិបត្តិការអន្តរ ជាតិ និងជាប្រេសិតពិសេសរបស់ប្រធានអាស៊ាន ឯកឧត្តម ឧបនាយករដ្ឋមន្ត្រី ប្រាក់ សុខុន បានថ្លែងថា ប្រទេសជាសមាជិកអាស៊ានចំនួន៩ នឹងបន្តមិនអញ្ជើញមន្ត្រីរដ្ឋាភិបាលមីយ៉ាន់ម៉ា ចូលរួមក្នុងកិច្ចប្រជុំនានារបស់អាស៊ាននោះទេ ដរាបណានៅមិនទាន់មានការវិវឌ្ឍជាវិជ្ជមានលើកិច្ចព្រម ព្រៀងឯកច្ឆន្ទទាំង៥ចំណុចនោះ។ ថ្លែងក្នុងសន្និសីទសារព័ត៌មាន ស្ដីពី លទ្ធផលនៃកិច្ចប្រ ជុំរដ្ឋមន្ត្រីការបរទេសអាស៊ាន លើកទី៥៥ និងកិច្ចប្រជុំពាក់ព័ន្ធ នៅថ្ងៃទី៦ ខែសីហា ឆ្នាំ២០២២ ឯកឧត្តម ប្រាក់ សុខុន មានប្រសាសន៍ថា ជំហររបស់អាស៊ានច្បាស់លាស់ ក្នុងពេលថ្នាក់ដឹកនាំទាំង១០ទៅទីក្រុងចាកាតា បានចុះកិច្ចព្រមព្រៀងជាឯកច្ឆន្ទចំនួន៥ចំណុច ដែលក្នុងនោះមាន ៣ចំណុចអទិភាព ទី១. ការបញ្ឈប់អំពើហិង្សា, ទី២. ការផ្ដល់ជំនួយមនុស្សធម៌ និងទី៣. អំណោយផលដល់ដំណើរការនយោបាយអាចចាប់ផ្ដើមបាន។ ឯកឧត្តមឧបនាយករដ្ឋមន្រ្តីបានបន្តថា កាលពីឆ្នាំកន្លងទៅ បន្ទាប់ចុះកិច្ចព្រមព្រៀងបានប៉ុន្មានខែ រដ្ឋមន្ត្រីការបរទេសមីយ៉ានម៉ា បានចូលរួមកិច្ចប្រជុំ ហើយសមាជិកផ្សេងៗឲ្យគាត់ពន្យល់ តើមីយ៉ាន់ម៉ាមានបំណងធ្វើអ្វី ក្នុងការអនុវត្តនូវកិច្ចព្រមព្រៀងឯកច្ឆន្ទទាំង៥ចំណុច ដោយអាស៊ានមានភាពច្បាស់លាស់ណាស់ គឺវឌ្ឍនភាពត្រូវតែមាន ពាក់ព័ន្ធការអនុវត្តកិច្ចព្រមព្រៀងទាំងនេះ។ អាស៊ានក៏មានកិច្ចប្រជុំបន្ទាន់ ពិនិត្យកិច្ចព្រមព្រៀងទាំង៥ចំណុច គឺមិនមានឃើញអ្វីប្រែប្រួលនោះទេ។ រដ្ឋមន្ត្រីការបរទេស បានបន្ថែមថា មិនមានកងសង់ស៊ីសរវាងរដ្ឋមន្ត្រីការបរទេសអាស៊ាន កាលពីឆ្នាំ […]
ប៉ាគីស្ថាន ចង់ឱ្យកម្ពុជាបើកស្ថានទូតនៅទីក្រុងឥស្លាមម៉ាបាត ឯកឧត្តម ប៊ីឡាវ៉ាល ប៊ូតូ ហ្សាដារី រដ្ឋមន្ត្រីការបរទេសនៃសាធារណរដ្ឋឥស្លាមប៉ាគីស្ថានបានជម្រាបជូនសម្ដេចអំពីគោលបំណងចង់ឱ្យកម្ពុជាបើកស្ថានទូតនៅទីក្រុងឥស្លាមម៉ាបាត និងចង់ជំរុញឱ្យមានកិច្ចសហប្រតិបត្តិការវិនិយោគលើវិស័យសេដ្ឋកិច្ចនិងវិស័យដទៃទៀតរវាងប្រទេសទាំង២។ក្នុងឱកាសសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជា អនុញ្ញាតឱ្យលោកចូលជួបសំដែងការគួរ សមនិងពិភាក្សា នៅវិមានសន្តិភាពព្រឹកថ្ងៃទី៦ សីហា ឯកឧត្តម ឯកឧត្តម ប៊ីឡាវ៉ាល ប៊ូតូ ហ្សាដារី បានអញ្ជើញសម្ដេចតេជោ ទៅធ្វើទស្សនកិច្ចផ្លូវការការនៅប៉ាគីស្ថាន និងសុំសម្ដេចពិចារណាបើកស្ថានទូត នៅទីក្រុងអ៊ីស្លាម៉ាបាតផងដែរ។ ឯកឧត្តម ហ្សាដារី បានគោរពថ្លែងនូវការអបអរ សាទរជូនចំពោះសម្ដេចតេជោ ដែលកម្ពុជាបានដឹកនាំកិច្ចប្រជុំរដ្ឋមន្ត្រីការបរទេសអាស៊ាន និងកិច្ចប្រជុំពាក់ព័ន្ធទទួលបានជោគជ័យ។ សម្ដេចតេជោ មានប្រសាសន៍ថា កិច្ចប្រជុំនៅពេលនេះគឺចំពេលដែលមានការចម្រូងចម្រាស់យ៉ាងខ្លាំងដូចជាករណីនៅប្រទេសមីយ៉ាន់ម៉ា ករណីសមុទ្រចិនខាងត្បូង ករណីសង្គ្រាម នៅប្រទេសអ៊ុយក្រែជាដើម។ ប៉ុន្តែទោះ ជាយ៉ាងណាក៏ដោយ យើងបានរួមគ្នាធ្វើការរហូតទទួលបានជោគជ័យ។ សម្ដេចបានទទួលយកនូវការអញ្ជើញសម្ដេចទៅទស្សនកិច្ចជាផ្លូវការ នៅប្រទេសប៉ាគីស្ថានហើយក៏បានទទួលឆ្លើយតបជាវិជ្ជមានចំពោះការស្នើសុំឱ្យពិចារណាបើកស្ថានទូតកម្ពុជានៅទីក្រុងអ៊ីស្លាម៉ាបាត ។ សម្ដេចបានលើកទឹកចិត្តឲ្យឯកឧត្ដម ហ្សាដារី ជំរុញលើកទឹកចិត្ត ឱ្យវិនិយោគិនប៉ាគីស្ថាន មកកម្ពុជាដើម្បីពិនិត្យមើលលទ្ធភាពបង្កើតកិច្ចសហប្រតិបត្តិការលើវិស័យដែលអាចធ្វើទៅបាន ។ ជាពិសេសលើវិស័យដែលឯកឧត្តមបានលើកឡើងនោះគឺវិស័យសេដ្ឋកិច្ច ពាណិជ្ជកម្មទេសចរណ៍ និងវិនិយោគជាដើម៕
អគ្គបញ្ជាការដ្ឋានចេញសេចក្ដីណែនាំស្ដីពីការរៀបចំឡើងវិញកន្លែងចត្ដាឡីស័ក និងព្យាបាលកូវីដ-១៩ កម្រិតស្រាលនៅតាមបណ្ដាអង្គភាពទូទាំងកងយោធពលខេមរភូមិន្ទ

