SEATV Today News - Seatv24hours

ព័ត៌មានថ្មី

បញ្ជូនជនសង្ស័យករណីជួញដូរ ប្រើប្រាស់ រក្សាទុកគ្រឿងញៀន ប្រុស ស្រី៧នាក់ ទៅកាន់តុលាការ ខេត្តស្វាយរៀង ៖ កំលាំងនគរបាលការិយាល័យគ្រឿងញៀន នៃស្នងការដ្ឋានខេត្តស្វាយរៀង បញ្ជូនជនសង្ស័យករណីជួញដូរ ប្រើប្រាស់ រក្សាទុកគ្រឿងញៀន ប្រុស ស្រី ចំនួន៧នាក់ ទៅតុលាការខេត្តស្វាយរៀង។ នៅរសៀលថ្ងៃទី៤ ខែវិច្ចការ ឆ្នាំ២០១៨ កំំលាំងជំនាញការិយាល័យគ្រឿងញៀន បានបញ្ជនជនសង្ស័យ ប្រុស ស្រី ចំនួន៧នាក់ ករណីជនសង្ស័យជូញដូរ រក្សាទុក និងប្រើប្រាស់គ្រឿងញៀង ព្រមទាំងគ្រឿងញៀន និងឧបករណ៍ និងវត្ថុតាងទៅតុលាការខេត្តស្វាយរៀង។ លោកវរសេនីយ៍ឯក កែ សុថា ប្រធានការិយាល័យគ្រឿងញៀន បានអោយដឹងថា កិច្ចប្រតិបត្តិការមានរយះពេល០២ថ្ងៃ កំលាំងជំនាញសហការជាមួយកំលាំងក្រុងបាវិត បានធ្វើការឃាត់ខ្លួនជនសង្ស័យ ចំនួន០៧នាក់ ស្រី០២នាក់ (ជាជនជាតិវៀតណាម) រួមជាមួយវត្ថុតាង÷ – ថ្នាំញៀនប្រភេទមេតំហ្វេតាមីន ១១កញ្ចប់ (ធំ០២កញ្ចប់) – ជញ្ជីងថ្លឹងថ្នាំញៀន ០១គ្រឿង – ម៉ូតូ០២គ្រឿង – ទូរសព្ទ័ដៃ០៥គ្រឿង ព្រមទាំងឧបករណ៍សំរាប់ជក់ និងប្រើប្រាស់គ្រឿងញៀនមួយចំនួនទៀត ដែលជាប់ទាក់ទិនក្នុងករណីជួញដូរ និងប្រើប្រាស់គ្រឿងញៀនខុសច្បាប់ ត្រូវបានកម្លាំងជំនាញការិយាលយ័ប្រឆាំងគ្រឿងញៀន បញ្ជូនទៅកាន់សាលាដំបូងខេត្តស្វាយរៀង ដើម្បីចាត់ការបន្តតាមច្បាប់។ […]
ចាប់បានក្រុមស្ទាវម្នាក់ ក្នុងចំណោម០៩នាក់ តែងតែដើរគប់កញ្ចក់រថយន្តពេលយប់ នៅស្រុកថ្ពង និងឱរ៉ាល់ ខេត្តកំពង់ស្ពឺ ៖ តាមការអោយដឹងពីមន្ត្រីនគរបាល បាននិយាយថា កាលពីវេលាម៉ោ០៨ និង៣០នាទី យប់ថ្ងៃទី០៣ ខែវិច្ឆកា ឆ្នាំ២០១៨ កន្លងទៅ មានករណីក្រុមក្មេងស្ទាវ ពួនស្ទាក់គប់កញ្ចក់រថយន្ត ម៉ាកហ៊ីយ៉ាន់ដាយ ពណ៌ខៀវ ទំងន់15តោន គ្មានស្លាកលេខ បើកបរដោយឈ្មោះ ជា រ៉េម ភេទប្រុស អាយុ៣៣ឆ្នាំ នៅភូមិត្រពាំងត្រោក ឃុំប្រាំបីមុម ស្រុកថ្ពង ខេត្តកំពង់ស្ពឺ បើកលើផ្លូវ៤៤ ពីទិសខាងកើត ទៅទិសខាងលិច លុះដល់ចន្លោះគីឡូម៉ែត្រលេខ112 ទៅលេខ113 ចំណុចភូមិក្រាំងតាចរ ឃុំរុងរឿង គប់១កន្លែង និងដល់ចន្លោះគីឡូ លេខ110 ទៅ111 ចំណុចភូមិចំបក់សរ ឃុំរុងរឿង មានករណីគប់១កន្លែងទៀត ហើយបន្តជិះជែងរថយន្តមកមុនបាត់ ក្នុងបំណងស្ទាក់គប់នៅខាងមុខសាលាស្រុក ១កន្លែងទៀត។ ដោយឃើញក្រុមបង្ករមានគ្នាច្រើន ម្ចាស់ឈប់រថយន្តនៅមុខអធិការដ្ឋាននគរបាលស្រុកថ្ពងសិន ហើយចុះមករាយការណ៍ អោយនគរបាល។ បន្ទាប់ពីទទួលបានរបាយការណ៍ភ្លាមៗ កម្លាំងនគរបាលអធិការដ្ឋានស្រុកថ្ពងចំនួន១០នាក់ ដឹកនាំដោយលោក ហ៊ុន សុខហុន អធិការ ចេញអន្តរាគមន៍ ឃាត់ខ្លួនជនសង្ស័យបានម្នាក់ ឈ្មោះ […]
