SEATV Today News - Seatv24hours

ព័ត៌មានថ្មី

ឯកឧត្តម លី ធុជ ដឹកនាំកិច្ចប្រជុំ គណៈកម្មការការស្តីពីការជំរុញអនុលោមភាពកិច្ចសហប្រតិបត្តិការ នៃអនុសញ្ញាអូតាវ៉ា (ឯកឧត្តមបណ្ឌិត លី ធុជ អនុប្រធានទី១ អាជ្ញាធរមីន និងជាប្រធានអនុសញ្ញាអូតាវ៉ាឆ្នាំ២០២៤ អញ្ជើញដឹកនាំកិច្ចប្រជុំតាមប្រព័ន្ធអនឡាននៃគណៈកម្មការស្តីពីការជំរុញអនុលោមភាពកិច្ចសហប្រតិបត្តិការ (Committee on Cooperative Compliance) នៃអនុសញ្ញាហាមការប្រើប្រាស់មីនប្រឆាំងមនុស្ស (អនុសញ្ញាអូតាវ៉ា)។ កិច្ចប្រជុំនេះ មានការចូលរួមពីតំណាងប្រទេសជាសមាជិករួមមានអាល្លឺម៉ង់ ន័រវេស្ស ប៉េរូ និងអាហ្វ្រិកខាងត្បូង ក្នុងនោះក៏មានការចូលរួមផងដែរពីអង្គភាពគាំទ្រការអនុវត្តអនុសញ្ញាអូតាវ៉ា(ISU-APMBC)។ អង្គប្រជុំ បានពិភាក្សាលើវិធានការក្នុងការជួយសម្របសម្រួលដល់ការអនុវត្តបទដ្ឋាន និងការពង្រឹងអនុលោមភាពនៃអនុសញ្ញាអូតាវ៉ាក្នុងចំណោមរដ្ឋភាគី ក្នុងនោះបានផ្តោតលើការជំរុញឱ្យរដ្ឋភាគីបញ្ជូននូវរបាយការណ៍មាត្រា៧(តម្លាភាពនៃការអនុវត្តអនុសញ្ញា)ឱ្យទាន់ពេលវេលា ការដោះស្រាយកាតព្វកិច្ចផ្នែកច្បាប់នៃមាត្រា៩(វិធានការអនុវត្តថ្នាក់ជាតិនៃរដ្ឋភាគី)នៃអនុសញ្ញា ដែលមានរដ្ឋសមាជិកចំនួន ៤៦ ដែលមិនទាន់បានអនុវត្តពេញលេញនៅឡើយ។ ប្រធានអនុសញ្ញាអូតាវ៉ាឆ្នាំ ២០២៤ បានជំរុញឱ្យមានការតាមដាន និងណែនាំឱ្យរដ្ឋសមាជិកអនុសញ្ញាអូតាវ៉ាទាំងអស់ ពង្រឹងការអនុវត្តបទដ្ឋាន តម្លាភាព កាតព្វកិច្ច និងការទទួលខុសត្រូវក្នុងនាមជារដ្ឋភាគីនៃអនុសញ្ញា។ អង្គប្រជុំ បានអនុញ្ញាតឱ្យ លោកជំទាវ Yevheniia FILIPENKO តំណាងស្ថានបេសកកម្មអចិន្ត្រៃយ៍នៃប្រទេសអ៊ុយក្រែន ប្រចាំអង្គការសហប្រជាជាតិ និងអង្គការអន្តរជាតិនានា នៅទីក្រុងហ្សឺណែវ ដើម្បីស្រាយបំភ្លឺអំពីបទចោទប្រកាន់ថា ប្រទេសអ៊ុយក្រែនកំពុងប្រើប្រាស់គ្រាប់មីនប្រឆាំងមនុស្ស។ ឯកឧត្តមបណ្ឌិត លី ធុជ ក្នុងនាមជាប្រធានអនុសញ្ញាអូតាវ៉ាឆ្នាំ២០២៤ បានលើកឡើងថា គណៈកម្មការ បានគាំទ្រប្រទេសអ៊ុយក្រែនដែលមានបំណងដោះស្រាយការចោទប្រកាន់ទាំងនេះ ក្នុងអំឡុងពេលកិច្ចប្រជុំអន្តរកាលក្នុងខែមិថុនា ឆ្នាំ២០២៤ […]
ក្រសួងព័ត៌មាន រៀបចំធ្វើតេស្តរកសារធាតុញៀនក្នុងក្របខណ្ឌនៃមន្ត្រីរាជការក្រសួងព័ត៌មាន ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន មានប្រសាសន៏ថា ការធ្វើតេស្តរកសារធាតុញៀន គឺជាយុទ្ធនាការដើម្បីសម្រេចឱ្យបាននូវការប្តេជ្ញាចិត្ត «កម្ពុជាជាប្រទេសគ្មានគ្រឿងញៀន និងរក្សាគ្រួសារនីមួយៗ ជាគ្រួសារស្អាតស្អំ គ្មានគ្រឿងញៀន តាមទស្សនវិស័យ ចូលរួមទាំងអស់គ្នាដើម្បីជីវិត និងសហគមន៍គ្មានគ្រឿងញៀន»។ ក្រសួងព័ត៌មាន សហការជាមួយអាជ្ញាធរជាតិប្រយុទ្ធប្រឆាំងគ្រឿងញៀនរៀបចំធ្វើតេស្ត រកសារធាតុញៀនក្នុងក្របខណ្ឌនៃមន្ត្រីរាជការក្រសួងព័ត៌មាននៅថ្ងៃទី៧ និងទី៨ ខែឧសភា ឆ្នាំ២០២៤ នេះនៅទីស្តីការក្រសួងព័ត៌មាន។ ថ្នាក់ដឹកនាំ មន្ត្រីរាជការ ទីប្រឹក្សា