SEATV Today News - Seatv24hours

ព័ត៌មានថ្មី

ក្រសួងអភិវឌ្ឍន៍ជនបទប្រកាសទទួលស្គាល់ភូមិចំនួន៨ក្នុងឃុំបាយដំរ៉ាំស្រុកបាណន់បញ្ឈប់ការបន្ទោរបង់ពាសវាលពាសកាល (ខេត្តបាត់ដំបង,ថ្ងៃទី៣០ ខែមិថុនា ឆ្នាំ២០២០)៖ រដ្ឋលេខាធិការក្រសួងអភិវឌ្ឍន៍ជនបទ ឯកឧត្តម ទ្រី ម៉េង បាន កោតសរសើរចំពោះកិច្ចខិតខំប្រឹងប្រែងរួមគ្នារវាងថ្នាក់ជាតិនិងថ្នាក់ក្រោមជាតិ អាជ្ញាធរពាក់ព័ន្ធគ្រប់ថ្នាក់ អង្គការដៃគូអភិវឌ្ឍន៍និងធនាគារអភិវឌ្ឍន៍អាស៊ី(ADB)និងប្រជាជនផ្ទាល់នៅក្នុងឃុំបាយដំរ៉ាំស្រុកបាណន់ខេត្តបាត់ដំបងដែលបានប្រែក្លាយនិងបញ្ឈប់នូវការបន្ទោរបង់ពាសវាលពាសកាលបានទាំងស្រុង។ ការលើកឡើងនេះ ក្នុងឱកាសដែលឯកឧត្តមទ្រី ម៉េង រដ្ឋលេខាធិការក្រសួងអភិវឌ្ឍន៍ជនបទអញ្ជើញជាអធិបតីនៅក្នុងពិធីប្រកាសទទួលស្គាល់ ឃុំបាយដំរ៉ាំជាឃុំបញ្ឈប់នូវការបន្ទោរបង់ ពាសវាលពាសកាលនៅថ្ងៃទី២៩ខែមិថុនាឆ្នាំ២០២០ នៅក្នុងបរិវេណ អនុវិទ្យាល័យបាយដំរ៉ាំ ក្នុងឃុំបាយដំរ៉ាំ ស្រុកបាណន់ដែលមានការចូលរួមនិងអមដំណើរព្រមទាំងប្រជាពលរដ្ឋជាច្រើនផងដែរ។ លោក វណ្ណ ថុល ប្រធានមន្ទីរអភិវឌ្ឍន៍ជនបទខេត្តបាត់ដំបង បានបញ្ជាក់ឲ្យដឹងថាពិធីប្រកាសទទួលស្គាល់ឃុំដែលបញ្ឈប់ការបន្ទោរបង់ពាសវាលពាសកាល(ODF)នៅថ្ងៃនេះគឺឃុំបាយដំរ៉ាំស្រុកបាណន់ខេត្តបាត់ដំបងមានភូមិចំនួន៨។ នៅទូទាំងខេត្តបាត់ដំបងឃុំដែលសម្រេចបានODFមានចំនួន៨ឃុំនិងមានភូមិចំនួន១៣៥ភូមិ។អត្រាភាគរយនៅទូទាំងខេត្តបាត់ដំបងគឺទឹកស្អាតមាន៦៩%និងអនាម័យមាន៧៣%។ ឯកឧត្តម ទ្រី ម៉េង រដ្ឋលេខាធិការក្រសួងជនបទ បានស្នើសុំឲ្យអាជ្ញាធរពាក់ព័ន្ធនិងដៃគូអភិវឌ្ឍន៍ទាំងអស់ជាពិសេសធនាគារអភិវឌ្ឍន៍អាស៊ីADBបន្តជួយបន្ថែមទៀតដល់ប្រជាជននៅឃុំ ដែលបានបញ្ឈប់ការបន្ទោរបង់ពាសវាលពាសកាលទាំងអស់ដើម្បីបន្តនូវនិរន្តរភាពអនាម័យ របស់ខ្លួនជារៀងរហូតបាន៕
