ថ្ងៃ សុក្រ ទី០៤ ខែ ធ្នូ ឆ្នាំ២០២០

 ព័ត៌មានថ្មី   
  • សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នឹងអញ្ជើញចូលរួមក្នុងសម័យប្រជុំពិសេសថ្នាក់ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា នឹងអញ្ជើញចូលរួមក្នុងសម័យប្រជុំពិសេសថ្នាក់ប្រមុខរាជ/រដ្ឋាភិបាលលើកទី៣១ របស់មហាសន្និបាតអង្គការ សហប្រជាជាតិ ស្តីពីការប្រយុទ្ធប្រឆាំងនឹងជំងឺកូវីដ-១៩ ដែលនឹងប្រព្រឹត្តទៅនៅថ្ងៃទី៣-៤ ខែធ្នូ ឆ្នាំ២០២០ តាមរយៈប្រព័ន្ធវីដេអូថតទុកជាមុន។
  • ក្រសួងការងារ ប្រកាសផ្អាកការបណ្ដុះបណ្ដាលបច្ចេកទេស និងវិជ្ជាជីវៈ រយៈពេល ១៥ថ្ងៃ តាមសេចក្តីជូនដំណឹងរបស់ក្រសួងការងារ នៅថ្ងៃទី៣០ ខែវិច្ឆិកា ឆ្នាំ២០២០ នេះ បានបញ្ជាក់ថា ដើម្បីចូលរួមចំណែកក្នុងការទប់ស្កាត់ ការរីករាលដាលនៃជំងឺកូវីដ-១៩ ក្នុងសហគមន៍ ជាពិសេសក្នុងគ្រឹះស្ថានអប់រំ បណ្ដុះបណ្ដាលបច្ចេកទេស និងវិជ្ជាជីវៈ ក្រសួងការងារ និងបណ្ដុះបណ្ដាលវិជ្ជាជីវៈ សម្រេចផ្អាកដំណើរការបណ្ដុះបណ្ដាលទាំងអស់ចំនួន ១៥ថ្ងៃ ដោយគិតចាប់ពីថ្ងៃទី១ ដល់ថ្ងៃទី១៥ ខែធ្នូ ឆ្នាំ២០២០ ប៉ុន្តែ គ្រប់គ្រឹះស្ថាន អាចបន្តដំណើរការបណ្ដុះបណ្ដាលតាមប្រព័ន្ធបណ្ដុះបណ្ដាល ពីចម្ងាយ ឬអនឡាញ (ONLINE) បានជាធម្មតា៕ ដោយ ៖ ស.អ. សូមអានខ្លឹមសារទាំងស្រុងដូចខាងក្រោម ៖
  • កម្មវិធីតភ្ជាប់ស្ពានស្ទឺងត្រង់- ក្រូចឆ្មារ ដែលគ្រោងធ្វើនៅថ្ងៃទី៧ ខែធ្នូ ឆ្នាំ២០២០ ត្រូវលើកពេល សម្ដេចតេជោ ហ៊ុន សែន បានបញ្ជាក់នៅថ្ងៃទី៣០ ខែវិច្ឆិកា ឆ្នាំ២០២០ នេះ ថា «ខ្ញុំស្នើឲ្យឯកឧត្ដម ស៊ុន ចាន់ថុល លុបចោលកម្មវិធី នៃការភ្ជាប់ស្ពានស្ទឹងត្រង់-ក្រូចឆ្មារ នៃខេត្តកំពង់ចាម-ត្បូងឃ្មុំ ដែលគ្រោងធ្វើនៅថ្ងៃទី៧ ខែធ្នូ ខាងមុខនេះ ដោយសារបញ្ហាកូវីដ-១៩»។ សូមបញ្ជាក់ថា ស្ពានស្ទឹងត្រង់-ក្រូចឆ្មារ បានបើកការដ្ឋានសាងសង់ កាលពីថ្ងៃទី០៩ ខែកុម្ភៈ ឆ្នាំ២០១៨ ដោយគ្រោងចំណាយថវិកាសរុប ៥៦.៩៩លានដុល្លារសហរដ្ឋអាមេរិក នឹងប្រើប្រាស់រយៈពេលសាងសង់ចំនួន៤២ខែ។ ស្ពានស្ទឹងត្រង់-ក្រូចឆ្មារ មានប្រវែងសរុប១,១៣១ម៉ែត្រ និងទទឹង ១៣.៥០ម៉ែត្រ ជាប្រភេទស្ពានបេតុងសរសៃដែក ដែលតភ្ជាប់ពីស្រុកស្ទឹងត្រង់ ខេត្តកំពង់ចាម ទៅស្រុកក្រូចឆ្មារ ខេត្តត្បូងឃ្មុំ៕ ដោយ ៖ ស.អ.
  • រដ្ឋបាលសាលាដំបូងរាជធានីភ្នំពេញ ប្រកាសផ្អាកសវនាការគ្រប់សុំណុំរឿងទាំងអស់រយៈពេល២សប្តាហ៍ សាលាដំបូងរាជធានីភ្នំពេញ នៅព្រឹកថ្ងៃចន្ទ ទី៣០ ខែវិច្ឆិកា ឆ្នាំ២០២០ នេះ ចេញសេចក្តីជូនដំណឹងស្តីពី ការលើកពេលសវនាការលើគ្រប់សំណុំរឿងទាំងអស់ រយៈពេល ២សប្តាហ៍ ដោយគិតចាប់តាំងពីថ្ងៃទី៣០ ខែវិច្ឆិកា ដល់ថ្ងៃទី១៤ ខែធ្នូ ឆ្នាំ២០២០ ដោយហេតុថា មានការពាក់ព័ន្ធនឹងការរីករាលដាលនៃ Covid-19 ដល់ពន្ធនាគារ និងមណ្ឌលអប់រំកែប្រែ ។ ម្យ៉ាងទៀតក៏មានមន្ត្រីមួយចំនួនតម្រូវឱ្យធ្វើចត្តាឡីស័ករយៈពេល ១៤ថ្ងៃផងដែរ៕ ដោយ ៖ ស.អ.