បង្ក្រាបមុខសញ្ញាគាស់ផ្ទះ យកទ្រព្យសម្បត្តិពលរដ្ឋ បាន០២នាក់ ខេត្តកំពង់ស្ពឺ ៖ នគរបាលស្រុកឱរ៉ាល់ ធ្វើការបង្ក្រាបមុខសញ្ញាគាស់ផ្ទះ ប្រជាពលរដ្ឋយកទ្រព្យសម្បត្តិ ហើយព្យាយាមជិះម៉ូតូគេចខ្លួន ប៉ុន្តែសំណាងមិនល្អ ជាប់អន្ទាក់សមត្ថកិច្ច កាលពីវេលាម៉ោង០៥ល្ងាច ថ្ងៃទី៣១ ខែតុលា ឆ្នាំ២០១៨ នៅលើផ្លូវលេខ៤៤ ចំណុចភូមិគោក ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ។ បើតាមសម្តីរបស់មន្ត្រីនគរបាលស្រុកឱរ៉ាល់ បាននិយាយអោយដឹងថា នៅមុនពេលឃាត់ខ្លួនក្រុមជនសង្ស័យខាងលើ គឺកម្លាំងព្រហ្មទណ្ឌស្រុក និងកម្លាំងនគរបាលចរាចរណ៍អធិការដ្ឋាននគរបាលស្រុកឱរ៉ាល់ បានសហការណ៍ឃាត់មុខសញ្ញាចោរកម្ម លួចគាស់ផ្ទះយកទ្រព្យសម្បត្តិប្រជាពលរដ្ឋ បានចំនួន០២នាក់។ នគរបាលដដែលបានបន្តថា ជនសង្ស័យទី០១ មានឈ្មោះ រឿន ចំណាន ហៅម៉ាញ ភេទប្រុស អាយុ១៩ឆ្នាំ មុខរបរមិនពិតប្រាកដ រស់នៅភូមិ ព្រៃគុយ ឃុំត្រពាំងគង ស្រុសំរោងទង ខេត្តកំពង់ស្ពឺ និងទី០២ មានឈ្មោះ ដាវ វ៉ាន់សៀង ហៅសាំង ភេទប្រុស អាយុ១៧ឆ្នាំ មុខរបរមិនពិតប្រាកដ រស់នៅភូមិថ្នល់ទទឹង ឃុំដំណាក់អំពិល ស្រុកអង្គស្នួល ខេត្តកណ្តាល។ ក្រោយធ្វើការឃាត់ខ្លួន បានក្រុមជនសង្ស័យរួមជាមួយវត្ថុតាងដកហូតបាន រួមមានម៉ូតូចំនួន០១គ្រឿង ទូរស័ព្ទដៃចំនួន០៣គ្រឿងផងដែរ។ […]
ស្មាតហ្វូន Huawei ត្រកូល Mate 20 កាម៉េរ៉ាខាងក្រោយដល់ទៅ៣គ្រាប់ រៀបចំកម្មវិធីសម្ពោធ និងធ្វើតេស្ត រាជធានីភ្នំពេញ ៖ ក្រុមហ៊ុន Huawei បានរៀបចំកម្មវិធីសម្ពោធ និងធ្វើតេស្តកំពូលស្មាតហ្វូន Huawei ត្រកូល Mate20 ដ៏ពិសេសមួយ នៅសណ្ឋាគារលំដាប់កំពូល Rose Wood កាលពីថ្ងៃ៣១ ខែតុលា ឆ្នាំ២០១៨ ដែលភ្ញៀវកិត្តិយសចូលរួម ទទួលបានបទពិសោធន៍ក្នុងការប្រើប្រាស់កំពូលស្មាតហ្វូន Huawei Mate20 និង Mate20 Pro ដំបូងគេបង្អស់នៅប្រទេសកម្ពុជា។ បន្ទាប់ពីការសម្ពោធនៅទីក្រុងឡុង កាលពីថ្ងៃ១៦ ខែតុលា កំពូលស្មាតហ្វូនត្រកូល Mate20 បានធ្វើឲ្យមានការចាប់អារម្មណ៍យ៉ាងខ្លាំង ទូទាំងពិភពលោក ដោយសារតែការបង្កើតថ្មី ភាពច្នៃប្រឌិតខ្ពស់ និងបច្ចេកវិទ្យាគ្មានគូប្រៀបនានា ដែលធ្វើឲ្យអតិថិជនអន្ទះសារ ចង់ឃើញរូបរាងពិត បានប៉ះផ្ទាល់ សាកល្បងប្រើ និង កម្មង់ទិញទុកមុន។ កម្មវិធីសម្ពោធ និងធ្វើតេស្តនេះ មានការចូលរួមពីភ្ញៀវកិត្តិយស VIP ជាច្រើនដែលពួកគេមានការពេញចិត្តយ៉ាងខ្លាំង បន្ទាប់ពីបានសាកល្បងប្រើកំពូលស្មាតហ្វូន Mate20 និង Mate20 Pro ជាមួយបទពិសោធន៍ថ្មីបំផុត និងអស្ចារ្យបំផុត មិនធ្លាប់មាននៅលើស្មាតហ្វូន។ បន្ទាប់ពីបានសាកល្បងប្រើកំពូលស្មាតហ្វូននេះ កញ្ញា […]
