មានវីដេអូរ៖ ប្រជាពលរដ្ឋចាប់យកមុខរបរបេះផ្លែគុយលក់ដើម្បីបង្កើនជីវភាពគ្រួសារពេលដល់រដូវរុក្ខជាតិនេះចេញផ្លែ

ព័ត៌មានថ្មី

ជប៉ុនផ្តល់ថវិកាជាង ២លានដុល្លារអាមេរិក សម្រាប់ការជម្រុញការអភិវឌ្ឍសហគមន៍ តាមរយៈការបោសសម្អាតមីននិងគ្រាប់បែកចង្កោម រដ្ឋាភិបាលជប៉ុន បានឯកភាពផ្តល់ថវិកាសរុបចំនួន ២,២៣៥,៣៦៤ ដុល្លារអាមេរិក ដល់អង្គភាពទទួលជំនួយចំនួនពីរ ក្រោមគ្រោងការណ៍ជំនួយហិរញ្ញប្បទានឥតសំណ ងសម្រាប់គម្រោងរបស់អង្គការក្រៅរដ្ឋាភិបាលជប៉ុន។ ឪក្នុងនោះ ថវិកា១,៧៦៣,២៥១ ដុល្លារអាមេរិក ត្រូវបានផ្តល់ទៅអង្គការសកម្មភាពកំចាត់មីនជប៉ុន (JMAS) ដើម្បីអនុវត្ត “គម្រោងគាំទ្រការស្ថាបនាហេដ្ឋារចនាសម្ព័ន្ធឡើង វិញជាមួយនឹងការបោសសម្អាតមីននៅខេត្តបន្ទាយមាន ជ័យ ហៅកាត់ថាគម្រោង RSDB (ឆ្នាំទី១)” និង“គម្រោងគាំទ្រការស្ថាបនាហេដ្ឋារចនាសម្ព័ន្ធឡើងវិញ ជាមួយនឹងការបោ សសំអាតគ្រាប់បែបចង្កោមនៅខេត្តស្ទឹងត្រែង ហៅកាត់ថាគម្រោង RSCS (ឆ្នាំទី១)” ហើយថវិកា ៤៧ម៉ឺន ២,១១៣ ដុល្លារអាមេរិកទៀត ត្រូវបានផ្តល់ទៅអង្គការកុមារឥតព្រំដែន (KnK) ដើម្បីអនុវត្តគម្រោង “ការកសាងសមត្ថ ភាពយុវជនក្នុងខេត្តប៉ៃលិន តាមរយៈការពង្រឹងមជ្ឈមណ្ឌលសិក្សាសហគមន៍ (ឆ្នាំទី២)។ ឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតជប៉ុន និង អ្នក តំណាងមកពីអង្គការទាំងពីរ បានចុះហត្ថលេខាលើកិច្ច សន្យាផ្តល់ជំនួយឥតសំណងនេះ។ យើងជឿជាក់ថា ជំនួយឥតសំណងនេះ នឹងជួយកែលម្អគុណភាពជីវិតរបស់ប្រជាជនដែលរស់នៅក្នុងទីតាំងនៃគម្រោងនីមួយៗ។ ភាគីទាំងពីរបានចុះហត្ថលេខាលើកិច្ចសន្យាផ្តល់ជំនួយ ដាច់ដោយឡែកពីគ្នា ដើម្បីចូលរួមក្នុងកិច្ចខិតខំប្រឹងប្រែងក្នុងការទប់ស្កាត់ ការរីករាលដាលចូលសហគមន៍នៃវីរុសកូវីត១៩ ដែលហៅថា “ព្រឹត្តិការណ៍សហគមន៍ ២០កុម្ភៈ”៕
ទឹកបារាយណ៍ខាងលិចរួមចំណែក ក្នុងការងារកសិកម្មរបស់ប្រជាពលរដ្ឋ ប្រជាកសិករនៃសហគមន៍កសិករប្រើប្រាស់ទឹកប្រព័ន្ធធារាសាស្រ្ដបារាយណ៍ខាងលិច កំពុងរីករាយជាមួយនឹង ទិន្ន ផលស្រូវនៅក្នុងរដូវនេះ ដែលតាមការអះអាង ឆ្នាំនេះមាន ការកើនឡើងជាងឆ្នាំទៅ។ ប្រជាកសិករទាំងនោះអះ អាងថា កំណើនទិន្នផលស្រូវឆ្នាំនេះ ក៏ដោយសារការទទួលទឹកពីបារាយណ៍ខាងលិចដែលគ្រប់គ្រងដោយអាជ្ញាធរជាតិអប្សរាបានទាន់ពេលវេលា និងក្នុងបរិវេណគ្រប់គ្រាន់សម្រាប់បំពេញស្រែរាប់សិបហិកតារបស់ពួកគេ។ ប្រធានសហគមន៍កសិករប្រើប្រាស់ទឹកប្រព័ន្ធធារាសាស្រ្ដបារាយណ៍ខាងលិច លោក សុខ មក់ ឱ្យដឹងថា ទិន្នផលរបស់ប្រជាកសិករដែលទទួលទឹកបារាយណ៍ខាងលិចនៅឆ្នាំនេះ ទទួលបានផលល្អប្រសើរ។ លោកបន្ថែមថា លទ្ធផលដែលទទួលបាននេះ ក៏ដោយសារការទទួលទឹកពីប៉ែកខាងលើដែលទម្លាក់មក មានភាពងាយស្រួល និងឆាប់រហ័សទាន់ ពេលវេលា។ ប្រធានសហគមន៍ លោក សុខ មក់ បានបង្ហាញអារម្មណ៍រីករាយជាខ្លាំងចំពោះអាជ្ញាធរជាតិអប្សរា ដែលជានិច្ចកាលបានសហការផ្តល់ទឹកដល់កសិករសម្រាប់ស្រោចស្រពស្រូវតាមតម្រូវការជាក់ស្ដែង។ កសិករក្នុងភូមិតាជេត ឃុំសំរោងយា ស្រុកពួក ខេត្តសៀម រាប លោក ជា ម៉ោញ រៀបរាប់ថា ស្រែចំនួន៥ហិកតារបស់លោកនៅឆ្នាំ ទទួលផលគិតជាទឹកប្រាក់ប្រមាណ១៥ លាន ។ លោកបន្ថែមថា ទឹកបារាយណ៍ជាផ្នែកមួយយ៉ាងសំខាន់ដែលជួយឱ្យផលស្រូវរបស់លោកបានផលល្អ។ លោកបញ្ជាក់ថា៖‍ បើគ្មានទឹកនោះទេ ស្រូវមិនកើតទេ ព្រោះវាលនេះតាំងពីដើម ពឹងលើទឹកបារាយណ៍តាំងពីសង្គមមក»។ មន្រ្តីបច្ចេកទេសនៃនាយកដ្ឋានគ្រប់គ្រងទឹក លោក ទឹម ឆោម […]
