ថ្ងៃ សុក្រ ទី០៩ ខែ កក្កដា ឆ្នាំ២០២០

 ព័ត៌មានថ្មី   
  • រដ្ឋមន្ត្រីពាណិជ្ជកម្មកម្ពុជាបង្ហាញសក្ដានុពលវិនិយោគដល់វិនិយោ​គិន​ជប៉ុននៅកម្ពុជា ដើម្បីទាក់ទាញការវិនិយោគ ពីក្រៅប្រទេសបន្ថែម មន្ត្រីជាន់ខ្ពស់នៃរាជរដ្ឋាភិបាលកម្ពុជា បានបង្ហាញពីសក្ដានុពលបន្តបន្ទាប់ដល់វិនិយោគិនមកពីប្រទេសក្នុងការបណ្ដាក់ទុនវិនិយោគនៅក្នុងប្រទេស​កម្ពុជា ជាក់ស្ដែងកាលពីថ្ងៃទី០២ កក្កដា ២០២០ ឯកឧត្តមប៉ាន សូរស័ក្តិរដ្ឋមន្ត្រីក្រសួងពាណិជ្ជកម្មកម្ពុជា បានជួបជាមួយសមាគមធុរកិច្ចជប៉ុននៃកម្ពុជា ដើម្បីបង្ហាញបន្ថែមពីសក្ដានុពលនៃការវិនិយោគនៅក្នុងប្រទេសកម្ពុជា ។ ឯកឧត្តមប៉ាន សូរស័ក្តិ បានបង្ហាញពីការអនុវត្តគោលនយោបាយរបស់កម្ពុជា ក្នុងការពង្រីកទីផ្សារ ក៏ដូចជាទាក់ទាញវិនិយោគ ។ តាមរយៈការអនុវត្តគោលនយោបាយ ក្រសួងពាណិជ្ជកម្ម បានដឹក​នាំការចរចាកិច្ចព្រមព្រៀងពាណិជ្ជកម្មសេរីក្នុងតំបន់ និងទ្វេភាគី ដោយក្នុងនោះ កិច្ចព្រមព្រៀងភាពជាដៃគូគ្រប់ជ្រុងជ្រោយតំបន់​ហៅកាត់ថា អ សឹប ដែលកម្ពុជា និងជប៉ុនជាភាគី នឹងបញ្ចប់ និង​ឈានទៅរកការចុះហត្ថលេខាក្នុងឆ្នាំនេះ ។ ឯកឧត្តមបន្តថា កិច្ចព្រមព្រៀង អសឹប នឹងបង្កើតនូវទីផ្សារទូលំទូលាយសម្រាប់កម្ពុជា ហើយកម្ពុជាក៏កំពុងតែឈានទៅរកការធ្វើឧស្សាហនីយកម្មសេដ្ឋ​កិច្ចរបស់ខ្លួន ដើម្បីបង្កើតការងារ ក៏ដូចជាបង្កើតតម្លៃបន្ថែមសម្រាប់ផលិតផលក្នុងស្រុក។ ឯកឧត្តមរដ្ឋមន្ត្រី បានលើកទឹកចិត្តឲ្យក្រុមហ៊ុនជប៉ុនធ្វើការវិនិយោគបន្ថែមនៅកម្ពុជា ជាពិសេសក្នុងវិស័យឧស្សាហកម្ម និងកែច្នៃផលិតផលកសិកម្ម ដើម្បីទាញយកផលប្រយោជន៍ពីកិច្ចព្រមព្រៀងនេះ ។ បើតាមតំណាងសមាគម ធុរកិច្ចជប៉ុននៃកម្ពុជា បានទទួលយកសំណើរបស់ ឯកឧត្តមរដ្ឋមន្ត្រី ហើយ​ក៏បានជម្រាបថា ក្រុមហ៊ុនជប៉ុននៅតែមានបំណងពង្រីក និងមកវិនិយោគបន្ថែមនៅកម្ពុជា ហើយសមាគមនឹងប្រឹងប្រែងឲ្យអស់ពីសមត្ថភាព ដើម្បីទាក់ទាញវិនិយោគិនទាំងនោះមកកម្ពុជា ។ សូមរំលឹកថា […]
  • ជាងតបណ្តាញអគ្គីសនីក្រុមហ៊ុនអានកូភ្លាត់ស្នៀតបណ្តាលឲ្យឆក់ស្លាប់ (ខេត្តបន្ទាយមានជ័យ,ថ្ងៃទី០២ ខែ កក្កដា ឆ្នាំ២០២០)៖ បុរសម្នាក់ជាជាងតបណ្តាញអគ្គីសនីរបស់ក្រុមហ៊ុនអានកូ នៅវេលាម៉ោង០៣និង១០នាទីសៀល បានឡើងបង្គោលភ្លើងដើម្បីភ្ជាប់ប្រព័ន្ធភ្លើងនៅបង្គោលភ្លើងនៅចំណុចផ្លូវចូលប៉ុស្តិ៍រដ្ឋបាលផ្សារកណ្តាល ស្ថិតក្នុងភូមិផ្សារកណ្តាល សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ បានភ្លាត់ស្នៀតត្រូវចរន្តអគ្គីសនីឆក់បណ្តាលឲ្យរងរបួសធ្ងន់ ក្រោយមកបានបាត់បង់ជីវិត ខណៈបញ្ជូនទៅសង្រ្គោះ នៅមន្ទីរពេទ្យបង្អែកក្រុងប៉ោយប៉ែត ។ លោកវរសេនីយ៍ឯក ធិន ស៊ិនដេត អធិការនគរបាល ក្រុងប៉ោយប៉ែត បានឲ្យដឹងថា៖ជនរងគ្រោះ ឈ្មោះ ឈន សាវុធ ភេទប្រុសអាយុ៣០ឆ្នាំ មានទីលំនៅភូមិមិត្តភាព សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ មុខរបរជាបុគ្គលិកអគ្គីសនីក្រុមហ៊ុនអានកូ ។ លោកអធិការបានបញ្ជាក់ថា៖នៅមុនពេលកើតហេតុ ជនរងគ្រោះ និង អ្នករួមការងារចំនួន០៤នាក់ផ្សេងទៀតបានឡើងបង្គោលភ្លើង នៅចំណុចផ្លូវចូលប៉ុស្តិ៍រដ្ឋបាលផ្សារកណ្តាល ស្ថិតក្នុងភូមិផ្សារកណ្តាល សង្កាត់ផ្សារកណ្ដាលក្រុងប៉ោយប៉ែតខេត្តបន្ទាយមានជ័យ ដៃដន្យភ្លាត់ស្នៀត ត្រូវខ្សែភ្លើងឆក់បណ្តាលឲ្យ រងរបួសធ្ងន់ ពេលនោះត្រូវបានមិត្តភ័ក្ត្ររួមការងារជួយដឹកទៅសង្រ្គោះភ្លាមៗ តែជាអកុសលត្រូវបានបាត់បង់ជីវិត ខណៈពេលដឹកដល់មន្ទីរពេទ្យពេទ្យបង្អែកក្រុងប៉ោយប៉ែត ។សពជនរងគ្រោះត្រូវបានសាច់ញាតិរៀបចំធ្វើបុណ្យតាមប្រពៃណី ៕
  • ក្រសួងសាធាណៈការ និងដឹកជញ្ជូន ប្រកាសពន្យាពេលការអនុវត្តការផ្ទេរកម្មសិទ្ធិយានយន្តដែលរកម្ចាស់ដើមមិនឃើញ រហូតដល់ថ្ងៃទី៣០ ខែកញ្ញា ឆ្នាំ២០២០ ក្រសួងសាធាណៈការ និងដឹកជញ្ជូន ប្រកាសពន្យាពេលការអនុវត្តការផ្ទេរកម្មសិទ្ធិយានយន្តដែលរកម្ចាស់ដើមមិនឃើញ រហូតដល់ថ្ងៃទី៣០ ខែកញ្ញា ឆ្នាំ២០២០ ដើម្បីសម្រួលដល់បងប្អូនប្រជាពលរដ្ឋដែលមានបំណងផ្ទេរកម្មសិទ្ធិយានយន្ត។
  • ក្រសួងសេដ្ឋកិច្ច នឹងពន្យល់ពីវិធានការទ្រទ្រង់ ស្តារ និងជំរុញកំណើ​នសេដ្ឋកិច្ច និងកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយ​រងគ្រោះ ក្នុងអំឡុងពេលជំងឺកូវីដ-១៩ គណៈកម្មាធិការគោលនយោយបាយសេដ្ឋកិច្ច និងហិរញ្ញវត្ថុ នឹងរៀបចំសន្និសីទសារព័ត៌មាន នៅថ្ងៃទី ០៨ ខែ កក្កដា ឆ្នាំ ២០២០ ដើម្បីផ្សព្វផ្សាយ និងពន្យល់បន្ថែមដល់សាធារណជនទូទៅបានស្វែងយល់កាន់តែច្បាស់ អំពីអភិក្រម, ក្របខណ្ឌ, ទស្សនាទាន និងវិធានការជាក់ស្តែង ក្នុងការទ្រទ្រង់, ស្តារ និងជំរុញកំណើនសេដ្ឋកិច្ចចំនួន ០៤ ជុំ ដែលរាជរដ្ឋាភិបាលបានដាក់ចេញក្នុងពេលកន្លងមក សំដៅ​ជួយដល់វិស័យឯកជន និងកម្មករ-និយោជិត ដែលទទួលរង​ផលប៉ះពាល់ធ្ងន់ធ្ងរពីការរីករាលដាលនៃជម្ងឺកូវីដ-១៩ ក៏ដូចជាការដាក់ឱ្យអនុវត្តជាផ្លូវការកាលពីពេលថ្មីៗនេះ នូវកម្មវិធីឧបត្ថម្ភសាច់ប្រាក់​ជូនគ្រួសារក្រីក្រ និងជនងាយរងគ្រោះ ក្នុងអំឡុងពេលជំងឺកូវីដ-១៩ ។ សន្និសីទសារព័ត៌មាននេះ នឹងប្រព្រឹត្តទៅក្រោមអធិបតីភាពឯកឧត្តម វង្សី វិស្សុត រដ្ឋលេខាធិការប្រចាំការនៃក្រសួងសេដ្ឋកិច្ច និង​ហិរញ្ញវត្ថុ។ សន្និសីទសារព័ត៌មាននេះ ក៏នឹងមានវេទិកាសំណួរ-ចម្លើយ ចំពោះចម្ងល់ និងសំណួរផ្សេងៗពាក់ព័ន្ធនឹងប្រធានបទខាងលើនេះផងដែរ៕