ឥណ្ឌូណេស៊ីស្រង់បានប្រអប់ខ្មៅយន្តហោះ ដែលធ្លាក់ក្នុងសមុទ្រនោះហើយ ខណៈមូលហេតុធ្លាក់…. ឥណ្ឌូនេស៊ី ៖ អាជ្ញាធរឥណ្ឌូណេស៊ីនាថ្ងៃព្រហស្បតិ៍នេះ បានរកឃើញ និងស្រង់យកប្រអប់ខ្មៅមួយ ក្នុងចំណោមប្រអប់ខ្មៅទាំងពីរ (Flight Data Recorder និង Cockpit Voice Recorder) របស់យន្តហោះអាកាសចរណ៍ក្នុងស្រុក Lion Air ដែលបានធ្លាក់ចូលក្នុងសមុទ្រ កាលពីថ្ងៃចន្ទដើមសប្តាហ៍នេះជាមួយមនុស្ស ១៨៩នាក់ នោះហើយ។ នេះបើតាមការដកស្រង់ការផ្សាយចេញពី សារព័ត៌មាន Channel News Asia នៅព្រឹកថ្ងៃព្រហស្បតិ៍ ទី០១ ខែវិច្ឆិកា ឆ្នាំ២០១៨។ ខណៈប្រតិបត្តិការរុករកបានឈានចូលដល់ថ្ងៃទី ៤ ប្រអប់ខ្មៅខាងលើត្រូវបានរកឃើញ និងស្រង់ចេញពីផ្ទៃសមុទ្រនាវេលាម៉ោង ១០៖១៥នាទីព្រឹកថ្ងៃព្រហស្បតិ៍នេះ នៅតំបន់ដែលយន្តហោះធ្លាក់ ប៉ុន្តែមិនមានការបញ្ជាក់នៅឡើយទេថា ជាប្រអប់ខ្មៅផ្ទុកទិន្នន័យហោះហើរ ដែលគេហៅថា Flight Data Recorder ឬក៏ប្រអប់ខ្មៅផ្ទុកសំឡេង ដែលគេហៅថា Cockpit Voice Recorder ។ គួរជម្រាបថា ក្រុមភ្នាក់ងារជួយសង្រ្គោះនិងរុករក បានផ្តោតសំខាន់ទៅលើការស្វែងរកប្រអប់ខ្មៅទាំងពីររបស់យន្តហោះ ខណៈដែលក្រុមអ្នកស៉ើបអង្កេតកំពុងព្យាយាមកំណត់មូលហេតុ ដែលបង្កឲ្យយន្តហោះ Boeing ស៊េរីថ្មីនេះធ្លាក់។ ដោយឡែកការស្វែងរកសាកសពអ្នកដំណើរ […]
ជិះបញ្ច្រាសរង្វង់មូលវិមានឯករាជ្យនៅតែបន្ត សមត្ថកិច្ចឃាត់បានយានយន្តចំនួន៥គ្រឿងយប់មិញ រាជធានីភ្នំពេញ ៖ អ្នកជិះបញ្ច្រាសនៅរង្វង់មូលវិមានឯករាជ្យ នៅតែបន្តកើតមានស្ទើរជារៀងរាល់ថ្ងៃ បើទោះបីជាសមត្ថកិច្ច និងអាជ្ញាធរ ដាក់កម្លាំងប្រចាំការស្ទាក់ចាប់ទាំងយប់ ទាំងថ្ងៃក្តី ជាក់ស្តែងនៅយប់មិញ ថ្ងៃទី៣១ ខែតុលា ឆ្នាំ២០១៨ សមត្ថកិច្ចអនុវត្តន៍ច្បាប់ និងអាជ្ញាធរបានឃាត់បានយានយន្តចំនួន៥គ្រឿង បញ្ជូនទៅស្នងការដ្ឋាននគរបាលរាជធានីភ្នំពេញ។ របាយការណ៍របស់អាជ្ញាធរខណ្ឌដូនពេញ បានឲ្យដឹងថា នៅថ្ងៃទី៣១ ខែតុលា ឆ្នាំ២០១៨ ចាប់ពីម៉ោង០៧៖០០នាទីព្រឹក ដល់ម៉ោង១០៖០០នាទីយប់ កម្លាំងគណៈបញ្ជាការឯកភាពខណ្ឌដូនពេញ សហការជាមួយការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ អនុវត្តយុទ្ធនាការឃាត់ម៉ូតូ និងរថយន្ត បើកបញ្ច្រាសទិសដៅចរាចរណ៍ នៅរង្វង់មូលជុំវិញវិមានឯករាជ្យ និងផ្លូវព្រះសុរាម្រឹត ស្ថិតក្នុងសង្កាត់ចតុមុខ ខណ្ឌដូនពេញ ឃាត់យានយន្តសរុបចំនួន៥គ្រឿង ក្នុងនោះរួមមាន៖ ម៉ូតូ៥គ្រឿង។ បច្ចុប្បន្នយានយន្តទាំងនោះ បានញ្ជូនទៅការិយាល័យចរាចរណ៍ ជើងគោកនៃស្នងការដ្ឋាននគរបាលរាជធានីភ្នំពេញ ដើម្បីធ្វើកាអប់រំណែនាំបន្តតាមនីតិវិធី៕ ប្រភព៖ Fresh News
នគរបាល២ស្រុក តាមបង្ក្រាបមុខសញ្ញាជួញដូរគ្រឿងញៀនសកម្ម៣នាក់ ដកហូតម៉ាទឹកកក១២កញ្ចប់ ខេត្តកំពង់ស្ពឺ ៖ មុខសញ្ញាជួញដូរគ្រឿងញៀនយ៉ាងសកម្មចំនួន០៣នាក់ រួមជាមួយគ្រឿងញៀន ប្រភេទម៉ាទឹកកកចំនួន១២កញ្ចប់ផងដែលនោះ ត្រូវបានកម្លាំងនគរបាលស្រុកសំរោងទង សហការជាមួយកម្លាំងនគរបាលស្រុកគងពិសី ធ្វើការបង្ក្រាបបាន ខណៈដែលមុខសញ្ញាខាងលើនេះ កំពុងតែចរាចរណ៍គ្រឿងញៀន ហើយកម្លាំងនគរបាលតាមដានជាយូរមកហើយ ក៏បង្ក្រាបតែម្តងកាលពីវេលាម៉ោង០៤ និង៥៥នាទី ល្ងាចថ្ងៃទី៣១ ខែតុលា ឆ្នាំ២០១៨ នៅតាមបណ្តោយផ្លូវលំ ក្នុងភូមិដូនកែវ ឃុំសែនដី ស្រុកសំរោងទង ខេត្តកំពង់ស្ពឺ។ បើតាមសម្តីរបស់មន្ត្រីនគរបាលស្រុកសំរោងទង បាននិយាយអោយដឹងថា នៅមុនពេលឃាត់ខ្លួនបានក្រុមជនសង្ស័យ ជាមុខសញ្ញាខាងលើនេះ គឺកំលាំងនគរបាលស្រុកសំរោងទង បានសហការជាមួយនគរបាលស្រុកគងពិសី ធ្វើការឃាត់ខ្លួនមុខសញាជួញដូរគ្រឿងញៀន បានចំនួន3នាក់ នៅភូមិដូនកែវ ឃុំសែនដី ស្រុកសំរោងទង ខណៈក្រុមជនសង្ស័យកំពុងតែចរាចរណ៍គ្រឿងញៀន ហើយកម្លាំងឃ្លាំមើលក៏ឃាត់បានតែម្តង។ ក្រុមជនសង្ស័យទី០១ មានឈ្មោះ ហួន វាសនា ហៅពែក ភេទប្រុស អាយុ២៥ឆ្នាំ មុខរបរមិនពិតប្រាកដ រស់នៅក្នុងភូមិគគ្រួស ឃុំពេជ្រមន្នី ស្រុកគងពិសី ដែលមានដីកាតាមបង្គាប់អោយចាប់ខ្លួនផងនោះ មានលេខ២៥៤ ចុះថ្ងៃទី15 ខែកញ្ញា ឆ្នាំ2016 ដោយចៅក្រម អ៊ុក រ៉េតគន្ធាអមសាលាដំបូងខេត្តកំពង់ស្ពឺផងដែរ។ ឃាត់នៅនឹងផ្ទះឈ្មោះ សុីម […]
ប្រឡែងគ្នាលេង រអិលជើងធ្លាក់ចូលគៀបជាប់ចន្លោះភ្នំ ទំរាំជួយបានប្រើពេលជាច្រើនម៉ោង ខេត្តកំពង់ស្ពឺ ៖ មានភ្ញាក់ផ្អើលមួយបានកើតឡើង ដោយសារតែក្មេងប្រុសជំទង់ម្នាក់ ទៅឃ្វាលគោបានប្រឡែងគ្នាលេង រអិលជើងធ្លាក់ចូលចន្លោះថ្មរល្អាងខ្ចាង គៀបជាប់ខ្លួន ត្រូវបានសាច់ញាតិ និងអ្នកភូមិជួយសង្គ្រោះជាច្រើនម៉ោង ទើបអាចយកយុវជនខាងលើនោះបាន ប៉ុន្តែសំណាងល្អមិនមានគ្រោះថ្នាក់អ្វីឡើយ។ ហេតុការណ៍ភ្ញាក់ផ្អើលជួយសង្គ្រោះក្មេងយកចេញពីថ្មរនោះ កើតឡើងកាលពីព្រឹក ថ្ងៃទី៣០ ខែតុលា ឆ្នាំ២០១៨ នៅចន្លោះថ្មរភ្នំមួយ ស្ថិតនៅក្នុងភូមិអន្លង់ភេ ឃុំពាំល្វា ស្រុកឧដុង្គ ខេត្តកំពង់ស្ពឺ។ បើតាមប្រជាពលរដ្ឋបាននិយាយអោយដឹងថា ការភ្ញាក់ផ្អើលនេះបានកើតឡើង ដោយមានក្មេងប្រុសម្នាក់ទៅឃ្វាលគោ ហើយបានប្រឡែងគ្នាលេង ក៏បានរអិលជើងធ្លាក់ចូលចន្លោះថ្មរល្អាងខ្ចាង គៀបជាប់ខ្លួន ទម្រាំជួយសង្គ្រោះបានប្រើរយ:ពេលអស់ជាច្រើនម៉ោង តាំងពីព្រឹក រហូតមកដល់រសៀលថ្ងៃដដែល ទើបអាចជួយសង្គ្រោះបាន ដោយមិនមានគ្រោះថ្នាក់ដល់អាយុជីវិតនោះទេ។ ក្មេងប្រុសដែលធ្លាក់គៀបជាប់ចន្លោះថ្មរនោះ មានឈ្មោះ សុខ ឡាយ អាយុ១៧ឆ្នាំ រៀនថ្នាក់ទី១០ រស់នៅក្នុងភូមិអន្លង់ភេ ឃុំពាំល្វា ស្រុកឧដុង្គ ខេត្តកំពង់ស្ពឺ។ បើតាមសម្តីរបស់លោក ខឹម សាម៉ុន អធិការនគរបាលស្រុកឧដុង្គបានអោយដឹងតាមទូរសព្ទ័ថា ពិតជាមានករណីក្មេងរអិលគៀបជាប់ថ្មរមែន ប៉ុន្តែរឿងតិចតួចមិនគ្រោះថ្នាក់ធ្ងន់ធ្ងរនោះទេ ហើយលោកក៏មិនបានរាយការណ៍ទៅថ្នាក់លើដែរ របួសតិចតួចជួយបានហើយនោះ៕ អ៊ុ ណូន
ធនាគារជាតិពន្យល់ថា ការប្រើប្រាស់រូបិយប័ណ្ណចិនក្នុងពាណិជ្ជកម្ម អាចជម្រុញដល់ការប្រើប្រាក់រៀលផងដែរ រាជធានីភ្នំពេញ ៖ ដោយសារក្នុងរយៈពេលជិតមួយសប្តាហ៌នេះ មានការចេញផ្សាយព័ត៌មានជាបន្តបន្ទាប់ថា ធនាគារជាតិនៃកម្ពុជា ជម្រុញអោយមានការប្រើប្រាស់រូបិយប័ណ្ណយន់របស់ចិន ក្នុងប្រទេសកម្ពុជានោះ ធនាគារជាតិក៏បានពន្យល់បន្ថែមថា ការជម្រុញប្រើប្រាស់ប្រាក់យន់នេះ គឺសម្រាប់ការទូទាត់ពាណិជ្ជកម្មពីប្រាក់យន់ ប្តូរមកជាប្រាក់រៀលតែម្តង ដោយមិនចាំបាច់ប្តូរជាប្រាក់ដុល្លារអាមេរិកនោះទេ ដែលចំនុចនេះនឹងជម្រុញដល់ការប្រើប្រាស់ប្រាក់រៀលផងដែរ។ តាមរយៈសន្និសីទព័ត៌មានមួយ ដែលធនាគារជាតិនៃកម្ពុជា បានរៀបចំធ្វើកាលពីថ្ងៃទី៣០ ខែតុលា ឆ្នាំ២០១៨ លោកជំទាវ ជា សិរី ឧបការីទេសាភិបាល និងជាអគ្គនាយកបច្ចេកទេសធនាគារជាតិកម្ពុជា បានពន្យល់ថា ការប្រើប្រាស់ប្រាក់យន់ សម្រាប់ការទូទាត់សម្រាប់ពាណិជ្ជកម្មឆ្លងកាត់ព្រំដែន មិនមានន័យថា ជាការជំរុញឲ្យមានការទូទាត់ជាប្រាក់យន់ នៅក្នុងការលក់ដូររាយប្រចាំថ្ងៃនៅក្នុងប្រទេសនោះទេ តែសំដៅលើការអនុញ្ញាតឲ្យក្រុមហ៊ុនកម្ពុជា និងក្រុមហ៊ុនចិន អាចធ្វើការទូទាត់ពាណិជ្ជកម្មដោយប្រើប្រាស់ប្រាក់យន់ ឬប្រាក់រៀលដោយផ្ទាល់តាមប្រព័ន្ធធនាគារ នៅពេលមានពាណិជ្ជកម្មឆ្លងកាត់ព្រំដែនរវាងភាគីទាំងពីរ។ លោកជំទាវ បញ្ជាក់ថា ការជំរុញបែបនេះ គឺមានប្រយោជន៍សម្រាប់ភាគីពាណិជ្ជករកម្ពុជា និងចិន ដោយមិនចាំបាច់ប្រើប្រាស់ប្រាក់ដុល្លារអាមេរិកជារូបិយប័ណ្ណអន្តរការីនោះទេ ដូចនេះគឺអាចជួយកាត់បន្ថយហានិភ័យអត្រាប្តូរប្រាក់បាន។ បើតាមការលើកឡើងរបស់លោកជំទាវ ជា សិរី អ្វីដែលធនាគារជាតិចង់ជំរុញ គឺអោយពាណិជ្ជករចិន អាចប្រើប្រាស់ប្រាក់យន់ ដើម្បីប្តូរជាប្រាក់រៀល ក្នុងការទូទាត់ពាណិជ្ជកម្មជាមួយពាណិជ្ជករកម្ពុជាតែម្តង ព្រោះនៅពេលវិនិយោគិនចិន ប្តូរប្រាក់យន់យកប្រាក់រៀល ដើម្បីទូទាត់ពាណិជ្ជកម្មជាមួយភាគីកម្ពុជា ពេលនោះតម្រូវការប្រាក់រៀលនឹងកាន់តែកើនឡើង ហើយកត្តានេះក៏នឹងជួយជំរុញការប្រើប្រាស់ប្រាក់រៀលដោយប្រយោលផងដែរ។ ទោះជាយ៉ាងណា […]