អាជ្ញាធរជាតិអប្សរា កំពុងផ្លាស់ប្តូរផ្ទាំងព័ត៌មាន និងស្លាកសញ្ញាប្រាប់ទិសដៅទស្សនាជុំវិញប្រាសាទបន្ទាយស្រី ក្នុងន័យបង្កើនគុណភាពសេវាទេសចរណ៍ក្នុងរមណីយដ្ឋានអង្គរ ព្រមទាំងផ្តល់ជូនភ្ញៀវទេសចរនូវបទពិសោធន៍ល្អៗពីការទស្សនាប្រាសាទបន្ទាយស្រី នាយកដ្ឋានអភិវឌ្ឍន៍ វប្បធម៌ សារមន្ទីរ និងបទដ្ឋានបេតិកភណ្ឌនៃអាជ្ញាធរជាតិអប្សរា បានផ្លាស់ប្តូរផ្ទាំងព័ត៌មាន និងស្លាកសញ្ញាប្រាប់ទិសដែលចាស់ទ្រុឌទ្រោម រលុបអក្សរចេញ ដោយជំនួសមកវិញនូវផ្ទាំងព័ត៌មាននិងស្លាកសញ្ញាថ្មី ដែលមានបន្ថែមនូវព័ត៌ មានអំពីរយៈចម្ងាយពីទីតាំងមួយទៅទីតាំងមួយទៀត។ ការផ្លាស់ប្តូរនេះ គឺដើម្បីឱ្យភ្ញៀវទេសចរ កាន់តែងាយស្រួល និងទទួលបានព័ត៌មានគ្រប់គ្រាន់ពីការទស្សនាប្រាសាទ បន្ទាយស្រី។ ជាមួយគ្នាដែរ អាជ្ញាធរជាតិអប្សរាក៏បានរៀបចំជាកន្លែងអង្គុយសម្រាកក្រោមម្លប់ឈើនៅតាមបណ្តោយផ្លូវដើរចេញពីប្រាសាទត្រឡប់ទៅចំណតយានយន្តវិញ ដើម្បីសម្រួលដល់ទេសចរដែលមានអាយុច្រើន និងឆ្លើយតបចំពោះភ្ញៀវទេសចរដែលត្រូវការទីតាំងអង្គុយអានសៀវភៅ ព្រមទាំងអាចមើលឃើញប្រាសាទពីចម្ងាយ៕
អាជ្ញាធរជាតិអប្សរា ចុះពិនិត្យលក្ខណៈបច្ចេកទេស នៃការសាង សង់លំនៅដ្ឋានក្នុងតំបន់អង្គរចំនួន ៤៧០គ្រួសារ នាយកដ្ឋានរៀបចំដែនដីនិងគ្រប់គ្រងលំនៅដ្ឋានក្នុងឧទ្យានអង្គរនៃអាជ្ញាធរជាតិអប្សរាឱ្យដឹងថា ក្នុងអំឡុង ខែកុម្ភៈ ឆ្នាំ ២០២១ ក្រុមការងារបានចុះពិនិត្យនិងជួយ សម្រួលលក្ខណៈបច្ចេកទេសនៃការសាងសង់លំនៅ ដ្ឋាននិងសំណង់ ឧបសម្ពន្ធផ្សេងៗទៀតដល់ប្រជាពល រដ្ឋដែលរស់នៅក្នុងឧទ្យាន និងក្រៅឧទ្យានអង្គរបានចំនួន ៤៧០ គ្រួសារ។ ចំពោះប្រជាពលរដ្ឋដែលរស់នៅក្នុងឧទ្យានអង្គរចំនួន ៤៦០ គ្រួសារ៖ ក្រុងសៀមរាប ១៣៦គ្រួសារ ស្រុកប្រាសាទបាគង ១១៧គ្រួសារ ស្រុកបន្ទាយស្រី ៨៩គ្រួសារ ស្រុកពួក ៤៣ គ្រួសារ និងស្រុកអង្គរធំ ៦៦គ្រួសារ។ ចំណែកប្រជាពល រដ្ឋរស់នៅក្រៅឧទ្យានអង្គរចំនួន១០គ្រួសារ៖ គឺនៅក្រុងសៀម រាប ០៣គ្រួសារ និងស្រុកស្វាយលើចំនួន០៧នគ្រួសារ។ សូមបញ្ជាក់ថា រាល់ការអនុញ្ញាតនិងដាក់ពាក្យសាងសង់ស្នើសុំ គឺមិនតម្រូវឱ្យប្រជាពលរដ្ឋបង់ប្រាក់នោះឡើយ៕
អ្នកចូលផ្សារម៉ាក្រូភ្នំពេញ វេលាម៉ោង៥:៤១នាទីដល់ម៉ោង ៦:៤៨នាទីល្ងាច ថ្ងៃទី២០ កុម្ភ: សូមធ្វើតេស្តកូវីដ-១៩ ករណីវិជ្ជមានកូវីដ-១៩ ម្នាក់ធ្លាប់បានចូលផ្សារម៉ាក្រូភ្នំពេញ វេលាម៉ោង៥:៤១នាទីដល់ម៉ោង៦:៤៨នាទីល្ងាច ថ្ងៃទី ២០ កុម្ភ: ២០២១ ។ ១. សូមអញ្ជេីញបងប្អូនដែលមានរោគសញ្ញា ដូចជាគ្រុនក្តៅ ក្អក កណ្តាស់ ឈឺបំពង់ក ឬពិបាកដកដង្ហើមនិងធ្លាប់ចេញចូលទៅផ្សារម៉ាក្រូនៅថ្ងៃទី២០ ខែកុម្ភ: ពេលវេលាខាងលេី សូមអញ្ជេីញទៅធ្វើតេស្តនៅទីតាំងដែលបានកំណត់ដោយអាជ្ញាធរសុខាភិបាលរាជនី-ខេត្ត មានស្រាប់ ។ ២. ចំពោះបុគ្គលដែលមិនមានរោគសញ្ញាសូមតាមដានសុខភាពរបស់ខ្លួនចំនួន១៤ថ្ងៃ រាប់ចាប់ពីថ្ងៃទី២០ កុម្ភ: ២០២១ តទៅ ។
អភិបាលរាជធានីភ្នំពេញ ឧបត្ថម្ភថិវិកា២០លានរៀលដល់កម្លាំងអាវុធហត្ថ រាជធានីភ្នំពេញ បង្ក្រាបក្រុមចោរដែលចូលប្លន់និងជម្រិត ឯកឧត្តម ឃួង ស្រេង អភិបាលរាជធានីភ្នំពេញ ឧបត្ថម្ភថិវិកា ២០លានរៀល ដល់កម្លាំងអាវុធហត្ថ រាជធានីភ្នំពេញ ក្នុងព្រឹត្តិការបង្ក្រាបក្រុមចោរដែលចូលប្លន់និងជម្រិតមិនបានសម្រេច ក្នុងបុរីអង្គរភ្នំពេញ។ ក្រុមឧក្រិដ្ឋជនមានគ្នា០៤នាក់ បានរៀបផែនការ ចូលជម្រិតយកប្រាក់១លានដុល្លារពីម្ចាស់ផ្ទះ ជាមុន បន្ទាប់មកពេលបានប្រាក់ហើយ នឹងប្លន់សម្លាប់ម្ចាស់ផ្ទះទាំងគ្រួសារជាក្រោយ។ ជាក់ស្តែង កាលពីវេលាម៉ោង១១និង០០នាទី ថ្ងៃទី០១ ខែមីនា ឆ្នាំ២០២១ ឧក្រិដ្ឋជនទាំង០៤នាក់ បានប្រើប្រាស់កាំភ្លើងវែង AKមួយដើម និងកាំភ្លើងខ្លី០២ដើម ចូលមកប្លន់តាមផែនការមែន ក៏ប៉ះគ្នាជាមួយសមត្ថកិច្ចកងរាជអាវុធហត្ថរាជធានីភ្នំពេញ ដែលដឹកនាំដោយ លោកឧត្តមសេនីយ៍ឯក រ័ត្ន ស្រ៊ាង ផ្ទាល់ បណ្តាលឲ្យក្រុមឧក្រិដ្ឋ ជនទាំង០៤នាក់ ស្លាប់នៅនឹងកន្លែង៕
