World News Archives - Seatv24hours

ព័ត៌មានថ្មី

សាលាមតេ្តយ្យស្តង់ដារជប៉ុន នឹងបើកដំណើរការនៅភ្នំពេញ នាខែឧសភា ឆ្នាំ២០២៦ ភ្នំពេញ-ថ្ងៃទី២៧ ខែកមករា ឆ្នាំ២០២៦៖ ក្រុមសាលាអប់រំអាសារិ (Asari Education Academy Group) ពីប្រទេសជប៉ុន នឹងបើកដំណើរការ សាលាមតេ្តយ្យអន្តរជាតិជប៉ុនអាសារិ (Asari Japan International Kindergarten (AJIK)) នៅរាជធានីភ្នំពេញ នាខែឧសភា ឆ្នាំ២០២៦ ខាងមុខនេះ។ សាលាមតេ្តយ្យនេះ មានគោលបំណងនាំយកវិធីសាស្ត្រអប់រំកុមារតូចទំនើប«ការរៀនតាមរយៈការលេង» មកអនុវត្ត ដើម្បីបណ្ដុះសេចក្តីចង់ចេះចង់ដឹង សមត្ថភាពគិតដោយឯករាជ្យ និងការរៀនសូត្រដោយធម្មជាតិរបស់កុមារ។ សាលាមត្តេយ្យដែលគ្រោងបង្កើតឡើងដោយក្រុមសាលាអប់រំអាសារិនេះ គឺនាំយកកម្មវិធីសិក្សាបែបទំនើបពិសេសរបស់ជប៉ុនដែលរួមមាន៖ ទី១.ការរៀនតាមរយៈការលេង (Learning through Play) គឺជាការលេងរបស់កុមារមិនមែនគ្រាន់តែជាពេលវេលាកម្សាន្តនោះទេ ប៉ុន្តែ វាជាច្រកផ្លូវទៅកាន់ការរៀនសូត្រ។ សាលាផ្ដល់តម្លៃលើសំណួរ “ហេតុអ្វី?” និង “ខ្ញុំចង់សាកល្បង” ដែលកើតឡើងក្នុងពេលលេងប្រចាំថ្ងៃ និងបណ្ដុះសមត្ថភាពក្នុងការគិត និងសកម្មភាពដោយឯករាជ្យ។ ទី២.ការរៀនសូត្រដែលកើតចេញពីស្មារតីនៃការស្វែងយល់តាមរយៈកម្មវិធី Ah!So!Bo!។ កម្មវិធី Ah!So!Bo!នេះ ដែលក្រុមសាលាអប់រំអាសារិ បានកំពុងអនុវត្តនៅជប៉ុន គឺជាទម្រង់នៃការអប់រំដែលចាប់ផ្តើមពីស្មារតីស្វែងយល់ពីខាងក្នុងខ្លួនរបស់កុមារ និងពង្រីកការរៀនសូត្រដោយធម្មជាតិតាមរយៈការលេង។ នៅសាលាមត្តេយ្យថ្មីនេះ គោលគំនិតនេះ ត្រូវបានសម្របសម្រួលឱ្យសមស្របនឹងវប្បធម៌ និងរបៀបរស់នៅរបស់កុមារនៅកម្ពុជា។ […]
មន្ត្រីជាន់ខ្ពស់ក្រសួងពាណិជ្ជកម្ម ចុះត្រួតពិនិត្យទីតាំងមជ្ឈមណ្ឌលពាណិជ្ជកម្មឯកជនកម្ពុជា នៅទីក្រុងអាស៊ូហ្គី ខេត្តកាណាហ្កាវ៉ា ប្រទេសជប៉ុន ឯកឧត្តម ស៊ាង ថៃ រដ្ឋលេខាធិការក្រសួងពាណិជ្ជកម្ម បានដឹកនាំគណៈប្រតិភូក្រសួងពាណិជ្ជកម្មចុះត្រួតពិនិត្យទីតាំងមជ្ឈមណ្ឌលពាណិជ្ជកម្មឯកជនកម្ពុជា នៅទីក្រុងអាស៊ូហ្គី ខេត្តកាណាហ្កាវ៉ា ប្រទេសជប៉ុន ដើម្បីធ្វើបច្ចុប្បន្នភាព និងពិនិត្យមើលសកម្មភាពរបស់មជ្ឈមណ្ឌលពាណិជ្ជកម្មខាងលើ សំដៅបន្តប្រតិបត្តិការសម្រាប់រយៈពេល ៣ឆ្នាំខាងមុខទៀត។ ឯកឧត្តមរដ្ឋលេខាធិការ និងគណៈប្រតិភូ បានជួបពិភាក្សាការងារជាមួយ លោក Takashi Okami ប្រធានក្រុមហ៊ុន Kojima Holdings Co., Ltd. លោកស្រី Machiko Kosugi ប្រធានមជ្ឈមណ្ឌលពាណិជ្ជកម្មឯកជនកម្ពុជានៅទីក្រុងអាស៊ូហ្គី និងលោក Kusunoki Rissei ប្រធានសហគមន៍ខ្មែរនៅប្រទេសជប៉ុន ផងដែរ។ ឯកឧត្តមរដ្ឋលេខាធិការ បានលើកឡើងថា មជ្ឈមណ្ឌលពាណិជ្ជ កម្មឯកជនកម្ពុជា នៅទីក្រុងអាស៊ូហ្គី បានរៀបចំតុបតែងបានយ៉ាងល្អ និងមានភាពទាក់ទាញ ដោយបានដាក់តាំងបង្ហាញផ្សព្វផ្សាយផលិតផលខ្មែរ ព្រមទាំងផ្តល់នូវព័ត៌មានអំពីវិស័យពាណិជ្ជកម្ម វិនិយោគ ទេសចរណ៍ និងវប្បធម៌របស់កម្ពុជា ជូនធុរជន វិនិយោគិន និងប្រជាជនជប៉ុន។ ឯកឧត្តមរដ្ឋលេខាធិការ ក៏បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់មជ្ឈមណ្ឌលពាណិជ្ជកម្ម ដែលបានរួមចំណែកក្នុងការជំរុញសកម្មភាពពាណិជ្ជកម្ម និងវិនិយោគរវាងកម្ពុជា-ជប៉ុន និងលើកទឹកចិត្តដល់មជ្ឈមណ្ឌលពាណិជ្ជកម្មឱ្យបន្តរៀបចំសកម្មភាពនានាដែលផ្សព្វផ្សាយពីសក្តានុពលរបស់ប្រទេសកម្ពុជា ជាពិសេស ឯកឧត្តមបានស្នើឱ្យមជ្ឈមណ្ឌលពាណិជ្ជកម្ម សហការជាមួយក្រសួងពាណិជ្ជកម្ម […]
រាជរដ្ឋាភិបាល សម្រេចឱ្យក្រសួងការពារជាតិ ជ្រើសរើសពល ទាហានថ្មី ចំនួន៣០០នាក់ – បញ្ជាការដ្ឋានទ័ពអាកាស ចំនួន ១០០នាក់ – កងឯកភាព ចំណុះឱ្យបញ្ជាការដ្ឋានវិស្វកម្ម អគ្គបញ្ជាការដ្ឋាន ចំនួន ១៥០នាក់ – មជ្ឈមណ្ឌលហ្វឹកហ្វឺនពហុសាសន៍ ចំណុះមូលដ្ឋានសមុទ្ររាម ចំនួន ៣០នាក់ – វិទ្យាស្ថានសេនាធិការ ចំនួន ២០នាក់
ការងារសាងសង់ច្រាំងទន្លេមេគង្គ ក្នុងភូមិសាស្ត្រខេត្តកំពង់ចាម សម្រេចបានប្រមាណ ៤០% ឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម អមដំណើរដោយថ្នាក់ដឹកនាំ មន្ត្រីបច្ចេកទេសក្រសួង និងមន្ទីរធនធានទឹក និងឧតុនិយមខេត្តកំពង់ចាម បានអញ្ជើញចុះពិនិត្យវឌ្ឍនភាពការងារសាងសង់ច្រាំងទន្លេមេគង្គដោយប្រើប្រាស់បាវ Geotextile ស្ថិតក្នុងឃុំពាមកោះស្នា ស្រុកស្ទឹងត្រង់ ខេត្តកំពង់ ចាម ដោយមានការចូលរួមពីឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ព្រមទាំងអាជ្ញាធរមូលដ្ឋានគ្រប់លំដាប់ថ្នាក់។ សូមជម្រាបថា ការងារសាងសង់ច្រាំងទន្លេបានចាប់ផ្តើមអនុវត្តពីថ្ងៃទី២៩ ខែមីនា ឆ្នាំ២០២៥ គិតត្រឹមថ្ងៃទី៩ ខែមេសា ឆ្នាំ ២០២៥ វឌ្ឍនភាពការងារសម្រេចបានប្រមាណ ៤០% ស្មើនឹងប្រវៃង ៤៣០ម៉ែត្រ/៥០០ម៉ែត្រ ក្នុងនោះរួមមាន៖ ទី១)ប្រើបាវច្រកខ្សាច់ចំនួន ៩៧១បាវ ទី២)ទូកបូមខ្សាច់ចំនួន ១៦២ទូក ទី៣)ចាក់ដីបំពេញចំនួន ២៥០ឡាន(៥ម៉ែត្រគូប/ឡាន) និងទី៤)ការងាររៀបបាវខ្សាច់ ៣ជាន់ បានប្រវែង ៤៣០ម៉ែត្រ រៀបបាវ ៤ជាន់ប្រវែង ១០០ម៉ែត្រ និងរៀបបាវ ៥ជាន់ ប្រវែង ៥០ ម៉ែត្រ។ ឯកឧត្តមរដ្ឋមន្ត្រី បានវាយតម្លៃខ្ពស់ចំពោះវឌ្ឍនភាពការងារដែលសម្រេចបាន ព្រមទាំងបានណែនាំដល់ក្រុមការងារបច្ចេកទេសឱ្យបន្តពង្រឹងលើគុណភាព […]
