SEATV Today News - Seatv24hours

ព័ត៌មានថ្មី

មានវីដេអូរ៖ គ្រោះថ្នាក់ចរាចរណ៍ស្លាប់ ២នាក់ និងរបួសធ្ងន់ស្រាយជាង២០នាក់ (ខេត្តឧត្ដរមានជ័យ,ថ្ងៃទី១០ ខែ មិថុនា ឆ្នាំ២០២០)៖យ៉ាងហោចណាស់ក្មេងប្រុស២នាក់ បានស្លាប់ភ្លាមៗនៅនឹងកន្លែងកើតហេតុ និងមនុស្សប្រុសស្រីក្មេងចាស់ចំនួន ២២នាក់ទៀត បានរងរបួសធ្ងន់ស្រាល កាលវេលាម៉ោង ៥និង៥០នាទីព្រឹក ថ្ងៃទី១០ ខែមិថុនា ឆ្នាំ២០២០ ក្នុងករណីគ្រោះថ្នាក់ចរាចរដែលបង្កឡើងដោយរថយន្តក្រុងដឹកអ្នកដំណើរ ស្ថិតលើកំណាត់ផ្លូវជាតិលេខ៦៧ ចន្លោះបង្គោលគីឡូ(៩៦~៩៧) ត្រង់ចំណុចស្ពានអូរតាម៉េង ស្ថិតនៅភូមិអូរតាមែង ឃុំ-ស្រុកអន្លង់វែង ខេត្តឧត្តរមានជ័យ។ តាមរបាយរណ៍សមត្ថកិច្ចគ្រោះថ្នាក់ចរាចរណ៍រថយន្តក្រុងដឹកអ្នកដំណើរដែលបង្កដោយខ្លួនឯង ជារថយន្តរបស់ក្រុមហ៊ុនអូរខុង បានដឹកអ្នកដំណើរពេលយប់មកពីភ្នំពេញ ឆ្ពោះមកស្រុកអន្លង់វែង និងបន្តដឹកអ្នកដំណើរទៅច្រកអន្តរជាតិអូរស្មាច់ ក្រុងសំរោង ខេត្តឧត្តរមានជ័យ។ របាយការណ៍សមត្ថកិច្ចចរាចរណ៍ស្រុកអន្លង់វែងបានអោយដឹងថា រថយន្តក្រុងអ្នកដំណើរពណ៌ខៀវខ្ចីពាក់ស្លាក់លេខភ្នំពេញ ៣D ២៤២០ ដោយតៃកុងរថយន្តបានរងរបួសធ្ងន់ដោយបាក់ជើងខាងស្តាំ និងបែកមាត់។ ហើយ តាមការសន្និដ្ឋានតៃកុងរថយន្តបានងងុយដេកខណៈដែលរថយន្តដល់ចំណុចកើតហេតុ ក៏ជ្រុលចង្កូតទៅស្តាំដៃ ធ្លាក់ពីលើផ្លូវចូលអូរ បណ្តាលអោយស្លាប់ក្មេងប្រុស ២នាក់ និងមានអ្នកដំណើរបានរងរបួសធ្ងន់ស្រាល សរុបចំនួន ២២ នាក់ទៀត។ ក្រោយពីកើតហេតុសមត្ថកិច្ចជំនាញចរាចរណ៍ស្រុកអន្លង់វែង បានចុះអន្តរាគមន៍ភ្លាមៗ និងស្នើរសុំរថយន្តសង្រ្គោះមន្ទីរពេទ្យបង្អែកស្រុកអន្លង់វែង នាំយកជនរងគ្រោះទៅសង្គ្រោះ។ ដោយឡែកវត្ថុតាងរថយន្តសមត្ថកិច្ចបាននាំយកទៅរក្សាទុកនៅអធិការនគរបាលស្រុកអន្លង់វែង បណ្តោះអាសន្នរងចាំការដោះស្រាយ៕
ក្រសួងមហាផ្ទៃ បន្ដរៀបចំកិច្ចប្រជុំអន្ដរក្រសួង ពិនិត្យ និងពិភាក្សាលើសេចក្ដីព្រាងច្បាប់ ស្ដីពី អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្មលេីផ្នែកទី៥ លោកជំទាវ ចាន់ សុទ្ធាវី រដ្ឋលេខាធិការ ក្រសួងយុត្តិធម៌ និងជាប្រធានក្រុមការងាររៀបចំតាក់តែង សេចក្តី ព្រាងច្បាប់ ស្ដី ពី អត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្មមានប្រសាសន៍ថា ប្រសិនបើគ្មានសេចក្ដីព្រាងដំបូងទេ នឹងគ្មានមូលដ្ឋានយកមកដាក់បញ្ជូលមកពិភាក្សាថ្ងៃនេះដែរ។ ជាការពិតណាស់ នៅក្នុងសេចក្ដីព្រាងច្បាប់នីមួយៗ តែង តែមានចំណុចខ្វះខាត ដើម្បីមកប្រជុំបំពេញបន្ថែម ហើយធ្វើយ៉ាងណាឲ្យសេចក្ដីព្រាងមានប្រសិទ្ធភាពខ្ពស់។ លោកជំទាវ ចាន់ សុទ្ធាវី មានក្ដីសង្ឃឹមថា សេចក្ដីព្រាងច្បាប់ស្ដីពី អត្រានុ កូលដ្ឋាន ស្ថិតិអត្រានុកូលដ្ឋាន និងអត្តសញ្ញា ណកម្ម