រដ្ឋបាលខេត្តកំពង់ធំ ចាប់ផ្ដើមចាក់វ៉ាក់សាំងបង្ការជម្ងឺកូវីដ -១៩ ជូនបុគ្គលិកសុខាភិបាល មន្ត្រីនគរបាល មន្ទីរពេទ្យបង្អែកចំនួន៣ ក្នុងខេត្តកំពង់ធំ ចាប់ផ្ដើមចាក់វ៉ាក់ សាំងកូវីដ១៩ ជូនបុគ្គលិកសុខាភិបាល មន្ត្រីនគរបាល ថ្នាក់ដឹកនាំខេត្ត ក្រុងស្រុក និងមន្ទីរអង្គភាពជុំវិញខេត្ត ចាប់ពីថ្ងៃទី០១ ខែមីនា ឆ្នាំ២០២១នេះតទៅហើយ ដែលមានទីតាំងនៅមន្ទីរពេទ្យខេត្ត មន្ទីរពេទ្យបង្អែកស្ទោង និងមន្ទីរ ពេទ្យបង្អែកបារាយណ៍-សន្ទុក នាព្រឹកថ្ងៃទី ០១ ខែមីនា ឆ្នាំ២០២១។ ឯកឧត្តម សុខ លូ អភិបាលខេត្តកំពង់ធំ បានបញ្ជាក់ថា ការចាក់វ៉ាក់សាំងនេះ គឺមិនមានការបង់ប្រាក់ទេ ហើយតាមការស្ម័គ្រចិត្ត និងបន្តចាក់ជូនជាបន្តបន្ទាប់តាមលំដាប់អាទិភាព តាមគោលការណ៍របស់ក្រសួងសុខាភិបាល ទៅតាមដំណាក់ កាល តាមផែនការរបស់រាជរដ្ឋាភិបាលកម្ពុជា ដើម្បីការពារខ្លួនយើង គ្រួសារយើងសង្គមជាតិយើង។ មន្ត្រីរាជការទាំង អស់ព្រមទាំងប្រជាពលរដ្ឋ សូមគោរពអរគុណសម្តេចតេជោ ហ៊ុន សែន ប្រមុខរាជរដ្ឋាភិបាល ដែលបានគិតគូរជានិច្ចពីសុខភាពរបស់រាស្ត្រ និងមន្ត្រីរាជការ៕
លទ្ធផលវិទ្យាស្ថានប៉ាស្ទ័របញ្ជាក់ថាអ្នកពាក់ព័ន្ធក្នុងពិធីមង្គលការនៅស្រុកកងមាស ជាង២០០នាក់លទ្ធផលគឺអវិជ្ជមានទាំងអស់ (ខេត្តកំពង់ចាម,ថ្ងៃទី០១ ខែមីនា ឆ្នាំ២០២១)៖ ប្រជាពលរដ្ឋរស់នៅស្រុកកងមាស និងស្រុកស្រីសន្ធរ សរុបជាង២០០នាក់ ក្នុងនោះរួមមានចុងភៅ ជាងថតរូប ភ្ញៀវការ ព្រមទាំងសាច់ញាតិកូនក្រមុំនិងកូនក្រមុំនិងកូនកំលោះ ដែលបានចូលរួមក្នុងពិធីមង្គលការនៅភូមិកោះតូច ឃុំពាមជីកង ស្រុកកងមាស លទ្ធផលនៃការធ្វើតេស្តជំហានទី១នៅវិទ្យាស្ថានប៉ាស្ទ័ររាជធានីភ្នំពេញ គឺអវិជ្ជមានទាំងអស់ នេះជាការបញ្ជាក់របស់លោកវេជ្ជបណ្ឌិតគីម សួរភិរុណ ប្រធានមន្ទីរសុខាភិបាលខេត្តបញ្ជាក់ឲ្យដឹងនាព្រឹកថ្ងៃទី០១មីនា ២០២១។ ទោះជាបែបណាក្តី ឯកឧត្តម អ៊ុន ចាន់ដាអភិបាលខេត្តនិងប្រធានគណៈកម្មការប្រយុទ្ធប្រឆាំងនឹងជម្ងឺcovid-19 បានដាក់ផែនការក្តៅឲ្យអាជ្ញាធរស្រុកនិងជំនាញសុខាភិបាលចុះស្រាវជ្រាវជាបន្ទាន់ ដើម្បីបង្ការកុំឲ្យជំងឺcovid ឆ្លងចូលក្នុងសហគមន៍។ លោកភោគ សាវុធ អភិបាលស្រុកកងមាសប្រាប់ឱ្យដឹងថា:ប្រជាពលរដ្ឋ នៅ ភូមិកោះតូច បានរៀបមង្គលការកូនប្រុសស្រីកាលពីថ្ងៃទី២១កុម្ភៈកន្លងទៅ ដោយមានភ្ញៀវជិតឆ្ងាយរួមទាំងប្រជាពលរដ្ឋក្នុងភូមិបានចូលរួមជាច្រើនកុះករ។ ក្នុងនោះក៏មានអ្នកកើតជំងឺcovid ម្នាក់នៅរាជធានីភ្នំពេញ បានមកចូលរួមក្នុងកម្មវិធីនេះផងដែរ តែភ្លាមៗមិនបានចាប់អារម្មណ៍ឡើយ។ អភិបាលស្រុកកងមាស ប្រាប់បន្តឲ្យដឹងទៀតថាក្រោយមកពេលដែលមានជំងឺ covid បានផ្ទុះឡើងក្នុងសហគមន៍២០កុម្ភៈ ពេលស្រាវជ្រាវគាត់ដឹងថាបុរសនោះបានមកចូលរួមមង្គលការគេនៅឃុំពាមជីកង ស្រុកកងមាស បន្ទាប់ពីទទួលបានការណែនាំពីសំណាក់អភិបាលខេត្ត នាព្រឹកថ្ងៃទី២៧កុម្ភ: រូបលោកបានសហការជាមួយនឹងលោកវេជ្ជបណ្ឌិតគីម សួរភិរុណ ប្រធានមន្ទីរសុខាភិបាលខេត្ត បានចុះបេសកកម្មមកកាន់ភូមិកោះតូច ដោយស្រាវជ្រាវរកឃើញមានប្រជាពលរដ្ឋនៅក្នុងឃុំអង្គរបាន១១នាក់រួមទាំងភូមិដំណាក់ជ្រៃសរុប៨៧ នាក់ត្រូវបានយកសំណាកមកពិនិត្យនៅវិទ្យាស្ថានប៉ាស្ទ័រ។ ក្នុងនោះមានអ្នកដែលត្រូវធ្វើចត្តាឡីស័កចំនួន១២នាក់ ត្រូវបាននាំទៅដាក់នៅសណ្ឋាគារមេគង្គក្រុងកំពង់ចាម ក្រៅពីនេះត្រូវបានធ្វើចត្តាឡីស័កនៅតាមផ្ទះដោយមានការតាមដានហ្មត់ចត់ពីសំ ណាក់អាជ្ញាធរមូលដ្ឋានរួមជាមួយនិងក្រុមគ្រូពេទ្យ។ […]