មន្ត្រីជាប់កិច្ចសន្យាសរុបចំនួន ១៨៤០ នឹងត្រូវធ្វើតេស្តរកសារធាតុញៀន។ ជាយុទ្ធនាការដើម្បីសម្រេចឱ្យបាននូវការប្តេជ្ញាចិត្ត «កម្ពុជាជាប្រទេសគ្មាន គ្រឿងញៀន និងរក្សាគ្រួសារនីមួយៗ ជាគ្រួសារស្អាតស្អំ គ្មានគ្រឿងញៀន តាមទស្សនវិស័យ ចូលរួមទាំងអស់គ្នាដើម្បីជីវិត និងសហគមន៍គ្មានគ្រឿងញៀន»។ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន មានប្រសាសន៍ថា កិច្ចការងារធ្វើតេស្តរកសារធាតុញៀនក្នុងជួរថ្នាក់ដឹកនាំ មន្ត្រីរាជការគ្រប់លំដាប់ថ្នាក់នៃក្រសួងព័ត៌មាន គឺធ្វើឡើងស្របទៅនឹងការអនុវត្តបទបញ្ជារបស់ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃរាជរដ្ឋាភិបាលកម្ពុជា លេខ ០១ បប កាលពីថ្ងៃទី២០ ខែកុម្ភៈ ឆ្នាំ២០២៤ […]
គម្រោងសាងសង់ស្ពានឆ្លងកាត់ទន្លេមេគង្គ នៅខេត្តក្រចេះ សម្រេចបាន ៤៩,១៨% ហើយ ក្រចេះ៖ គម្រោងសាងសង់ស្ពានឆ្លងកាត់ទន្លេមេគង្គ ខេត្តក្រចេះ ដែលមានប្រវែង១ ៧៦១ ម៉ែត្រ ស្ថិតនៅស្រុកចិត្របុរី និងស្រុកព្រែកប្រសព្វ ជាមួយនឹងផ្លូវតភ្ជាប់ និងផ្លូវខ្នែង ទៅកាន់ក្រុងក្រចេះ ខេត្តក្រចេះ ដែលមានប្រវែងសរុប ៣៣,៤៥៩គីឡូម៉ែត្រ សម្រេចបាន ៣៦,២៤% ខណៈដែលស្ពាន «ឆ្លងកាត់ទន្លេមេគង្គ-ក្រចេះ» សម្រេចបាន ៤៩,១៨% ហើយ ដោយគិតត្រឹមដើមខែឧសភា ឆ្នាំ២០២៤ នេះ។ ស្ពានឆ្លងកាត់ទន្លេមេគង្គនេះ បានប្រើប្រាស់ឥណទានសម្បទានពីរដ្ឋាភិបាល នៃសាធារណរដ្ឋប្រជាមានិតចិន និងបានសម្ពោធបើកការដ្ឋានសាងសង់ កាលពីថ្ងៃទី២ ខែមករា ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តម វ៉ាង វិនធៀន (Wang Wentian) ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋប្រជាមានិតចិន ប្រចាំព្រះរាជាណាចក្រកម្ពុជា ហើយគម្រោងទាំងមូលគ្រោងនឹងបញ្ចប់ការសាងសង់ឱ្យបានមុនខែកញ្ញា ឆ្នាំ២០២៦ ខាងមុខ នេះ៕
សម្តេចតេជោ ស្នើជាថ្មីឱ្យឯកឧត្តម មីន អោងឡាំង ពិចារណារៀបចំឱ្យមានជំនួបតាមប្រព័ន្ធវីដេអូរវាងសម្តេចតេជោ លោកជំទាវ អោង សានស៊ូជី សម្តេចតេជោ ហ៊ុន សែន បានស្នើជាថ្មីម្តងទៀតឱ្យ ឯកឧត្តម មីន អោងឡាំង ពិចារណារៀបចំឱ្យមានជំនួបតាមប្រព័ន្ធវីដេអូរវាងសម្តេចតេជោ និងលោកជំទាវ អោង សានស៊ូជី ក្នុងគោលបំណងសួរសុខទុក្ខ ដោយសារ សម្តេចតេជោ និងលោកស្រីធ្លាប់ជាសហការីជាមួយគ្នាជាច្រើនឆ្នាំនៅក្នុងកិច្ចការអាស៊ាន។ តាមរយៈជំនួបតាមប្រព័ន្ធវីដេអូ នៅព្រឹកថ្ងៃអង្គារ ទី៧ ខែឧសភា សម្តេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានស្នើទៅនាយឧត្តមសេនីយ៍ជាន់ខ្ពស់ មីន អ៊ួងងឡាំង (Min Aung Hlaing ) ប្រធានក្រុមប្រឹក្សារដ្ឋបាលរដ្ឋនៃសាធារណរដ្ឋសហភាពមីយ៉ាន់ម៉ា ពីបំណងរបស់សម្តេច ដើម្បី បានជួបស្រីអោង សានស៊ូជី ដើម្បីសួរសុខទុក្ខ។ក្នុងជំនួបនេះ សម្តេចតេជោ ហ៊ុន សែន បានលើកឡើងថា កិច្ចពិភាក្សានេះធ្វើឡើងក្នុងគោលបំណង ដើម្បីសាកសួរសុខទុក្ខគ្នា និងដើម្បីទទួលបានការចែករំលែកពីបច្ចុប្បន្នភាពនៃការវិវឌ្ឍនៅមីយ៉ាន់ម៉ា ជាមួយគ្នានោះ សម្តេចតេជោ ក៏បានគូសបញ្ជាក់ពីសារៈសំខាន់នៃការអនុវត្តកិច្ចព្រមព្រៀងឯកច្ឆន្ទប្រាំចំនុច ហើយរំពឹងថាការរីកចម្រើននេះនឹងចូលរួមចំណែកដល់ដំណើរការស្វែងរកសន្តិភាពដែលមានមីយ៉ាន់ម៉ាខ្លួនឯងជាអ្នកដឹកនាំ និងជាម្ចាស់។ សម្តេចតេជោ ក៏បានស្វាគមន៍ការសម្រេចចិត្តរបស់ក្រុមប្រឹក្សារដ្ឋបាលរដ្ឋ ដែលបានបញ្ជូនតំណាងមិននយោបាយឱ្យចូលរួមក្នុងកិច្ចប្រជុំចង្អៀត របស់រដ្ឋមន្រ្តីការបរទេសកាលពីខែមករា និងលើកទឹកចិត្តឱ្យមីយ៉ាន់ម៉ា បន្តចាត់តំណាងចូលរួមក្នុងកិច្ចប្រជុំសំខាន់ៗរបស់អាស៊ាន។ ជាការឆ្លើយតប […]
សម្តេចមហាបវរធិបតី ហ៊ុន ម៉ាណែត អញ្ជើញចូលរួមពិធី “ប្រកាសដាក់ឱ្យអនុវត្តជាផ្លូវការប្រព័ន្ធបញ្ជរតែមួយជាតិ” ប្រព័ន្ធបញ្ជរតែមួយជាតិ គឺជាសមិទ្ធផលថ្មីមួយទៀតរបស់រាជរដ្ឋាភិបាល ក្នុងកិច្ចប្រឹងប្រែងធ្វើឱ្យប្រសើរឡើងនូវបរិយាកាសធុរកិច្ច ជំរុញការធ្វើពាណិជ្ជកម្ម និងលើកកម្ពស់កំណើនសេដ្ឋកិច្ចនៅកម្ពុជា។ ក្នុងន័យនេះ ប្រព័ន្ធបញ្ជរតែមួយជាតិ មានតួនាទីសំខាន់ក្នុងការចូលរួមចំណែកលើកកម្ពស់កិច្ចសម្រួលពាណិជ្ជ កម្មអន្តរជាតិ ស្របតាមយុទ្ធសាស្រ្ត និង គោលនយោ បាយរបស់រាជរដ្ឋាភិបាល តាមរយៈការផ្តល់និងទទួលអាជ្ញាប័ណ្ណ វិញ្ញាបន បត្រ លិខិតអនុញ្ញាត និងឯកសារផ្សេងទៀត ក្នុងទម្រង់អេឡិកត្រូនិក សម្រាប់ទំនិញនាំចេញ-នាំចូល។ បន្ថែមពីនោះ ប្រព័ន្ធបញ្ជរតែមួយជាតិ គឺជាការរួមចំណែកលើកកម្ពស់បរិយាកាសធុរកិច្ច និងការវិនិយោគប្រកបដោយសមធម៌ ប្រកួតប្រជែង តម្លាភាព គណនេយ្យភាព និងសុក្រឹតភាពទាំងផ្លូវច្បាប់ និងបច្ចេកទេសសម្រាប់វិនិយោគិនទាំងក្នុង និងក្រៅប្រទេស។ រាជរដ្ឋាភិបាល នីតិកាលទី៧ នៃរដ្ឋសភានេះ បានប្រកាសដាក់ឱ្យអនុវត្ត យុទ្ធសាស្រ្តបញ្ចកោណ-ដំណាក់កាលទី១ ដោយបានកំណត់អាទិភាពចំនួន ៥ គឺ ៖ មនុស្ស ផ្លូវ ទឹក ភ្លើង និង បច្ចេកវិទ្យា។ ក្នុងនោះ បច្ចេកវិទ្យា គឺជាអាទិភាពថ្មីមួយ ដែលបានកំណត់នៅក្នុងបញ្ចកោណទី៥ គឺការកសាងសេដ្ឋកិច្ច និង សង្គមឌីជីថល ហើយការដាក់ឱ្យអនុវត្តជាផ្លូវការ ប្រព័ន្ធបញ្ជរតែមួយជាតិ តាមអនឡាញ […]
អាជ្ញាធរអ៊ីស្រាអ៊ែល បានសម្រេចបិទការិយាល័យសារព័ត៌មាន Al Jazeeraប្រចាំប្រទេសអ៊ីស្រាអ៊ែល ប៉ូលីសអ៊ីស្រាអែលបានឆ្មក់ចូលបន្ទប់សណ្ឋាគារមួយ ក្នុងទីក្រុង Jerusalem ជាការិយាល័យបណ្តុះអាសន្នរបស់បណ្តាញព័ត៌មាន Al Jazeera បន្ទាប់ពីការសម្រេចចិត្តរបស់រដ្ឋាភិបាលអ៊ីស្រាអែល ក្នុងការបិទប្រតិបត្តិការស្ថានីយ៍ទូរទស្សន៍គ្រប់គ្រងដោយប្រទេសកាតា។ ប្រធានសារព័ត៌មាន Al Jazeera ប្រចាំប្រទេ ក្នុងការបិទការិយាល័សារព័ត៌មានមួយនេះ ថា ជាមហាគ្រោះ និងធ្វើឡើងក្នុងឆន្ទះនយោបាយជាជាងការពិចារណាទៅលើវិជ្ជាជីវ:។ លោក Walid Omary ប្រធានសារព័ត៌មានAl Jazeera ប្រចាំអ៊ីស្រាអ៊ែល បានប្រាប់សារព័ត៌មានរ៉យទ័រថា ក្រុមការងារច្បាប់របស់សារព័ត៌មានAl Jazeera ត្រៀមឆ្លើយតប ហើយក៏អាចជាការឡើងតតាំងនៅតុលាការផងដែរ។ លោក Benjamin Netanyahu នាយករដ្ឋមន្ត្រីអ៊ីស្រាអ៊ែល