  • សម្តេចតេជោ ហ៊ុន សែន ដាក់បទបញ្ជាមិនអនុញ្ញាតឲ្យមាន ការជួបជុំមនុស្សច្រើន និងឲ្យផ្អាកការរៀបចំអាពាហ៍ពិពាហ៍រយៈពេល១៥ថ្ងៃ នៅក្នុងសារសំឡេង នៅរសៀលថ្ងៃទី៣០ ខែវិច្ឆិកា ឆ្នាំ ២០២០នេះ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានចេញបទបញ្ជាបន្ទាន់មួយដោយប្រកាស មិនអនុញ្ញាតឲ្យមានការជួបជុំមនុស្សច្រើនមិនលើសពី២០នាក់ និងសូមឲ្យផ្អាកការរៀបចំពិធីអាពាហ៍ពិពាហ៍ រយៈពេល ១៥ថ្ងៃ ដើម្បីការពារការឆ្លងរីករាលដាលនៃជំងឺកូវីដ១៩។ សម្ដេចបានបញ្ជាក់ដែរថា ប្រសិនណាបើមានករណីចាំបាច់សូមប្រជាពលរដ្ឋនៅក្នុងផ្ទះ កុំធ្វើដំណើរចេញក្រៅ។
  • អ្នកតំណាងរាស្ត្រ ឯ.ឧ សួស យ៉ារ៉ា លាប់ជំងឺកូវីដ-១៩ ឡើង វិញ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅព្រឹកថ្ងៃទី ៣០ ខែវិច្ឆិកា ឆ្នាំ២០២០ នេះ បានថ្លែងបញ្ជាក់ថា ជំងឺកូវីដ ១៩ ជាជំងឺដែលមិនច្បាស់លាស់ ដែលពលរដ្ឋគ្រប់រូបត្រូវមានការប្រុងប្រយ័ត្នខ្ពស់ និងចូលរួមសាមគ្គីទាំងអស់គ្នាក្នុងដំណាក់កាល «ព្រឹត្តិការណ៍សហគមន៍២៨វិច្ឆិកា» នេះ ព្រោះសូម្បីតែអ្នកតំណាងរាស្ត្រមួយរូប ដែលទទួលបានការព្យា បាលជាសះស្បើយ និងចេញពីមន្ទីរពេទ្យរួចហើយនោះ ក៏បានរើ (លាប់) ជំងឺនេះឡើងវិញផងដែរ ហើយត្រូវបញ្ជួនទៅសម្រាកនៅមន្ទីរពេទ្យឡើងវិញ។ សម្តេចតេជោ បានបញ្ជាក់ថា ឯកឧត្តមសួស យ៉ារ៉ា ដែលជាអ្នកតំណាងរាស្ត្រគណបក្សប្រជាជនកម្ពុជា ធ្លាប់កើតកូវីដ ១៩ ដោយសារតែព្រឹត្តិការណ៍ ៣ វិច្ឆិកា និងទទួលបានការព្យាបាលជាសះ ស្បើយ ក៏ស្រាប់តែរើជំងឺនេះឡើងវិញ ។ លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាលបានថ្លែងថា ឯកឧត្តម សួស យ៉ារ៉ា ពិតជារើជំងឺ […]
  • សម្ដេចតេជោ អះអាងថា កូវីដ-១៩ មិនអាចបង្អាក់ដំណើរការនៃការអភិវឌ្ឍហេដ្ឋារចនាសម្ព័ន្ធកម្ពុជានោះទេ សម្តេចតេជោ ហ៊ុន សែន នាយករដ្ឋមន្ត្រីកម្ពុជា អញ្ជើញបើកការដ្ឋានសាងសង់ខ្សែផ្លូវ ៣៨ ខ្សែ និងការកែលម្អដងស្ទឹងសៀមរាប នៅព្រឹកថ្ងៃទី៣០ វិច្ឆិកានេះ។ សម្តេចតេជោ បានបញ្ជាក់ថា កូវីដ-១៩ មិនអាចបង្អាក់ដំណើរការ នៃការស្ថាបនាហេដ្ឋារចនាសម្ព័ន្ធរបស់កម្ពុជានោះទេ។ កម្ពុជា នៅតែមានលទ្ធភាព ទម្លាក់ថវិកា ដើម្បីសាងសង់ និងកែលម្អហេដ្ឋារចនាសម្ព័ន្ធ។ ថ្លែងនៅក្នុងពិធីបើកការដ្ឋានសាងសង់ខ្សែផ្លូវ៣៨ខ្សែ និងការកែលម្អដងស្ទឹងសៀមរាប នៅព្រឹកថ្ងៃទី៣០ វិច្ឆិកានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាក់ថាឲ្យដឹងថា ទោះស្ថានភាពកូវីដ-១៩ នៅបន្តអូស បន្លាយនៅកម្ពុជាក្តី ប៉ុន្តែកម្ពុជា នៅតែមានថវិកាសម្រាប់ទម្លាក់មកអភិវឌ្ឍ និងកែលម្អហេដ្ឋារចនាសម្ព័ន្ធនានានៅក្នុងខេត្តសៀម រាប។ សម្តេចតេជោ បានអះអាងថា កូវីដ-១៩ មិនអាចបង្អាក់ដំណើរការ នៃការស្ថាបនាហេដ្ឋារចនាសម្ព័ន្ធរបស់កម្ពុជានោះទេ។ សម្តេចតេជោ បានយកថវិកានៅសល់ចំនួន៥លានដុល្លារអាមេរិក សល់ពីការសាងសង់ផ្លូវនៅខេត្តព្រះសីហនុនៅ មកបន្ថែមកែលម្អដងស្ទឹងសៀមរាប ឲ្យកាន់ តែស្រស់ស្អាតថែមទៀត បន្ថែមពីលើថវិកាចំនួន១៥០លានដុល្លារ សម្រាប់កសាងផ្លូវក្នុងខេត្ត។ នៅឆ្នាំ២០២២ ខាងមុខ នេះ បើសិនស្ថានភាពកូវីដ-១៩ មានការថមថយ រាជរដ្ឋាភិ […]