ខេត្តកំពង់ចាម ចាប់ផ្តើមចាក់វ៉ាក់សាំងការពារជំងឺកូវីដ-១៩ ដោយស្ម័គ្រចិត្តជូនមន្ត្រីនគរបាល និងមន្ត្រីសុខាភិបាលក្នុងខេត្ ឯកឧត្តម អ៊ុន ចាន់ដា អភិបាលខេត្តកំពង់ចាម ព្រឹកថ្ងៃទី០១ ខែមីនា បានអញ្ជើញសំណេះសំណាល ក្នុងពិធីបើកការចាក់វ៉ាក់សាំងការពារជំងឺកូវីដ-១៩ ដោយស្ម័គ្រចិត្តលើកទី១ ជូនដល់មន្ត្រីនគរបាល និងមន្ត្រីសុខាភិបាល ក្នុងខេត្តកំពង់ចាម ។ ពិធីនេះក៏មានការអញ្ជើញចូលរួមពី ឯកឧត្តមប្រធានសាលាដំបូងខេត្ត ឯកឧត្តម លោកជំទាវអភិបាលរងខេត្ត លោកនាយករដ្ឋបាលខេត្ត លោកប្រធានមន្ទីរសុខាភិបាលនៃរដ្ឋបាលខេត្ត លោកស្នងការនគរបាលខេត្ត និងមន្ត្រីនគរបាលខេត្ត និងមន្ត្រីសុខាភិបាលជាច្រើនរូបទៀត។ សូមបញ្ជាក់ថា៖ ការចាក់វ៉ាក់ការពារជំងឺកូវីដ-១៩ ក្នុងខេត្តកំពង់ចាម មានចំនួន ០៩ទីតាំង រួមមាន ៖ មន្ទីរពេទ្យបង្អែកខេត្តកំពង់ចាម មន្ទីរពេទ្យបង្អែកកោះសូទិន ព្រៃឈរ កង មាស ជើងព្រៃ បាធាយ ចំការលើ ស្ទឹងត្រង់ និងមន្ទីរ ពេទ្យបង្អែកស្រុកស្រីសន្ធរ ដែលមានមន្ត្រីត្រូវទទួលវ៉ាក់សាំងចំនួន៣.៨៣២នាក់ ក្នុងនោះមន្តី្រសុខាភិបាលចំនួន ១.៩៣២នាក់ និងមន្ត្រីនគរបាលចំនួន ១.៩០០នាក់៕ ប្រភព៖ រដ្ឋបាលខេត្តកំពង់ចាម
អភិបាលខេត្តព្រះសីហនុ ផ្ដល់ម៉ាសជាង៦០ម៉ឺនម៉ាស ជូនដល់អាជ្ញាធរក្រុងស្រុក ទាំង៥ ដើម្បីធ្វើយុទ្ធនាការចែកម៉ាសជូនប្រជាពលរដ្ឋ ឯកឧត្តម គួច ចំរើន អភិបាលខេត្តព្រះសីហនុ នៅព្រឹកថ្ងៃច័ន្ទទី០១ មីនា បានបញ្ចេញម៉ាសជាង ៦០ម៉ឺនម៉ាស ផ្តល់ជូនដល់អាជ្ញាធរក្រុងស្រុក ទាំង៥ ដើម្បីធ្វើយុទ្ធនាការចែកម៉ាសជូនប្រជាពលរដ្ឋនៅតាមទីប្រជុំជនភូមិ ឃុំ សង្កាត់ ក្នុងខេត្តព្រះសីហនុ ជាពិសេសតាមទីប្រជុំជនផ្សារ និងតាមទីសាធារណៈជាដើម និងត្រូវបន្តអប់រំផ្សព្វផ្សាយប្រជាពលរដ្ឋត្រូវពាក់ម៉ាស និងវិធានការបង្ការ ការពារ ទប់ស្កាត់ការឆ្លងរាលដាលជំងឺកូវីដ-១៩ នៅក្នុងសហគមន៍មូលដ្ឋាន និងអនុវត្តតាមគោលការណ៍របស់ក្រសួងសុខាភិបាល ជាពិ សេសវិធានការការពាររបស់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ៣.ការពារ និង ៣.កុំ។ រដ្ឋបាលខេត្តព្រះសីហនុបន្តអំពាវនាវឲ្យប្រជាពលរដ្ឋអនុវត្ត វិធានការ ៣.ការពារ (១.ពាក់ម៉ាស ២.លាងដៃ ៣.រក្សាគម្លាតសុវត្ថិភាពសង្គមនិងគម្លាតសុវត្ថិភាពបុគ្គលចាប់ពី ១,៥០ម៉ែត្រឡើងទៅឱ្យបានគ្រប់គ្នានៅគ្រប់ទីកន្លែងនិងអនុវត្តឱ្យបានគ្រប់គ្នាចំណុចបីប្រការនេះ វាមានសារ:សំខាន់ ណាស់ ដូច្នេះទើបយើងអាចយកឈ្នះលើកូវីដ-១៩ បានជោគជ័យ។) ពិសេសអនុវត្តវិធានការ៣កុំ (១.កុំចូលទៅកន្លែងបិទជិតគ្មានខ្យល់ចេញ-ចូល និងប្រើម៉ាស៊ីនត្រជាក់ច្រើនពេក រកកន្លែងមានខ្សល់ចេញ-ចូល ២.កុំទៅកន្លែងមានមនុស្សច្រើនកុះករ ៣.កុំប៉ះពាល់គ្នា កុំចាប់ដៃគ្នា កុំកៀកស្មាគ្នា កុំឱបគ្នាជាដើម)៕
ចំណូលពីការទិញបណ្ណចូលទស្សនារមណីយដ្ឋានអង្គរ ក្នុងខែកុម្ភៈ ធ្លាក់ចុះ៩៧.៨៤% ធៀបឆ្នាំមុន សម្រាប់ខែកុម្ភៈនេះ ភ្ញៀវបរទេសដែលបានទិញបណ្ណចូលទស្ស នារមណីយអង្គរ គឺមានការថយចុះ ៩៧.៤៩% បើប្រៀប ធៀបទៅនឹងរយៈពេលដូចគ្នាឆ្នាំ២០២០។ សម្រាប់ចំណូលសរុប ១២២,៣៥៧ដុល្លារអាមេរិក គឺមានការថយចុះ ៩៧.