រួចដៃពីភារកិច្ចចូលឆ្នាំ មន្រ្តីនគរបាលនៅមូលដ្ឋានផ្ដល់អត្ត សញ្ញាណប័ណ្ណ សៀវភៅគ្រួសារ និងសៀវភៅស្នាក់នៅជូនពលរដ្ឋជាង៣ពាន់សេវា បន្ទាប់ពីបញ្ចប់បេសកកម្មធានាសន្តិសុខសណ្ដាប់ធ្នាប់ជូនប្រជាពលរដ្ឋមកជួបជុំកម្សាន្តអបអរឆ្នាំថ្មីតាមស្រុកកំណើត និងទីតាំងសប្បាយនានា កម្លាំងនគរបាលគ្រប់ប៉ុស្តិ៍នគរបាលរដ្ឋបាលឃុំ សង្កាត់ និងអធិការដ្ឋាន បានបន្តតួនាទីធានាប្រក្រតីភាពនៃការផ្ដល់សេវារដ្ឋបាលជូនប្រជាពលរដ្ឋយ៉ាងសកម្ម។ ជាក់ស្តែងនាថ្ងៃទី១៧-១៨ ខែមេសា ឆ្នាំ២០២៥ ពោលគឺភ្លាមៗក្រោយបញ្ចប់ពិធីបុណ្យចូលឆ្នាំថ្មី គឺក្នុងរយៈពេល២ថ្ងៃចុងក្រោយមុនចង់សប្ដាហ៍កន្លងទៅនេះ មន្ត្រីនគរបាលបានសេវាអត្ត សញ្ញាណប័ណ្ណសញ្ជាតិខ្មែរជូនប្រជាពលរដ្ឋបានសរុបចំនួន ៨៤៤សន្លឹក។ ខណៈប្រជាជនកំពុងឆ្លៀតឱកាសនៅស្រុក កំណើតស្រាប់ ដើម្បីស្នើសុំសេវា ក្នុងរយៈពេល២ថ្ងៃនោះដែរ មន្រ្តីនគរបាលក៏បានផ្ដល់សេវាលិខិតឆ្លងដែនជូនពលរដ្ឋបានចំនួន ៦៣២ក្បាល លិខិតធ្វើដំណើរចំនួន៤៣ក្បាល សៀវភៅស្នាក់នៅចំនួន ៦៦៤ក្បាល និងសៀវភៅគ្រួសារចំនួន ៤១៧ក្បាលផងដែរ។ លោក ទូច សុឃៈ អ្នកនាំពាក្យរងក្រសួងមហាផ្ទៃ បានមាន ប្រសាសន៍ថា លទ្ធផលការងារនេះជាស្មារតីគោរពវិជ្ជាជីវៈ និងឆន្ទៈស្រឡាញ់ប្រជាជនរបស់មន្រ្តីនគរបាល រួមទាំងអាជ្ញាធរ និងថាសកម្មភាពនេះដើរស្របគោលការដឹកនាំរបស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ ក្រោមមាគ៌ាដ៏ឈ្លាសវៃរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។ អ្នកនាំពាក្យក៏បានលើកទឹកចិត្ត និងថ្លែងអំណរគុណយ៉ាងជ្រាលជ្រៅចំពោះមន្ត្រីអត្តសញ្ញាណកម្មគ្រប់មូលដ្ឋាន ដែលបន្តប្រក្រតីភាពក្នុងការបម្រើសេវាជូនប្រជាពលរដ្ឋ ជាពិសេស បានមើលឃើញអំពីសារសំខាន់ដែលប្រជាពលរដ្ឋអញ្ជើញទៅកាន់ទីលំនៅឋាន ក្នុងឱកាសឆ្នាំថ្មីអាចនឹងមានតម្រូវការណាមួយក្នុងការស្នើសុំសេវា ដោយមន្ត្រីបានត្រៀមលក្ខណៈរួចជាស្រេច ក្នុងការបំពេញនូវរាល់សេវាផ្សេងៗ ទោះបីជាពួកគាត់ទើបតែបញ្ចប់ភាពនឿយហត់ក្នុងការងារថែរក្សាសន្តិសុខ និងសណ្ដាប់ធ្នាប់នាឱកាសឆ្នាំថ្មីក៏ដោយ៕
គម្រោងអភិវឌ្ឍន៍សំណង់ស្ទាក់ទឹកកំពង់គោ និងប្រឡាយពង្វាងទឹកស្ទឹងស្លាប់ក្នុងភូមិសាស្ត្រខេត្តកំពង់ធំ សម្រេចបានប្រមាណ ៧០% ឯកឧត្តម ចាន់ ស៊ីណាត រដ្ឋលេខាធិការ ក្រសួងធនធានទឹក និងឧតុនិយម បានអញ្ជើញដឹកនាំក្រុមការងារបច្ចេទេសរបស់ក្រសួង និងមន្ទីរធនធានទឹក និងឧតុនិយមខេត្តកំពង់ធំ ចុះពិនិត្យវឌ្ឍនភាពការដ្ឋានសំណង់ទំនប់អាងទឹកកំពង់គោ ដែលជាទំនប់ទី៣ ដែលចាំបាច់មិនអាចខ្វះបានស្ថិតក្នុងភូមិសាស្រ្តខ្សែទឹកផ្នែកខាងក្រោមរបស់អាងស្ទឹងសែនដែលជាស្ទឹងធំជាងគេ វែងជាងគេរបស់ប្រទេសកម្ពុជា។ ឯកឧត្តមរដ្ឋលេខាធិការ បានបញ្ជាក់ឱ្យដឹងថា សំណង់អាងទឹកកំពង់គោ ស្ថិតក្នុងស្រុកកំពង់ស្វាយ និងក្រុងស្ទឹងសែន ខេត្ត កំពង់ធំ។ អាងទឹកនេះបានធ្វើឱ្យអាងទឹកធំៗពីរទៀតនៅផ្នែកខាងលើក្នុងប្រព័ន្ធអាងទឹកស្ទឹងសែនទាំងមូលដំណើរការបានទៅជាប្រព័ន្ធអាងទឹកប្រទាក់ក្រឡាគ្នាពីលើដល់ក្រោម និងបំពេញឱ្យគ្នាទៅវិញទៅមកសម្រាប់ខេត្តព្រះវិហារ និងខេត្ត កំពង់ធំ រហូតដល់តំបន់៣ក្នុងបឹងទន្លេសាប លើផ្ទៃដីជាច្រើនម៉ឺនហិកតា ដោយមិនប្រកាន់រដូវ។ ឯកឧត្តមរដ្ឋលេខាធិការ និងក្រុមការងារក៏បានចុះពិនិត្យការដ្ឋានជួសជុលស្ដារឡើងវិញស្ទឹងស្លាប់ផងដែរ ដែលស្ទឹងនេះបានជួបស្ថានភាពគោករាក់ធ្វើឱ្យមានការលិចលង់ដីស្រែចំការផ្ទះសម្បែង សាលារៀន មន្ទីរពេទ្យ រោងចក្រ និងហេដ្ឋារចនាសម្ព័ន្ធនានា ក្នុងខេត្តព្រះវិហារ និងខេត្តកំពង់ធំ ជាប្រចាំក្នុងរដូវវស្សា បង្កការលំបាកគ្រប់យ៉ាងដល់ខេត្តទាំងពីរខាងលើ។ ការស្តារស្ទឹងនេះគឺដើម្បីជួយរំដោះទឹក និងពង្វាងទឹកដ៏សំខាន់ក្នុងខេត្តកំពង់ធំ និងខេត្តព្រះវិហារ ក្នុងធារទឹក ៣០០ ម៉ែត្រគូបក្នុងមួយវិនាទី៕
នាវាកងស្វ័យការពារជើងទឹកជប៉ុន ចំនួន០២គ្រឿង ឈ្មោះ BUNGO និង ETAZIMA ចូលទស្សនកិច្ចនៅកំពង់ផែមូលដ្ឋានសមុទ្ររាម នាវាកងស្វ័យការពារជើងទឹកជប៉ុន ចំនួន០២គ្រឿង ឈ្មោះ JS BUNGO (MST-464) និងនាវាJS ETAZIMA (MSO-306) ដឹកនាំដោយលោកវរនាវីឯក ស៊ីនសូកេ អាម៉ាណូ មេបញ្ជាការកងពលធំបោសសំអាតមីនលេខ៣ បានចូលចតនៅកំពង់ផែមូលដ្ឋានសមុទ្ររាម នារសៀលថ្ងៃសៅរ៍ ទី១៩ ខែមេសា ឆ្នាំ២០២៥។ ឯកឧត្តម ឯកអគ្គរាជទូតជប៉ុន អ៊ូអិណុ អាត់ស៊ូស៊ី និងលោកវរនាវីឯក មាន សាវឿន មេបញ្ជាការរងមូលដ្ឋានសមុទ្ររាម និងនាយនាវីជាច្រើនរូបបានចូលរួមពិធីស្វាគមន៍នាវាចំនួនពីរគ្រឿង នៃកងកម្លាំងស្វ័យការពារជើងទឹកជប៉ុន គឺនាវា “Bungo” និងនាវា Etazima” ខណៈពេលចូលចតនៅមូលដ្ឋានសមុទ្ររាម។ ការបញ្ជូននាវាទាំងពីរគ្រឿងមកចូលចតនេះ ដោយកងកម្លាំងស្វ័យការពារជើងទឹកជប៉ុន រូមចំណែកដល់ការសម្រេចបាននូវឥណ្ឌូ-ប៉ាស៊ីហ្វិកសេរី និងបើកចំហ ក៏ដូចជាសន្តិភាព និងស្ថិភាពនៅក្នុងតំបន់ និងក្នុងសហគមន៍អន្តរជាតិ។ នាវាទាំងពីរគ្រឿងនេះ នឹងចតនៅកំពង់ផែមូលដ្ឋានសមុទ្ររាមរយៈពេល០៤ថ្ងៃ ដើម្បីបំពេញទស្សនកិច្ចនៅព្រះរាជាណាចក្រកម្ពុជា គិតចាប់ពីថ្ងៃទី១៩ ដល់ថ្ងៃទី២២ ខែមេសា ឆ្នាំ២០២៥។ សូមរំលឹកថា នាវារបស់កងស្វ័យការពារជើងទឹកជប៉ុន គឺជានាវាបរទេសទី១ហើយដែលត្រូវបានអនុញ្ញាតឱ្យចូលសំចតនៅកំពង់ផែមូលដ្ឋានសមុទ្ររាម ក្រោយពីបានសម្ពោធដាក់ឱ្យប្រើប្រាស់ជាផ្លូវការ ជំហានទី១ កាលពីថ្ងៃទី០៥ ខែមេសា ឆ្នាំ២០២៥ […]
ក្រុមការងារក្រសួងបរិស្ថាន រកឃើញករណីក្លិនស្អុយចេញរោងចក្រកែច្នៃកាកស្រាបៀរ របស់ក្រុមហ៊ុន ដាវី ស៊ីអេច អ៊ិចផត បន្ទាប់ពីមានសេចក្តីរាយការណ៍ពីប្រជាពលរដ្ឋ ក្រុមការងារនៃអគ្គនាយកដ្ឋានគាំពារបរិស្ថាន ក្រសួងបរិស្ថាន នាថ្ងៃទី១៨ ខែមេសា ឆ្នាំ២០២៥ បានរកឃើញឃើញការបញ្ចេញសំណល់ មិនទាន់បានត្រឹមត្រូវតាមបទដ្ឋានបច្ចេកទេសបរិស្ថាន របស់រោងចក្រកែច្នៃកាកស្រាបៀរ របស់ក្រុមហ៊ុន ដាវី ស៊ីអេច អ៊ិចផត ដែលស្ថិតនៅភូមិរបោះអង្កាញ់១ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ។ ក្រុមការងារបានពិនិត្យឃើញថា មានករណីមានក្លិនស្អុយចេញរោងចក្ររបស់ក្រុមហ៊ុន ដាវី ស៊ីអេច អ៊ិចផត ដែលប្រមូលទិញកាកស្រាបៀរ និងយីស សម្រាប់ធ្វើការកែច្នៃជាចំណីសត្វ (ផលិតផលពាក់កណ្តាលសម្រេច) សម្រាប់លក់ឱ្យក្រុមហ៊ុនផលិតចំណីសត្វក្នុងស្រុក និងនាំចេញ មិនបានដំណើរការប្រព័ន្ធសម្អាតផ្សែង និងក្លិន គ្រប់ចំនួន និងទៅតាមស្ត់ដារបច្ចេកទេស។ ក្រុមការងារបានឱ្យក្រុមហ៊ុនមានការកែលម្អនិងអនុវត្តតាមច្បាប់ និងបទដ្ឋានគត្តិយុត្តនានារបស់កម្ពុជា។ តំណាងក្រុមហ៊ុន បានទទួលស្គាល់ពីចំណុចអវិជ្ជមាន និងសន្យាធ្វើការកែលម្អប្រព័ន្ធសម្អាតផ្សែង និងក្លិនឱ្យបានល្អប្រសើរ ដើម្បីមិនបង្កឱ្យមានផលប៉ះពាល់ដល់បរិស្ថាន និងប្រជាពលរដ្ឋរស់នៅជុំវិញទីតាំងរោងចក្រ។ សូមបញ្ជាក់ថា ដើម្បីការពារសុខភាពប្រជាពលរដ្ឋ និងទប់ស្កាត់ការបំពុលបរិស្ថាន ក្រុមការងារអនុវត្តច្បាប់ដូចខាងក្រោម៖ ១-ក្រុមហ៊ុនត្រូវគោរពតាមកិច្ចសន្យាការពារបរិស្ថាន ២-ក្រុមហ៊ុនត្រូវកែលម្អប្រព័ន្ធគ្រប់គ្រងសម្អាតផ្សែង សម្អាតក្លិនឱ្យបានត្រឹមត្រូវតាមលក្ខណៈបច្ចេកទេស ៣-ក្រុមហ៊ុនត្រូវរកសេវាដឹកជញ្ជូន សំណល់គ្រប់ប្រភេទ មានសំណល់រឹង សំណល់រាវ ដែលមានលិខិតអនុញ្ញាត ទទួលដឹកសំណល់ពីក្រសួងបរិស្ថាន និងអាជ្ញាធរមានសមត្ថកិច្ច ដែលមានទីតាំទុកដាក់សំណល់ត្រឹមត្រូវ […]