  • សម្តេចតេជោ៖ ពេលនេះ មិនមែនជាពេលត្រូវបន្ទោសគ្នាទេ តែជាពេលត្រូវរួមសាមគ្គីគ្នា ដើម្បីប្រយុទ្ធនឹងកូវីដ-១៩ សម្តេចតេជោ ហ៊ុន សែន នាយករដ្ឋមន្ត្រីបានហៅព្រឹត្តិការណ៏នៃការឆ្លងចូលសហគមន៏ថ្មីៗនេះ ជាព្រឹត្តិការណ៏សហគមន៏២៨ វិច្ឆិកា ដើម្បីចៀសវាងការ យកឈ្មោះអគ្គនា យកពន្ធនាគារមកហៅ។ សម្តេចតេជោ បានបញ្ជាក់ថា ពេល នេះ មិនមែនជាពេលត្រូវបន្ទោសគ្នាទេ តែជាពេលត្រូវរួមសាមគ្គីគ្នា ដើម្បីប្រយុទ្ធនឹងកូវីដ-១៩។ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានមានប្រសាសន៏ថា ការស្វែងរកអ្នកពាក់ព័ន្ធទាំងអស់ទាំងផ្ទាល់ និងដោយប្រយោល គឺជារឿងចាំ បាច់ និងធ្វើក្នុងល្បឿនលឿនបំផុតតាមដែលអាចធ្វើទៅបាន ដើម្បីធ្វើការទប់ស្កាត់ការឆ្លងរីករាលដាលនៃជំងឺនេះកាន់តែធំ។ សម្តេចតេជោ បញ្ជាក់ថា មកដល់ពេលនេះ គេមិនទាន់ដឹងពីប្រភពនៃការចម្លងពិតប្រាកដនៅឡើយទេ ដូច្នោះការ ពង្រីកការរុករក អ្នកពាក់ព័ន្ធក្នុងល្បឿនលឿន និងទ្រង់ទ្រាយធំជារឿងចាំបាច់បំផុតដែលត្រូវធ្វើ។ បើតាមសម្តេចតេជោ មក ដល់ពេលនេះសំណាកមនុស្សចំនួនជាង៣៣០០ត្រូវបានយកទៅធ្វើតេស្ត និងបានរកឃើញវិជ្ជមានចំនួន១៤ ករណី ជាករណីឆ្លងក្នុងសហគមន៏ ដែលស្ថិតនៅក្នុងចង្កោមក្រសួង មហាផ្ទៃ និងក្រុមគ្រួសាររបស់ ឯ.ឧ ឆែម សាវុធ អគ្គនាយកនៃអគ្គនាយកដ្ឋានពន្ធនាគារ។ សម្តេចតេជោ ហ៊ុន សែន បានអំពាវនាវឲ្យអ្នកពាក់ព័ន្ធទាំង អស់មកធ្វើតេស្ត និងធ្វើចត្តាឡីស័ក១៤ថ្ងៃឲ្យបានត្រឹមត្រូវ។ សម្តេចបានបញ្ជាឲ្យអាជ្ញាធរខេត្ត […]
  • អ្នកនាំពាក្យក្រសួងយុត្តិធម៌ លើក៣ចំណុច ឆ្លើយតបនឹងសេចក្តីថ្លែងការណ៍របស់អ្នករាយការណ៍ពិសេស ឯកឧត្តមជិន ម៉ាលីន អ្នកនាំពាក្យក្រសួងយុត្តិធម៌ បានលើក៣ចំណុច ឆ្លើយតបនឹងសេចក្តីថ្លែងការណ៍របស់អ្នករាយការណ៍ពិសេសអង្គការសហប្រជាជាតិ Rhona Smith អំពីស្ថានភាពសិទ្ធិមនុស្សនៅកម្ពុជា៖ ១. មូលដ្ឋាននៃការអនុវត្តច្បាប់៖ វាជាការចោទប្រកាន់ជ្រាំដែល និងដដែលៗ ដោយគ្មានមូលដ្ឋានមកលើវិធានការរបស់សមត្ថកិច្ច ថាគ្មានមូលដ្ឋានច្បាប់ ដែលតាមពិតសមត្ថកិច្ចមានមូលដ្ឋានផ្លូវច្បាប់រឹងមាំ និងច្បាស់លាស់ក្នុងដំណើរការនីតិវិធីតាមផ្លូវតុលាការលើជនជាប់ចោទ ដោយផ្អែកលើអង្គហេតុ និងអង្គច្បាប់ក្នុងការដាក់បន្ទុកតាមរយៈសក្ខីកម្ម និងភស្តុតាងនានា ជាច្រើនដែលសមត្ថកិច្ចបានបង្ហាញនាពេលកន្លងមក។ តែផ្ទុយទៅវិញ មានតែក្រុមជន ជាប់ចោទទាំងអស់នោះវិញទេ ដែលមិនមានភស្តុតាងនិងសក្ខីកម្មរឹងមាំក្នុងការដោះបន្ទុកតាមផ្លូវច្បាប់ ក្រៅតែពីការចោទប្រកាន់សមត្ថកិច្ចនិងតុលាការ ជួបជុំគ្នាតវ៉ា រត់គេចខ្លួន និងបដិសេធមិនចូលរួមក្នុងដំណើរការនីតិវិធីរបស់តុលាការនាពេលកន្លងមក ដែលទាំងនេះមិនមែនជាមធ្យោ បាយក្នុងការការពារខ្លូនតាមផ្លូវច្បាប់នោះទេ។ ២. បទល្មើសដែលមានអ្នកពាក់ព័ន្ធច្រើន៖ វាជារឿងធម្មតានិងជាគោលការណ៍ច្បាប់ព្រហ្មទណ្ឌ សំណុំរឿងមួយចំនួនអាចមានអ្នកជាប់ពាក់ព័ន្ធច្រើនកាលណាវាជាសំណុំរឿងដែលមានអង្គការចាត់តាំងរៀបចំចាត់ចែងច្បាស់លាស់និងជាប្រព័ន្ធ ភាសាអង់គ្លេសហៅថា Organized crime ដែលតាមគោលការណ៍ច្បាប់ព្រហ្មទណ្ឌ ក្នុងសំណុំរឿងបែបនេះ អ្នកដែលជាប់ពាក់ព័ន្ធទាំងប៉ុន្មានត្រូវទទួលខុសត្រូវតាមផ្លូវច្បាប់ដូចៗគ្នា។ ម្យ៉ាងវិញទៀត ការចេញដីកាជាបន្តបន្ទាប់នាពេលថ្មីៗនេះ ក៏អាចស្ថិតក្នុងគោលដៅនៃការអនុវត្ថយុទ្ធនាការដោះស្រាយការកកស្ទះសំណុំរឿងនៅតាមតុលាការផងដែរ ក្នុងការពន្លឿដំណើរការនីតិវិធីរបស់តុលា ការ មិនមែនក្នុងគោលដៅធ្វើទុក្ខបុកម្នេញរឹតត្បិតសិទ្ធិសេរីភាពរបស់សកម្មជនយោបាយអ្វីនោះទេ។ ៣. សទ្ធិទទួលបានយុត្តិធម៌និងការពារខ្លួនតាមផ្លូវច្បាប់៖ សទ្ធិទទួលបានយុត្តិធម៌និងការពារខ្លួនតាមផ្លូវច្បាប់ ត្រូវបានធានាយ៉ាងពេញលេញដល់ជនជាប់ចោទ តាមរយៈការផ្តល់មេធាវីការពារក្តីនៅសវនាការតាមការចាត់តាំងឬការជ្រើស រើសរបស់សមីខ្លួន ទោះបីពួកគេខ្លះមិនមានវត្តមានក្នុងស្រុកយ៉ាងណាក៏ដោយ។ ដូច្នេះ ពួកគេគួរតែចូលរួមក្នុងដំណើរការនីតិវិធីតុលាការដើម្បីការពារខ្លួនតាមផ្លូវច្បាប់ […]
  • ដំណឹងសម្រាប់ពលរដ្ឋ សិស្ស និស្សិតខ្មែរនៅសហរដ្ឋអាមេរិក ដែលបារម្ភពីលិខិតឆ្លងដែនហួស ឬជិតហួសសុពលភាព ស្ថានទូតនៃព្រះរាជាណាចក្រកម្ពុជា ប្រចាំនៅសហរដ្ឋអាមេរិក នៅថ្ងៃទី២៥ ខែវិច្ឆិកា ឆ្នាំ២០២០ ម្សិលមិញនេះ បានចេញសេចក្តីជូនដំណឹងដល់បងប្អូនប្រជាពលរដ្ឋ សិស្ស និងនិស្សិតខ្មែរទាំងអស់ ដែលកំពុងស្នាក់នៅ ឬសិក្សានៅសហរដ្ឋអាមេរិក ឲ្យរកតំណាងរបស់ខ្លួន ដើម្បីទៅសុំបំពេញបែបបទជំនួសនៅនាយកដ្ឋានលិខិតឆ្លងដែននៃអគ្គនាយកដ្ឋានអត្តសញ្ញាណកម្មនៃក្រសួងមហាផ្ទៃ ដើម្បីអាចសុំផ្ដល់លិខិតឆ្លងដែនធម្មតាថ្មី ឬសាមីខ្លួនផ្ទាល់អាចទៅបំពេញបែបបទស្នើសុំផ្ដល់លិខិតឆ្លងដែនធម្មតាជាថ្មីតាមរយៈស្ថានទូតក៏បាន។ សូមអានបន្ថែមនូវសេចក្តីជូនដំណឹងដែលមានខ្លឹមសារទាំងស្រុងដូចខាងក្រោម ៖