៨៤% បើប្រៀបធៀបទៅនឹងរយៈពេលដូចគ្នា កាលពីឆ្នាំ២០២០កន្លងទៅ។ នេះបើតាមសេចក្ដីប្រកាសព័ត៌មាន ស្តីពីស្ថិតិភ្ញៀវទេសចរបរទេសទិញបណ្ណចូលទស្សនារមណីយដ្ឋានអង្គរ ដែលគ្រឹះស្ថានអង្គរ នៅថ្ងៃទី០១ ខែមីនា ឆ្នាំ២០២១នេះ។ ចំណូលរបស់គ្រឹះស្ថានអង្គរ រយៈពេល២ខែ ដើមឆ្នាំនេះ ភ្ញៀវទេសចរបរទេសចំនួនសរុប ៤,១៩៤នាក់ បានចូលទស្សនាអង្គរ ដោយទទួលបានចំណូលសរុបចំនួន ១៧២,៨២៣ ដុល្លារអាមេរិក ។ ដោយឡែកសម្រាប់ខែកុម្ភៈ ឆ្នាំ២០២១ នេះ គឺគ្រឹះស្ថានអង្គរ រកចំណូលបាន ១២២,៣៥៧ដុល្លារអាមេរិកពីការលក់បណ្ណជូនភ្ញៀវទេសចរបរទេសចូលទស្សនារមណីយដ្ឋានអង្គរ ចំនួន ២,៩៨១នាក់។ ក្នុងរយៈពេល២ខែនេះ រដ្ឋាភិបាលបានឧបត្ថម្ភមូលនិធិ នៃមន្ទីរពេទ្យគន្ធបុប្ផាកម្ពុជា បានចំនួនសរុប ៨,៣៨៨ដុល្លារអាមេរិក ពីចំណែកនៃការលក់បណ្ណជូនភ្ញៀវទេសចរបរទេស ចូលទស្សនារមណីយអង្គរ ដើម្បីជួយក្នុងមូលនិធិ សម្រាប់សង្គ្រោះជីវិតកុមារកម្ពុជា៕
សត្វសុនខជាង៦០ក្បាល ត្រូវបានសង្គ្រោះ ពីជនខិលខូចប្រុងសំលាប់យកសាច់ មន្ទីរកសិកម្មរុក្ខាប្រមាញ់ និងនេសាទេ ខេត្តសៀមរាបសហ ការ ជាមួយស្នងការដ្ឋាននគរបាលខេត្ត បានរឹបអូសរថយន្តមួយគ្រឿង និងរកឃើញសត្វសុនខចំនួន៦១ក្បាល ដែល គេដឹកបម្រុង យកទៅសម្លាប់នៅខេត្តកំពង់ចាម ។ អង្គការសុខុមាលភាពសត្វសកលលោក FOUR PAWS (ហ្វ័រ ផរ ) បានរាយការណ៍ថា បន្ទាប់ពីការស្ទាក់ចាប់សត្វសុនខទាំងអស់ ដែលត្រូវបានយកចេញពីទ្រុង ដែលចង្អៀតនោះ ហើយត្រូវបានដោះលែងទៅកន្លែងមានសុវត្ថិភាពតូចមួយ ។ អង្គការបានសហការជាមួយអង្គការក្នុងស្រុក Paw Patrol Cambodia ( ផរ ផាត្រូល ខេមបូឌា ) និងអង្គការសង្គ្រោះសត្វកម្ពុជា ដើម្បីផ្តល់អាហារនិងថ្នាំសង្គ្រោះបន្ទាន់សម្រាប់សត្វឆ្កែដែលបានជួយសង្គ្រោះ។ បច្ចុប្បន្នក្រុមគ្រូ ពេទ្យបសុពេទ្យ កំពុងចុះទៅកន្លែងផ្ទាល់ជាមួយមន្ទីរកសិកម្មខេត្តសៀមរាប ដើម្បីចាក់វ៉ាក់សាំងនិងព្យាបាលសត្វឆ្កែទាំង អស់ដែលរងរបួស។ លោកស្រីបណ្ឌិត ខាធើរីនប៉ូឡាក់ ដែលជាពេទ្យសត្វ និងជាប្រធានផ្នែកថែរក្សាសត្វអនាថានៅអាស៊ីអាគ្នេយ៍ បានលើក ឡើងថា ភាគច្រើនសត្វឆ្កែទាំងនោះ ជាសត្វឆ្កែវ័យតូចៗហើយបញ្ចេញនូវសញ្ញានៃការអស់កម្លាំងខ្លាំង និងការខះជាតិទឹក។ លោកស្រីឱ្យដឹងទៀតថា នៅមិនទាន់ច្បាស់ទេថា តើឆ្កែទាំងនេះស្ថិតនៅក្នុងឡាន ឬនៅកន្លែងរង់ចាំអស់រយៈ ពេលប៉ុន្មាននោះទេ មុនពេលផ្ទុកលើរថយន្ត។ សត្វឆ្កែទាំង […]
ជប៉ុន ផ្តល់ហិរញ្ញប្បទានឥតសំណងជាង១០លាន៨សែនដុល្លារ ដើម្បីបង្កើតប្រព័ន្ធចរាចរនាវានៅកំពង់ផែស្វយ័តក្រុងព្រះសីហនុ ឆ្លើយតបទៅនឹងសំណើររបស់រាជរដ្ឋាភិបាលកម្ពុជា និងដើម្បីពង្រឹងទំនាក់ទំនងមិត្តភាពព្រមទាំង កិច្ចសហប្រតិបត្តិការរវាងជប៉ុន និងព្រះរាជាណាចក្រកម្ពុជា រដ្ឋាភិបាលជប៉ុនបានសម្រេចផ្តល់ហិរញ្ញប្បទាន ឥតសំណងចំនួន មួយប៊ីលាន មួយរយសាមសិបពីរលានយ៉េន (១ ១៣២ ០០០ ០០០)ប្រមាណ ១០លាន៨ សែនដុល្លារអាមេរិក (១០ ៨០០ ០០០ USD) ដល់រាជរដ្ឋាភិបាលកម្ពុជា ដើម្បីអនុវត្ត “គម្រោងអភិវឌ្ឍន៍ប្រព័ន្ធ ”ចរាចរនាវានៅកំពង់ផែស្វយ័តក្រុងព្រះសីហនុ។ លិខិតប្ដូរសារនៃគម្រោងនេះត្រូវបានចុះហត្ថ លេខារវាងឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងឯក ឧត្តម មិកាមិ ម៉ាសាហ៊ីរ៉ូ ឯកអគ្គរាជទូតជប៉ុន ប្រចាំព្រះរាជា ណាចក្រកម្ពុជានៅថ្ងៃទី១ ខែមិនាឆ្នាំ ២០២១។ គម្រោងនេះនឹងបង្កើតប្រព័ន្ធចរាចរនាវា (VTS) ដើម្បីធ្វើឲ្យប្រសើរឡើងនូវសុវត្ថិភាពផ្លូវសមុទ្រនិង ប្រសិទ្ធភាពការធ្វើនាវាចរណ៏នៅជុំវិញកំពង់ផែស្វយត៍ក្រុងព្រះសីហនុ ។ យើងរំពឹងថាតាមរយៈលទ្ធផលនៃ គម្រោងនេះ វិធានការណ៍សុវត្ថិភាពនៅកំពង់ផែស្វយត៍ក្រុងព្រះសីហនុ ការអភិវឌ្ឍសង្គមនិងសេដ្ឋកិច្ចរបស់ ប្រទេសកម្ពុជាព្រមទាំងការតភ្ជាប់ក្នុងតំបន់មេគង្គនឹងត្រូវបានលើកកម្ពស់។ ការអភិវឌ្ឍសេដ្ឋកិច្ចរបស់ប្រទេសកម្ពុជាកំពុងតែបន្ត ការលើកកម្ពស់គុណភាពជីវភាពរស់នៅរបស់ ប្រជាជនម្នាក់ៗស្របគ្នាទៅនឹងការអភិវឌ្ឍសេដ្ឋកិច្ចជាតិទាំងមូលគឺមានសារៈសំខាន់ណាស់។ ជប៉ុនមាន បំណងបន្តគាំទ្រដល់កិច្ចខិតខំប្រឹងប្រែងរបស់រាជរដ្ឋាភិបាលកម្ពុជាដោយប្រើប្រាស់គ្រោងការណ៍អភិវឌ្ឍន៍ សេដ្ឋកិច្ច និងសង្គមនានា៕