ឯកឧត្តមអភិសន្តិបណ្ឌិត ដឹកនាំកិច្ចប្រជុំពិនិត្យពិភាក្សាសេចក្ដី ព្រាងអនុក្រឹត្យចំនួន២ពាក់ព័ន្ធនឹងការគ្រប់គ្រងនគរបាលជាតិ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នារសៀលថ្ងៃទី១៨ ខែមេសា ឆ្នាំ២០២៥នេះ បានអញ្ជើញដឹកនាំកិច្ចប្រជុំពិនិត្យ និងផ្តល់យោបល់លើសេចក្តីព្រាងអនុក្រឹត្យចំនួន២ផ្សេងទៀត ទីមួយ គឺអនុក្រឹត្យស្តីពីឯកសណ្ឋាន សញ្ញាសម្គាល់ និងទង់នគរបាលជាតិកម្ពុជា និងទីពីរ អនុក្រឹត្យស្តីពីការដាក់មន្ត្រីនគរបាលជាតិ ឱ្យស្ថិតនៅក្នុងភាពទំនេរគ្មានបៀវត្ស នៅសាលប្រជុំ នៃទីស្តីការក្រសួងមហាផ្ទៃ ។ សេចក្ដីព្រាងអនុក្រឹត្យស្ដីពីឯកសណ្ឋាន សញ្ញាសម្គាល់ និងទង់នគរបាលជាតិកម្ពុជា មានគោលបំណងប្រមូលលិខិតបទដ្ឋានគតិយុត្តនៅរាយប៉ាយឱ្យមកនៅក្នុងអនុក្រឹត្យតែមួយ ពង្រឹងវិន័យមន្រ្តីនគរបាលជាតិឱ្យកាន់តែប្រសើរ ពិសេសទាក់ទងការលើក កម្ពស់កិត្យានុភាព ឧត្តមភាព សេចក្ដីថ្លៃថ្នូរ ជំនឿទុកចិត្ត និងកិត្តិយស និងធ្វើទំនើបកម្មកងកម្លាំងនគរបាលជាតិឱ្យស្របតាមស្ថានភាពជាក់ស្ដែង និងការវិវឌ្ឍរីកចម្រើនរបស់ប្រទេសជាតិ។ សេចក្ដីព្រាងអនុក្រឹត្យស្ដីពីឯកសណ្ឋាន សញ្ញា សម្គាល់ និងទង់នគរបាលជាតិកម្ពុជា មាន៩ជំពូក និង៣៥ មាត្រា ចែងអំពី បទប្បញ្ញត្តិទូទៅ ឯកសណ្ឋាននគរបាលជាតិកម្ពុជាសញ្ញានគរ បាលជាតិកម្ពុជា ទង់នគរបាលជាតិកម្ពុជា ការផ្គត់ផ្គង់ឯក សណ្ឋាន និងសញ្ញាសម្គាល់នគរបាលជាតិកម្ពុជា បទប្បញត្តិដោយឡែក ទណ្ឌកម្ម អន្តរប្បញ្ញត្តិ និងអវសានប្បញ្ញត្តិ។ សម្រាប់អនុក្រឹត្យនេះ ឯកឧត្តមអភិសន្តិបណ្ឌិត ស […]
អ្នកនាំពាក្យសាលារាជធានីភ្នំពេញ÷ ប្រជាពលរដ្ឋជាង ៨ម៉ឺន ៦ពាន់នាក់ ធ្វើដំណើរតាមរថយន្តក្រុងរបស់រដ្ឋបាលរាជធានីភ្នំពេញ ដោយឥតគិតថ្លៃ ទៅលេងស្រុកកំណើត ភ្នំពេញ៖ ក្នុងឱកាសបុណ្យចូលឆ្នាំប្រពៃណីជាតិខ្មែរ ឆ្នាំម្សាញ់ សប្តស័ក ពុទ្ធសករាជ ២៥៦៩នេះ មានបងប្អូនភ្នំពេញ៖ក្នុងឱកាសបុណ្យចូលឆ្នាំប្រពៃណីជាតិខ្មែរ ឆ្នាំម្សាញ់ សប្តស័ក ពុទ្ធសករាជ ២៥៦៩នេះ មានបងប្អូនប្រជាពលរដ្ឋជាង ៨ម៉ឺន ៦ពាន់នាក់ បានធ្វើដំណើរតាមរថយន្តក្រុងរបស់រដ្ឋបាលរាជធានីភ្នំពេញ ដោយឥតគិតថ្លៃ ទៅលេងស្រុកកំណើត ពោលគឺបានកើនឡើងប្រមាណ ២១% បើប្រៀបធៀបជាមួយនឹងបុណ្យភ្ជុំ បិណ្ឌ ឆ្នាំ២០២៤កន្លងមក។ លោកស្រីដោ សម្ផស្ស នាយករងរដ្ឋបាល និងជាអ្នកនាំពាក្យសាលារាជធានីភ្នំពេញបានឱ្យដឹងនៅព្រឹកថ្ងៃទី១៩ មេសានេះថា៖ ក្នុងរយៈពេល ៦ថ្ងៃ (១២-១៧ មេសា ២០២៥) មានពុកម៉ែ បងប្អូនប្រជាពលរដ្ឋជាង ៨ម៉ឺន៦ពាន់នាក់ បានធ្វើដំណើរតាមរថយន្តក្រុងរបស់រដ្ឋបាលរាជធានីភ្នំពេញ ដោយឥតគិតថ្លៃដើម្បីទៅលេងស្រុកកំណើត និងដំណើរកម្សាន្តក្នុងឱកាសបុណ្យ ចូលឆ្នាំប្រពៃណីជាតិ។ លោកស្រីបន្តថា៖ តួលេខនេះ បើប្រៀប ធៀបជាមួយនឹងបុណ្យភ្ជុំបិណ្ឌ ឆ្នាំ២០២៤កន្លងមកគឺមានការកើនឡើងប្រមាណ ២១%។ លោកស្រីដោ សម្ផស្ស ក៏បានបញ្ចាក់ដែរថា៖ ក្នុងចំណោមទាំង២៤ខេត្ត អ្នកធ្វើដំណើរតាមរថយន្តក្រុងរបស់រដ្ឋបាលរាជធានីភ្នំពេញ ដោយឥតគិតថ្លៃ ទៅលេងស្រុកកំណើតនេះ គឺខេត្តសៀមរាបទទួលបានចំណាត់ ថ្នាក់លេ១ ដោយមានចំនួនអ្នកជិះរហូតដល់ជាង២ម៉ឺននាក់ […]
អគ្គលេខាធិការអាស៊ាន នឹងអញ្ជើញចូលរួមក្នុងសិក្ខាសាលាថ្នាក់តំបន់ស្តីពីការបម្រែបម្រួលអាកាសធាតុនៅទីក្រុង Bandar Seri Begawan ប្រទេសព្រុយណេ តបតាមការអញ្ជើញរបស់ឯកឧត្តម Dato Erywan Pehin Yusof រដ្ឋមន្ត្រីការបរទេសទី ២ របស់ព្រុយណេ ឯកឧត្តមបណ្ឌិត កៅ គឹមហួន អគ្គលេខាធិការអាស៊ាន នឹងអញ្ជើញចូលរួមក្នុងសិក្ខាសាលាថ្នាក់តំបន់ស្តីពីការបម្រែបម្រួលអាកាសធាតុ ដែលនឹងប្រព្រឹត្តទៅនៅថ្ងៃទី ២១ ខែមេសា ឆ្នាំ២០២៥ នៅទីក្រុង Bandar Seri Begawan ប្រទេសព្រុយណេ។ ឯកឧត្តមអគ្គលេខាធិការអាស៊ាន នឹងអញ្ជើញថ្លែងសន្ទរកថាក្នុងពិធីបើកសិក្ខាសាលានេះ រួមជាមួយ ឯកឧត្តម Dato Erywan Pehin Yusof ព្រមទាំង លោកសាស្ត្រាចារ្យ Tetsuya Watanabe ប្រធានវិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា (ERIA) ។ សិក្ខាសាលានេះ រំពឹងថានឹងជួយរៀបចំក្របខណ្ឌប្រតិបត្តិការនៃមជ្ឈមណ្ឌលអាស៊ានសម្រាប់ការបម្រែបម្រួលអាកាសធាតុ និងយុទ្ធសាស្ត្រហិរញ្ញវត្ថុអន្តរកាល ដោយធានាបាននូវការចាប់ផ្តើមយ៉ាងស្វាហាប់ ចំពោះកិច្ចខិតខំប្រឹងប្រែងសកម្មភាពអាកាសធាតុរួមរបស់អាស៊ាន។
ក្រុមហ៊ុន Vietjet ប្រតិបត្តិការជើងហោះហើរសង្គ្រោះចំនួនពីរ ដឹកជញ្ជូនក្រុមជួយសង្គ្រោះវៀតណាមទៅកាន់ប្រទេសមីយ៉ាន់ម៉ា ក្រុមហ៊ុន Vietjet បានដំណើរការជើងហោះហើរពិសេសចំនួនពីរគឺ VJ2875 និង VJ2877 ដោយប្រើយន្តហោះ Airbus A330 និង A321 ដើម្បីដឹកជញ្ជូនក្រុមជួយសង្គ្រោះវៀតណាមទៅកាន់ប្រទេសមីយ៉ាន់ម៉ា បន្ទាប់ពីគ្រោះរញ្ជួយដីដ៏ធំបានបំផ្លិចបំផ្លាញ។ ដើម្បីគាំទ្រដល់ការឆ្លើយតបជាបន្ទាន់ចំពោះគ្រោះ មហន្តរាយនេះ ក្រុមហ៊ុនអាកាសចរណ៍បានសម្រួលដល់ការដាក់ពង្រាយបុគ្គលិកសង្គ្រោះជាបន្ទាន់ពីក្រសួងសន្តិសុខសាធារណៈវៀតណាម និងក្រសួងការពារជាតិ។ ជើងហោះហើរទាំងពីរបានចេញដំណើរពីអាកាសយានដ្ឋានអន្តរជាតិ Noi Bai ទីក្រុងហាណូយ ទៅកាន់ទីក្រុង Yangon នៅថ្ងៃទី ៣០ ខែមីនា។ ក្រុមហ៊ុន Vietjet បានធានានូវការដាក់ពង្រាយជើងហោះហើរទាំងនេះយ៉ាងរហ័សបំផុត ដោយការពន្លឿនការអនុញ្ញាតឱ្យហោះហើរ និងការត្រៀមលក្ខណៈបច្ចេកទេស។ នាវិក និងបុគ្គលិកដែលមានបទពិសោធន៍ត្រូវបានចាត់តាំងឱ្យជួយបេសកកម្មសង្គ្រោះ ដោយពង្រឹងការប្តេជ្ញាចិត្តរបស់ក្រុមហ៊ុនអាកាសចរណ៍ចំពោះជំនួយមនុស្សធម៌។ ជើងហោះហើរបានដឹកជញ្ជូនបុគ្គលិកជួយសង្គ្រោះ និងសង្គ្រោះចំនួន ១០៦ នាក់ពីកងកម្លាំងប្រដាប់អាវុធវៀតណាម រួមជាមួយនឹងសត្វឆ្កែស្វែងរក និងជួយសង្គ្រោះដែលត្រូវបានបណ្តុះបណ្តាល និងការផ្គត់ផ្គង់ជំនួយសំខាន់ៗជាង ៦០ តោន រួមទាំងឧបករណ៍វេជ្ជសាស្ត្រ និងអាហារ ដើម្បីគាំទ្រកិច្ចខិតខំប្រឹងប្រែងសង្គ្រោះគ្រោះរញ្ជួយដីនៅក្នុងប្រទេសមីយ៉ាន់ម៉ា។ នាយកប្រតិបត្តិក្រុមហ៊ុន Vietjet លោក Dinh Viet Phuong បាននិយាយថា “Vietjet តែងតែត្រៀមខ្លួនរួចជាស្រេចសម្រាប់បេសកកម្មពិសេសទាំងនេះ។ […]