  • រដ្ឋមន្ត្រីកសិកម្ម៖ ការងារបង្កបង្កើនផលស្រូវរដូវវស្សាឆ្នាំ២០២០ សម្រេចបាន ជិត៧០ភាគរយហើយ ឯ.ឧ វ៉េង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា ការងារបង្កបង្កើនផលស្រូវរដូវវស្សា ឆ្នាំ២០២០ សម្រេចបានជិត៧០ភាគរយហើយ។ ការបង្កបង្កើនផលឆ្នាំនេះ លឿនជាងឆ្នាំមុន ដោយសារកម្ពុជា ទទួលបានរបបទឹកភ្លៀងបរិបូរណ៏នៅដើមរដូវ។ គិតមកត្រឹម ថ្ងៃទី០១ ខែកក្កដា ឆ្នាំ២០២០ ការងារបង្កបង្កើនផលស្រូវរដូវវស្សា នៅទូទាំងប្រទេសសម្រេចធ្វើការស្ទូង និងព្រួសបាន ១លាន ៧សែន ៩ម៉ឺន១ ៩៦៤ ហ.ត ស្មើនឹង ៦៩,២៤% នៃផែនការចំនួន ២ ៥៨៨ ១៣០ ហ.ត លើសឆ្នាំមុន ៣៣៧ ៥៩១ ហ.ត ក្នុងនោះមាន៖ ស្រូវស្រាលចំនួន ៥៩៥ ៣០៥ ហ.ត លើសឆ្នាំមុន ៨៤ ៦៨៥ ហ.ត, ស្រូវកណ្តាលចំនួន ៨៣១ ១៦៨ ហ.ត លើសឆ្នាំមុន ២២៤ ៣២២ ហ.ត, ស្រូវធ្ងន់ចំនួន […]
  • មានវីដេអូរ៖ ប្រជាពលរដ្ឋក្រីក្រចំនួន ២៥.០០០គ្រួសារបានទទួលប្រាក់ឧបត្ថម្ភប្រមាណ១លានដុល្លារ (ខេត្តកំពង់ចាម,ថ្ងៃទី០២ ខែកក្កដា ឆ្នាំ២០២០)៖ក្រោមការយក ចិត្តទុកដាក់ពីសំណាក់ឯកឧត្តមអ៊ុន ចាន់ដា អភិបាលនៃគណៈអភិបាលខេត្តរួមនឹងអភិបាលរងខេត្ត បានអញ្ជើញចុះពិនិត្យនិងសំណេះសំណា លផ្ទាល់ជាមួយនឹងប្រជាពល រដ្ឋប្រភេទក្រ១និងក្រ២ នាព្រឹកថ្ងៃទី០១កក្កដា២០២០ នៅសង្កាត់សំបួរមាស ក្រុងកំពង់ចាម។ ដើម្បីទទួលប្រាក់ ឧបត្ថម្ភពីប្រមុខរាជរដ្ឋាភិបាលកម្ពុជា។ អ្នកស្រីឃាង ស៊ីផាន ចៅសង្កាត់សំបួរមាស បានឲ្យដឹងថា:តាមរយៈការស្រាវ ជ្រាវ ជាបន្តបន្ទាប់និងការចុះស្រង់ទិន្នន័យពីមន្ត្រីមូលដ្ឋានក្នុង អំឡុងឆ្នាំ២០១៨ ប្រភេទគ្រួសារក្រីក្រទាំង២ប្រភេទមានចំនួន៤៩៦មួយគ្រួសាររហូតមកដល់បច្ចុប្បន្ននេះបានចុះស្រង់ទិន្នន័យបន្តទៀតបានកើនដល់ជាង៥០០គ្រួសារ។ ឯកឧត្តមអ៊ុន ចាន់ដា អភិបាលខេត្ត មានប្រសាសន៍ឲ្យដឹងថាមន្ទីរពាក់ព័ន្ធចំនួន២ក្នុងនោះមានមន្ទីរសង្គមកិច្ចនិងមន្ទីរផែនការដែលបានចុះស្រង់ទិន្នន័យក្នុងអំឡុងឆ្នាំ២០១៨ តាមរយៈការធ្វើជំរឿនលើប្រជាពលរដ្ឋដែលមានជីវភាពប្រភេទក្រមួយនិងក្រពីមានចំនួនប្រមាណ៣៥.០០០ គ្រួសារ។រហូតមកដល់បច្ចុប្បន្នតាមរយៈការធ្វើជំរឿនបន្តបាន ឃើញជាង៥.