ក្រុមការងារចម្រុះរដ្ឋបាលរាជធានី គ្រប់គ្រងមុខសញ្ញាកូវីដ -១៩ ក្នុងព្រឹត្តិការណ៍សហគមន៍២០ កុម្ភៈ បានបណ្តើរហើយ អភិបាលរាជធានីភ្នំពេញ ឯកឧត្តម ឃួង ស្រេង បានបញ្ជាក់ ឲ្យដឹងថា គិតមកដល់ព្រឹកថ្ងៃទី០១ មិនា នេះ នៅរាជធានីភ្នំពេញ ការគ្រប់គ្រងមុខសញ្ញាកូវីដ-១៩ក្នុងព្រឹត្តិការណ៍សហគមន៍២០កុម្ភៈ ក្រុមការងារចម្រុះ បានគ្រប់គ្រងមុខ សញ្ញានេះបានយ៉ាងល្អហើយ ខណៈដែរ នៅរាជធានីភ្នំពេញមានទីតាំងចំនួន៧៨ដែលយើងបាននិងកំពុងគ្រប់គ្រង ដោយបិទការចេញ ចូលដើម្បីសុវត្ថិភាពកុំឱ្យមានការឆ្លងរីករាលដាលជំងឺកូវីដ-១៩ក្នុងព្រឹត្តិការណ៍សហគមន៍ ២០ កុម្ភៈនេះ ។ ឯកឧត្តម ឃួង ស្រេង បានបន្តថា ការអនុវត្តការងារបានយ៉ាងល្អនិងជោគជ័យកន្លងមកនេះ គឺដោយសារតែកង កម្លាំងអាជ្ញាធរមានសមត្ថកិច្ច បានបំពេញការងារដោយការយកចិត្តទុកដាក់និងទទួលខុសត្រូវខ្ពស់ទៅតាមការណែនាំរបស់សម្ដេចតេជោ ។ តែអ្វីដែលជាកត្តាជោគជ័យបំផុតនោះគឺការចូលរួមពីសំណាក់បងប្អូនប្រជាពលរដ្ឋទាំងអស់នៅរាជធានីភ្នំពេញ ។ ជាក់ស្តែងនៅពេលឆ្លងរីករាលដាលជំងឺកូវីដ-១៩ ក្នុងព្រឹត្តិការណ៍សហគមន៍២០កុម្ភនេះ ខណៈដែលក្រុមការងារទៅយកមុខសញ្ញាដែលពាក់ព័ន្ធនឹងជម្ងឺកូវីដ- ១៩ នោះ ប្រជាពលរដ្ឋក្បែរខាង តែងបានផ្តល់ព័ត៌មានជុំវិញជនសង្ស័យទាំងនោះ ថាជនសង្ស័យនោះបានទៅទីនេះទីនោះ ដែលអាចអោយយើងគ្រងមុខសញ្ញានេះបានល្អនិងជោគជ័យ ពោលគឺកាលពីថ្ងៃទី២៤ កុម្ភៈ អ្នកមានវិជ្ជមានកូវីដ-១៩នៅរាជធានីភ្នំពេញក្នុងព្រឹត្តិការណ៍សហគមន៍ ២០ កុម្ភៈនេះ១ថ្ងៃមានរហូតដល់៦៥នាក់ តែសម្រាប់ថ្ងៃទី ០១ មិនានេះ អ្នកមានវិជ្ជមានកូវីដ-១៩នៅរាជធានីភ្នំពេញ ក្នុងព្រឹត្តិការណ៍សហគមន៍២០កុម្ភៈនេះ បានថយចុះមកត្រឹមចំនួនត០៩នាក់ប៉ុណ្ណោះ។ ការលើកឡើងខាងលើនេះ របស់ ឯកឧត្តម […]
Breaking News: ឧក្រិដ្ឋជនចាប់ជំរិត ចំនួន៤នាក់ ត្រូវបានកម្លាំងកងរាជអាវុធហត្ថ បាញ់ស្លាប់ នៅក្នុងបុរីអង្គរភ្នំពេញ ក្រោយបាញ់តដៃជាមួយសមត្ថកិច្ច កម្លាំងកងរាជអាវុធហត្ថរាជធានីភ្នំពេញ ដឹកនាំបញ្ជាផ្ទាល់ដោយលោកឧត្តមសេនីយ៍ឯក រ័ត្ន ស្រ៊ាង មេបញ្ជាការ កង រាជអាវុធហត្ថរាជថានីភ្នំពេញ នៅវេលាម៉ោងប្រមាណ ១១ ព្រឹក ថ្ងៃទី០១ ខែមីនា ឆ្នាំ២០២១នេះ បានបើកប្រតិ បត្តិការចុះបង្ក្រាបក្រុមឧក្រិដ្ឋជន ក្នុងករណីប្លន់បាញ់ សម្លាប់ និងចាប់ជំរិត ដែលមានទីតាំងក្នុងបុរីអង្គរភ្នំពេញ ស្ថិតនៅសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ បើតាមបញ្ជាក់ពីកម្លាំងអាវុធហត្ថរាជធានីភ្នំពេញ ឧក្រិដ្ឋ ជន ០៤នាក់ បានចូលប្លន់ក្នុងផ្ទះមួយកន្លែងនៅបុរីអង្គរភ្នំពេញ ដោយរៀបផែនការជម្រិតយកប្រាក់១លានដុល្លារជាមុនទើបប្លន់សម្លាប់ម្ចាស់ផ្ទះទាំងប្តីប្រពន្ធនិងកូនឈ្នួល ០២នាក់ ជាក្រោយ តែត្រូវសមត្ថកិច្ចអាវុធហត្ថរាជធានីភ្នំពេញ ដឹកនាំដោយលោកឧត្តមសេនីយ៍ឯក រ័ត្ន ស្រ៊ាង ផ្ទាល់ បើកប្រតិបត្តិការចុះបង្ក្រាបក្រុមឧក្រិដ្ឋជនទាំងនោះ ដែលក្នុងករណីប្លន់នេះ ឧក្រិដ្ឋជនទាំង០៤នាក់ បានប្រើ ប្រាស់កាំភ្លើងវែងAK ០១ដើម និងកាំភ្លើងខ្លី០២ដើម បាញ់ស្រោចមកលើកម្លាំងកងរាជអាវុធហត្ថរាជធានីភ្នំពេញ ហើយកម្លាំងអាវុធហត្ថបានប្រើសិទ្ធិការពារខ្លួន បាញ់តបតត្រឡប់ទៅវិញ បណ្តាលឲ្យក្រុមឧក្រិដ្ឋជនទាំង០៤នាក់ ស្លាប់នៅនឹងកន្លែង៕