Vietjet ពង្រីកទំនាក់ទំនងជាសាកលយ៉ាងសកម្មជាមួយនឹងការភ្ជាប់សេវាកម្មហោះហើរថ្មីៗ រវាងវៀតណាមជាមួយឥណ្ឌា និងជប៉ុនការផ្តល់ជូនពិសេសសម្រាប់អ្នកធ្វើដំណើរពីប្រទេសកម្ពុជា! ធ្វើដំណើរដែលមានតម្លៃសំបុត្រចាប់ពីត្រឹមតែ 0 ដុល្លារ! (ភ្នំពេញ ថ្ងៃទី ២១ ខែមីនា ឆ្នាំ ២០២៥) – ក្រុមហ៊ុន Vietjet បានបន្តពង្រឹងការតភ្ជាប់អន្តរជាតិរបស់ខ្លួនជាមួយនឹងការចាប់ផ្តើមផ្លូវហោះហើរត្រង់ចំនួនពីរតភ្ជាប់ទីក្រុងហូជីមិញ ដែលជាមជ្ឈមណ្ឌលសេដ្ឋកិច្ចរបស់ប្រទេសវៀតណាមទៅកាន់ទីក្រុង Hyderabad និង Bengaluru ក្នុងប្រទេសឥណ្ឌា។ លើសពីនេះ ក្រុមហ៊ុនអាកាសចរណ៍បានប្រកាសនូវសេវាកម្មថ្មីហោះហើរត្រង់ចំនួនពីរដែលតភ្ជាប់ទីក្រុងហូជីមិញទៅកាន់ទីក្រុង Nagoya និង Fukuoka ក្នុងប្រទេសជប៉ុន។ ការបន្ថែមទាំងនេះនាំឱ្យក្រុមហ៊ុន Vietjet ដែលទើបនឹងបើកដំណើរការ និងប្រកាសការតភ្ជាប់ផ្លូវអាកាសអន្តរជាតិទៅកាន់សេវាកម្មចំនួន ១០ ក្នុងរយៈពេលត្រឹមតែពីរខែប៉ុណ្ណោះ ដោយពង្រឹងការតភ្ជាប់របស់វៀតណាមទៅកាន់គោលដៅពិភពលោកសំខាន់ៗនៅក្នុងប្រទេសឥណ្ឌា ជប៉ុន សិង្ហបុរី និងចិន។ ការតភ្ជាប់ផ្លូវអាកាសវៀតណាម-ឥណ្ឌា៖ មានកំណើនយ៉ាងរឹងមាំចាប់តាំងពីឆ្នាំ ២០១៩ ក្រុមហ៊ុន Vietjet កំពុងពង្រីកបណ្តាញជើងហោះហើរ វៀតណាម-ឥណ្ឌា ជាមួយនឹងផ្លូវហោះហើរត្រង់ថ្មីចំនួនពីរគឺ ទីក្រុងហូជីមិញ-ហាយដឺរ៉ាបាដ និងទីក្រុងហូជីមិញ-បេងហ្គាលូរុ ដែលបានចាប់ផ្តើមនៅថ្ងៃទី ១៨ ខែមីនា និងថ្ងៃទី ១៩ ខែមីនា ឆ្នាំ ២០២៥ រៀងគ្នា។ សេវាកម្មថ្មីទាំងនេះត្រូវបានគេរំពឹងថានឹងពង្រឹងការតភ្ជាប់ផ្លូវអាកាសរវាងប្រទេសទាំងពីរ ជំរុញទេសចរណ៍ កិច្ចសហការអាជីវកម្ម និងភាពងាយស្រួលក្នុងតំបន់។ ជាមួយនឹងការបន្ថែមផ្លូវហោះហើរទាំងនេះ […]
ឆបោកតាមអនឡាញ៖ អាជ្ញាធរកម្ពុជា តាមបង្រ្កាបដល់ទីបញ្ចប់ ប៉ុន្តែ ពលរដ្ឋក៏ត្រូវប្រុងប្រយ័ត្នដោយខ្លួនឯងជៀសវាងគ្រោះថ្នាក់ ឆបោកតាមអនឡាញ៖ អាជ្ញាធរកម្ពុជា តាមបង្រ្កាបដល់ទីបញ្ចប់ ប៉ុន្តែ ពលរដ្ឋក៏ត្រូវប្រុងប្រយ័ត្នដោយខ្លួនឯងជៀសវាងគ្រោះថ្នាក់ បច្ចុប្បន្ននេះ អំពើឆបោកតាមអនឡាញ និងល្បែងអនឡាញកំពុងត្រូវបានអាជ្ញាធរកម្ពុជាបង្រ្កាបបានជាបន្តបន្ទាប់ និងបន្តតាមបង្រ្កាប បើទោះបីក្រុមឧក្រិដ្ឋជនហាក់ដូចជាកំពុងប្តូរទិសដៅប្រព្រឹត្តបទល្មើសទៅកាន់បណ្តាខេត្តភាគឦសាននៃប្រទេសកម្ពុជាក៏ដោយ។ អាជ្ញាធរកម្ពុជា បានប្តេជ្ញាតាមបង្រ្កាបបទល្មើសឆបោកតាមអនឡាញ ក៏ដូចជា ល្បែងអនឡាញឱ្យអស់ពីប្រទេសកម្ពុជា ដើម្បីស្តារមុខមាត់ប្រទេសជាតិ និងធានាសន្តិសុខ សុវត្ថិភាពជូនពលរដ្ឋ និងភ្ញៀវទេសចរ។ ប៉ុន្តែ ទន្ទឹមគ្នានេះ ប្រជាពលរដ្ឋ ពិសេស យុវជន ក៏គួរប្រុងប្រយ័ត្នដោយខ្លួនឯងផងដែរ ដើម្បីជៀសវាងពីគ្រោះថ្នាក់ដោយសារតែបទល្មើសអនឡាញនេះ។ កន្លងមក អាជ្ញាធរជំនាញរបស់កម្ពុជា បានបង្រ្កាបទីតាំងនៃការប្រព្រឹត្តអំពើឆបោកតាមអនឡាញ និងល្បែងអនឡាញជាច្រើនកន្លែងទាំងនៅក្នុងរាជធានីភភ្នំពេញ ខេត្តព្រះសីហនុ ខេត្តស្វាយរៀង និងខេត្តកំពង់ស្ពឺ ជាដើម។ ថ្មីៗនេះទៀតសោត កងកម្លាំងជំនាញនគរបាលជាតិកម្ពុជា បានចុះទៅបង្រ្កាបបទល្មើសឆបោកតាមអនឡាញ ដោយឃាត់ខ្លួនមនុស្សចំនួន២៥៨នាក់ នៅចំណុចអគារមេគង្គ៧៤ ស្ថិតក្នុងក្រុងសែនមនោរម្យ ខេត្តមណ្ឌលគិរី។ អាជ្ញាធរបានចាប់ខ្លួនជនបរទេសមានដល់ទៅ៤សញ្ជាតិ គឺចិនចំនួន២៤៧នាក់ មីយ៉ាន់ម៉ាចំនួន៩នាក់ ម៉ាឡេស៊ីម្នាក់ និងវៀតណាមម្នាក់។ ក្នុងចំណោមនោះ ជនល្មើស១៤នាក់ មានចិន៧នាក់ និងមីយ៉ាន់ម៉ា៧នាក់ ជាប់ពាក់ព័ន្ធការប្រើប្រាស់អំពើហិង្សា និងការបង្ខំឱ្យធ្វើការ។ សម្រាប់ភូមិភាគឦសាននៃប្រទេសកម្ពុជា នេះ គឺជាការបង្រ្កាបបទល្មើសអនឡាញទ្រង់ទ្រាយធំមួយ ដែលទាញឱ្យមានការព្រួយបារម្ភ […]
សាលាប្រូមស៍ក្រូវអន្តរជាតិ ដែលមានជំនាញ និងបទពិសោធន៍ក្នុងវិស័យអប់រំ ជិត៥០០ឆ្នាំ ពីចក្រភពអង់គ្លេស បង្ហាញវត្តមាននៅព្រះព្រះរាជាណាចក្រកម្ពុជា សាលាប្រូមស៍ក្រូវ អន្តរជាតិកម្ពុជា ពីចក្រភពអង់គ្លេស បានរៀបចំកម្មវិធីបើកសម្ពោធជាផ្លូវការនូវយីហោរបស់ខ្លួន នៅក្នុងទីផ្សារ ព្រះរាជាណាចក្រកម្ពុជា នៅថ្ងៃអង្គារ ទី១៨ ខែកុម្ភៈ ឆ្នាំ២០២៥ នៅសណ្ឋាគា Fairfield by Marriot ដោយមានការចូលរួមគាំទ្រយ៉ាងពេញទំហឹង ពីស្ថានទូត សភាពាណិជ្ជកម្មនៃចក្រភពអង់គ្លេស ប្រធាននាយកនៃសាលាប្រូមស៍ក្រូវ នៅចក្រភពអង់គ្លេស ប្រធានសមាគមវិនិយោគិន នវានុវត្តន៍និង អភិវឌ្ឍន៍ នៃព្រះរាជាណាចក្រកម្ពុជា និង អស់លោក លោកស្រី ភ្ញៀវកិត្តិយសជាច្រើនទៀត។ ក្នុងឱកាស.ពិធីបើកសម្ពោធដាក់ឱ្យដំណើរការយីហោ ប្រូមស៍ក្រូវ ឯកឧត្តម Marc Thayre អនុប្រធានបេសកកម្មទទួលបន្ទុកផ្នែកអប់រំនៅកម្ពុជា តំណាងស្ថានទូតនៃចក្រភពអង់គ្លេស និងលោក Martin នាយកប្រតិបត្តិនៃសភាពាណិជ្ជកម្មរបស់ចក្រភពអង់គ្លេស បានសម្តែងនូវការគាំទ្រ និងសោមនស្សជាខ្លាំង ដែលតំណាងនៅប្រទេសកម្ពុជា ដោយមានលោកឧញ៉ា កែវ សម្បត្តិ ជាប្រធានក្រុមប្រឹក្សាភិបាលនៃក្រុមហ៊ុន Visionary Alliance for Educations បាននាំយកមកនូវគ្រឹះស្ថានអប់រំ ដែលមានជំនាញ និងបទពិសោធន៍ជិត៥០០ឆ្នាំមក ក្នុងការបណ្តុះបណ្តាលក្នុងវិស័យអប់រំនេះមកកាន់កម្ពុជា។ លោកសង្ឃឹមយ៉ាងមុតមាំថា បុត្រធីតាកម្ពុជាជាច្រើន នឹងទទួលបាននូវការអប់រំប្រកបដោយគុណភាព […]

ភាគហ៊ុនរបស់ក្រុមហ៊ុន Tesla បានធ្លាក់ចុះជិត១០ ភាគរយ

Apr ២១

០៩:០៤:២៨ ល្ងាច ២០២៣

១១២០ Views

ភាគហ៊ុនរបស់ក្រុមហ៊ុន Tesla បានធ្លាក់ចុះជិត ១០ ភាគរយកាលពីថ្ងៃព្រហស្បតិ៍ បន្ទាប់ពីនាយកប្រតិបត្តិលោក Elon Musk បានបង្ហាញសញ្ញាថាក្រុមហ៊ុនផលិតរថយន្តអគ្គិសនី នឹងបន្តកាត់បន្ថយតម្លៃ.ដើម្បីជំរុញតម្រូវការ បើទោះបីជាទទួលបានផលចំណេញយ៉ាងច្រើនក៏ដោយ។ យ៉ាងហោចណាស់អ្នកវិភាគ ១៥ នាក់បានទម្លាក់គោលដៅតម្លៃរបស់ពួកគេ នៅលើក្រុមហ៊ុន Tesla ដែលតម្លៃទីផ្សាររបស់ពួកគេកំពុងស្ថិតនៅលើផ្លូវត្រូវធ្លាក់ចុះពី ៥០ ពាន់លានដុល្លារទៅប្រហែល ៥១៧ ពាន់លានដុល្លារប្រសិនបើការខាតបង់កើតមាន។

ប្រាក់ចំណេញដុលរបស់ក្រុមហ៊ុន Tesla បានធ្លាក់ចុះនៅក្នុងត្រីមាសទីមួយដល់កម្រិតទាបបំផុតក្នុងរយៈ ពេលជាង ២ ឆ្នាំ ដោយបាត់ការប៉ាន់ប្រមាណទីផ្សារ បន្ទាប់ពីក្រុមហ៊ុនបានចាប់ផ្តើមសង្រ្គាមតម្លៃពិភពលោកក្នុងខែមករាដើម្បីការពារការត្រួតត្រារបស់ខ្លួននៅក្នុងសហរដ្ឋអាមេរិក និងធ្វើឱ្យមានការចូលប្រឡូកក្នុងប្រទេសចិន ដែលជាទីផ្សារធំទីពីររបស់ខ្លួន។ ប្រាក់ចំណេញដុលខ្ពស់ជាងមានន័យថាក្រុមហ៊ុនរក្សាដើមទុនកាន់តែច្រើន ដែលបន្ទាប់មកវាអាចប្រើប្រាស់ដើម្បីទូទាត់ថ្លៃដើមផ្សេងទៀត ឬសេវាកម្មបំណុលរបស់ខ្លួន។

គួរបញ្ជាក់ថា Tesla បានទម្លាក់តម្លៃ ៦ ដងហើយនៅឆ្នាំនេះ ដោយបានស្នើឱ្យមានការផ្លាស់ប្តូរបែបនេះបន្ថែមទៀតដោយនិយាយថាក្រុមហ៊ុននឹងដាក់កំណើនការលក់មុនប្រាក់ចំណេញនៅក្នុងសេដ្ឋកិច្ចទន់ខ្សោយ៕

ប្រែសម្រួលដោយ: ជ ង៉ា

មនុស្ស ៨៥ នាក់បានស្លាប់ និង ៣២២នាក់បានរងរបួសបន្ទាប់ពីការរត់ជាន់គ្នា នៅក្នុងរដ្ឋធានីនៃប្រទេសយេម៉ែន

Apr ២១

០៩:០៤:៤៥ ល្ងាច ២០២៣

៩២៤ Views

AFP រាយការណ៍ថា យ៉ាងហោចណាស់មនុស្ស៨៥ នាក់បានស្លាប់ និងជាង ៣២២ នាក់បានរងរបួសនៅក្នុងការរត់ជាន់គ្នា កាលពីថ្ងៃពុធ នៅឯមជ្ឈមណ្ឌលផ្តល់ជំនួយក្នុងតំបន់ បាប អាល់យេមែន (Bab Al-Yemen) នៃទីក្រុងសាណា (Sanaa) រដ្ឋធានីនៃប្រទេសយេម៉ែន។ មនុស្ស ៣នាក់ ត្រូវបានឃុំខ្លួនជុំវិញឧបទ្ទវហេតុ នៅសាណា បន្ទាប់ ពីហ្វូងមនុស្សយ៉ាងច្រើនបានប្រមូលផ្តុំគ្នា នៅសាលា ដើម្បីទទួលបានអំណោយចំនួន ប្រហែល៨ ដុល្លារសម្រាប់ចុងបញ្ចប់នៃបុណ្យរ៉ាម៉ាដនពីឈ្មួញក្នុងស្រុកដោយមិនមានការសហការពីក្រសួង មហាផ្ទៃ។