ប្រកាសបិទសារព័ត៌មាន Al Jazeera ក្នុងហេតុផលរបស់ខ្លួនថា ដើម្បីសន្តិសុខជាតិ។ Al Jazeera ជាស្ថាប័នសារព័ត៌មានទទួលបានការឧបត្ថម្ភមូលនិធិពីរដ្ឋាភិបាលកាតា ដែលសារព័ត៌មាននេះ រិះគន់ខ្លាំងទៅការវាយប្រហាររបស់យោធាអ៊ីស្រាអ៊ែលនៅហ្គាហ្សា និងរាយការណ៍២៤ម៉ោងពីគ្រប់ជ្រុងនៃសង្គ្រាមនៅហ្គាហ្សា។ ចំណាត់ការរបស់រដ្ឋាភិបាលអ៊ីស្រាអ៊ែលរួមមានបិទការិយាល័យសារព័ត៌មាន Al Jazeera នៅអ៊ីស្រាអ៊ែល, រឹបអូសឧបករណ៍ចាក់ផ្សាយ, កាត់ផ្តាច់សារព័ត៌មាន Al Jazeera ចេញពីក្រុមហ៊ុនខ្សែកាប និងផ្កាយរណប, រួមនិងបិទវេបសាយ៕
ហ្ស៊កដានី ដឹកនាំយន្តហោះជំនួយចំនួន០៥ នៅភាគខាងជើងហ្គាហ្សា អាម៉ានៈ កងកម្លាំងប្រដាប់អាវុធ-អារ៉ាប់-ហ្សកដានី បាននិយាយកាលពី ថ្ងៃអាទិត្យថា ខ្លួនបានអនុវត្តការទម្លាក់យន្តហោះចំនួន៥ នៃជំនួយមនុស្សធម៌ និងស្បៀងអាហារ សំដៅលើទីតាំងជាច្រើននៅភាគខាងជើងហ្គាហ្សាស្ទ្រីប។ ទីភ្នាក់ងារសារព័ត៌មានរដ្ឋ Petra បានរាយការណ៍ថា យន្តហោះទម្លាក់គ្រាប់ បែកនោះរួមមានជំនួយសង្គ្រោះ និងជំនួយមនុស្សធម៌ ដើម្បីគាំទ្រប្រជាជន នៅតំបន់ហ្គាហ្សាស្ទ្រីប។ ប្រតិបត្តិការនេះពាក់ព័ន្ធនឹងយន្តហោះមកពីកងទ័ពអាកាសហ្ស៊កដានី អេហ្ស៊ីប សហរដ្ឋអាមេរិក និងអាល្លឺម៉ង់។ កងកម្លាំងប្រដាប់អាវុធបាននិយាយថា ពួកគេនឹងបន្តបញ្ជូនជំនួយមនុស្សធម៌ និងវេជ្ជសាស្រ្តតាមរយៈស្ពានអាកាសមិនថាតាមជើងហោះហើរពីអាកាសយានដ្ឋាន Marka របស់ប្រទេសឆ្ពោះទៅកាន់អាកាសយានដ្ឋានអន្តរជាតិ El-Arish ក្នុងប្រទេសអេហ្ស៊ីប ការទម្លាក់យន្តហោះលើតំបន់ហ្គាហ្សាស្ទ្រីប ឬក្បួន រថយន្តជំនួយផ្លូវគោក។ កងកម្លាំងប្រដាប់អាវុធហ្ស៊កដានីបានធ្វើការទម្លាក់ យន្តហោះចំនួន៩២លើក ចាប់តាំងពីការចាប់ផ្តើមនៃជម្លោះប៉ាឡេស្ទីន និងអ៊ីស្រាអែលនាពេលបច្ចុប្បន្ន ក៏ដូចជាយន្តហោះទម្លាក់គ្រាប់បែកចំនួន២៣១ដោយសហការជាមួយប្រទេសដទៃទៀត៕ ប្រែសម្រួលដោយ ម៉ុក ម៉ានិច
ប្រទេសចិនគ្រប់គ្រងការធ្វើដំណើរចូល-ចេញជិត៨,៤៧លានដង ក្នងអំឡុង ថ្ងៃឈប់សម្រាក ខែឧសភា ប៉េកាំង៖ ទីភ្នាក់ងារព័ត៌មានចិនស៊ិនហួ បានចុះផ្សាយនៅថ្ងៃទី៦ ខែឧសភាថា ទីភ្នាក់ងារត្រួតពិនិត្យព្រំដែននៅទូទាំងប្រទេសចិនបានដោះស្រាយការធ្វើដំណើរចូល និងចេញជិត ៨,៤៧លានដង ក្នុងអំឡុងថ្ងៃឈប់សម្រាកខែឧសភា រយៈពេល៥ថ្ងៃ បានបញ្ចប់កាលពីថ្ងៃអាទិត្យ ពោលគឺកើនឡើង៣៥.១ ភាគរយ បើធៀបនឹងរយៈពេលដូចគ្នាកាលពីឆ្នាំមុន។ រដ្ឋបាលបាននិយាយ ថាចំនួនប្រចាំថ្ងៃនៃការធ្វើដំណើរចូលនិងចេញបានកើនឡើងដល់កំពូលនៅថ្ងៃទី ០៣ ខែឧសភា ជាមួយនឹងការធ្វើដំណើរជាង១.៨ លានត្រូវបានកត់ត្រា។ ក្នុងចំណោមការធ្វើដំណើរទាំងអស់ អ្នកធ្វើដំណើរដីគោកមានចំនួនប្រហែល ៤.៧៧លាននាក់។ អ្នកធ្វើដំណើរមកពីហុងកុង ម៉ាកាវ និងតៃវ៉ាន់បានធ្វើដំណើរចំនួន២.៩២លាននាក់ ខណៈដែលអ្នកធ្វើដំណើរមកពីបរទេសមានចំនួន៧៧៩.០០០០ដំណើរ។ រដ្ឋបាលបានកត់ សម្គាល់ឃើញថា តួលេខទាំងបីមានការកើនឡើងគួរឱ្យកត់ សម្គាល់ធៀបនឹងឆ្នាំមុន ដែលកើនឡើង៣៨ ភាគរយ២០.៨ ភាគរយ និង ៩៨.៧ភាគរយរៀងគ្នា៕ ប្រែសម្រួលដោយ ម៉ុក ម៉ានិច