សម្ដេចក្រឡាហោម ស ខេង អញ្ជើញជាអធិបតីដ៏ខ្ពង់ខ្ពស់ដឹកនាំកិច្ចប្រជុំឆ្លងផែនការសកម្មភាពប្រចាំឆ្នាំ២០២០ របស់អគ្គនាយកដ្ឋានភស្តុភារ និងហិរញ្ញវត្ថុ សម្តេចក្រឡាហោម ស ខេង ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ នាព្រឹកថ្ងៃអង្គារ ទី៣០ ខែមិថុនា ឆ្នាំ២០២០ អញ្ជើញជាអធិបតីដ៏ខ្ពង់ខ្ពស់ដឹកនាំកិច្ចប្រជុំឆ្លងផែនការសកម្មភាពឆ្នាំ២០២០ របស់អគ្គនាយកដ្ឋានភស្តុភារ និងហិរញ្ញវត្ថុ ដោយមានការចូលរួមពី រដ្ឋលេខាធិការ អនុរដ្ឋលេខាធិការ អគ្គលេខាធិការដ្ឋាន ក្រសួងមហាផ្ទៃ អគ្គស្នងការដ្ឋាននគរបាលជាតិ អគ្គនាយកដ្ឋានពាក់ព័ន្ធ ព្រមទាំងអង្គភាពនានាជាច្រើនផងដែរ។ សម្ដេចក្រឡាហោម ស ខេង បានមានប្រសាសន៍ថា ការជួបជុំគ្នាក្នុងថ្ងៃនេះគឺដើម្បីឆ្លងផែនការសកម្មភាព របស់អគ្គនាយដ្ឋានភស្ដុភារ និងហិរញ្ញវត្ថុ សម្រាប់ឆ្នាំ២០២០ ហើយក៏ជាកិច្ចប្រជុំឆ្លងផែនការសកម្មភាពលើកចុងក្រោយរបស់អគ្គនាយកដ្ឋានទាំង១១ចំណុះក្រសួងមហាផ្ទៃផងដែរ។ សម្ដេចក្រឡាហោម ក៏បានលើកឡើងថា ការខិតខំប្រឹងប្រែងរៀបចំផែនការយុទ្ធសាស្ត្រ ៥ឆ្នាំ និងផែនការសកម្មភាពប្រចាំឆ្នាំ គឺជាផែនទីបង្ហាញផ្លូវដ៏សំខាន់ ដើម្បីដឹកនាំគ្រប់គ្រងការងារតាមតួនាទី ភារកិច្ចរបស់ខ្លួន ហើយនេះចាត់ទុកថាជាលក្ខខណ្ឌនៃការគ្រប់គ្រង និងការដឹកនាំ ដែលមិនអាចខ្វះបាន។ ឯកឧត្តម នាយឧត្តមសេនីយ៍ សេង យូអ៊ាន់ អគ្គនាយក នៃអគ្គនាយកដ្ឋានភស្តុភារ និងហិរញ្ញវត្ថុ បានលើកឡើងថា ផែនការសកម្មភាព ឆ្នាំ២០២០ របស់អគ្គនាយដ្ឋានភស្ដុភារ និងហិរញ្ញវត្ថុ ត្រូវបានរៀបចំឡើងធ្វើជាត្រីវិស័យបង្ហាញផ្លូវឲ្យកាន់តែសុក្រឹត […]
សត្វផ្សោតមួយក្បាលប្រទះឃើញងាប់ និងអណ្តែតមកឆ្នេរនៅស្ទឹងហាវ មន្រ្តីជំនាញជលផល បានចុះពិនិត្យមើលត្រីផ្សោត ០១ក្បាល ដែលបានងាប់អណ្តែតមកទើចំណុចឆ្នេរថ្មរាង ស្ថិតភូមិឫទី្ធ១ ឃុំកែវផុស ស្រុកស្ទឹងហាវ ខេត្តព្រះសីហនុ។ តាមការសាកសួរពីប្រជាពលរដ្ឋ ត្រីផ្សោតនោះបានងាប់រយៈពេលប្រហែល ០៧ថ្ងៃហើយដែលមានទម្ងន់ ៦៥គ. ក្រ ប្រវែងដងខ្លួន ១.៧០ម ទទឹង០.៤០សង់ទីម៉ែត្រជាប្រភេទ ផ្សោតក្បាលត្រឡោក(ប្រភេទកំពុងរងគ្រោះថ្នាក់ orcaellabrevirostris lrrawaddy dolphin) មាននៅប្រជុំតំបន់កោះ ឆក ឆ្នេរដទៃទៀតក្នុងខេត្តព្រះសីហនុ ជាប្រភេទសត្វកម្រត្រូវការពារដោយអនុក្រឹត្យលេខ១២៣ អ.ន.ក្រ។ តាមការសន្និដ្ឋាន ត្រីផ្សោតក្បាលត្រឡោកបានងាប់ដោយសារប៉ះស្លាបចក្រ ទូកប្រជានេសាទ ធ្វើឱ្យត្រីផ្សោតនេះងាប់ ហើយមន្រ្តីជំនាញបានធ្វើការកប់។
សមត្ថកិច្ចបង្ក្រាបបទល្មើសគ្រឿងញៀនទូទាំងប្រទេស១៧ករណី ឃាត់ខ្លួនជនសង្ស័យ២៦នាក់ កាលពីម្សិលម៉ិញ ភ្នំពេញ ៖ ជនសង្ស័យចំនួន២៦នាក់(ស្រីម្នាក់) ត្រូវបានសមត្ថកិច្ចឃាត់ខ្លួនក្នុងប្រតិបត្តិការប្រតិបត្តិការបង្ក្រាទបទល្មើសគ្រឿងញៀនចំនួន២៣ករណីទូទាំងប្រទេសនៅថ្ងៃទី២៩ ខែមិថុនានេះ ។ ក្នុងចំណោមជនសង្ស័យទាំង២៦នាក់ មានមុខសញ្ញាជួញដូរគ្រឿងញៀន ចំនួន១៦នាក់ និងប្រើប្រាស់ ១០នាក់ ។ វត្ថុតាងដែលចាប់យកសរុបក្នុងថ្ងៃទី២៩ ខែមិថុនា រួមមាន ៖ មេតំហ្វេតាមីន(ice) = ៣៨,៧ក្រាម និង៣កញ្ចប់ ៕
តំបន់មាត់សមុទ្រ នឹងអាចមានភ្លៀងធ្លាក់ខ្លាំង នឹងរលកខ្ពស់ៗ សេចក្តីជូនដំណឹងរបស់ក្រសួងធនធានទឹក និងឧតុនិយម បានឲ្យដឹងថា ចាប់ពីថ្ងៃទី០១ ដល់ថ្ងៃទី០៧ កក្កដា នៅតំបន់មាត់សមុទ្រ នឹងអាចមានភ្លៀងធ្លាក់ពីមធ្យមទៅខ្លាំង ឯនៅលើផ្ទៃសមុទ្រនឹងអាចមានភ្លៀងធ្លាក់ខ្លាំង និងរលកសមុទ្រខ្ពស់ៗ។ ក្រសួងអំពាវនាវ ឲ្យប្រជានេសាទបង្កើនការប្រុងប្រយ័ត្នខ្ពស់ និងតាមដានអាកាសធាតុ ឲ្យបានម៉ត់ចត់បំផុត មុននឹងចេញដំណើរកំសាន្ត រឺទៅនេសាទ។
សមត្ថកិច្ច ឃាត់ខ្លួនជនសង្ស័យ ៣៩នាក់ ពាក់ព័ន្ធជាមួយករណីគ្រឿងញៀនកាលពីម្សិលមិញ ភ្នំពេញ ៖ ជនសង្ស័យចំនួន៣៩នាក់(ស្រី២នាក់) ត្រូវបានសមត្ថកិច្ចឃាត់ខ្លួនក្នុងប្រតិបត្តិការប្រតិបត្តិការបង្ក្រាទបទល្មើសគ្រឿងញៀនចំនួន១៣ករណីទូទាំងប្រទេសនៅថ្ងៃទី២៨ ខែមិថុនានេះ ។ ក្នុងចំណោមជនសង្ស័យទាំង៣៩នាក់ មានមុខសញ្ញាជួញដូរគ្រឿងញៀន ចំនួន៣០នាក់ និងប្រើប្រាស់៩នាក់ ។វត្ថុតាងចាប់យកសរុប មេតំហ្វេតាមីន(Ice) ស្មើនឹង ៥៥,១៣ក្រាម និង២៧កញ្ចប់តូច៕