លោក ម៉ាឌី អាល់ ម៉ាសាត (Mahdi al-Mashat) ប្រធានក្រុមប្រឹក្សានយោបាយរបស់ក្រុម ហូធី បានសម្តែងការរំលែកទុក្ខដល់ក្រុមគ្រួសារជនរងគ្រោះនិងបានបញ្ជាឱ្យបង្កើតគណៈកម្មាធិការសន្តិសុខ ស៊ើប ការណ៍សម្ងាត់ តុលាការ និងអយ្យការសាធារណៈរបស់ប្រទេស ដើម្បីស៊ើបអង្កេតឧបទ្ទវហេតុនេះ។ គួរបញ្ជាក់ថា ប្រជាជនយេម៉ែន ជាច្រើនដែលក្រីក្រដោយសារជម្លោះជាច្រើនឆ្នាំបាននាំគ្នាទៅមជ្ឈមណ្ឌលសប្បុរសធម៌សម្រាប់តម្រូវការជាមូលដ្ឋាន ខណៈពិធី បុណ្យ អ៊ីតl-Fitr អាល់ហ្វីត(Eid al-Fitr) ដែលជាពិធីបុណ្យដ៏សំខាន់បំផុតមួយនៅក្នុងប្រតិទិនអ៊ីស្លាមកំពុងខិតជិតមកដល់៕

ប្រែសម្រួលដោយ ប៊ុន សុភាព

ប្រធានបុគ្គលិក របស់ប្រធានាធិបតីម៉ាលី និងមនុស្សបីនាក់ផ្សេងទៀតបានស្លាប់ក្នុងការវាយឆ្មក់

Apr ២១

០៩:០៤:៤១ ល្ងាច ២០២៣

៨៣៤ Views

ក្រុមឧទ្ទាមដែលមានទំនាក់ទំនងជាមួយក្រុមអាល់កៃដា (al-Qaeda) និង អាស៊ីល(ISIL) បានធ្វើសកម្មភាពនៅក្នុងផ្នែកខ្លះនៃប្រទេសម៉ាលី និង តំបន់សាហែល (Sahel) អស់រយៈពេលជាងមួយទសវត្សរ៍មកហើយ។ ដោយរដ្ឋាភិបាលបាននិយាយកាលពីថ្ងៃព្រហស្បតិ៍ថា ប្រធានបុគ្គលិកសម្រាប់ប្រធានាធិបតីបណ្តោះអាសន្នរបស់ប្រទេសម៉ាលី លោក អូម៉ា ត្រាអូរី (Oumar Traore)និងមនុស្សបីនាក់ផ្សេងទៀតត្រូវបានសម្លាប់នៅក្នុងការវាយឆ្មក់។សេចក្តីថ្លែងការណ៍បាននិយាយថា ការវាយឆ្មក់បានកើតឡើងនៅតំបន់ជនបទក្នុងតំបន់ គូលីកូរ៉ូ (Koulikoro) ភាគនិរតីនៃប្រទេសម៉ាលី ដោយមិនផ្តល់ព័ត៌មានលម្អិតបន្ថែមអំពីពេលដែលការវាយ ប្រហារបានកើតឡើង ឬអ្នកណាជាអ្នកទទួលខុសត្រូវចំពោះវានៅឡើយទេ ខណៈអ្នកបើកបរម្នាក់ដែលធ្វើដំណើរជាមួយគណៈប្រតិភូនៅតែបាត់ខ្លួន។

គួរបញ្ជាក់ថា ក្រុមឧទ្ទាមដែលមានទំនាក់ទំនងជាមួយក្រុមអាល់កៃដា និងក្រុមប្រដាប់អាវុធ អាយស៊ីល បានដណ្តើមយកទឹកដីជាច្រើននៅទូទាំងតំបន់ ដោយបានសម្លាប់មនុស្សរាប់ពាន់នាក់ និងរាប់លាននាក់ផ្លាស់ទីលំនៅ៕

ប្រែសម្រួលដោយ ប៊ុន សុភាព

លោក Xi Jinping អបអរសាទរលោក Miguel Diaz-Canel Bermudez ក្នុងការជាប់ឆ្នោតជាថ្មី ជាប្រធានា ធិបតីគុយបា

Apr ២១

០៩:០៤:២០ ល្ងាច ២០២៣

៩១៩ Views

ប្រធានាធិបតីចិន លោក Xi Jinping ស៊ី ជិនពីង កាលពីថ្ងៃព្រហស្បតិ៍ បានអបអរសាទរលោក Miguel Diaz-Canel Bermudez (មីហ្គែល ឌីអាស-ខេននែល ប៊ើមូឌែស) សម្រាប់ការជាប់ ឆ្នោតឡើងវិញជាប្រធានាធិបតីគុយបា។ Diaz-Canel (ឌីអាស ខេននេល) ត្រូវបានបោះឆ្នោតជ្រើសរើសម្ដងទៀតសម្រាប់អាណត្តិថ្មីរយៈពេលប្រាំឆ្នាំ ក្នុងអំឡុងពេលបើកសម័យប្រជុំសភាថ្មីរបស់ប្រទេសគុយបាកាលពីថ្ងៃពុធ។

នៅក្នុងសារអបអរសាទរមួយ លោក ស៊ី ដែលជាអគ្គ លេខាធិការនៃគណៈកម្មាធិការ មជ្ឈិមបក្សកុម្មុយនិស្តចិន បាននិយាយថា ទំនាក់ទំនងចិន-គុយបា បាននឹងកំពុងរីកចម្រើនក្នុងកម្រិតខ្ពស់ជាមួយ នឹងការរីកចម្រើនថ្មីៗជាបន្តបន្ទាប់។

លោក ស៊ី បានរំលឹកថា ប្រធានា ធិបតីទាំងពីរ បានឈានដល់ការឯកភាពគ្នាលើការធ្វើឱ្យកាន់តែស៊ីជម្រៅនូវទំនាក់ទំនងពិសេស និងមិត្តភាពរវាងប្រទេសទាំងពីរ។

ការអភិវឌ្ឍន៍ទំនាក់ទំនងចិន-គុយបា ដោយត្រៀមខ្លួនជាស្រេចដើម្បីរក្សាទំនាក់ទំនងជិតស្និទ្ធជាមួយប្រធានាធិបតី Diaz-Canel ដើម្បីបន្តពង្រឹងការណែនាំនយោបាយនៃទំនាក់ទំនងរវាងភាគីទាំងពីរ និងប្រទេសទាំងពីរ ហើយរួមដៃគ្នាដើម្បីកសាងសហគមន៍ចិន-គុយបាដែលមានអនាគតរួមគ្នា”៕

ប្រែសម្រួលដោយ ៖ មិត្ត មួយហ្គិច

មនុស្ស ៨០ នាក់ត្រូវបានសម្លាប់ នៅក្នុងការប៉ះទង្គិចជាថ្មី នៅភាគខាងជើងប្រទេសសូម៉ាលី ចាប់តាំងពីខែមករា

Apr ២១

០៩:០៤:២១ ល្ងាច ២០២៣

៩៤៥ Views

អង្គការសុខភាពពិភពលោក (WHO) បាននិយាយកាលពីថ្ងៃព្រហស្បតិ៍ថា ការប៉ះទង្គិចគ្នាម្តងទៀតរវាងកងកម្លាំងសន្តិសុខ និងមេដឹកនាំក្រុមនៅ ឡាស អាណូដ (Las Anod) ភាគខាងជើងប្រទេសសូម៉ាលី បានបណ្តាលឲ្យមនុស្ស ៨០នាក់ស្លាប់ និង ៣០,០០០ នាក់ទៀតផ្លាស់ទីលំនៅ។ WHO បានបញ្ជាក់ថា មនុស្សចន្លោះពី ១៥៤,០០០ ទៅ ២០៣,០០០ ត្រូវបានប៉ាន់ប្រមាណថា ត្រូវបានផ្លាស់ទីលំនៅចាប់ តាំងពីខែធ្នូ ឆ្នាំ២០២២ ក្នុងការប្រយុទ្ធគ្នាដែលកំពុងបន្ត។

ទីភ្នាក់ងារសុខភាពរបស់អង្គការសហប្រជាជាតិ បានព្រមានថា ស្ថានភាពបានកើនឡើង នៅពេលដែលប្រជាជននៅក្នុងតំបន់ ស៊ូល កំពុងជួបប្រទះការខ្វះខាតទឹក មិនធ្លាប់មានពីមុនមក ដោយសារតែគ្រោះរាំងស្ងួតធ្ងន់ធ្ងរ និងប្រឈមមុខហានិភ័យខ្ពស់នៃការផ្ទុះជំងឺ។ យោងតាមអង្គការសហ ប្រជាជាតិ ចាប់តាំងពីការប៉ះ ទង្គិចគ្នាបានកើតឡើងនៅទីក្រុង ឡាស អាណូត ភាគខាងជើងប្រទេសសូម៉ាលី កាលពីថ្ងៃទី៦ ខែកុម្ភៈ មនុស្សរាប់សែននាក់ត្រូវបានផ្លាស់ទីលំនៅនៅក្នុងប្រទេសសូម៉ាលី ហើយប្រមាណ ១០០,០០០ នាក់បានឆ្លងព្រំដែនចូលទៅក្នុងប្រទេសអេត្យូពី ដើម្បីគេចចេញពីអំពើហិង្សា៕
ប្រែសម្រួលដោយ រម៉ាម វ៉ុង

ចក្រភពអង់គ្លេស នឹងចូលរួមក្នុងកតិកាសញ្ញាពាណិជ្ជកម្មសេរី ឆ្លងប៉ាស៊ីហ្វិក

មីនា ៣១

០៩:០៣:២៥ ល្ងាច ២០២៣

១១៩៧ Views

ចក្រភពអង់គ្លេសនឹងចូលរួមជាមួយភាពជាដៃគូអន្តរប៉ាស៊ីហ្វិកទូលំទូលាយ និងរីកចម្រើន (CPTPP) នេះបើយោងទៅតាមការិយាល័យ របស់នាយករដ្ឋមន្ត្រី រ៉ីស៊ី សួណាក់ (Rishi Sunak) បានប្រកាសកាលពីថ្ងៃសុក្រ។ ទីភ្នាក់ ងារសារព័ត៌មានក្យូដូបានរាយការណ៍កាលពីថ្ងៃសុក្រថា សមាជិកនៃភាពជាដៃគូអន្តរប៉ាស៊ីហ្វិកបានយល់ព្រមកាលពីថ្ងៃសុក្រ លើចក្រភពអង់គ្លេសក្នុងការចូលរួមក្នុងកតិកា សញ្ញាពាណិជ្ជកម្មសេរី១១ ប្រទេសនៅក្នុងកិច្ចប្រជុំថ្នាក់រដ្ឋមន្ត្រីតាមអ៊ីនធឺណេត៕

ប្រែសម្រួលដោយ: សាំង ម៉ីស៊ូ

ប៉ូលិសចាប់ផ្តើមការស៊ើបអង្កេត បន្ទាប់ពីមនុស្ស ៦នាក់បានស្លាប់នៅប្រទេសកាណាដា

មីនា ៣១

០៩:០៣:៥៧ ល្ងាច ២០២៣

៩៣១ Views

ប៉ូលិសកាណាដា បាននិយាយនៅក្នុងសេចក្តីថ្លែងការណ៍មួយនៅលើ បណ្តាញសង្គមហ្វេសប៊ុក (Facebook) កាលពីថ្ងៃសុក្រថា មនុស្សប្រាំមួយនាក់ត្រូវបានគេរកឃើញថាស្លាប់កាលពីថ្ងៃព្រហស្បតិ៍ នៅក្នុងតំបន់វាលភក់មួយនៅ ស៊ី ស្នាយ អាខ្វេសិន [ Tsi Snaihne (Snye) Akwesasne] ទីក្រុងកេបិច( Quebec) ។ តាមសេចក្តីរាយការណ៍បន្តថា កោសល្យវិច្ច័យកំពុងធ្វើឡើងដើម្បីកំណត់ពីមូលហេតុនៃការស្លាប់។

សេចក្តីថ្លែងការណ៍ក៏បានបន្ថែមថា ប៉ូលិសកំពុងព្យាយាមកំណត់អត្តសញ្ញាណអ្នកស្លាប់ផងដែរ ។ ចំពោះហេតុការណ៍នេះ មិនមានការគំរាមកំហែងដល់សាធារណជននោះឡើយ៕

ប្រែសម្រួលដោយ: សាំង ម៉ីស៊ូ

ចំនួនអ្នកស្លាប់ដោយសារភ្លើងឆេះ សាឡាងហ្វីលីពីន កើនឡើងដល់៣១នាក់ហើយ

មីនា ៣១

០៩:០៣:៤០ ល្ងាច ២០២៣

៧២៦ Views

សាឡាង ដឹកអ្នកដំណើរ និងនាវិកប្រហែល២៥០នាក់បានឆាបឆេះនៅភាគខាងត្បូងប្រទេសហ្វីលីពីន បណ្តាលឲ្យមនុស្ស៣១នាក់ បានលង់ទឹកស្លាប់ និងស្លាប់នៅក្នុងអគ្គីភ័យ និងត្រូវបានគេរកឃើញនៅពេលក្រោយ នេះបើយោងតាមអភិបាលខេត្ត។

អ្នកដែលត្រូវបានជួយសង្គ្រោះជាច្រើននាក់ បានលោតចុះពីលើសាឡាង អឹមវី លេឌី ម៉ារី ចយ 3 ( MV Lady Mary Joy 3) កាលពីថ្ងៃពុធដោយភ័យស្លន់ស្លោនៅកម្ពស់នៃភ្លើង ដោយត្រូវបានទាញចេញពីសមុទ្រដោយឆ្មាំសមុទ្រ កងទ័ពជើងទឹកកាណូត និងអ្នក នេសាទក្នុងស្រុកម្នាក់ទៀត។

អភិបាលខេត្ត ជីម ហាតាម៉ាន (Jim Hataman) បាននិយាយកាលពីថ្ងៃព្រហស្បតិ៍ថា កិច្ចខិតខំប្រឹងប្រែងស្វែងរក និងជួយសង្គ្រោះកំពុងបន្តរកអ្នកដំណើរយ៉ាងតិច៧នាក់ដែលបាត់ខ្លួន។ គួរបញ្ជាក់ថា សាឡាងនេះកំពុងធ្វើដំណើរ ទៅកាន់ទីប្រជុំជន ជូឡូ ក្នុងខេត្ត ស៊ូលូ ពីទីក្រុងកំពង់ផែ ហ្សេមបាវអាងហ្គា (Zamboanga) ភាគខាងត្បូង នៅពេលឆាបឆេះនៅកណ្តាលទីក្រុង បាស៊ីឡាន នាពាក់កណ្តាលបអធ្រាត្រ។

នៅក្នុងហេតុការណ៍នេះយ៉ាងហោចណាស់អ្នកដំណើរ ២៣ នាក់បានរងរបួស ហើយត្រូវបានបញ្ជូនទៅមន្ទីរពេទ្យ។

គួរបញ្ជាក់ថា ប្រទេសហ្វីលីពីនដែលជាប្រជុំកោះ ដែលមានកោះជាង៨៦,០០មានកំណត់ត្រា មិនល្អសម្រាប់សុវត្ថិភាពដែនសមុទ្រដោយកប៉ាល់តែងតែមានមនុស្សច្រើនកកកុញហើយកប៉ាល់ចាស់ៗ ជាច្រើននៅតែប្រើប្រាស់។ កាលពីខែឧសភា មនុស្សយ៉ាងហោចណាស់ ៧នាក់បានស្លាប់បន្ទាប់ពីមានភ្លើងឆេះសាឡាងហ្វីលីពីនល្បឿនលឿនដឹកមនុស្ស ១៣៤ នាក់៕

ប្រែសម្រួលដោយ ប៊ុន សុភាព

មន្ត្រីប៉ូលីស រដ្ឋកាលីហ្វ័រញ៉ា ត្រូវចោទប្រកាន់ពីបទធ្វើអោយជនសង្ស័យស្លាប់

មីនា ៣១

០៩:០៣:៤៧ ល្ងាច ២០២៣

៨៥១ Views

មន្ត្រីល្បាតផ្លូវហាយវេ រដ្ឋកាលីហ្វ័រញ៉ាចំនួន ៧នាក់ ត្រូវបានចោទប្រកាន់ក្នុងខែមីនា ឆ្នាំ២០២០ ក្នុងករណីស្លាប់របស់ជនសង្ស័យម្នាក់ ក្នុងអំឡុងពេលឈប់ចរាចរណ៍ បន្ទាប់ពីពួកគេបានចាប់សង្កត់គាត់ទៅនឹងដី ខណៈពេលដែលគាត់ស្រែកថា គាត់មិនអាចដកដង្ហើមបានទេ មុនពេលគាត់បាត់បង់ស្មារតីហើយបានស្លាប់។

ព្រះរាជអាជ្ញាបាននិយាយថា មានមន្រ្តីរួមជាមួយគិលានុបដ្ឋាយិកា បានប្រឈមមុខ នឹងករណីឃាតកម្មដោយអចេតនា និងការវាយដំក្នុងការស្លាប់របស់ជនសង្ស័យរូបនេះ។ ភ្លាមៗនោះ គេមិនទាន់ដឹងច្បាស់ថា តើមន្ត្រី ឬគិលានុបដ្ឋាយិកា មានតំណាងផ្លូវច្បាប់ឬយ៉ាងណានោះទេ ការិយាល័យមេធាវីស្រុកមិនអាចទាក់ទងបានភ្លាមៗដើម្បីសុំការអត្ថាធិប្បាយបានទេកាលពីថ្ងៃព្រហស្បតិ៍៕

ប្រែសម្រួលដោយ រម៉ាម វ៉ុង

អគ្គីភ័យនៅកន្លែងឃុំឃាំង ជនចំណាកស្រុកក្នុងប្រទេសម៉ិកស៊ិក សម្លាប់បុរស៤០នាក់

មីនា ២៩

០៨:០៣:៤៥ ល្ងាច ២០២៣

៦៥៦ Views

មនុស្ស៤០នាក់បានស្លាប់ និងរងរបួស បន្ទាប់ពីអគ្គីភ័យបានឆាបឆេះនៅក្នុងកន្លែងឃុំឃាំងជនអន្តោប្រវេសន៍ នៅភាគខាងជើងប្រទេសម៉ិកស៊ិក ជិតព្រំដែនសហរដ្ឋអាមេរិក។ អគ្គីភ័យនេះ ជាឧបទ្ទវហេតុដ៏សាហាវបំផុតមួយនៅឯកន្លែងឃុំឃាំងជនអន្តោប្រវេសន៍ នៅក្នុងប្រវត្តិសាស្ត្ររបស់ប្រទេសនេះ ដោយបានកើតឡើងកាលពីល្ងាចថ្ងៃចន្ទ នៅឯរោងចក្រមួយក្នុងទីក្រុង ស៊ីយូដាត ជូរ៉េស (Ciudad Juarez) ឆ្លងព្រំដែនពីទីក្រុង អែល ផាសូ (El Paso) រដ្ឋតិចសាស់។

វិទ្យាស្ថានអន្តោប្រវេសន៍ជាតិ របស់ប្រទេសម៉ិកស៊ិក បាននិយាយនៅក្នុងសេចក្តីថ្លែងការណ៍មួយថា មនុស្សយ៉ាង ហោចណាស់ ៤០នាក់បានស្លាប់ នៅក្នុងភ្លើង និងមនុស្ស ២៩នាក់បានរងរបួស ត្រូវបានបញ្ជូនទៅមន្ទីរពេទ្យ។ ហ្គាតេម៉ាឡាបាននិយាយកាលពីថ្ងៃអង្គារថា ជនជាតិរបស់ខ្លួនចំនួន ២៨នាក់ត្រូវបានគេជឿថាបានស្លាប់នៅក្នុងឧបទ្ទវហេតុនេះ។ ការិយាល័យអគ្គមេធាវីរបស់ប្រទេសម៉ិកស៊ិកបានបើកការស៊ើបអង្កេតនៅកន្លែងកើតហេតុ នេះបើយោងតាមរបាយការណ៍ប្រព័ន្ធផ្សព្វផ្សាយ៕

ប្រែសម្រួលដោយ: សាំង ម៉ីស៊ូ

អ្នកបាញ់ប្រហារសាលា Nashville បានលាក់កាំភ្លើង នៅក្នុងផ្ទះឪពុកម្តាយរបស់គេ

មីនា ២៩

០៧:០៣:៣៨ ល្ងាច ២០២៣

៦៧៦ Views

ប៉ូលីសបាននិយាយថា ខ្មាន់កាំភ្លើងដែលបានសម្លាប់មនុស្ស ៦ នាក់នៅសាលារៀនមួយក្នុង Nashville រដ្ឋ Tennessee (ថេនណេសស៊ី) កាលពីថ្ងៃច័ន្ទបានទិញកាំភ្លើងចំនួន៧ដើម ដោយស្របច្បាប់ ហើយលាក់វានៅក្នុងផ្ទះ។ ប៉ូលិសនិយាយថា ជនសង្ស័យស្ថិតក្រោម “ការមើលថែរបស់វេជ្ជបណ្ឌិតសម្រាប់ជំងឺផ្លូវចិត្ត។