បង្រ្កាបមុខសញ្ញាមេកន្ទុយលេខ ឃាត់ខ្លួនមនុស្ស០៦នាក់ ដកហូតវត្ថុតាងបានមួយចំនួន ខេត្តកំពង់ស្ពឺ ៖ ក្រុមញៀនល្បែងកន្ទុយលេខចំនួន០៦នាក់ រួមជាមួយវត្ថុតាងជាច្រើន ត្រូវបានកម្លាំងនគរបាលស្រុកសំរោង ធ្វើការឆ្មក់បង្ក្រាបបាន កាលពីវេលាម៉ោង០៣ និង៤០នាទីរសៀល ថ្ងៃទី៣១ ខែតុលា ឆ្នាំ២០១៨ នៅចំណុចភូមិរបេងច្រុះ ឃុំសំរោងទង ស្រុកសំរោងទង ខេត្តកំពង់ស្ពឺ។ នគរបាលស្រុកបាននិយាយអោយដឹងថា នៅមុនពេលឃាត់ខ្លួនបានក្រុមញៀនល្បែងខាងលើនេះ គឺកម្លាំងផ្នែកព្រហ្មទណ្ឌ សហការជាមួយកម្លាំងផ្នែកសន្តិសុខស្រុក ក្រោយទទួលបានព័ត៌មានពីកំលាំងភ្នាក់ងារ កំលាំងបានចុះបង្រ្កាបដល់ទីតាំងលួចលាក់ បើកលេងល្បែងស៊ីសងមួយកន្លែង បង្កប់ល្បែងឆ្នោតខុសច្បាប់ (កន្ទុយលេខ) នៅក្នុងភូមិសាស្រ្ដចំណុចព្រៃខាងត្បូង ភូមិរបងច្រុះ ឃុំសំរោងទង ស្រុកសំរោងទង ខេត្តកំពង់ស្ពឺ។ ឃាត់ខ្លួនបានមុខសញ្ញាចំនួន០៦នាក់ ដែលក្រុមជនសង្ស័យខាងលើ ទី០១ មានឈ្មោះ បូ សុខលី ភេទប្រុស អាយុ ៣៩ឆ្នាំ រស់នៅភូមិរបងច្រុះ ឃុំសំរោងទង ស្រុកសំរោងទង។ ទី២ ឈ្មោះឡូត រ៉ន ភេទប្រុស អាយុ៦១ឆ្នាំ រស់នៅភូមិត្រពាំងតាឡាត់ ឃុំសំរោងទង។ ទី៣ ឈ្មោះ ញ៉ាញ់ តូ ភេទប្រុស អាយុ៥០ឆ្នាំ ភូមិវត្តថ្មី […]
អនុវត្តដីកា ចាប់ខ្លួនជនសង្ស័យពីរនាក់ ពាក់ព័ន្ធករណីប៉ុនប៉ងមនុស្សឃាត កាលជាង៩ឆ្នាំមុន ខេត្ដកំពង់ស្ពឺ ៖ ពាក្យចាស់ពោលថា កុកតែងតែភ្លេចជុង ចំណែកជុងវិញមិនដែលភ្លេចកុកម្តងណាឡើយ ដូចគ្នានឹងករណីនេះ កំលាំងជំនាញការិយាល័យនគរបាលព្រហ្មទណ្ឌកំរិតធ្ងន់ នៃស្នងការដ្ឋាននគរបាលខេត្តកំពង់ស្ពឺ ដឹកនាំដោយលោកវរសេនីយ៍ឯក សម សាក់ នាយការិយាល័យ បានចុះសហការជាមួយកំលាំងអធិការដ្ឋាននគរបាលស្រុកសំរោងទង អនុវត្តន៍តាមដីកា បង្គាប់ឲ្យចាប់ខ្លួនជនសង្ស័យចំនួន ០២នាក់ ពាក់ព័ន្ធករណីប៉ុនប៉ងធ្វើមនុស្សឃាត កាលពីឆ្នាំ២០០៩កន្លងទៅ ក្រោយធ្វើសកម្មភាពគឺក្រុមជនដៃដល់ បានរត់គេចខ្លួនជារៀងរហូត ទើបឃាត់បាននៅពេលនេះ ដែលមានរយៈពេលជិត១០ឆ្នាំហើយនោះ។ ជនសង្ស័យដែលឃាត់បាននោះទី០១. មានឈ្មោះ ទូច ដាន ភេទប្រុស អាយុ៣៤ឆ្នាំ មុខរបរមិនពិតប្រាកដ រស់នៅភូមិរំលោង ឃុំវល្លិស ស្រុកសំរោងទង ចាប់តាមដីកាលេខ៣៩០ ចុះថ្ងៃទី១៣ ខែធ្នូ ឆ្នាំ២០១៤ របស់លោក សុង ប៊ុណ្ណារិទ្ធ ចៅក្រមនៃសាលាដំបូងខេត្ដកំពង់ស្ពឺ និងទី០២. ឈ្មោះ ឆុំ ប៊ុននឿន ភេទប្រុស អាយុ៣៥ឆ្នាំ នៅភូមិត្បែស ឃុំវល្លិស ស្រុកសំរោងទង ចាប់តាមដីកាលេខ៣៨៨ ចុះថ្ងៃទី១៣ ខែធ្នូ ឆ្នាំ២០១៤ របស់លោក សុង […]