ក្រសួងផែនការ រៀបចំប្រព័ន្ធលេខទូរស័ព្ទចំនួន២ខ្សែ ដើម្បីរង់ចាំទទួលដោះស្រាយ ការងារកំណត់អត្តសញ្ញាណកម្មគ្រួសារក្រីក្រ ក្រសួងផែនការ រៀបចំប្រព័ន្ធលេខទូរស័ព្ទចំនួន២ខ្សែ ដើម្បីរង់ចាំទទួលដោះស្រាយ ការងារកំណត់អត្តសញ្ញាណកម្មគ្រួសារក្រីក្រ តាមការស្នើសុំ ក្នុងអំឡុងពេលនៃការរីករាល ដាលជំងឺកូវីដ-១៩។
សមិទ្ធិផលគម្រោងកសាងភាពធន់របស់សហគមន៍ ក្នុងឆ្នាំ២០១៩-២០២០ (ខេត្តកំពង់ស្ពឺ,ថ្ងៃទី២៩ ខែមិថុនា ឆ្នាំ២០២០)៖ លោកស្រី អោម ចាន់ណា នាយិការសាខាកាកបាទក្រហមកម្ពុជាមានប្រសាស ន៍ ក្នុងកិច្ចសំណេះសំណាល និងប្រគល់ សមិទ្ធិផលនានារបស់គម្រោងកសាងភាពធន់ក្នុងសហគមន៍នៅភូមិទឹកចេញ ឃុំត្រែងត្រយឹង ស្រុកភ្នំស្រួច។ លោកស្រីបានគូសបញ្ជាក់ថា÷ សូមឲ្យ តំណាងមន្ទីរពាក់ព័ន្ធ ជាពិសេសគណៈកម្មាធិការគ្រប់គ្រងគ្រោះមហន្តរាយឃុំ ដែលមានមេឃុំជាប្រធានជួយសម្រួលដោះស្រាយបញ្ហាធ្វើយ៉ាងណាឱ្យគ្រប់ចំណុចអណ្ដូងទាំងអស់ ត្រូវមានបំពុងទុយោបញ្ជាទឹកកខ្វក់ ឲ្យឆ្ងាយពីអណ្ដូង និងមានធុងសំរាមតាមគ្រួសារ។ ហើយគ្រួសារណាដែលមិនទាន់សាងសង់ដំបូល និងជញ្ជាំងបង្គន់រួចរាល់ ត្រូវខិតខំធ្វើយ៉ាងណាឲ្យបានរួចរាល់។ សូមបញ្ចប់ការសាងសង់ និងប្រើប្រាស់សមិទ្ធផលនោះ ឱ្យបានត្រឹមត្រូវ ជាពិសេសជំរុញអោយ មានការប្រើប្រាស់ថែទាំ នូវសមិទ្ធិផលទាំងអស់របស់គម្រោងឱ្យមាននិរន្តរភាព។ គួរបញ្ជាក់ផងដែរថា÷ កម្មវិធីកសាងភាពធន់សហគមន៍ ជាកម្មវិធីមួយដែលឧបត្ថម្ភថវិកាដោយកាកបាទក្រហមចិន ក្រោមជំនួយបច្ចេកទេសពីនាយកដ្ឋានគ្រប់គ្រងគ្រោះមហន្តរាយនៃកាកបាទក្រហមកម្ពុជា។ ហើយកម្មវិធីនេះអនុវត្តផ្ទាល់ដោយសាខាកាកបាទក្រហមខេត្តមានរយៈពេល ១៤ ខែក្នុងឆ្នាំ ២០១៩-២០២០ ក្នុងគោលដៅប្រឈមមុខនឹងគ្រោះមហន្តរាយដោយធម្មជាតិក្នុងស្រុកភ្នំស្រួច។ គម្រោងនេះប្រើប្រាស់ថវិកាប្រមាណជាង ១ សែនដុល្លារអាមេរិក លើភូមិគោលដៅចំនួន ១០ ភូមិ អ្នកទទួលផលសរុបមានចំនួន ៤.២១៧នាក់ ស្មើនឹង ១.២៤៩ គ្រួសារ៕
ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីការបរទេ ស និងសហប្រតិបត្តិការអន្តរជាតិ នឹងអញ្ជើញចូលរួមកិច្ច ប្រជុំពិសេសរវាងរដ្ឋមន្ត្រីការបរទេសអាស៊ាន និងអូស្រ្ដាលី ស្ដីពីជំងឺឆ្លងកូវីដ-១៩ តាមប្រព័ន្ធវីដេអូ ដែលនឹងប្រព្រឹត្តទៅនៅថ្ងៃទី៣០ ខែ មិថុនា ឆ្នាំ២០២០។ អាស៊ាន និងអូស្ត្រាលីនិងចែករំលែក បទពិសោធន៍គ្នាទៅវិញទៅមក ស្ដីពីការប្រយុទ្ធប្រឆាំងនឹង Covid-19។
កំពុងអ៊ុតអាប៉ោងក្នុងព្រៃ សមត្ថកិច្ចចូលដល់ឃាត់ខ្លួនបាន៤នាក់ច្រើននាក់ទៀតរត់បាតជើងសព្រាត (ខេត្តកំពង់ស្ពឺ,ថ្ងៃទី២៩ ខែមិថុនា ឆ្នាំ២០២០) ៖ បុរស៤នាក់ដែលញៀនល្បែងអាប៉ោងត្រូវកម្លាំងសមត្ថកិច្ចឆ្មក់ចូលទៅ បង្ក្រាបនៅពេលដែលពួកគេកំពុងអ៊ុតអាប៉ោងនៅចំណុចព្រៃមួយកន្លែង។ឯអ្នកផ្សេងជាច្រើននាក់ទៀតមានសំណាងរត់គេចខ្លួនបាតជើងសព្រាត។ នគរបាលស្រុកបានឲ្យដឹងថាការ ឃាត់ខ្លួននេះធ្វើឡើងកាលពី ម៉ោង ២ និង១០នាទីរសៀល ថ្ងៃទី២៨ ខែមិថុនា ឆ្នាំ ២០២០។ ប្រតិបត្តិការនេះធ្វើឡើងដោយកម្លាំងជំនាញព្រហ្មទណ្ឌ ស្រុក សហការជាមួយកម្លាំងប៉ុស្ដិ៍រលាំងគ្រើល នៅចំណុចព្រៃខាងកើតស្ថិតក្នុងភូមិអង្គតានន,ឃុំរលាំងគ្រើល,ស្រុកសំរោងទង ។ ក្នុងការបង្ក្រាបអ្នកលេងអាប៉ោងនេះ សមត្ថកិច្ច ឃាត់ មនុស្ស ចំនួន ៤ នាក់ ៖ ១- ឈ្មោះ ខៀវ ខ្លី ហៅ ខ្លុយ ភេទ ប្រុស អាយុ ៤០ ឆ្នាំ រស់នៅ ភូមិ ស្ពាន តោ ឃុំ រលាំងគ្រើល ស្រុក សំរោង ទង , ២- ឈ្មោះ យ៉ុ ង ឌឿ ន […]
ផ្ទុះគ្រាប់កាំភ្លេីងធំ១០៥មីលីម៉ែត្រ ស្លាប់បុរសម្នាក់ ដោយ សារកំទេចគ្រាប់ធ្វើអេតចាយ បើតាមហ្វេសប៊ុកផេក ឯកឧត្តម ហេង រតនា អគ្គនាយកស៊ីម៉ាក់បានបញ្ជាក់ឲ្យដឹងថា នៅល្ងាចថ្ងៃ២៨ ខែមិថុនា ឆ្នាំ ២០២០ នៅភូមិត្រពាំងព្រលិត ឃុំជ្រៃលាស់ ស្រុកពញាឮ ខេត្តកណ្តាល