គ្រោះទឹកជំនន់ នៅភាគខាងត្បូងប្រេស៊ីល ផ្តាច់ជីវិតមនុស្សកើនឡើងដល់ ៧៨នាក់ ខណៈមនុស្សជាង ១១៥,០០០នាក់ត្រូវផ្លាស់ទីលំនៅ ប្រស៊ីល៖ គិតត្រឹមថ្ងៃអាទិត្យចុងសប្តាហ៍កន្លងទៅ អ្នកស្លាប់ដោយសារតែគ្រោះទឹកជំនន់ នៅរដ្ឋឯភាគខាងត្បូងនៃប្រទេសប្រេស៉ីល បានកើនឡើងដល់ចំនួន ៧៨នាក់ហើយ ខណៈដែលមនុស្សជាង ១១៥,០០០នាក់ត្រូវផ្លាស់ទីលំនៅ។ ប្រធានាធិបតីប្រេស៊ីលលោក Luiz Inacio Lula da Silva ចុះទៅដល់រដ្ឋ Rio Grande do Sul ដើម្បីរកមធ្យោបាយសង្រ្គោះ និងកិច្ចខិតខំប្រឹងប្រែងស្តារឡើងវិញជាមួយអាជ្ញាធរក្នុងតំបន់។ លោក Fabiano Saldanha អភិបាលក្រុង Porto Alegre បានប្រើទូក ម៉ូតូទឹក និងហែលទឹកផងនោះ បានចូលរួមក្នុងកិច្ចខិតខំប្រឹងប្រែងជួយសង្គ្រោះដែលកំពុងបន្ត។ ទឹកជំនន់ពីព្យុះរយៈពេលប៉ុន្មានថ្ងៃចុងក្រោយនេះ បានប៉ះពាល់ដល់ជាង ២ភាគ ៣នៃទីក្រុងប្រហែល ៥០០នៅក្នុងរដ្ឋ ដែលមានព្រំប្រទល់ជាប់ប្រទេសអ៊ុយរូហ្គាយ និងអាហ្សង់ទីន ដោយបានធ្វើឱ្យមនុស្សជាង ១១៥,០០០នាក់ត្រូវភៀសខ្លួន។ ចំនួនអ្នកស្លាប់នៅតែអាចកើនឡើងទៀត ខណៈមនុស្ស ១០៥នាក់បន្តបាត់ខ្លួននៅឡើយ៕
បំពាក់ម៉ូទ័របូមទឹកច្រើនគ្រឿង នៅស្ថានីយបូមទឹកបឹងទំពុន និងមានសមត្ថភាពបូមទឹកបាន ក្នុងមួយវិនាទីជាង៤០ម៉ែត្រគួប ស្ថានីយបូមទឹកបឹងទំពុន ជាស្ថានីយបូមទឹកដែលធំជាងគេនៅក្នុងរាជធានីភ្នំពេញ ដោយបំពាក់ម៉ូទ័របូមទឹកច្រឿនគ្រឿង និងមានសមត្ថភាពបូមទឹកបានក្នុងមួយវិនាទីជាង៤០ម៉ែត្រគួប ហើយស្ថានីយនេះ ក៏ស្ថានីយបូមទឹក ដែលរំដោះទឹកបានជាច្រើនខណ្ឌក្នុងរាជធានីភ្នំពេញផងដែរ។ នេះបើតាមការបញ្ជាក់អោយដឹងពីឯកឧត្ដម ឃួង ស្រេង អភិបាលរាជធានីភ្នំពេញ ខណៈឯកឧត្តមដឹកនាំមន្ត្រីជំនាញ និងអាជ្ញាធរដែនដី ពាក់ពន្ធ័ចុះទៅពិនិត្យ ប្រឡាយ ស្ថានីយ៏បូមទឹកបឹងទំពន់ និងប្រឡាយស្ថានីយ៏បឹងត្របែក នាព្រឹកថ្ងៃ០៦ ឧសភានេះដើម្បីរិះរកវិធានការរំដោះទឹកលិចដោយជំនន់ទឹកភ្លៀងក្នុងភូមិសាស្ត្ររាជធានីភ្នំពេញអោយកាន់តែប្រសើរឡើង។ ឯកឧត្ដម ឃួង ស្រេង បានមានប្រសាសន៍ថាស្ថានីយបូមទឹកបឹងទំពុន ជាស្ថានីយបូមទឹកដែលធំជាងគេនៅក្នុងរាជធានីភ្នំពេញ ដោយបំពាក់ម៉ូទ័របន្ថែមជាច្រើនគ្រឿង នឹងអាចរំដោះទឹកបានជាច្រើនខណ្ឌក្នុងរាជធានីភ្នំពេញ ដូចជានៅ ខណ្ឌទួល គោក សែន សុខ ពោធិសែនជ័យ និងខណ្ឌកំបូល។ ពាក់ព័ន្ធនិងគម្រោងសំដៅបញ្ចប់ បញ្ហាទឹកជន់លិចរាជធានីភ្នំពេញ តាមអនុសាសន៍របស់សម្តេចមហាបវរធិបតី ហ៊ុន ម៉ា ណែត នាយករដ្ឋមន្ត្រី រាជធានីភ្នំពេញមានគម្រោងចំនួន៥០គម្រោង ហើយក្នុងគម្រោងនេះប្រឡាយបឹងត្របែកក៏ស្ថិតនៅក្នុងគម្រោងនេះដែរ។ ឯកឧត្តមបញ្ជាក់ថា រាជរដ្ឋាភិបាលនីតិកាលទី៧ នៃរដ្ឋសភា បានដាក់ចេញនូវគោលបំណងប្រកបដោយការប្ដេជ្ញាចិត្តខ្ពស់ សំដៅបញ្ចប់ បញ្ហាទឹកជន់លិចរាជធានីភ្នំពេញក្នុងរយៈពេល ៥ឆ្នាំ ក្រោយបញ្ចប់គម្រោងនេះរាជធានីភ្នំពេញនឹងលែងលិចលង់ ជាមួយនិងការសាទរពីប្រជាពលរដ្ឋ។ ចំណែកគម្រោងសាងសង់ ព្រែកជីកហ្វូណនតេជោដែលជាគម្រោងប្រវត្តិសាស្រ្តលើកដំបូងនៅកម្ពុជា គម្រោងនេះក៏ជាផ្នែកដ៏សំខាន់មួយក្នុងការរំដោះទឹកភ្លៀងចេញពីរាជធានីភ្នំពេញផងដែរ។ ទោះបីជាយ៉ាងណាក្តី […]