ឳពុកតិរច្ឆាន តណ្ហាក្រាស រំលោភកូនស្រីបង្កើតខ្លួនឯងអាយុ៩ឆ្នាំ ហើយគំរោមអាក.សម្លាប់ ខេត្ដកំពត ៖ បុរសមានតណ្ហាក្រាសម្នាក់ ឈ្មោះ អុឹម បាន អាយុ56ឆា្នំ រស់នៅភូមិក្រាំងលាវ ឃុំមានរិទ្ធ ស្រុកដងទង់ ខេត្តកំពត ត្រូវបាននគរបាលស្រុកដងទង់ ឃាត់ខ្លួនបានកាលពីល្ថាច ថ្ងៃទី30 តុលា ហើយត្រូវបានបញ្ជូនមកកាន់ស្នងការដ្ឋាននគរបាលខេត្តកំពត កាលពីព្រឹកថ្ងៃទី31 តុលា 2018។ លោកវរះសេនីយ៍ទោ ឈឹម ឈាង ប្រធានការិយាល័យនគរបាលព្រហ្មទណ្ឌកំរិតធ្ងន់ខេត្ត បានប្រាប់អោយដឹងថា ការចាប់ខ្លួនជនសង្ស័យឈោះ អុីម បាន អាយុ56ឆា្នំនេះ គឺពាក់ពន្ធ័នឹងករណីបុរសជាឳពុកខាងលើនេះ ចាប់រំលោភក្មេងស្រីជាកូនបង្កើតខ្លួនឯង។ បុរសជនសង្ឃ័យខាងលើនេះ ត្រូវបានប្រពន្ធស្លាប់ចោល កាលពីថ្ងៃទី27 ខែកុម្ភៈ ឆា្នំ2018 ទើបកូនស្រី ឈ្មោះ ន.លស អាយុ9ឆា្នំ បន្ដរស់នៅជាមួយឪពុក និងជីដូន ជាម្ដាយក្មេកអាយុ70ឆា្នំ។ លោកវរះសេនីទោ ឈឹម ឈាង និយាយប្រាប់អោយដឹងថា ករណីឪពុករំលោភកូននេះ តាមការសាកសួរពីក្រុមសាច៉ញាតិកុមារីរងគ្រោះ ថានៅពេលយប់ចន្លះថ្ងៃទី22 ទៅ23 តុលា 2018 ព្រោះកុមារីរងគ្រោះនិយាយប្រាប់ថា ឪពុកខ្លួនមិនអោយនិយាយប្រាប់គេទេ ប្រយ័តអារ […]
U18 បាទីកម្ពុជា ប៉ះ U18 ជប៉ុន ម៉ោង៥ល្ងាចនេះ លើទីលានពហុកីឡដ្ឋានជាតិ រាជធានីភ្នំពេញ ៖ ក្រុមបាល់ទាត់យុវជនក្រោមអាយុ១៨ឆ្នាំ នៃសាលាបាល់ទាត់ជាតិបាទី នឹងត្រូវប្រកួតមិត្តភាពអន្ដរជាតិ ជាមួយក្រុមយុវជន U18 Fukushima នៃសមាគមកីឡាបាល់ទាត់ជប៉ុន នាវេលាម៉ោង ៥ល្ងាចនេះ នៅលើទីលានពហុកីឡដ្ឋានជាតិ រាជធានីភ្នំពេញ ខណៈអ្នកគាំទ្រអាចចូលរួមទស្សនាបានដោយសេរី មិនមានការលក់សំបុត្រឡើយ។ ជំនួបមិត្តភាពនេះ កើតឡើងក្រោយមានកិច្ចសហការរវាងសហព័ន្ធកីឡាបាល់ទាត់កម្ពុជា ជាមួយសមាគមកីឡាបាល់ទាត់ជប៉ុន ដើម្បីអបអរសាទរខួបលើកទី៦៥ នៃទំនាក់ទំនងការទូតប្រទេសកម្ពុជា-ជប៉ុន។ ទន្ទឹមជាមួយគ្នា ក្រុមទាំងពីររំពឹងថា នឹងទទួលបាននូវបទពិសោធន៍ថ្មីពីគ្នាទៅវិញទៅមក ពីការប្រកួតមិត្តភាពនេះ ពិសេសគឺការរឹងចំណងមិត្តភាព សាមគ្គីភាព និងការផ្លាស់ប្ដូរនូវបច្ចេកទេសតែម្ដង។ គួរបញ្ជាក់ថា ជាមួយនឹងការប្រកួតមិត្តភាព ដើម្បីអបអរសាទរខួបលើកទី៦៥ នៃទំនាក់ទំនងការទូតកម្ពុជា-ជប៉ុន គឺមាន២ប្រកួតឯណោះ ពោលគឺក្រោយការប្រកួតល្ងាចនេះ ក្រុមចំណាត់ថ្នាក់លេខ៣ នៃលីគកំពូលកម្ពុជាឆ្នាំ២០១៨ គឺក្រុមវិសាខា នឹងត្រូវទទួលក្រុម U18 Fukushima របស់ជប៉ុនវិញម្ដង នៅថ្ងៃទី០២ ខែវិច្ឆិកាខាងមុខ នៅលើទីលានពហុកីឡដ្ឋានជាតិដដែល៕ ប្រភព៖ Fresh News