រដ្ឋ Tennessee មិនមានច្បាប់ដែលអនុញ្ញាតឱ្យប៉ូលិសរឹបអូសកាំភ្លើងពីជនសង្ស័យដែលប្រើហិង្សានោះទេ។ ប៉ូលីសបាននិយាយទៅកាន់ឪពុកម្តាយរបស់ជនសង្ស័យ Audrey Hale (អូទ្រី ហេល) ដែលត្រូវបានសម្លាប់ដោយប៉ូលីសក្នុងរយៈពេលមិនដល់១៥ នាទីផង បន្ទាប់ពីការវាយប្រហារនោះបានចាប់ផ្តើម។

Hale ជាអ្នកកែភេទ និងជាអតីតសិស្សនៅសាលានោះ ត្រូវបានប្រដាប់ដោយកាំភ្លើងចំនួនបី រួមទាំងកាំភ្លើងពាក់ កណ្តាលស្វ័យប្រវត្តិផងដែរ។ ការវាយប្រហារនេះបានកើតឡើងបន្ទាប់ពីឃាតករ បានធ្វើការត្រួតពិនិត្យទីតាំង គូសផែនទី និងសរសេរអ្វីដែលប៉ូលីសពណ៌នាថាជា “ការបង្ហាញ ។

អ្នកនាំពាក្យប៉ូលិសបាននិយាយថា អ្នកវាយប្រហារមិនបានកំណត់គោលដៅលើមនុស្សណាម្នាក់ជាពិសេសនោះទេ ប៉ុន្តែបានកំណត់គោលដៅ “សាលារៀននេះ អគារព្រះវិហារនេះ។ ឪពុកម្តាយរបស់ Hale គិតថាជនសង្ស័យមានកាំភ្លើងតែមួយដើម ប៉ុន្តែក៏ត្រូវបានលក់ទៅហើយ។ មេប៉ូលីស Nashville លោក John Drake បាននិយាយកាលពីថ្ងៃអង្គារថា ពួកគេជឿថាជនសង្ស័យ “មិនគួរមានអាវុធនោះទេ” ហើយមិនដឹងថាជនសង្ស័យ “បានលាក់អាវុធជាច្រើននៅក្នុងផ្ទះផងដែរ”៕

ប្រែសម្រួលដោយ ៖ មិត្ត មួយហ្គិច

យោធាមីយ៉ាន់ម៉ា រំលាយគណបក្ស NLD របស់លោក ស្រី អ៊ុងសាន ស៊ូជី

មីនា ២៩

០៧:០៣:៤២ ល្ងាច ២០២៣

៧៣១ Views

យោងតាមទូរទស្សន៍រដ្ឋ បានឱ្យដឹងថា គណៈកម្មាធិការរៀបចំការបោះឆ្នោត ដែលគ្រប់គ្រងដោយយោធារបស់ប្រទេសមីយ៉ាន់ម៉ា បានប្រកាសថា គណបក្សរបស់មេដឹកនាំលោកស្រីអ៊ុងសាន ស៊ូជី នឹងត្រូវរំលាយដោយ សារបរាជ័យក្នុងការចុះឈ្មោះឡើងវិញ ក្រោមច្បាប់ បោះឆ្នោតថ្មី នេះបើយោងតាមទូរទស្សន៍រដ្ឋ។ ទូរទស្សន៍ មីយ៉ាវឌី (Myawaddy TV) បាននិយាយនៅក្នុងព្រឹត្តិបត្រមួយកាលពីល្ងាចថ្ងៃអង្គារថា គណបក្សសម្ព័ន្ធជាតិ ដើម្បីប្រជាធិប តេយ្យ (NLD) ស្ថិតក្នុងចំណោមគណបក្សនយោបាយចំនួន៤០ ដែលខកខានមិនបានបំពេញតាមកាលបរិច្ឆេទ នៃការចុះឈ្មោះរបស់យោធាដែលកំពុងកាន់អំណាចសម្រាប់ការបោះឆ្នោត។ គួរបញ្ជាក់ថា កាលពីខែមករា យោធាបានផ្តល់ពេលពីរខែដល់គណបក្សនយោបាយ ដើម្បីចុះឈ្មោះឡើងវិញនៅក្រោមច្បាប់បោះឆ្នោតថ្មីដ៏តឹងរឹងមួយមុនពេលការបោះ ឆ្នោតថ្មី ដែលខ្លួនបានសន្យាថា នឹងរៀបចំ ប៉ុន្តែគូប្រជែងរបស់ខ្លួននិយាយថានឹងមិនសេរី ឬយុត្តិធម៌។

NLD បាននិយាយថា ខ្លួននឹងមិនប្រកួតប្រជែងអ្វី ដែលគេហៅថាការបោះឆ្នោតមិនស្របច្បាប់នោះទេ។ គួរបញ្ជាក់ផងដែរថា នៅក្នុងខែវិច្ឆិកា ឆ្នាំ២០២២ គណបក្ស NLD បានទទួលជ័យជម្នះភ្លូកទឹកភ្លូកដីនៅក្នុងការបោះឆ្នោតសភារបស់ប្រទេស។ ប៉ុន្តែមិនដល់បីខែក្រោយមក កងទ័ពបានធ្វើរដ្ឋប្រហារ និងចាប់ឃុំខ្លួនលោកស្រី អ៊ុងសាន ស៊ូជី។ អ្នកគាំ ទ្ររបស់លោកស្រី បាននិយាយថា ការចោទ ប្រកាន់នេះ មានចេតនារារាំង មិនឱ្យចូលរួមយ៉ាងសកម្មក្នុងនយោបាយ ។ កងទ័ព បានបង្ហាញភាពត្រឹមត្រូវចំពោះរដ្ឋប្រហារ ដោយនិយាយថា មានការក្លែងបន្លំការ បោះឆ្នោតដ៏ធំមួយ ទោះបី ជាអ្នកសង្កេតការណ៍បោះ ឆ្នោតឯករាជ្យ មិនបានរកឃើញភាពមិនប្រក្រតីធំដុំក៏ដោយ។ យោងតាមក្រុមឃ្លាំ មើលក្នុងតំបន់បានឱ្យដឹងថា មនុស្សជាង ៣១០០ នាក់ត្រូវបានសម្លាប់ និងជាង ២០,០០០នាក់ត្រូវបានចាប់ខ្លួនចាប់តាំងពីរដ្ឋប្រហារ៕

ប្រែសម្រួលដោយ ប៊ុន សុភាព

Northbridge Street, Sleng Roleung Village, Sangkat Toek Thla, Khan Sen Sok, Phnom Penh, Cambodia.

Category: World News

ភាគហ៊ុនរបស់ក្រុមហ៊ុន Tesla បានធ្លាក់ចុះជិត១០ ភាគរយ

មើលអត្ថបទផ្សេងទៀត

មនុស្ស ៨៥ នាក់បានស្លាប់ និង ៣២២នាក់បានរងរបួសបន្ទាប់ពីការរត់ជាន់គ្នា នៅក្នុងរដ្ឋធានីនៃប្រទេសយេម៉ែន

មើលអត្ថបទផ្សេងទៀត

ប្រធានបុគ្គលិក របស់ប្រធានាធិបតីម៉ាលី និងមនុស្សបីនាក់ផ្សេងទៀតបានស្លាប់ក្នុងការវាយឆ្មក់

មើលអត្ថបទផ្សេងទៀត

លោក Xi Jinping អបអរសាទរលោក Miguel Diaz-Canel Bermudez ក្នុងការជាប់ឆ្នោតជាថ្មី ជាប្រធានា ធិបតីគុយបា

មើលអត្ថបទផ្សេងទៀត

មនុស្ស ៨០ នាក់ត្រូវបានសម្លាប់ នៅក្នុងការប៉ះទង្គិចជាថ្មី នៅភាគខាងជើងប្រទេសសូម៉ាលី ចាប់តាំងពីខែមករា

មើលអត្ថបទផ្សេងទៀត

ចក្រភពអង់គ្លេស នឹងចូលរួមក្នុងកតិកាសញ្ញាពាណិជ្ជកម្មសេរី ឆ្លងប៉ាស៊ីហ្វិក

មើលអត្ថបទផ្សេងទៀត

ប៉ូលិសចាប់ផ្តើមការស៊ើបអង្កេត បន្ទាប់ពីមនុស្ស ៦នាក់បានស្លាប់នៅប្រទេសកាណាដា

មើលអត្ថបទផ្សេងទៀត

ចំនួនអ្នកស្លាប់ដោយសារភ្លើងឆេះ សាឡាងហ្វីលីពីន កើនឡើងដល់៣១នាក់ហើយ

មើលអត្ថបទផ្សេងទៀត

មន្ត្រីប៉ូលីស រដ្ឋកាលីហ្វ័រញ៉ា ត្រូវចោទប្រកាន់ពីបទធ្វើអោយជនសង្ស័យស្លាប់

មើលអត្ថបទផ្សេងទៀត

អគ្គីភ័យនៅកន្លែងឃុំឃាំង ជនចំណាកស្រុកក្នុងប្រទេសម៉ិកស៊ិក សម្លាប់បុរស៤០នាក់

មើលអត្ថបទផ្សេងទៀត

អ្នកបាញ់ប្រហារសាលា Nashville បានលាក់កាំភ្លើង នៅក្នុងផ្ទះឪពុកម្តាយរបស់គេ

មើលអត្ថបទផ្សេងទៀត

យោធាមីយ៉ាន់ម៉ា រំលាយគណបក្ស NLD របស់លោក ស្រី អ៊ុងសាន ស៊ូជី

មើលអត្ថបទផ្សេងទៀត

មើលអត្ថបទផ្សេងទៀត

មើលអត្ថបទផ្សេងទៀត

មើលអត្ថបទផ្សេងទៀត

មើលអត្ថបទផ្សេងទៀត

មើលអត្ថបទផ្សេងទៀត

មើលអត្ថបទផ្សេងទៀត

មើលអត្ថបទផ្សេងទៀត

មើលអត្ថបទផ្សេងទៀត

មើលអត្ថបទផ្សេងទៀត

មើលអត្ថបទផ្សេងទៀត

មើលអត្ថបទផ្សេងទៀត

មើលអត្ថបទផ្សេងទៀត

Address:

The Southeast Asia Television (SEATV)

Loading..

Loading, Please Wait!