ទន្ទឹមនឹងនេះដែរ សម្តេចធិបតីបានផ្តល់អនុសាសន៍ឲ្យបន្តយក ចិត្តទុកដាក់ព្រមទាំងចូលរួមគាំទ្រ និងអនុវត្តឱ្យបានម៉ត់ចត់ក្នុងការកែលម្អការ ជ្រើសរើសមន្ត្រីចូលបម្រើការងារ ក្នុងរដ្ឋបាលសាធារណៈប្រកបដោយគុណាធិបតេយ្យ តម្លាភាព យុត្តិធម៌ បរិយាប័ន្ន និងប្រសិទ្ធភាព តាមរយៈការរៀបចំការប្រឡងប្រជែង ជ្រើសរើសមន្ត្រីរាជការដែលរាជរដ្ឋាភិបាលបានផ្តល់គោលការណ៍អនុញ្ញាត ផ្អែកលើនិយាមនីតិវិធីប្រតិបត្តិសម្រាប់ការប្រឡង ប្រជែងជ្រើសរើសមន្ត្រីសម្រាប់ក្រសួង ស្ថាប័ន ដោយធានាឱ្យបានទំនុកចិត្តពីសាធារណជន។ ពោលគឺ “ជាប់ដោយមោទនៈ ធ្លាក់ដោយ អស់ចិត្ត” ព្រមទាំងជំរុញការរៀបចំ និងការដាក់ឱ្យអនុវត្តលិខិតបទដ្ឋានគតិយុត្តពាក់ព័ន្ធនឹង ការជ្រើសរើស និងគ្រប់គ្រងមន្ត្រីបច្ចេកទេស/មន្ត្រីជំនាញ ដែលធានាឱ្យបាន “ការបំពេញ ឱ្យត្រូវ ថែរក្សាឱ្យនៅ។

សូមជម្រាបថា រាជរដ្ឋាភិបាលអាណត្តិទី៧ បានបន្តអាទិភាព ក្នុងការកែទំរង់ រដ្ឋ បាលសាធារណៈ តាមរយៈការពង្រឹងសមត្ថភាពរបស់មន្ត្រីទាំងថ្នាក់ជាតិ និងថ្នាក់ក្រោមជាតិ ដើម្បីការបំពេញ ការងារប្រសិទ្ធភាពការងារ។ ជាមួយគ្នានេះ រាជរដ្ឋាភិបាន បានបន្តធ្វើប្រតិភូកម្មអំណាច និងថវិកាទៅថ្នាក់ក្រោមជាតិ ដើម្បីថ្នាក់ក្រោម ជាតិអាចមានលទ្ធភាពដោះស្រាយបញ្ហានៅមូលដ្ឋានបានយ៉ាង លឿនរហ័ស និងមានប្រសិទ្ធភាព៕