  • ស្ថានទូតជប៉ុន និងUNDP ជួយក្នុងការទប់ស្កាត់សំណល់ប្លាស្ទិកក្នុងសមុទ្រនៅកម្ពុជា» ស្ថានទូតជប៉ុន និងកម្មវិធីអភិវឌ្ឍន៍សហប្រជាជាតិ UNDP កាលពីម្សិលមិញ បានចុះហត្ថលេខាលើកិច្ចព្រមព្រៀងអនុវត្តន៍ «គម្រោងទប់ស្កាត់នឹងសំណល់ប្លាស្ទិកក្នុងសមុទ្រនៅកម្ពុជា» ក្រោមវត្តមានឯកឧត្តម សាយ សំអាលើ រដ្ឋមន្ត្រីក្រសួងបរិស្ថាន។ គម្រោងនេះនឹងត្រូវបានអនុវត្តដោយក្រសួងបរិស្ថាន ក្រុម ប្រឹក្សាជាតិអភិវឌ្ឍន៍ដោយចីរភាព និង UNDP ដោយមានគោលបំណងទប់ស្កាត់ និងកាត់បន្ថយឱ្យបានជាអតិបរមានូវការបំពុលដោយសំណល់ប្លាស្ទិកលើដី និងក្នុងសមុទ្រ តាម រយៈការជំរុញឱ្យមានការអនុវត្តតាមគោលការណ៍ 4Rs (កុំប្រើ-Refuse កាត់បន្ថយ-Reduce ប្រើឡើងវិញ-Reuse និងកែច្នៃយកមកប្រើប្រាស់-Recycle)។ ឯកឧត្តម Mikami Masahiro ឯកអគ្គរាជទូតវិសាមញ្ញ និងពេញសមត្ថភាពនៃប្រទេសជប៉ុន ប្រចាំព្រះរាជាណា ចក្រកម្ពុជា មានប្រសាសន៍ថា «ការបំពុលប្លាស្ទិកនៅតាមសមុទ្របានក្លាយជាវិបត្តិបរិស្ថានដ៏ធំបំផុតមួយនៅក្នុងពិភពលោក។ ក្នុងកិច្ចប្រជុំកំពូលប្រទេស G20 ដែលធ្វើ ឡើងនៅទីក្រុងអូសាកា កាលពីឆ្នាំ២០១៩ រដ្ឋាភិបាលជប៉ុនបានប្រកាសអនុវត្តគំនិតផ្ដួចផ្ដើមថ្មីមួយ ដើម្បីជំរុញឱ្យមាន ការចាត់វិធានការប្រកបដោយប្រសិទ្ធភាព ប្រឆាំងទៅនឹងការបំពុលប្លាស្ទិកនៅតាមសមុទ្រ។» ការកើនឡើងនូវសំណល់ប្លាស្ទិក បានក្លាយជាបញ្ហាប្រឈមមួយក្នុងចំ ណោមបញ្ហាប្រឈមធំៗជាងគេក្នុងពិភពលោកនាពេលបច្ចុប្បន្ននេះ។ សម្ភារប្រើប្រាស់ដែលធ្វើពីប្លាស្ទិកដូចជាថង់ ដប និងប្រដាប់ដាក់វត្ថុនានា បច្ចុប្បន្ននេះ មានវត្តមាននៅគ្រប់ទិសទី ក្នុងផ្ទះ ក្នុងសាលារៀន និងក្នុងកន្លែងធ្វើការរបស់យើង។ ប៉ុន្តែការប្រើប្រាស់ឥតសំចៃបែបនេះ […]
  • សម្ដេចក្រឡាហោម ស ខេង ចូលរួមកិច្ចប្រជុំថ្នាក់រដ្ឋមន្រ្តីអាស៊ាន ស្តីពីការប្រឆាំងឧក្រិដ្ឋកម្មឆ្លងដែន លើកទី១៤ តាមប្រព័ន្ធសន្និសីទវីដេអូ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នាព្រឹកថ្ងៃទី២៦ ខែវិច្ឆិកានេះ បានដឹកនាំថ្នាក់ដឹកនាំជាន់ខ្ពស់ក្រសួងមហាផ្ទៃចូលរួមកិច្ចប្រជុំថ្នាក់រដ្ឋមន្រ្តីអាស៊ាន ស្តីពីការប្រឆាំងឧក្រិដ្ឋកម្មឆ្លងដែន លើកទី១៤ និងកិច្ចប្រជុំពាក់ព័ន្ធនានា (AMMTC) តាមប្រព័ន្ធសន្និសីទវីដេអូ ដោយកិច្ចប្រជុំនេះមានការចូលរួមពីបណ្តាប្រទេសសមាជិកអាស៊ានទាំងអស់ ហើយប្រទេសវៀត ណាមជាប្រធានដឹកនាំកិច្ចប្រជុំនេះ៕
  • រដ្ឋបាលខេត្តព្រះសីហនុ បើកកិច្ចប្រជុំជាមួយក្រុមហ៊ុនស្ថាប នាផ្លូវ ទាំង៣៤ខ្សែ និងក្រុមហ៊ុនអ៊ុតបេទីមផ្លូវក្នុងក្រុងព្រះសីហនុ ឯកឧត្តម គួច ចំរើន អភិបាលខេត្តព្រះសីហនុ ដឹកនាំកិច្ចប្រ ជុំជាមួយក្រុមហ៊ុនស្ថាបនាផ្លូវ ទាំង៣៤ខ្សែ និងក្រុមហ៊ុនអ៊ុតបេទីមផ្លូវក្នុងក្រុងព្រះសីហនុ ដោយមានការចូលរួមពីលោកអភិបាលរងខេត្ត លោកនាយករដ្ឋបាលសាលាខេត្ត អភិបា លក្រុងស្រុក មន្ទីរពាក់ព័ន្ធ និងនាយកទីចាត់ការសាលា ខេត្ត។ ឯកឧត្តម គួច ចំរើន មានប្រសាសន៏ថា ក្រុមការងាររៀបចំអ៊ុតបេទីមលើផ្លូវ ទាំង៣៤ខ្សែក្នុងខេត្តព្រះសីហនុ ហើយគម្រោងនេះនឹងចាប់ផ្តើមនៅថ្ងៃទី២ ខែធ្នូ ឆ្នាំ ២០២០ ខាង មុខ។ ដូច្នេះក្រុមហ៊ុនស្ថាបនាផ្លូវ និងក្រុមហ៊ុនអ៊ុតបេទីមអាចដំណើរការបានតាមកិច្ចសន្យារវាងរដ្ឋបាលខេត្ត ជាមួយក្រុមហ៊ុនអ៊ុតបេទីមទាំង០៣ក្រុមហ៊ុន ជំហានដំបូងយើងធ្វើការអ៊ុតបេទីមលើខ្សែផ្លូវធំៗជាមុន និងបន្តទៅខ្សែផ្លូវផ្សេងទៀតតាមផែនការ និងពេលវេលាដែលបានគ្រោងទុក ។ ឯកឧត្តម អភិបាលខេត្ត បានធ្វើការណែនាំដល់ក្រុមហ៊ុនស្ថាបនាផ្លូវទាំងអស់ ត្រូវធ្វើការសំអាតខ្សែផ្លូវដើម្បីបង្កលក្ខណ:ងាយស្រួលឱ្យក្រុមហ៊ុនអ៊ុតបេទីមមានលទ្ធភាពបំពេញការងារតាមផែនការបានរលូន ព្រមទាំងបានសំណូ មពរឱ្យក្រុមហ៊ុនទាំងអស់គឺក្រុមហ៊ុនស្ថាបនាផ្លូវ និងក្រុម ហ៊ុនអ៊ុតបេទីមត្រូវសហការគ្នាដើម្បីឱ្យដំណើរការស្ថាបនា និងអ៊ុតបេទីមធានាបាននូវបរិមាណ គុណភាព និងសោភ័ណភាព ក្នុងខេត្តព្រះសីហនុរបស់យើង បំរើឱ្យវិស័យទេសចរណ៍ និងវិនិយោគនាពេលខាងមុខ។ សូមបញ្ជាក់ថាក្រុមហ៊ុនទាំង០៣ ដែលទទួលអ៊ុតបេទីម រួមមាន÷ ១.ក្រុមហ៊ុន CCES Engineering Services […]
  • អំណោយម៉ាសជាង២លាន និងបរិក្ខារពេទ្យមួយចំនួនរបស់កម្ពុជា ទៅប្រគល់ជូនមីយ៉ាន់ម៉ា ត្រូវបានដឹកចេញពីកម្ពុជាហើយ ឯ.ឧ សាស្រ្តាចារ្យ ម៉ម ប៊ុនហេង រដ្ឋមន្រ្តីក្រសួងសុខា ភិបា លកម្ពុជា នាំយកអំណោយម៉ាសជាង២លាន និងបរិក្ខារពេទ្យមួយចំនួនរបស់ រាជរដ្ឋាភិបាលកម្ពុជា ទៅប្រគល់ជូនរ ដ្ឋាភិបាល និងប្រជាជនមីយ៉ាន់ម៉ា នៅព្រឹកថ្ងៃទី២៦ ខែវិច្ឆិកា ឆ្នាំ២០២០។ សូមជម្រាបថា អំណោយរបស់រាជរដ្ឋាភិបាលកម្ពុជា ជូនរដ្ឋាភិបាលមីយ៉ាន់ ម៉ារួមមានដូចជា៖ ម៉ាសចំនួន២លាន ម៉ាសក្រណាត់១ម៉ឺន ម៉ាស N95 ចំនួន២ម៉ឺន វែនតាសុវត្ថិ ភាព ចំនួន២ម៉ឺន សំ លៀកបំពាក់សុវត្ថិភាព សម្រាប់មន្ត្រីសុខាភិបាល (ជាឈុត) ចំនួន២ម៉ឺនឈុត ម៉ាស៊ីនវាស់កំដៅ ចំនួន៥០០ របាំងមុខចំនួន២ម៉ឺន ឧបករណ៍ជំនួយការដក ដង្ហើម សម្រាប់ប្រពោធនកម្ម ចំនួន២០ ទូរទស្សន៍តាមដានសុខ ភាពអ្នកជំងឺ និងសម្ភារបន្ទាប់បន្សំម៉ូឌែល Vista ១២០ ចំនួន២០, ម្សៅថ្នាំបាញ់សម្លាប់មេរោគ ២៥គីឡូ ក្រាមក្នុង១ធុង (ក្លរ៉ាមីនប្រភេទB) ៥០០កេស, ស្បែកជើងក៏វែងសុវត្ថិភាព១ពាន់គូ និងសាប៊ូលាងដៃ ២ពាន់គូ។ កាលពីថ្ងៃទី២៤ […]
  • ស្លាប់២នាក់ និងរបួស១៤នាក់ ក្នុងគ្រោះ ថ្នាក់ចរាចរណ៍ទូទាំងប្រទេស ថ្ងៃទី២៥ ខែវិច្ឆិកាម្សិលមិញ យោងតាមរបាយការណ៍ របស់អគ្គស្នងការដ្ឋាននគរបាលជាតិឲ្យដឹងថា នៅថ្ងៃទី២៥ ខែវិច្ឆិកា ឆ្នាំ២០២០ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន៩ លើក បណ្ដាលឲ្យមនុស្សស្លាប់២នាក់ និងរបួសធ្ងន់ស្រាល ១៤នាក់។ ប្រភពព័ត៌មានដដែលបញ្ជាក់ថា មូលហេតុដែលបណ្ដាលឲ្យកើតមានគ្រោះថ្នាក់ចរាចរណ៍ រួមមាន៖ ល្បឿន, មិនប្រកាន់ស្ដាំ ប្រជែង និងមិនគោរពសិទ្ធិ៕