ថ្នាល«បណ្តុះកូនឈើ»ខ្នាតធំបំផុតនៅកម្ពុជាគ្រោងចេញជារូបរាងនៅត្បូងឃ្មុំ ថ្នាលបណ្តុះកូនឈើថ្នាក់តំបន់ដំបូងបំផុតនៅកម្ពុជា មានសមត្ថភាពផលិតកូនឈើបានជាង ១លានដើម ក្នុងមួយឆ្នាំ បានគ្រោង នឹងលេចចេញជារូបរាងហើយ នៅក្នុងខេត្តត្បូងឃ្មុំ ។ថ្នាល«បណ្តុះកូនឈើ»នេះ រៀបចំឡើងដោយឯកឧត្តមបណ្ឌិត អ៊ាង សុផល្លែត រដ្ឋមន្ត្រីក្រសួងបរិស្ថាន ស្ថិតនៅក្នុងភូមិ៤៤ ឃុំព្រះធាតុ ស្រុកអូររាំងឳ ខេត្តត្បូងឃ្មុំ។ ថ្នាល«បណ្តុះកូនឈើ»ខ្នាតធំដំបូងបំផុតនៅក្នុងប្រទេសកម្ពុជានេះ អាចមានសមត្ថភាពផលិតកូនឈើបានចំនួន ១លាន ២សែនកូនក្នុង១ឆ្នាំ និង ជាថ្នាលដែលបានបំពាក់ប្រព័ន្ធស្រោចស្រពស្វ័យប្រវត្ត ដើរដោយថាមពលព្រះអាទិត្យ។ ថ្នាលបណ្តុះកូនឈើខ្នាតតំបន់នេះ នឹងជួយពង្រីកវិសាលភាពព្រៃឈើកម្ពុជា តាមរយៈការរួមចំណែកដាំពីប្រជាជនកម្ពុជា ឈានឆ្ពោះទៅជាប្រទេសអព្យាក្រឹតកាបូន និង ពង្រីកវិសាល ភាពព្រៃឈើជាង ៦០% នៅឆ្នាំ២០៥០ ស្របតាមយុទ្ធសាស្ត្រចក្រាវិស័យបរិស្ថានឆ្នាំ ២០២៣-២០២៨ របស់រាជរដ្ឋាភិបាលកម្ពុជា ដើម្បីធានាដល់កិច្ចការពារ ថែរក្សា និងអភិរក្សធនធានធម្មជាតិ ដែលមាននៅក្នុងតំបន់ការពារធម្មជាតិទូទាំងប្រទេសចំនួន ៧៣ តំបន់ និង គ្របដណ្តប់លើផ្ទៃដីជាង ៧លានហិកតាស្មើនឹង៤០% នៃផ្ទៃដីប្រទេស៕
លំនៅឋានប្រជាពលរដ្ឋ៣ឃុំ ក្នុងស្រុកថ្មពួករងការខូចខាតដោយខ្សល់កន្ត្រាក់ ខេត្តបន្ទាយមានជ័យៈ ភ្លៀង ខ្យល់ ផ្គរន្ទះបានធ្វើឲ្យផ្ទះពលរដ្ឋជាច្រើនខ្នងរងការខូចខាតកាលពីរសៀលវម៉ោង៤និង៤០នាទីល្ងាច ថ្ងៃថ្ងៃទី៥ ខែឧសភា ឆ្នាំ២០២៤ នេះ។ ប្រភពសមត្ថកិច្ចបានប្រាប់ថាៈមុនកើតហេតុគេឃើញមេឃមីខ្មៅដេរដាស់ មានស្នូរផ្គរគ្រាំងៗភ្នែកបន្ទោភ្លែតៗលាយលំជាមួយខ្យលបក់បោកយ៉ាងខ្លាំង បក់ប៉ះផ្ទះពលរដ្ឋជាច្រើនខ្នង ខ្លះប៉ើងរបើកដំបូល ស័ង្កសី ចំណែកមួយភាគទៀតខួចខាត់ស្ទើរទាំងស្រុង។ លោកវរសេនីយ៍ទោ ឈឿន គឹមឈុន អធិការនគរបាល ស្រុកថ្មពួកបានឲ្យដឹងថាៈភ្លៀងកក់ខែ លាយឡំជាមួយខ្យល់កន្ត្រាក់បង្កឲ្យលំនៅឋានរបស់ប្រជាពលរដ្ឋរងការខូចខាតមានៈ ឃុំថ្មពួកប៉ះពាល់ចំនួន០៥ភូមិៈវត្តចាស់,ថ្មពួក,កសិណ,ភូមិស្វាយ, អ្នកតា) របេីកដំបូលផ្ទះចំនួន=៤៣ខ្នង/ក្នុងនោះធ្ងន់=១២ខ្នង របេីកស័ង្កសីចំនួន=៨០៣សន្លឹក។ ឃុំគំរូ(ប៉ះពាល់០៤ភូមិៈគំរូ,អណ្តូងខ្លុង,ផ្សារថ្មី,ស្វាយជ្រុំ) របេីកដំបូលផ្ទះចំនួនៈ១៩ ខ្នង,ជម្រុកស្រូវ០១ខ្នង,រោងគោ០១ខ្នង,បន្ទប់ទឹក០១ខ្នង និងរោងដាក់ឡាន០១ខ្នងៈ របេីកស័ង្កសីចំនួនៈ១៦២សន្លឹក។ ដោយឡែកឃុំបន្ទាយឆ្មារប៉ះពាល់ចំនួន០១ភូមិៈដងរ៉ែក របេីកដំបូលផ្ទះចំនួន០៣ របេីកស័ង្កសីចំនួនៈ៧៦សន្លឹក។ លោក អធិការបញ្ជាក់ថាៈសរុបការខូចខាតទាំង០៣ឃុំ របេីកដំបូលផ្ទះ ចំនួន៦៥ខ្នង ក្នុងនោះធ្ងន់ ១២ខ្នង និងជម្រក ០១ខ្នង,រោងគោ០១ខ្នង,រោងដាក់ឡាន០១ខ្នង,បន្ទប់ទឹក០១ របេីកស័័ង្កសីសរុបចំនួន០៤៣សន្លឹក។ ក្រោយពីរទទួលព័ត៏មានបានអំពីរបញ្ហាខ្យល់កន្ទ្រាក់វាយប្រហាដល់ផ្ទះពលរដ្ឋភ្លាម ក្រុមកាងារនិងកងកម្លាំងសមត្ថកិច្ចមានទាហា នគរបាលនិងមួយផ្នែកទៀតជាកំលាំងរបស់គណៈបញ្ជាការស្រុកបានរួមគ្នាចុះជួយប្រមូលសំភារៈទុកដាក់ឲ្យពួកគាត់បណ្ដោះអាសន្នពីរព្រោះយប់កាន់តែជ្រៅ រងចាំថ្ងៃស្អែកថ្ងៃទី៦ខែឆ្នាំដដែលកងកំលាំងចម្រុះនិងចុះជួសជុលផ្ទះរបស់ពលរដ្ឋដែលរងផល់ប៉ះពាល់ដោយខ្យល់កន្ទាក់ឡើងវិញ៕
សន្ទុះចលនាជាតិគាំទ្រព្រែកជីកហ្វូណនតេជោ កំពុងបករបាំងមុខអ្នកស្នេហាជាតិក្លែងក្លាយ ការប្តេជ្ញាចិត្តយ៉ាងមុតមាំរបស់រាជរដ្ឋាភិបាលក្នុងការសម្រេចឱ្យទាល់តែបាននូវគម្រោងព្រែកជីកហ្វូណនតេជោបាននឹងកំពុងទាក់ទាញការគាំទ្រយ៉ាងខ្លាំងពីជនជាតិខ្មែរគ្រប់មជ្ឈដ្ឋាន ទាំងក្នុងនិងក្រៅប្រទេស។ សន្ទុះនៃការគាំទ្របានផុសចេញពីទឹកចិត្តស្រឡាញ់ជាតិ ការពារផលប្រយោជន៍ជាតិ និងប្រាថ្នាចង់ឃើញប្រទេសរបស់ខ្លួនមានឯករាជភាព និងភាពរឹងមាំខាងសេដ្ឋកិច្ចដោយឈរលើកម្លាំងខ្លួនឯងដោយមិនចាំបាច់ពឹងខ្យល់ដកដង្ហើមពីបរទេស។ ពលរដ្ឋគ្រប់មជ្ឈដ្ឋានដែលមានឈាមជ័រជាខ្មែរ មិនរារែកក្នុងការចេញមុខគាំទ្រពេញទំហឹង និងយ៉ាងកងរំពងដោយបង្កើតបានជាចលនាជាតិដ៏ធំមហិមាដែលមិនធ្លាប់មានពីមុន។ ចលនាជាតិមួយនេះ គឺជាកម្លាំងចលករដ៏ខ្លាំងក្លាដែលកំពុងការពារនិងរុញច្រានគម្រោងនេះឱ្យទៅមុខដើម្បីសម្រេចគោលដៅដែលបានកំណត់ ពីព្រោះកម្លាំងមហាសាមគ្គីជាតិនេះហើយដែលជាប្រៀបខ្លាំងលើសពីកម្លាំងអ្វីៗទាំងអស់។ ពេលនេះ ជាតិសាសន៍ខ្មែរបានបង្ហាញពីចំណុចខ្លាំងរបស់ខ្លួនជាងពេលណាៗទាំងអស់តាមរយៈចលនាជាតិគាំទ្រគម្រោងព្រែកជីកហ្វូណនតេជោ។ ចលនាជាតិដ៏ខ្លាំងក្លានេះ មិនត្រឹមតែធ្វើឱ្យសម្រេចបាននូវសមិទ្ធផលធំធេងជាប្រវត្តិសាស្ត្រជូនជាតិប៉ុណ្ណោះទេ ប៉ុន្តែ វាក៏ជាចលនាមួយដែលកំពុងបករបាំងមុខអ្នកស្នេហាជាតិក្លែងក្លាយមួយក្តាប់តូច ដែលបានបន្លំពាក់របាំងមុខអ្នកស្នេហាជាតិអស់ជាច្រើនទសវត្សរ៍មកហើយនោះ ឱ្យសាធារណជនមើលឃើញយ៉ាងច្បាស់ក្រឡែតពីមុខមាត់ពិតរបស់ពួកគេ។ ជាក់ស្តែង ខណៈដែលជនជាតិខ្មែរទាំងក្នុងនិងក្រៅប្រទេសចេញមុខគាំទ្រយ៉ាងពេញទំហឹងនូវជំហររបស់រាជរដ្ឋាភិបាលចំពោះគម្រោងព្រែកជីកហ្វូណនតេជោដែលផ្តល់ប្រយោជន៍ធំធេងដល់សេដ្ឋកិច្ចជាតិ ស្រាប់តែអ្នកស្នេហាជាតិក្លែងក្លាយមួយរូបជាមួយសាវ័កមួយដំបស្វាបែរជាស្រវាស្រទេញចេញមុខប្រឆាំងប្រយោជន៍ជាតិខ្លួនឯងទៅវិញ។ ការដើរបញ្ច្រាសទិសចលនាជាតិដ៏ខ្លាំងក្លានេះ បានធ្វើឱ្យក្រុមប្រឆាំងជ្រុលនិយមងងឹតងងុលមួយក្តាប់តូចនេះ កំពុងទទួលរងការថ្កោលទោសយ៉ាងធ្ងន់ធ្ងរពីប្រជាពលរដ្ឋខ្មែរគ្រប់មជ្ឈដ្ឋាន និងធ្វើឱ្យរបាំងស្បែកមុខរបស់ពួកគេត្រូវបានបកអាក្រាតនៅចំពោះមុខសាធារណជនខ្មែរ។ អាចនិយាយបានថា គម្រោងព្រែកជីកហ្វូណនតេជោ គឺជាពរជ័យនិងជាលាភសំណាងសម្រាប់កម្ពុជានិងប្រជាពលរដ្ឋខ្មែរ ក៏ប៉ុន្តែ វាជាបណ្តាសានិងជាគ្រោះដ៏ធំដែលចូលមកបករបាំងមុខអ្នកស្នេហាជាតិក្លែងក្លាយឱ្យប្រជាពលរដ្ឋខ្មែរបានឃើញច្បាស់និងដាក់ឱ្យពួកគេទទួលខុសត្រូវចំពោះកំហុសជាប្រវត្តិសាស្ត្ររបស់ខ្លួន៕ អត្ថបទដោយ ឯកឧត្តម ប៉ែន បូណា អ្នកនាំពាក្យរាជរដ្ឋាភិបាល