០០០គ្រួសារបន្ថែមទៀត សរុបនៅក្នុងទូទាំងខេត្តកំពង់ចាមមានចំនួនជាង៤ម៉ឺនគ្រួសារ។ ឯកឧត្តមអ៊ុន ចាន់ដា មានប្រ សាសន៍បន្តថា នេះបង្ហាញពីការយកចិត្តទុកដាក់របស់សម្ដេចតេជោសែននាយករដ្ឋមន្ត្រីនៃព្រះរាជា ណាចក្រកម្ពុជា គឺមានតែគណបក្សប្រជាជនកម្ពុជាតែមួយប៉ុណ្ណោះដែលបានរួមសុខរួមទុក្ខដោះ ស្រាយជូនប្រជាពលរដ្ឋនៅក្នុងដំណាក់កាលផ្ទុះជម្ងឺ covid។ ថវិកានេះ ត្រូវបានជួយដល់ប្រជាពលរដ្ឋ ដើម្បីឲ្យមានលំនឹងជីវភាពក្នុងរយៈពេលខ្លី ហើយក្រោយជំងឺ covid ពួកគាត់នឹងចេញប្រកបរបរលក់ដូរឬក៏ធ្វើការងារផ្សេងៗដើម្បីរកកម្រៃផ្គត់ផ្គង់ជីវភាពគ្រួសារ៕
  • អគ្គនាយកដ្ឋានពន្ធនាគារ នៃក្រសួងមហាផ្ទៃ ទទួលសម្ភារ ការពារ ជំងឺកូវីដ-១៩ ពីអង្គការយូនីសេហ្វ និងឧត្តមស្នងការអង្គការ សហប្រជាជាតិទទួលបន្ទុកសិទ្ធិមនុស្សនៅកម្ពុជា អគ្គនាយកដ្ឋានពន្ធនាគារ នៃក្រសួងមហាផ្ទៃ នៅព្រឹកថ្ងៃទី០២ កក្កដា​នេះ បានទទួលសម្ភារសម្រាប់ការពារជំងឺកូវីដ-១៩ ពីមូលនិធិអង្គការសហប្រជាជាតិដើម្បីកុមារ (យូនីសេហ្វ) ប្រចាំប្រទេសកម្ពុជា និងឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស ប្រចាំប្រទេសកម្ពុជា (UNOHCHR) ក្រោមអធិបតីភាព ឯកឧត្តម សន្ដិបណ្ឌិត ចាន់ គីមសេង អគ្គនាយក អគ្គនាយកដ្ឋានពន្ធនាគារ នៃក្រសួងមហាផ្ទៃ។ សូមជម្រាបថា សម្ភារអគ្គនាយកដ្ឋានពន្ធនាគារទទួលនាពេលនេះ រួមមាន៖ សាប៊ូដុំ ៥.០៤០ដុំ ,សាប៊ូម្សៅ ២.៩៤០​កញ្ជប់ ,ថ្នាំដុសធ្នេញ ៧៦៨ដុំ ,ច្រាស់ដុសធ្មេញ ៦១២ច្រាស់ និងសំឡីអនាម័យស្រ្តី ១.០៨០កញ្ចប់ សម្រាប់ផ្ដល់ជូនពន្ធនាគារ រាជធានី-ខេត្ត។ ឯកឧត្តម ចាន់ គីមសេង បញ្ជាក់ថា ចំពោះជំងឺកូវីដ-១៩នេះ អង្គការយូនីសេហ្វ និង UNOHCHR មានការចាប់អាម្មណ៍យ៉ាងខ្លាំងក្នុងការសហការជាមួយ អគ្គនាយកដ្ឋានពន្ធនាគារ ដើម្បីទប់ស្កាត់ការរីករាលដាល់ជំងឺកូវីដ-១៩ នៅតាមពន្ធនាគារនៅប្រទេស​កម្ពុជា​។ ឯកឧត្តមក៏បានស្នើឲ្យអង្គការ យូនីសេហ្វ និង UNOHCHR ត្រូវពិភាក្សាគ្នាបន្តទៀត ដើម្បីបង្កើនការទប់ស្កាត់ការឆ្លងជំងឺកូវីដ-១៩ ដល់អនីតិជន ឬជនជាប់ឃុំខ្លួន ដទៃទៀតក្នុងពន្ធនាគារ។ […]
  • កសិករនៅស្រុកអន្លង់វែង ខេត្តឧត្តរមានជ័យកំពុងទទួលផលពីការដាំត្រសក់ផ្អែក កសិករឈ្មោះ សង សុភាក់ ភេទប្រុស រស់នៅភូមិ អូរតាមេង ឃុំអន្លង់វែង ស្រុកអន្លង់វែង ជាកសិករនៅក្នុងសមាគមត្រសក់ផ្អែម សៀមរាបមានជ័យ កំពុងប្រមូលផលត្រសក់ផ្អែមចំនួន ៨ ០០០ គុម្ព លើផ្ទៃដី ៣ ០០០ម៉ែត្រការេ។ លោកថា ចំណាយដើមទុន ក្នុងមួយគុម្ព អស់ ១ ០០០៛ ទាំងពូជ និងការថែទាំ។ ជាមធ្យម គាត់ទទួលបានបរិមាណផល ១២ ០០០គ.