អាវុធហត្ថខេត្តកណ្តាល ចាប់ខ្លួនសង្ឃក្លែងក្លាយ ដែលបិណ្ឌបាត្របច្ច័យពីប្រជាពលរដ្ឋឲ្យផ្ញើរលុយតាមវីង


កក្កដា ១៩
០៩:០៧:៥៧ ព្រឹក ២០១៨
  ២៤២២ Views

ខេត្តកណ្តាល៖ ការចាប់ខ្លួនសង្ឃក្លែងក្លាយខាងលើ ធ្វើឡើងកាលពីល្ងាចថ្ងៃទី ១៧ ខែកក្កដា ឆ្នាំ២០១៨ ក្រោយពី សង្ឃអង្គនោះ បានទូរស័ព្ទទៅប្រជាពលរដ្ឋសុំបិណ្ឌបាត្របច្ច័យ ដោយឱ្យផ្ញើរតាមវីង ដើម្បីយកកសាងសមិទ្ធិផលក្នុងវត្ត “វិហារកោះអណ្តែត” ជាច្រើនដង និងបានពោលពាក្យមិនគប្បីជាអ្នកបួស ថែមទាំងប្រមាថដាក់ទំនាយទៀតផង ។
មន្ត្រីអាវុធហត្ថខេត្តកណ្តាល បានឱ្យដឹងថា ជនដែលបន្លំធ្វើជាព្រះសង្ឃខាងលើ ឈ្មោះពិតប្រាកដ ប៉ោង វិត ឆ្នាំកំណើត ១៩៩៧ មានស្រុកកំណើត ភូមិស្យា ឃុំ-ស្រុកកណ្តៀង ខេត្តពោធិ៍សាត់ ឪពុកឈ្មោះ ចេង ប៉ោង (ស្លាប់) ម្តាយឈ្មោះ ស្រី លាង (កសិករ) រស់នៅភូមិ ឃុំទួលតាឯក ក្រុង ខេត្តបាត់ដំបង បានបួសជាព្រះសង្ឃគង់នៅវត្ត “សូរិយា” នៅសង្កាត់រលាប ក្រុង-ខេត្តពោធិ៍សាត់ ក្នុងឆ្នាំ២០១០ ក្រោយមកបានមកគង់នៅវត្ត “បុទុមវត្តី” ភ្នំពេញ រយៈពេល០៦ឆ្នាំ ចេញមករៀនបន្ត នៅវត្ត “ពោធិ៍វាល” ខេត្តបាត់ដំបង រួចចេញពីនោះ មកគង់នៅវត្ត “ទេពសន្យា” ស្រុកកណ្តៀង ខេត្តពោធិ៍សាត់ នៅក្នុងឆ្នាំ ២០១៨ មុនចូលឆ្នាំខ្មែរ។ ក្រោយចូលឆ្នាំខ្មែរ មកគង់នៅវត្ត “សារ៉ាវ័ន្ត” បន្ទាប់មកចេញមកវត្ត “ពុទ្ធមណ្ឌល” បានមួយរយៈ ក៏បានមកគង់នៅវត្ត “វិហារកោះអណ្តែត” ស្ថិតក្នុងភូមិភ្នំបាត ឃុំផ្សារដែក ស្រុកពញាឮ ខេត្តកណ្តាល ។

មន្ត្រអាវុធហត្ថដដែល បានឱ្យដឹងបន្ថែមថា នៅថ្ងៃទី ១៤-១៥-១៦ សង្ឃក្លែងក្លាយរូបនោះ បានទូរស័ព្ទទៅប្រជាពលរដ្ឋ សុំបិណ្ឌបាត្របច្ច័យយកទៅកសាងសមិទ្ធិផលក្នុងវត្ត “វិហារកោះអណ្តែត” ពេលនោះជនរងគ្រោះ បានឆ្លើយតបវិញថា បានផ្តល់ជាបច្ច័យ ម្តងជាពីរដងរួចហើយ ពុំមានលទ្ធភាពផ្តល់បច្ច័យទៀតទេ សូមព្រះអង្គកុំទូរស័ព្ទមកទៀត តែព្រះសង្ឃ អង្គនោះ នៅតែជ្រក់ជ្រេញបន្តទូរស័ព្ទជនរងគ្រោះជាច្រើនលើកច្រើនសារទាំងយប់ទាំងថ្ងៃ រកពេលសម្រាកគ្មាន។ ដោយមានការធុញទ្រាន់ និងមានកិច្ចការច្រើនផង ជនរងគ្រោះក៏បានប្តឹងមកជំនាញអាវុធហត្ថខេត្តកណ្តាលតែម្តង ។

នៅក្នុងការសារសងតាមទូរស័ព្ទ ព្រះសង្ឃក្លែងរូបនោះបានពោលពាក្យមិនគប្បីជាអ្នកបួសរៀនទេ និងបានប្រមាថដាក់ ទំនាយមកលើជំនាញទៀតផង។ ដោយយល់ឃើញថា ពាក្យសម្តីមិនសមរម្យបែបនេះ ធ្វើឲ្យមានការសង្ស័យ មន្ត្រីជំនាញ អាវុធហត្ថខេត្ត បានធ្វើការស្រាវជ្រាវ និងធ្វើការទំនាក់ទំនងជាមួយព្រះចៅអធិការវត្តព្រះនាម ឈឹម សុផល គង់នៅវត្ត “វិហារកោះអណ្តែត” នៅស្រុកពញាឮ ខេត្តកណ្តាល រហូតបានដឹងថា ព្រះសង្ឃអង្គនោះគង់នៅក្នុងវត្តនោះ ក៏បានឃាត់ខ្លួន យកមកសាកសួរនៅទីបញ្ជាការកងរាជអាវុធហត្ថខេត្តកណ្តាលតែម្តង ។