ក្រឡាប់រថយន្តផ្លូវចំណោតលោកយាយម៉ៅ បណ្តាលអោយស្លាប់មនុស្សម្នាក់ នៅក្រុងព្រះសីហនុ ខេត្តព្រះសីហនុ ៖ សមត្ថកិច្ចនគរបាលនៃស្នងការដ្ឋានខេត្តព្រះសីហនុ បានឲ្យដឹងថា បុរសអ្នកបើកបររថយន្តដឹកខ្សាច់មួយរូប បានស្លាប់ក្រោយបើករថយន្តចុះផ្លូវចំណោតលោកយាយម៉ៅ នាក្រុងព្រះសីហនុ រួចបុកទ្រូងផ្លូវ បណ្តាលឱ្យអ្នកបើកបរធ្លាក់ចេញពីរថយន្ត ស្លាប់បាត់បង់ជីវិតភ្លាមៗ នៅម៉ោងជាង៤ល្ងាច ថ្ងៃទី៣០ ខែតុលា ឆ្នាំ២០១៨នេះ។ មន្ត្រីនគរបាលឱ្យដឹងថា ករណីគ្រោះថ្នាក់ចរាចរណ៍នេះ បានកើតឡើងដោយខ្លួនឯង គឺរថយន្តបែនដឹកខ្សាច់០១គ្រឿង ម៉ាក HYUNDAI ពណ៌ស ពាក់ផ្លាកលេខ តាកែវ 3A-0638 បើកបរដោយឈ្មោះ វ៉ាន់ ភេទប្រុស អាយុ២៨ឆ្នាំ មុខរបរអ្នកបើកបររថយន្ត មានទីលំនៅស្រុកស្ទឹងហាវ ខេត្តព្រះសីហនុ បើកបរមានទិសដៅពីឃ្លាំងលើ ឆ្ពោះទៅកែងរ៉ា។ មន្ត្រីនគរបាលបញ្ជាក់ថា ពេលរថយន្តបានបើកមកដល់ចំណុចខាងលើ គួបផ្សំស្ថានភាពផ្លូវចុះចំណោត រថយន្តមានល្បឿនលឿនផង ក៏រេចង្កូតមកខាងឆ្វេងដៃ ហើយបុករនាំងពុះចែកផ្លូវ រួចបោកក្រឡាប់ត្រឡប់ក្រោយ បណ្ដាលឱ្យអ្នកបើកបររថយន្តខ្ទាតចេញក្រៅស្លាប់តែម្ដង។ មន្ត្រីនគរបាលបន្តថា គ្រោះថ្នាក់ចរាចរណ៍ខាងលើនេះ ក៏បណ្ដាលឱ្យខូចខាតរបាំងពុះចែកផ្លូវអស់ចំនួន៩ផ្ទាំង និងបង្គោលភ្លើងបំភ្លឺផ្លូវចំនួន០១ដើម។ វត្ថុតាងរថយន្ត១គ្រឿង សមត្ថកិច្ចជំនាញបានស្ទូចយកទៅរក្សាទុក នៅការិយាល័យនគរបាលចរាចរណ៍ផ្លូវគោក នៃស្នងការដ្ឋាននគរបាលខេត្តព្រះសីហនុ៕ មនោរៀ
រថយន្តក្រឡុកស៊ីម៉ងត៏របស់កាស៊ីណូផ្កាយ៥ បត់មិនស៊ីញ៉ូ ជ្រុលបុកម៉ូតូរងរបួសធ្ងន់ ក្រុងប៉ោយប៉ែត ៖ រថយន្តក្រឡុកស៊ីម៉ងត៏របស់ក្រុមហ៊ុនផ្កាយ៥ បត់ឆ្វេងមិនបើកភ្លើងស៊ីញ៉ូ បុកម៉ូតូធ្វើឲ្យម្ចាស់រងរបួសធ្ងន់ នៅល្ងាចថ្ងៃអង្គារ ៦រោច ខែអស្សុជ ឆ្នាំច សំរឹទ្ធស័ក ព.ស2562 ត្រូវនឹងវេលាម៉ោង16:00នាទី ថ្ងៃទី30 ខែតុលា ឆ្នាំ2018 ត្រុងចំណុចលើកំណាត់ផ្លូវបេតុង មុខកាស៊ីណូផ្កាយ៥ ភូមិក្បាលស្ពាន១ សង្កាត់/ក្រុងប៉ោយប៉ែត ខេត្តបន្ទាយមានជ័យ។ យោងតាមរបាយការណ៏របស់សមត្ថកិច្ចថា មុនកើតហេតុ រថយន្តក្រឡុកស៊ីម៉ង់ត៍ពណ៌ស គ្មានស្លាកលេខ របស់ក្រុមហ៊ុនកាស៊ីណូផ្កាយ5 បានបើកក្នុងទិសដៅពីជើង ទៅត្បូង បញ្ច្រាស់ទិសជាមួយម៉ូតូ លុះដល់ចំណុចកើតហេតុខាងលើ រថយន្តបត់ឆ្វេង មិនបានស៊ីញ្ញូភ្លើងស្តុប ក៏ទៅបុកនឹងម៉ូតូម៉ាក Click ពណ៌ខ្មៅ ពាក់ស្លាកលេខ ភ្នំពេញ 1BL-4155 ចំពីមុខពេញទំហឹង បណ្ដាលជនរងគ្រោះឈ្មោះ ថោង សំអឿ ភេទប្រុស អាយុ18ឆ្នាំ ស្នាក់នៅភូមិសាមគ្គីមានជ័យ សង្កាត់/ក្រុងប៉ោយប៉ែត រងរបួសធ្ងន់ត្រូវចំភ្នែកខាងស្តាំ និងខូចខាតម៉ូតូផ្នែកខាងមុខ។ ភ្លាមនោះកម្លាំងប៉ុស្តិ៍បឹងសាគូ (វរៈ911) បានចុះទៅដល់កន្លែងកើតហេតុ បានទំនាក់ទំនងទៅកម្លាំងជំនាញចរាចរណ៍ នៃអធិការដ្ឋានក្រុងប៉ោយប៉ែត ដើម្បីមកវាស់វែងតាមជំនាញ។ ចំពោះអ្នករងគ្រោះត្រូវបានសាច់ញាតិ ដឹកបញ្ជូនទៅកាន់មន្ទីរពេទ្យឯកជន […]