ក ដោយក្នុងមួយ គីឡូក្រាមគាត់អាចលក់បាន ៣០០០៛ អោយសមា គមប្រាក់ចំណេញដុល ចំនួន ២៤លានរៀល ក្នុងរយៈពេល ៦០ថ្ងៃ -៦៥ថ្ងៃ ។ កសិករមួយរូបទៀតឈ្មោះ យ៉ា សារិន ភេទ ប្រុស រស់នៅភូមិរំចេក ឃុំអន្លង់វែង ស្រុកអន្លង់វែង បានបញ្ជាក់ដែរថា គាត់ដាំដំណាំត្រសក់ចំណារ ដែលមានសមាជិកក្រុម០៧គ្រួសារ លើផ្ទៃដី ៣ ២០០ ម៉ែត្រការេ […]
  • ការងារបង្កបង្កើនផលស្រូវរដូវវស្សាឆ្នាំ ២០២០នៅខេត្តតាកែវសម្រេចបានជាង៦០ភាគរយហើយ ប្រធានមន្ទីរកសិកម្ម រុក្ខាប្រមាញ់ និងនេសាទ លោក ញឹប ស្រ៊ន បានឲ្យដឹងថា ការភ្ជួររាស់នៅខេត្តកាកែវ សម្រេចបាន៖ ១៦ម៉ឺន ៨ ២២៣ ហត ដោយប្រើប្រាស់គ្រឿងយន្តកសិកម្ម១០០%។ ក្នុងនោះ ស្ទូងនិងព្រួសសម្រេចបាន ១២ម៉ឺន ៥៤០ ហ.ត ស្មើនឹង ៦៦,៩៧% នៃផែនការ ១៨ម៉ឺន ហ.ត។ ចំពោះការប្រមូលផលស្រូវដើមរដូវវស្សាសម្រេចបាន ១៥ ០៩៥ ហ.ត ស្មើនឹង ២៨,៦៩% នៃផ្ទៃដីសរុប ៥២ ៦២៣ ហ.ត ទទួលបានបរិមាណផលចំនួន ៦២ ៣៣៤ តោន និងទិន្នផលជាមធ្យម ៤,១២៩ ត/ហ.ត ។ លោកប្រធានមន្ទីរកសិកម្មបន្ថែមថា ការដាំដុះដំណាំសាកវប្បកម្មសម្រេចបានចំនួន ១ ៦៤៨ ហ.ត ក្នុងនេះមានដំឡូងជ្វាចំនួន ១០៧ហ.ត, ពោតស ១៤១ ហ.ត, ឪឡឹកបាន ២៥៥ ហ.ត […]
  • កសិករចិញ្ចឹមកង្កែប និងលក់កូនត្រី រកចំណូលបាន៤ ទៅ ៥ លានរៀលក្នុង មួយខែ លោកប្រធានមន្ទីរកសិកម្ម រុក្ខាប្រមាញ់ និងនេសាទ និងសហការីបានបន្តចុះពិនិត្យមើលកសិដ្ឋានភ្ញាស់កូនត្រី និងកង្កែប របស់លោក ហ៊ឹម វន នៅភូមិរមេញជើង ឃុំរមេញ ស្រុកកោះអណ្តែត។ លោក ហ៊ឹម វន បានឲ្យដឹងថា ក្នុងមួយខែៗគាត់បានលក់កូនត្រី និងកង្កែបប្រមាណ ៣០ ០០០ ទៅ ៤០ ០០០កូន ហើយទទួលបានប្រាក់ចំណូល ៤ ទៅ ៥ លានរៀល។ សម្រាប់ការបង្កាត់កូនកង្កែប ក្នុង ១០ ០០០កូន ចំណេញបានប្រមាណ១ ៥០០ ០០០ ទៅ ៣ ៥០០ ០០០រៀល ក្នុងរយៈពេល ១០៥ថ្ងៃ ដោយក្នុងមួយឆ្នាំគាត់អាចលក់កូនកង្កែបបានរយៈពេល ៧ខែ។ លោកប្រធានបានជំរុញ និងលើកទឹកចិត្តអោយគាត់ព្យាយាមបង្កើនមេបាពូជ និងព្យាយាមបង្កាត់អោយបានគ្រប់រដូវដើម្បីផ្គត់ផ្គង់អោយគ្រប់តាមតម្រូវការទីផ្សារ៕  