នៅចំពោះមុខជំនាញអាវុធហត្ថខេត្តកណ្តាល សង្ឃក្លែងក្លាយរូបនោះបានសារភាពថា រយៈកាលប៉ុន្មានខែមុន “ខ្ញុំបានមក ផ្ទះជនរងគ្រោះ ហើយទំនាក់ទំនងបានជួបគាត់ដោយផ្ទាល់ សុំបិណ្ឌបាត្របច្ច័យពីគាត់បានចំនួន២០០ដុល្លា ក្រោយមក បាន៥០ដុល្លាទៀត តាមរយៈ “វីង”។ រហូតមកដល់ថ្ងៃទី១៤ ខែកក្កដា ឆ្នាំ២០១៨ ខ្ញុំបានទូរស័ព្ទទៅជនរងគ្រោះជាថ្មីទៀត សុំបិណ្ឌបាត្របច្ច័យកសាងរោងបាយនៅក្នុងវត្ត “វិហារកោះអណ្តែត” ពេលនោះជនរងគ្រោះមិនបានឆ្លើយតបទេ ខ្ញុំនៅតែ ទូរស័ព្ទទៅគាត់ជាច្រើនលើកច្រើនសារម្តងហើយម្តងទៀត រហូតដល់គាត់បានប្រាប់ខ្ញុំទាក់ទងទូរស័ព្ទជាមួយកូនចៅរបស់ គាត់វិញ។ បន្ទាប់ពីទាក់ទងជាមួយកូនចៅគាត់ហើយ កូនចៅគាត់នោះបានឲ្យខ្ញុំមកយកបច្ច័យចំនួន២០០ដុល្លា នៅផ្ទះគាត់ ប៉ុន្តែខ្ញុំបដិសេធមិនទៅទេ ឲ្យផ្ញើតាម “វីង” មកព្រោះខ្ញុំធ្លាប់ត្រូវបានគេម្នាក់ (មិនបញ្ចេញឈ្មោះ) ហៅខ្ញុំទៅយកប្រាក់បច្ច័យ ដូចគ្នា ហើយបានហៅសមត្ថកិច្ចមកឃាត់ខ្ញុំតែម្តង ហេតុដូចនេះទើបខ្ញុំមិនហ៊ានមកយកនៅផ្ទះគាត់។

ចំពោះការសុំបច្ច័យពីជនរងគ្រោះ គឺខ្ញុំបានទូរស័ព្ទទៅរកគាត់ផងនិងកូនចៅរបស់គាត់ផងរាល់ថ្ងៃរាល់ម៉ោងរាល់ពេល គឺនៅ ថ្ងៃទី១៤.១៥ និងថ្ងៃទី១៦ ខែកក្កដា ឆ្នាំ២០១៨ បន្ទាប់មកក៏មានសមត្ថកិច្ចអញ្ជើញរូបខ្ញុំមកសាកសួរតែម្តង។ បន្ទាប់មក មន្ត្រីជំនាញបានធ្វើការទំនាក់ទំនងទៅមន្ទីរធម្មការក្រុងតាខ្មៅ ដើម្បីសាកសួរព័ត៌មាន និងបានឲ្យដឹងថា ព្រះសង្ឃព្រះនាម ប៉ោង វិត នេះត្រូវបានគណៈកម្មាការធម្មការខេត្តពោធិ៍សាត់ បានផ្សឹករួចទៅហើយ កាលពីថ្ងៃទី០៥ ខែឧសភា ឆ្នាំ២០១៨ មូលហេតុ ដើររៃអង្គាសបច្ច័យដោយគ្មានការអនុញ្ញាតិពីព្រះចៅអធិការ និងមានស្រីញីទៀតផង ការផ្សឹកនេះធ្វើឡើងតាម សេចក្តីជូនដំណឹងរបស់សាលាគណរាជធានីភ្នំពេញ ហើយថ្មីៗនេះបុគ្គលឈ្មោះ ប៉ោង វិត បានមកឆបោកប្រាក់ ប្រជាពលរដ្ឋនៅក្នុងក្រុងតាខ្មៅ ដោយតាំងខ្លួនជាព្រះសង្ឃដដែល។

នៅព្រឹកថ្ងៃទី១៨ ខែកក្កដា ឆ្នាំ២០១៨ ជំនាញបានប្រគល់បុគ្គលឈ្មោះ ប៉ោង វិត ទៅឲ្យលោក ហ៊ីង សុភាព ប្រធាន ការិយាល័យធម្មការ និងសាសនាក្រុងតាខ្មៅ ជាមួយនឹងព្រះតេជគុណ ខេង លាងហ៊ី លេខាអនុគណក្រុងតាខ្មៅ ដើម្បីយក ទៅសាកសួរ និងចាត់ចែងតាមពុទ្ធវិន័យ ដោយផ្សឹក និងឲ្យធ្វើកិច្ចសន្យា នៅវត្តព្រះពុទ្ធអណ្តែត ហៅវត្តព្រែកហូរ ស្ថិតក្នុងភូមិ សង្កាត់ព្រែកហូរ ក្រុងតាខ្មៅ ខេត្តកណ្តាល ៕ ដោយ ដាំ ជា






ចែករំលែកបន្ត

  Address:

Sleng Roleung Village, Sangkat Toek Thla, Khan Sen Sok, Phnom Penh, Cambodia.                                                              

  010 555 253 / 092 86 22 71
  info@seatv.com.kh
  8:00 AM - 6:00 PM

  The Southeast Asia Television (SEATV)