មានករណីផ្ទុះគ្រាប់កាំភ្លេីងធំ១០៥មីលីម៉ែត្រ ស្លាប់បុរស អាយុ៥៥ ឆ្នាំជាម្ចាស់ស្តង់ទិញលក់អែតចាយ និងកែឆ្នៃធ្វើឧបករណ៍គ្រឿងបន្លាស់ផេ្សងៗ។ សូមចូលរួមសោកស្តាយជាមួយគ្រួសារសព។ ឯកឧត្តម ហេង រតនា អគ្គនាយកស៊ីម៉ាក់ សូមអំពាវ នាវជាថ្មីចំពោះប្រជាពលរដ្ឋ ជាពិសេសអ្នកប្រកបមុខរបរគ្រឿងអេតចាយ សូមបញ្ឈប់ការយកគ្រប់សំណល់ពីសង្គ្រាមមកកែឆ្នៃ ព្រោះវាខុសច្បាប់និងគ្រោះថ្នាក់ដល់អាយុជីវិតខ្លួនឯងសមាជិកគ្រួសារ និងអ្នកជិតខាង។
អង្គភាពអ្នកនាំពាក្យរាជរដ្ឋាភិបាល នៅថ្ងៃអង្គារ ទី៣០ ខែមិថុនា ឆ្នាំ២០២០ ស្អែកនេះ អង្គភាពអ្នកនាំពាក្យរាជរដ្ឋាភិបាល នៅថ្ងៃអង្គារ ទី៣០ ខែមិថុនា ឆ្នាំ២០២០ ស្អែកនេះ នឹងរៀបចំសន្និសីទសារព័ត៌ មានស្តីពី «វឌ្ឍនភាព និងទិសដៅការងារបន្តរបស់រដ្ឋបាលខេត្តក្រចេះ» ។ ឯកឧត្តមនវ៉ា ថន អភិបាលខេត្តក្រចេះ នឹងអញ្ជើញធ្វើសន្និសីទសារព័ត៌មាន ដោយផ្ទាល់នៅអង្គភាពអ្នកនាំពាក្យ នៃទីស្តីការគណៈរដ្ឋមន្ត្រីនៅថ្ងៃស្អែកនេះ។
ព្រឹត្តិបត្រព័ត៌មាន និងព្យាករណ៍កម្ពស់ទឹក ព្រឹត្តិបត្រព័ត៌មាន និងព្យាករណ៍កម្ពស់ទឹក
ថ្ងៃទី២៨ មិថុនា ម្សិលម៉ិញ សមត្ថកិច្ចរកឃើញមធ្យោ បាយល្មើសចំនួន ៨៥១គ្រឿង ត្រូវបានផាកពិន័យតាមអនុក្រឹត្យលេខ៣៩ នៅទូទាំងប្រទេស ភ្នំពេញ ៖ នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៅថ្ងៃទី២៨ ខែមិថុនា ឆ្នាំ២០២០នេះ បានឲ្យដឹងថា ការរឹតបន្ដឹងច្បាប់ស្ដីពីចរាចរណ៍ផ្លូវគោក រកឃើញមធ្យោបាយល្មើសសរុបចំនួន ៨៥១គ្រឿង ក្នុងនោះមានម៉ូតូចំនួន ៦១៤គ្រឿង ត្រូវបានផាកពិន័យតាមអនុក្រឹត្យលេខ៣៩.អនក្រ.បក នៅទូទាំងប្រទេស ។ ដោយឡែកក្នុងរយៈ ពេល២៨ថ្ងៃ (ចាប់ពីថ្ងៃ១ ដល់ថ្ងទី២៨ ខែមិថុនា) ការរឹតបន្ដឹងការអនុវត្តច្បាប់ស្ដីពីចរាចរ ណ៍ផ្លូវគោក រកឃើញមធ្យោបាយល្មើសសរុបចំនួន ៣១,៦៧៤គ្រឿង ក្នុងនោះមានម៉ូតូចំនួន ២ម៉ឺន ៣ពាន់ ១៦២គ្រឿង ត្រូវបានផាក ពិន័យតាមអនុក្រឹត្យលេខ៣៩ អនក្រ.បក នៅទូទាំងប្រទេស ។ របាយការណ៍ដដែលបានវាយតម្លៃរយៈពេល ២៨ថ្ងៃ នៃខែមិថុនានេះ ឃើញថា ការអនុវត្តតាមអនុក្រឹត្យថ្មីក្នុងការផាកពិន័យយានយន្តល្មើស បានដំណើរការទៅយ៉ាងល្អប្រសើរ ទទួលបានការគាំទ្រ ពិសេសអ្នកប្រើប្រាស់ផ្លូវទាំង អស់ បានចូលរួមគោរពច្បាប់ចរាចរណ៍ យ៉ាងល្អប្រសើរ ៕