សម្តេចតជោ ហ៊ុន សែន ស្នើអោយសហគមន៍អឺរ៉ុបពិចារណាឡើងវិញទណ្ឌកម្មសេដ្ឋកិច្ចលើរុស្សី

សីហា ០៤

០៤:០៨:៣២ ល្ងាច ២០២២

១៣ Views

សម្តេចតជោ ហ៊ុន សែន នាយករដ្ឋមន្ត្រី បានស្នើអោយសហគមន៍អឺរ៉ុបពិចារណាឡើងវិញទណ្ឌកម្មសេដ្ឋកិច្ចលើរុស្សី ព្រោះទណ្ឌកម្មប៉ះពាល់ដល់ ប្រជា ជនសកលលោកទាំងមូល។ សម្តេចតេជោ ក៏បញ្ជាក់ចំពោះមុខសហភាពអឺរ៉ុប ថា កម្ពុជានៅតែរក្សាជំហរ មិនយកអធិបតេយ្យភាពទៅដូរនឹងជំនួយ និងប្រព័ន្ធ អនុគ្រោះពន្ធនោះឡើយ។

ក្នុងជំនួបពិភាក្សាការងារជាមួយតំណាងជាន់ខ្ពស់ទទួល បន្ទុកកិច្ចការបរទេស និងសន្តិសុខគោលនយោបាយ និងជាអនុប្រធានគណៈកម្មការអឺរ៉ុប ឯកឧត្តម ចូសិប បូររែល ហ្វុនតេលលេ នៅព្រឹកថ្ងៃទី០៤ សីហានេះ សម្តេចតេជោ ហ៊ុន សែន បានស្នើឲ្យអឺរ៉ុបពិនិត្យឡើងវិញអំពីការដាក់ទណ្ឌរុស្ស៊ី ព្រោះទណ្ឌកម្មមិនប៉ះពាល់ ដល់រុស្ស៊ីតែមួយនោះទេ តែប៉ះពាល់ដល់ប្រជាពលរដ្ឋនៅអឺរ៉ុប និងប្រជាជននៅពិភពលោក។