ភាពស្អាតចេញពីក្នុងចិត្តជំរុញឱ្យប្រជាជននៅឃុំព្រះធាតុចេញមកសម្អាតបរិស្ថាននៅតាមមូលដ្ឋាន យុទ្ធនាការសំអាតកម្ពុជា បានជំរុញឱ្យអ្នកចូលរួម បានចេញមកប្រមូលទុកដាក់សំរាម សំណល់ប្លាស្ទិក ឱ្យបានត្រឹមត្រូវនៅតាមមូលដ្ឋាន ជាពិសេសចូលរួមពង្រឹងចលនាកាត់បន្ថយការប្រើប្រាស់ប្លាស្ទិក។ សិស្សានុសិស្ស លោកគ្រូអ្នកគ្រូ នៅតាមសាលារៀនទាំង ៨ ព្រះសង្ឃ រួមជាមួយចាស់ព្រឹទ្ធាចារ្យ គណៈកម្មការ អាចារ្យ តាជី យាយជី នៅតាមវត្តអារាមចំនួន ៤ អាជ្ញាធរមូលដ្ឋាន និងប្រជាពលរដ្ឋ ទាំង២២ភូមិ ក្នុងឃុំព្រះធាតុ ស្រុកអូររាំងឪ ខេត្តត្បូងឃ្មុំ ចំនួនជាង ២៥០០ អង្គ/នាក់ បានស្ម័គ្រចិត្ត ចំណាយពេលត្រឹម១៥នាទីយ៉ាងតិច ចាប់ពីម៉ោង ០៧:៣០នាទីព្រឹក នៅថ្ងៃសៅរ៍ទី០៤ ខែឧសភា ឆ្នាំ២០២៤ នេះ បានចូលរួមសហការគ្នា ចេញមកសំអាត ប្រមូលទុកដាក់សំរាម ជាពិសេសសំណល់ប្លាស្ទិកនៅក្នុងផ្ទះ ជុំវិញផ្ទះ សាលារៀន វត្តអារាម តាមដងផ្លូវ ទីសាធារណៈ ក្នុងមូលដ្ឋានឃុំព្រះធាតុ។ នៅក្នុងយុទ្ធនាការសម្អាតកម្ពុជា ក្រោមប្រធានបទ«ឃុំព្រះធាតុស្អាត ផ្តើមពីយើងទាំងអស់គ្នា» អាជ្ញាធរឃុំព្រះធាតុ បានប្រមូលនិងទុកដាក់សំណល់សំរាមប្លាស្ទិកសរុប ចំនួន២២៩៣គីឡូក្រាម។ លោក ទ្រី ពៅ មេឃុំព្រះធាតុ […]
អ្នកកាសែតប្រថុយជីវិត ទៅរាយការណ៍នៅតំបន់ហ្កាហ្សា នៅពេលដែលអ៊ីស្រាអែល បើកការវាយលុកយោធារបស់ខ្លួននៅតំបន់ហ្គាហ្សា បន្ទាប់ពីការវាយប្រហារថ្ងៃទី ០៧ ខែតុលាដឹកនាំដោយក្រុមហាម៉ាស អ្នកកាសែតក្នុងស្រុកជាច្រើនបានស្នាក់នៅ ប្រថុយជីវិតរបស់ពួកគេដើម្បីប្រាប់រឿងរ៉ាវរបស់ប្រជាជនរបស់ពួកគេ។ យោងតាមគណៈកម្មាធិការការពារអ្នកសារព័ត៌មាន (CPJ) បានឱ្យដឹងថា អ្នកកាសែត និងអ្នកសារព័ត៌មានយ៉ាងហោចណាស់ ៩៧នាក់ត្រូវបានសម្លាប់ចាប់តាំងពីខែតុលា ដោយ៩២នាក់ជាជនជាតិប៉ាឡេស្ទីន។ អ្នកកាសែត Gazan បានប្រាប់ CNN ថា ពួកគេត្រូវបានខ្មោចលងដោយការស្លាប់របស់សហសេវិករបស់ពួកគេ ខណៈពួកគេធ្វើឱ្យមានតុល្យភាពនៃកម្លាំងពលកម្មផ្លូវចិត្តនៃការគ្របដណ្តប់សង្គ្រាមជាមួយនឹងការព្យាយាមការពារគ្រួសាររបស់ពួកគេ។ អ្នកយកព័ត៌មានផ្លាស់ទីលំនៅដែលធ្វើការនៅក្នុងតង់បណ្តោះអាសន្នហានិភ័យប្រឈមនឹងការវាយប្រហាររបស់អ៊ីស្រាអែល ។ អ្នកខ្លះនិយាយថាពួកគេត្រូវបង្ខំចិត្តរត់ចេញពីផ្ទះដោយគ្មានឧបករណ៍ ឬឧបករណ៍ការពារ ជំនួសមកវិញការពឹងផ្អែកលើទូរសព្ទដៃដើម្បីបង្ហាញពិភពលោកអំពីអ្វីដែលកំពុងកើតឡើង។ អ្នកផ្សេងទៀតត្រូវតែធ្វើដំណើរទៅកាន់ទីទួលខ្ពស់នៅពេលបង្ហោះវីដេអូ ក្នុងកិច្ចខិតខំប្រឹងប្រែងដើម្បីជៀសផុតពីការដាច់ចរន្តអគ្គិសនី និងការរំខានដល់ទំនាក់ទំនង នៅពេលដែលការបាញ់ផ្លោងរបស់អ៊ីស្រាអែលនៅតែបន្តកើតមាន៕ ប្រែសម្រួលដោយ ម៉ុក ម៉ានិច