ក្រសួងសាធារណៈការគ្រោងនិងអភិវឌ្ឍហេដ្ឋារចនា សម្ព័ន្ធផ្លូវមេចំនួន ៣៨ ខ្សែនៅក្នុងសៀមរាប គម្រោងអភិវឌ្ឍន៍ហេដ្ឋារចនាសម្ព័ន្ធផ្លូវមេចំនួន ៣៨ខ្សែ សរុបប្រវែង ៩៨,៣៤គ.ម ក្នុងក្រុងសៀមរាប ត្រូវបានសិក្សាក្នុងគោលបំណងដើម្បីចូលរួមលើកកម្ពស់វិស័យសេដ្ឋកិច្ច សោភណ្ឌភាពទីក្រុងសៀមរាប ឱ្យសាកសមជាទីក្រុងទេសនចរណ៍វប្បធម៌ និងប្រវត្តិសាស្ត្រ ព្រមទាំងតភ្ជាប់ទីប្រជុំជនក្រុងសៀមរាបទៅតំបន់ដាច់ស្រយាលនៅជាយក្រុង និងជួយសម្រួលការធ្វើដំណើររបស់ប្រជាពលរដ្ឋនិងភ្ញៀវទេស ចរណ៍ក្នុងខេត្តសៀមរាប។ ឯកឧត្តមទេសរដ្ឋមន្ដ្រី ស៊ុន ចាន់ថុល រដ្ឋមន្ត្រីក្រសួង សាធារណការ និងដឹកជញ្ជូន បានអញ្ជើញដឹកនាំកិច្ច ប្រជុំពិភាក្សាជាមួយឯកឧត្តម ទៀ សីហា អភិបាលនៃគណៈអភិបាលខេត្តសៀមរាប លើការងារពាក់ព័ន្ធនឹងការសិក្សាគម្រោងអភិវឌ្ឍហេដ្ឋារចនាសម្ព័ន្ធក្នុងក្រុងសៀមរាប ខេត្តសៀមរាប ដោយមានការអញ្ជើញចូលរួមពីថ្នាក់ដឹកនាំក្រសួង អង្គភាពជំនាញរបស់ក្រសួង និងមន្ទីរពាក់ព័ន្ធជុំវិញខេត្ត។ កិច្ចប្រជុំនេះធ្វើឡើងដើម្បីពិនិត្យ និងសិក្សាទៅលើគម្រោងខ្សែផ្លូវមេចំនួន ៣៨ខ្សែ សរុបប្រវែងប្រមាណ ៩៨,៣៤គ.ម ក្នុងនោះ ផ្លូវពីរគន្លង មានប្រវែងប្រមាណ ៤៤គ.ម និងផ្លូវបួនគន្លង មានប្រវែងប្រមាណ ៥៤គ.ម លាតសន្ធឹងក្នុងសង្កាត់ទាំង១២ របស់ក្រុងសៀមរាប និងមួយផ្នែកនៃស្រុកបាគង ដែលស្ថិតក្នុងគម្រោងអភិវឌ្ឍហេដ្ឋរចនាសម្ព័ន្ធក្នុងក្រុងសៀមរាប។ ឯកឧត្ដមអភិបាលខេត្ត ទៀ សីហា បានឱ្យដឹងថា៖ ខេត្ត សៀមរាប គឺជាខេត្តទេសចរណ៍វប្បធម៌ និងប្រវត្តិសាស្ត្រ ហើយស្ថានភាពហេដ្ឋារចនាសម្ព័ន្ធផ្លូវជាច្រើន ត្រូវធ្វើការជួសជុល […]