មានវីដេអូរ៖ ប្រជាពលរដ្ឋចាប់យកមុខរបរបេះផ្លែគុយលក់ដើម្បីបង្កើនជីវភាពគ្រួសារពេលដល់រដូវរុក្ខជាតិនេះចេញផ្លែ

មីនា ២៦

០៨:០៣:២៨ ព្រឹក ២០២០

២៣៦ Views

ខេត្តកំពង់ឆ្នាំង៖ លើកំណាត់ផ្លូវជាតិលេខ ៥ ត្រង់ចំណុច ឃុំមេលំ ស្រុកបរិបូណ៌ និងឃុំប្រស្នឹប ស្រុករលាប្អៀរដែលមានចំងាយប្រមាណ២០គីឡូម៉ែត្រពីខាងលិចទីរួមខេត្តកំពង់ឆ្នាំង ជារៀងរាល់ឆ្នាំ ចាប់ពីខែកុម្ភៈ ដល់ចុងខែមេសា គេសង្កេតឃើញប្រជាពលរដ្ឋបាននាំគ្នាចាប់ប្រកបមុខរបរមួយ គឺលក់ផ្លែគុយ ដែលជាមុខរបរបន្ទាប់បន្សំ សម្រាប់ជីវភាពគ្រួសារ បើទោះបី ដើមគុយ ជារុក្ខជាតិដុះក្នុងព្រៃស្រុកលើ ដែលមានការកាប់ទន្ទ្រានព្រៃបណ្ដាលឱ្យដើមគុយមួយចំនួនធំត្រូវបាត់បង់យ៉ាងណាក្តី។

ប៉ុន្តែផ្លែគុយនៅតែមានលក់ និងជាទីចាប់អារម្មណ៍សម្រាប់ភ្ញៀវធ្វើដំណើរតាមដងផ្លូវ ទិញយកទៅទទួលទានឬក៏ទុកឱយកូនចៅបានស្គាល់ រសជាតិនៃរុក្ខជាតិមួយប្រភេទនេះផងដែរ ។

បងប្អូនប្រជាពលរដ្ឋដែលជាអ្នកទទួលទិញដុំ យកមកចងជាចង្កោមផ្លែគុយលក់រាយ បានឲ្យដឹងថា ពួកគាត់បានឡើងទៅទិញផ្លែគុយដល់ស្រុកលើ ហើយយកមកចងដុំជាចង្កោមលក់រាយនៅតាមថ្នល់ជាតិជារៀងរាល់ឆ្នាំ ។

សម្រាប់ផ្លែគុយឆ្នាំនេះបានធ្លាក់ថ្លៃពីដើមទី បើទោះបី មិនទាន់ដល់ខែដែលសំបូរផ្លែគុយ គឺនៅខែមេសាក៏ពិតមែន ។

ពួកគាត់បានបញ្ជាក់ថា៖ ពេលមានផ្លែគុយលក់ពីដើមទី ផ្លែគុយមួយចង្កោមថ្លៃរហូត២ម៉ឺន៥ពាន់រៀលឯណោះ។

ប៉ុន្តែពេលនេះ ផ្លែគុយបានធ្លាក់មកត្រឹម៧ពាន់រៀលក្នុងមួយចង្កោមនឹងអាចចុះថោកជាងនេះនៅពេលដែល ផ្លែគុយកាន់តែសម្បូរនៅក្នុងខែមេសា។

ពួកគាត់បានបញ្ជាក់ថា៖ ក្នុងមួយថ្ងៃគាត់អាចលក់ដាច់ពី ៥០ ទៅ ១០០ចង្កោម ។

ភ្ញៀវដែលបានទិញយកទៅខ្លះយកទៅពិសារ ប៉ុន្តែពេលខ្លះយកទៅចែកកូនចៅឲ្យបានស្គាល់តែប៉ុណ្ណោះ ព្រោះផ្លែគុយវាជិតផុតពូជទៅហើយ ដោយសារការកាប់ទន្ទ្រានដីព្រៃយកធ្វើកម្មសិទ្ឋ និងកិច្ចអភិវឌ្ឍវិស័យកសិ-ឧស្សាហកម្មបានធ្វើឱ្យដើមគុយមួយចំនួនធំត្រូវបានខូចខាតអស់ទៅហើយ ។

បច្ចុប្បន្នផ្លែគុយដែលនៅសេសសល់ ដែលបងប្អូនប្រជាពល រដ្ឋទៅទិញយកមកលក់ គឺជាផ្លែគុយដែលមានដើមដុះនៅតាមភូមិ របស់ប្រជាពលរដ្ឋតែប៉ុណ្ណោះ ដែលជាភូមិចាស់ ត្រូវបានម្ចាស់គេថែរក្សាទុកសម្រាប់បេះផ្លែលក់ ។

ពួកគាត់បានបញ្ជាក់ថាទោះបីជាផ្លែគុយថ្លៃក្តីថោកក្តី ក៏ក្នុងមួយឆ្នាំៗ រយៈពេលជាង៣ខែ គាត់អាចរកចំណូលបានពីការលក់ផ្លែគុយសម្រាប់ផ្គត់ផ្គង់ជីវភាពគ្រួសារ បានមួយកម្រឹតដែរ ។

សូមបញ្ជាក់ថា គុយគឺជារុក្ខជាតិដែលមានលក្ខណៈជាវល្លិ៍ធម្មជាតិម្យ៉ាងដុះនៅព្រៃភ្នំមិនសូវមានអ្នកស្គាល់និងជិតផុតពូជទៅហើយ។