  • ទោចម្កុដគូទី៣ បានព្រលែង នៅក្នុងព្រៃរមណីយដ្ឋានអង្គរក្រោយបន្សាំអស់រយៈពេលមួយឆ្នាំកន្លះ អង្គការសម្ពន្ធមិត្តសត្វព្រៃនិងរដ្ឋបាលព្រៃឈើក្រុងភ្នំពេញ ក្រោមកិច្ចសហការពីអាជ្ញាធរជាតិអប្សរា បានព្រលែងទោចម្កុដមួយគូបន្ថែមទៀតឱ្យរស់ នៅតាមបែបធម្មជាតិនៅក្នុងព្រៃម្តុំខ្លោងទ្វារតាកាវ នៅព្រឹកថ្ងៃទី០១ ខែកក្កដា ឆ្នាំ២០២០ ក្រោយបន្សាំក្នុងទ្រុងអស់រយៈពេលមួយឆ្នាំកន្លះ។ តាមការបញ្ជាក់របស់លោក និច ម៉ាក នាយកសង្គ្រោះសត្វព្រៃនៃអង្គការសម្ពន្ធមិត្តសត្វព្រៃថា នេះជាទោចម្កុដគូទី៣ហើយដែលក្រុមការងារបានព្រលែងនៅក្នុងព្រៃរមណីយដ្ឋានអង្គរ។ យើងបានបន្សំា​វាឱ្យនៅក្នុងទ្រុងសិន ដើម្បីឱ្យវាស្រឡាញ់គ្នា ពិនិត្យសុខភាពថាគ្មានជំងឺ ឱ្យវាចេះសម្របខ្លួននឹងធម្មជាតិ អាកាសធាតុ បរិយាកាស ស្គាល់កន្លែង ខ្លាចមនុស្សតិចតួច ទើបអាចដោះលែងវាឱ្យរស់នៅក្នុងព្រៃបាន។ សម្រាប់លោក និច យល់ថា ទោចម្កុដជាប្រភេទសត្វស្លូត ហើយចំពោះការជ្រើសយកព្រៃក្នុងឧទ្យានអង្គរដើម្បីព្រលែងសត្វទោចម្កុដ ព្រោះព្រៃអង្គរមានសុវត្ថិភាព មានព្រៃស្អាត ធម្មជាតិល្អ មានអាហារគ្រប់គ្រាន់។ លក្ខណៈពិសេសរបស់ទោចម្កុដ ជាសត្វប្រកាន់ដៃគូ ស្មោះ ត្រង់នឹងដៃគូ រស់នៅជាគ្រួសារ គម្លាតពីគ្រួសារ​១ទៅគ្រួសារ១ ប្រហែល១គីឡូម៉ែត្រកន្លះ អាយុ៦ឆ្នាំពេញវ័យ និងមានផ្ទៃពោះរយៈពេល៨ខែ មានកូនម្តង១ ហើយជាសត្វមិនបង្ករគ្រោះថ្នាក់ដល់មនុស្សឡើយ។   លោក ជូរ៉ា ឌីណា អនុប្រធាននាយកដ្ឋានគ្រប់គ្រងព្រៃឈើ ទេស​ភាព​វប្បធម៌ និងបរិស្ថាននៃអាជ្ញាធរជាតិអប្សរា បានឱ្យដឹងថា យើងបានសហការជាមួយរដ្ឋបាលព្រៃឈើ អង្គការសម្ពន្ធមិត្តសត្វព្រៃ តាំងពីឆ្នាំ២០១៣ ក្នុងការព្រលែងសត្វព្រៃជាច្រើនប្រភេទក្នុងព្រៃរមណីយដ្ឋានអង្គរ។ ក្នុងនោះ […]
  • បង្ក្រាបបទល្មើសគ្រឿងញៀនទូទាំងប្រទេស១២ករណី ឃាត់ខ្លួនជនសង្ស័យ២០នាក់ ភ្នំពេញ ៖ ជនសង្ស័យចំនួន២០នាក់(ស្រីម្នាក់) ត្រូវបានសមត្ថកិច្ចឃាត់ខ្លួនក្នុងប្រតិបត្តិការប្រតិបត្តិការបង្ក្រាទបទល្មើសគ្រឿងញៀនចំនួន១២ករណីទូទាំងប្រទេសនៅថ្ងៃទី០១ ខែកក្កដានេះ ។ ក្នុងចំណោមជនសង្ស័យទាំង២០នាក់ មានមុខសញ្ញាជួញដូរគ្រឿងញៀន ចំនួន១២នាក់ និងប្រើប្រាស់ ៨នាក់ ។វត្ថុតាងដែលចាប់យកសរុបក្នុងថ្ងៃទី០១ ខែកក្កដា រួមមាន ៖ មេតំហ្វេតាមីន(ice) ស្មើនឹង ៣៩,២៨ក្រាម និង១៨កញ្ចប់តូច ។
  • រដ្ឋមន្ត្រីមហាផ្ទៃ៖ រយៈពេល៦ខែ ឆ្នាំ២០២០ អត្រាគ្រោះថ្នាក់ចរាចរណ៏ធ្លាក់ចុះស្មើ២៥% រយៈពេល១ឆមាស ឆ្នាំ២០២០នេះ អត្រាគ្រោះថ្នាក់ចរាចរណ៏ មានការ ថយចុះគួរកត់សម្គាល់ បើប្រៀបធៀបនឹងឆ្នាំមុន និងមុនពេលមានការរឹតបន្តឹងការអនុវត្តច្បាប់ចរាចរណ៍ផ្លូវគោក។ បើតាមសម្តេចក្រឡាហោម ស ខេង រយៈពេល៦ខែ ឆ្នាំ២០២០ អត្រាគ្រោះថ្នាក់ចរាចរណ៏ធ្លាក់ចុះស្មើ២៥%។   ទិន្នន័យជាផ្លូវការ បានបង្ហាញថា