ក្រៅពីនេះ សម្តេចតេជោ ហ៊ុន សែន បញ្ជាក់ជាថ្មី ចំពោះមុខតំណាងជាន់ខ្ពស់ទទួលបន្ទុកកិច្ចការបរទេស និងសន្តិសុខគោលនយោបាយ និងជាអនុប្រធានគណៈកម្ម ការអឺរ៉ុបថា កម្ពុជាមិនយកអធិបតេយ្យភាពរបស់ខ្លួនទៅដូរ យកជំនួយ រឺប្រព័ន្ធអនុគ្រោះពន្ធអ្វីនោះទេ។

កាលពីខែសីហា ឆ្នាំ២០២០ សហភាពអឺរ៉ុប បានសម្រេចដកប្រព័ន្ធអនុគ្រោះពន្ធ EBA ២០% ពីកម្ពុជា ដោយសារលើកហេតុផលថា កម្ពុជារំលោភបំពានសិទ្ធិមនុស្ស។ក្នុងកិច្ចប្រជុំគណៈកម្មាធិការចម្រុះកម្ពុជា និងសហភាពអឺរ៉ុប លើកទី១១កាលពីខែមីនាកន្លងទៅ មន្ត្រីជាន់ខ្ពស់កម្ពុជា និងសហភាពអឺរ៉ុបបានពិភាក្សាពីការស្ដារសេដ្ឋកិច្ចឡើងវិញ នៃទំនាក់ទំនងពាណិជ្ជកម្មរបស់ភាគីទាំងពីរ និងការដកបណ្តោះអាសន្ននូវផ្នែកខ្លះនៃការអនុគ្រោះពន្ធរបស់អឺរ៉ុប (EBA)។

ទោះជាយ៉ាងណាក្តី សម្តេចតេជោ បានវាយតម្លៃខ្ពស់ចំពោះលទ្ធផលប្រកបដោយផ្លែផ្កា នៃកិច្ចប្រជុំគណៈកម្មការចម្រុះកម្ពុជា សហភាពអឺរ៉ុបលើកទី១១ កាលពីខែមីនា ២០២២ ដែលបានរួមចំណែក ដល់ការពង្រឹងទំនាក់ទំនងកិច្ចសហប្រតិបត្តិការទ្វេភាគីទាំងពីរ។

សម្តេចតេជោ មិនភ្លេចអរគុណសហភាពអឺរ៉ុបចំពោះការផ្តល់ជំនួយដល់កម្ពុជា តាំងពីឆ្នាំ ១៩៩២មក ជួយជំរុញដល់ការអភិឌ្ឍកម្ពុជា។ ពិសេសបានចូលរួមផ្តល់វ៉ាក់សាំង ចូលរួមចំណែកទប់ស្កាត់កូវីដ។ កម្ពុជាគាំទ្រគំនិតផ្តួចផ្តើមឲ្យមានការរៀបចំកិច្ច ប្រជុំកំពូលរំលឹកខួប៤៥ឆ្នាំ នៃទំនាក់ទំនងដៃគូសន្ទនាអាស៊ាន សហភាពអឺរ៉ុប នៅខែធ្នូឆ្នាំ២០២២ ខាងមុខ ហើយជឿជាក់ថា លទ្ធផលនៃកិច្ចប្រជុំកំពូលនេះ នឹងរំលេចពីសារៈសំខាន់ ហើយពង្រីកបន្ថែមភាពជាដៃគូយុទ្ធសាស្ត្រ អាស៊ាន សហភាពអឺរ៉ុប។

កម្ពុជាគាំទ្រជាគោលការណ៏ឯកសារទស្សនទានរបស់ អឺរ៉ុបស្តីពីសេចក្តីថ្លែងការណ៏រួមរបស់ថ្នាក់ដឹកនាំអាស៊ានសហភាពអឺរ៉ុប ស្តីពីឥណ្ឌូប៉ាស៊ីហ្វិក ដែលត្រូវអនុម័តក្នុងកិច្ចប្រជុំកំពូលអាស៊ានសហភាពអឺរ៉ុប

លោក ហ្វុនតេល រីករាយដែលបានមកកាន់កម្ពុជា ដើម្បីចូលរួមប្រជុំរដ្ឋមន្ត្រីអាស៊ាន និសហភាពអឺរ៉ុប។ លោកបានគាំទ្រ វាយតម្លៃខ្ពស់ចំពោះភាពដឹក នាំរបស់កម្ពុជា ក្នុងនាមជាប្រធានអាស៊ាន។

លោកបានពិភាក្សាផងដែរពី បញ្ហា កិច្ចសហប្រតិបត្តិការ ការអភិវឌ្ឍរបស់សហភាពអឺរ៉ុបនៅកម្ពុជា លើការអនុគ្រោះ ពន្ធគ្រប់មុខទំនិញ លើកលែងតែអាវុធ កិច្ចប្រជុំកំពូលរំលឹកខួបអាស៊ាន សហភាពអឺរ៉ុប៕