តែអាចនៅសេសសល់តាមភូមិចាស់ដែលគេថែរក្សាបុណ្ណោះ។

គេសង្កេតឃើញ នៅតាមតូបលក់ដូរ ផ្លែឈើជាប់ផ្លូវជាតិលេខ៥ ចំងាយប្រមាណ២០គីឡូម៉ែត្រ ពីខាងលិចក្រុងកំពង់ឆ្នាំង គឺមានការដាក់តាំងលក់មួយភាគធំគឺផ្លែគុយ និងបន្ទាប់មកមានផ្លែសិរមាន់ និងផ្លែ ព្រូស ផងដែរ ដែលជាផ្លែឈើធម្មជាតិដុះនៅព្រៃភ្នំ ក្រៅពីនោះនៅមានលក់ផ្លែឈើស្រុក ដូចជាខ្នុរ ស្វាយចន្ទី និងផ្លែស្វាយជាដើម៕

ប្រជាពលរដ្ឋចាប់យកមុខរបរបេះផ្លែគុយលក់ដើម្បីបង្កើនជីវភាពគ្រួសារពេលដល់រដូវរុក្ខជាតិនេះចេញផ្លែ ខេត្តកំពង់ឆ្នាំង៖ លើកំណាត់ផ្លូវជាតិលេខ ៥ ត្រង់ចំណុច ឃុំមេលំ ស្រុកបរិបូណ៌ និងឃុំប្រស្នឹប ស្រុករលាប្អៀរដែលមានចំងាយប្រមាណ២០គីឡូម៉ែត្រពីខាងលិចទីរួមខេត្តកំពង់ឆ្នាំង ជារៀងរាល់ឆ្នាំ ចាប់ពីខែកុម្ភៈ ដល់ចុងខែមេសា គេសង្កេតឃើញប្រជាពលរដ្ឋបាននាំគ្នាចាប់ប្រកបមុខរបរមួយ គឺលក់ផ្លែគុយ ដែលជាមុខរបរបន្ទាប់បន្សំ សម្រាប់ជីវភាពគ្រួសារ បើទោះបី ដើមគុយ ជារុក្ខជាតិដុះក្នុងព្រៃស្រុកលើ ដែលមានការកាប់ទន្ទ្រានព្រៃបណ្ដាលឱ្យដើមគុយមួយចំនួនធំត្រូវបាត់បង់យ៉ាងណាក្តី។ប៉ុន្តែផ្លែគុយនៅតែមានលក់ និងជាទីចាប់អារម្មណ៍សម្រាប់ភ្ញៀវធ្វើដំណើរតាមដងផ្លូវ ទិញយកទៅទទួលទានឬក៏ទុកឱយកូនចៅបានស្គាល់ រសជាតិនៃរុក្ខជាតិមួយប្រភេទនេះផងដែរ ។បងប្អូនប្រជាពលរដ្ឋដែលជាអ្នកទទួលទិញដុំ យកមកចងជាចង្កោមផ្លែគុយលក់រាយ បានឲ្យដឹងថា ពួកគាត់បានឡើងទៅទិញផ្លែគុយដល់ស្រុកលើ ហើយយកមកចងដុំជាចង្កោមលក់រាយនៅតាមថ្នល់ជាតិជារៀងរាល់ឆ្នាំ ។ សម្រាប់ផ្លែគុយឆ្នាំនេះបានធ្លាក់ថ្លៃពីដើមទី បើទោះបី មិនទាន់ដល់ខែដែលសំបូរផ្លែគុយ គឺនៅខែមេសាក៏ពិតមែន ។ ពួកគាត់បានបញ្ជាក់ថា៖ ពេលមានផ្លែគុយលក់ពីដើមទី ផ្លែគុយមួយចង្កោមថ្លៃរហូត២ម៉ឺន៥ពាន់រៀលឯណោះ។ប៉ុន្តែពេលនេះ ផ្លែគុយបានធ្លាក់មកត្រឹម៧ពាន់រៀលក្នុងមួយចង្កោមនឹងអាចចុះថោកជាងនេះនៅពេលដែល ផ្លែគុយកាន់តែសម្បូរនៅក្នុងខែមេសា។ ពួកគាត់បានបញ្ជាក់ថា៖ ក្នុងមួយថ្ងៃគាត់អាចលក់ដាច់ពី ៥០ ទៅ ១០០ចង្កោម ។ ភ្ញៀវដែលបានទិញយកទៅខ្លះយកទៅពិសារ ប៉ុន្តែពេលខ្លះយកទៅចែកកូនចៅឲ្យបានស្គាល់តែប៉ុណ្ណោះ ព្រោះផ្លែគុយវាជិតផុតពូជទៅហើយ ដោយសារការកាប់ទន្ទ្រានដីព្រៃយកធ្វើកម្មសិទ្ឋ និងកិច្ចអភិវឌ្ឍវិស័យកសិ-ឧស្សាហកម្មបានធ្វើឱ្យដើមគុយមួយចំនួនធំត្រូវបានខូចខាតអស់ទៅហើយ ។ បច្ចុប្បន្នផ្លែគុយដែលនៅសេសសល់ ដែលបងប្អូនប្រជាពល រដ្ឋទៅទិញយកមកលក់ គឺជាផ្លែគុយដែលមានដើមដុះនៅតាមភូមិ របស់ប្រជាពលរដ្ឋតែប៉ុណ្ណោះ ដែលជាភូមិចាស់ ត្រូវបានម្ចាស់គេថែរក្សាទុកសម្រាប់បេះផ្លែលក់ ។ ពួកគាត់បានបញ្ជាក់ថាទោះបីជាផ្លែគុយថ្លៃក្តីថោកក្តី ក៏ក្នុងមួយឆ្នាំៗ រយៈពេលជាង៣ខែ គាត់អាចរកចំណូលបានពីការលក់ផ្លែគុយសម្រាប់ផ្គត់ផ្គង់ជីវភាពគ្រួសារ បានមួយកម្រឹតដែរ ។សូមបញ្ជាក់ថា គុយគឺជារុក្ខជាតិដែលមានលក្ខណៈជាវល្លិ៍ធម្មជាតិម្យ៉ាងដុះនៅព្រៃភ្នំមិនសូវមានអ្នកស្គាល់និងជិតផុតពូជទៅហើយ។ តែអាចនៅសេសសល់តាមភូមិចាស់ដែលគេថែរក្សាបុណ្ណោះ។គេសង្កេតឃើញ នៅតាមតូបលក់ដូរ ផ្លែឈើជាប់ផ្លូវជាតិលេខ៥ ចំងាយប្រមាណ២០គីឡូម៉ែត្រ ពីខាងលិចក្រុងកំពង់ឆ្នាំង គឺមានការដាក់តាំងលក់មួយភាគធំគឺផ្លែគុយ និងបន្ទាប់មកមានផ្លែសិរមាន់ និងផ្លែ ព្រូស ផងដែរ ដែលជាផ្លែឈើធម្មជាតិដុះនៅព្រៃភ្នំ ក្រៅពីនោះនៅមានលក់ផ្លែឈើស្រុក ដូចជាខ្នុរ ស្វាយចន្ទី និងផ្លែស្វាយជាដើម៕ ពៅ សុខហ៊ាន
Posted by SEATV News 24 Hours on Wednesday, 25 March 2020