ចំនួនគ្រោះថ្នាក់ចរាចរណ៍ផ្លូវ គោកក្នុង រយៈពេល១ឆមាស (ពីថ្ងៃទីខែមករា រហូតដល់ ថ្ងៃទី៣០ ខែមិថុនា) ឆ្នាំ២០២០នេះបើប្រៀបធៀបឆមាសទី១ឆ្នាំ២០១៩ គឺចំនួនគ្រោះថ្នាក់ចរាចរណ៍មានការថយចុះ៥៥២លើក ស្មើ២៥% (១៦១៩ លើ២១៧១លើក) ចំនួនមនុស្សស្លាប់ថយចុះ១៧២នាក់ ស្មើនឹង១៧% (៨៦១លើ១០៣៣នាក់) ចំនួនអ្នករងរបួសថយចុះ៧៧៨ នាក់ស្មើនឹង២៤% (២៤៤៩លើ៣២២៧នាក់។ បើប្រៀបធៀបគ្រោះថ្នាក់ចរាចរណ៍រយៈពេល២ខែ នៃការរឹតបន្តឹងច្បាប់ចរាចរណ៍ផ្លូវ គោកគឺខែឧសភា និងខែមិថុនា ឆ្នាំ២០២០ នឹងខែឧសភា និងខែមិថុនាឆ្នាំ២០១៩គឺគ្រោះថ្នាក់ចរាចរណ៍មានការថយចុះ២៣៣លើកស្មើនឹង៣៤%(៤៥៧លើ៦៩០លើក) ចំនួនមនុស្សស្លាប់មានការថយចុះ៧៩នាក់ស្មើនឹង២៥%(២៤១លើ៣២០នាក់) និងអ្នករងរបួសបានថយចុះ២៣៣នាក់ស្មើនឹង២៣% (៧៦៦លើ៩៩៩នាក់) ។   សម្តេចក្រឡាហោម ស ខេង បានបញ្ជាក់ថា តាមទិន្នន័យនេះ គឺបានបង្ហាញយ៉ាងច្បាស់ថា ប្រជាពលរដ្ឋពិតជាមានការយល់ដឹង និងបានចូលរួមគោរពច្បាប់ចរាចរណ៍កាន់តែច្រើន នៅពេលប្រទេសជាតិមានការរីកចម្រើន […]
  • អភិបាលខេត្តកំពង់ចាមជំរុញឲ្យនគរបាលខេត្តខិតខំពង្រឹងសន្តិសុខដើម្បីការពារខ្សែក្រវាត់ភូមិឃុំមានសុវត្ថិភាពបន្តទៀត (ខេត្តកំពង់ចាម,ថ្ងៃទី០១ ខែ កក្កដា ឆ្នាំ២០២០)៖លោកឧត្តមសេនីយ៍ទោឯម កុសល ស្នងការនគរបាលខេត្តបានគូសបញ្ជាក់ថា:ការប្រឡង ប្រណាំងភូមិឃុំមានសុវត្ថិភាពនៅក្នុងឆ្នាំ២០១៩ ដែលគ្មានបទល្មើសមាន៥០ឃុំសង្កាត់ក្នុងចំណោមឃុំសង្កាត់រួមទាំង ១០៩ ហើយយើងទទួលបានចំណាត់ថ្នាក់លេខ១ទូទាំងប្រទេសចំនួន៥ឆ្នាំជាប់គ្នា ដោយចាប់ពីឆ្នាំ២០១៥ដល់ ២០១៩ ។ លទ្ធផលល្អនេះគឺបានមកពីការខិតខំរួមគ្នារវាងកងកម្លាំងប្រដាប់អាវុធ អាជ្ញាធរគ្រប់លំដាប់ថ្នាក់មន្ត្រីរាជការ និងមានការចូលរួមគាំទ្រសស្រាក់សស្រាំពីប្រជាពលរដ្ឋព្រមទាំងអនុវត្តតាមយ៉ាងផុលផុសផងដែរ។ ឯកឧត្តមអ៊ុន ចាន់ដា អភិបាល ខេត្តមានប្រសាសន៍ថា នគរបាលមូលដ្ឋានរួមទាំងស្រុក ខេត្ត បានខិតខំប្រឹងប្រែងការពារសន្តិសុខនិងសណ្ដាប់ធ្នាប់ជូនដល់ប្រជាពលរដ្ឋបានល្អ។ដោយមើល ឃើញបែបនេះ ហើយត្រូវបានថ្នាក់លើបំពាក់ឋានន្តរសក្កិជូនដើម្បីស៊ីការលើកទឹកចិត្ត។ សូមឲ្យមន្ត្រីនគរបាលដែលបំពាក់ស័ក្ដិជូនហើយនោះត្រូវខិតខំបំពេញការងាររបស់ខ្លួនបន្ថែមទៀតនៅក្នុងអង្គភាពរៀងៗខ្លួនឲ្យកាន់តែប្រសើរជាងមុន។ ឯកឧត្តម អភិបាលខេត្តបន្តថា ធ្វើយ៉ាងណាត្រូវឱ្យប្រជាពលរដ្ឋនៅតាមបណ្ដាស្រុកមានការទុកចិត្តមកលើសមត្ថកិច្ចនិងពេញចិត្តពេញថ្លើម។ ហើយត្រូវជួយសម្រួលនិងដោះស្រាយរាល់បញ្ហាផ្សេងៗដែលពួកគាត់បានពឹងពាក់នឹងដាក់ពាក្យបណ្ដឹងឲ្យជួយដោះស្រាយនៅតាមបណ្ដាប៉ុស្ដិ៍រដ្ឋបាល។ រយៈពេលកន្លងមកនគរបាលបានដើរតួនាទីយ៉ាងសំខាន់ក្នុងការរក្សាសុវត្ថិភាពនិងសណ្ដាប់ធ្នាប់ក្នុងឱកាសបោះឆ្នោតជ្រើសរើសឃុំសង្កាត់និងតំណាងរាស្រ្តដែលបានប្រព្រឹត្ត ទៅដោយល្អប្រសើររួមទាំងបានទប់ស្កាត់ក្រុមអសកម្មមួយចំនួនដែលចង់បង្កចលាចលនៅក្នុងសង្គម។ ឯកឧត្តម នាយឧត្តមសេនីយ៍ប៉ែន វិបុល អគ្គស្នងការរងនគរបាលជាតិ មានប្រសាសន៍ឲ្យដឹងដែរថាកងកំលាំងនគរបាល ត្រូវរក្សាសេចក្តីថ្លៃថ្នូរ ព្រោះថាខេត្តកំពង់ចាម ទទួលបានចំណាត់ថ្នាក់លេខ១ សូម្បីតែរូបលោកមកចូលរួមបំពាក់ ស័ក្កិជូនដល់មន្ត្រីនគរបាលនៅសាលាខេត្តឃើញថាបានរៀបចំមានរបៀប រៀបរយល្អគួរឲ្យសរសើរចាប់ តាំងពីឋានៈស្នងការខេត្តរហូតដល់នាយប៉ុស្តិ៍។ ហើយការបំពាក់ស័កនេះ គឺដើម្បីលើកទឹកចិត្តដល់នគរបាលដែលបានខិតខំប្រឹងប្រែងមានស្នាដៃល្អ។ ក្នុងដំណាក់កាលដែលប្រទេសកម្ពុជា បានផ្ទុះឡើងនូវជំងឺ covid ជាមួយនោះមន្ត្រីនគរបាលត្រូវរួមចំណែកសហការជាមួយអាជ្ញាធរដើម្បីផ្សព្វផ្សាយវិធានការការពារកុំអោយឆ្លងជំងឺតាមការ ណែនាំរបស់ក្រសួងសុខា ភិបាល៕
  • ថ្ងៃសុក្រនេះ សម្តេចតេជោ នឹងអញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី នៅថ្ងៃទី០៣ ខែកក្កដា ឆ្នាំ២០២០ វេលាម៉ោង ៨:៣០ នាទីព្រឹក គណៈ​រដ្ឋមន្រ្តី នឹងបើកកិច្ចប្រជុំពេញអង្គគណៈរដ្ឋមន្រ្តី ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី ។ នេះបើតាម រដ្ឋមន្ត្រីប្រតិភូអមនាយករដ្ឋ មន្ត្រី ឯ.ឧ ផៃ ស៊ីផាន។ កិច្ចប្រជុំ។ ក្នុងនោះ ១- សេចក្តីព្រាងច្បាប់ស្តីពីការគ្រប់គ្រង ការប្រើប្រាស់ និងការចាត់ចែងលើទ្រព្យសម្បត្តិរដ្ឋ។ ២- សេចក្តីព្រាងច្បាប់ស្តីពីការគ្រប់គ្រងល្បែងពាណិជ្ជកម្ម។ ៣-បញ្ហាផ្សេងៗ សំណើសុំការយល់ព្រមពីគណៈរដ្ឋមន្រ្តី ដើម្បីសុំការអនុម័តពីស្ថាប័ននីតិប្បញ្ញតិ្តលើសេចក្តីព្រាងច្បាប់ស្តីពីការអនុម័តយល់ព្រមលើសន្ធិសញ្ញា ស្តីពីការជួយគ្នាទៅវិញទៅមកផ្នែកច្បាប់ក្នុងវិស័យព្រហ្មទណ្ឌរវាងព្រះរាជាណាចក្រកម្ពុជា និងសាធារណារដ្ឋកូរ៉េ។

  Address:

Sleng Roleung Village, Sangkat Toek Thla, Khan Sen Sok, Phnom Penh, Cambodia.                                                

  016 67 85 11 / 012 678 511 / 090 22 42 24
  info@seatv.com.kh
  8:00 AM - 6:00 PM

  The Southeast Asia Television (SEATV)