នឹងបញ្ចប់ឆាប់ៗនេះ ខណៈភាគីពាក់ព័ន្ធ តែងតែរៀបចំបើកកិច្ចប្រជុំពិភាក្សាគ្នារៀងរាល់ថ្ងៃពុធ តាមសប្ដាហ៍នីមួយៗ។ សូមជម្រាបថា ច្បាប់នេះមានគោលបំណងដូចខាងក្រោម ៖ ទី១-ធានាឲ្យមានការចុះបញ្ជីអត្រានុកូលដ្ឋានជាកាតព្វកិច្ច ជាសកលដោយជាប់លាប់ និងជាអចិន្ដ្រៃយ៍។ ទី២-ធានាឲ្យមានការចុះបញ្ជីអត្តសញ្ញាណបុគ្គល ជាសកល ដោយជាប់លាប់ និងជាអចិន្ដ្រៃយ៍។ ទី៣-ធានាថាការចុះបញ្ជីស្នាក់នៅ ជាកាតព្វកិច្ច ជាសកល ដោយជាប់លាប់ និងជាអចិន្ដ្រៃយ៍។ ទី៤-ធានាឲ្យមនុស្សគ្រប់រូបមានអត្តសញ្ញាណខាងផ្លូវច្បាប់ តាមរយៈការចុះបញ្ជីអត្រានុ កូលដ្ឋាន និងការចុះបញ្ជីអត្តសញ្ញាណ ដោយផ្ដល់ចំពោះបុគ្គលម្នាក់ៗ […]
ចំណតក្រោមដីនៅខាងលិចវត្តភ្នំ និងសម្ពោធដាក់ឲ្យប្រើ ប្រាស់នៅពេលដ៏ខ្លីខាងមុខ ចំណតក្រោមដីនៅខាងក្រោមសួនច្បារមិត្តភាពកម្ពុជាថៃនៅខាងលិចវត្តភ្នំ ត្រូវបានស្ថាបនារួចរាល់ទាំងស្រុងហើយ ដោយគ្រោងនឹងសម្ពោធដាក់ឲ្យប្រើប្រាស់នាពេលដ៏ខ្លីខាង មុខនេះ។ នេះជាការផ្សាយទូរទស្សន៍ជាតិកម្ពុជា។ គម្រោងនេះត្រូវបានស្ថាបនាដោយក្រសួង សេដ្ឋកិច្ច និង ហិរញ្ញវត្ថុ និង សាលារាជធានភ្នំពេញ ដោយចំណតក្រោមដីមានពីរជាន់ ជាង៣៤០ចំណត មានបំពាក់ប្រព័ន្ធកាមេរ៉ាសុវត្ថិភាព ប្រព័ន្ធសេនស័រសំរាប់ចំណតឡាន ប្រព័ន្ធអគ្គីភ័យ ជណ្តើរយន្តជនពិការ ប្រព័ន្ធប្រកាសអាសន្ន ផ្លាកសញ្ញាLED សំរាប់សំគាល់ទីតាំងចតនិងគំនូសសញ្ញា ប៉ុស្តិ៍សន្តិសុខ ត្រួត ពិនិត្យ បន្ទប់ទឹកទូទៅ និងបន្ទប់ទឹកជនពិការ ប្រព័ន្ធបឺតផ្សែង រថយន្ត និងពេលផ្សែងពេលមានអគ្គីភ័យ ប្រព័ន្ធបូមទឹកទំនើបកម្ម៕
អង្គភាពអ្នកនាំពាក្យរាជរដ្ឋាភិបាល នឹងរៀបចំសន្និសីទសារព័ត៌មានស្តីពី «វឌ្ឍនភាព និងទិសដៅការងារបន្តរដ្ឋ បាលខេត្តកោះកុង» នៅថ្ងៃព្រហស្បត្តិ៍ ទី១១ ខែមិថុនា ឆ្នាំ២០២០ អង្គភាពអ្នកនាំពាក្យរាជរដ្ឋាភិបាល នឹងរៀបចំសន្និសីទសារព័ត៌មានស្តីពី «វឌ្ឍនភាព និងទិសដៅការងារបន្តរដ្ឋ បាលខេត្តកោះកុង» នៅថ្ងៃព្រហស្បត្តិ៍ ទី១១ ខែមិថុនា ឆ្នាំ២០២០ វេលាម៉ោង៩ៈ៣០នាទីព្រឹក។ លោកជំទាវមិថុនាភូថងអភិបាលខេត្តកោះកុង នឹងអញ្ជើញធ្វើសន្និសីទសារ ព័ត៌មានដោយផ្ទាល់។
កម្ពុជានឹងគិតថ្លៃសេវាចំពោះការធ្វើចត្តាឡីស័ក និងការ ពិនិត្យព្យាបាលអ្នកជំងឺកូវីដ១៩ ពីជនបរទេសដែលចូលមកកម្ពុជា។ កម្ពុជានឹងគិតថ្លៃសេវាចំពោះការធ្វើចត្តាឡីស័ក និងការ ពិនិត្យព្យាបាលអ្នកជំងឺកូវីដ១៩ ពីជនបរទេសដែលចូលមកកម្ពុជា។ បើយោងទៅតាមលិខិតរបស់ក្រសួងសេដ្ឋកិច្ចនិងហិរញ្ញវត្ថុ ចុះថ្ងៃទី៨ ខែមិថុនាកន្លងទៅនេះ។
ឃាត់ខ្លួនជនសង្ស័យ ៥៨នាក់ពាក់ព័ន្ធនឹងគ្រឿងញៀនកាលពីម្សិលមិញ រាជធានីភ្នំពេញ ៖ ជនសង្ស័យចំនួន ៥៨នាក់ (ស្រី២នាក់) ត្រូវបានសមត្ថកិច្ចឃាត់ខ្លួនក្នុងប្រតិបត្តិការប្រតិបត្តិការបង្ក្រាទបទល្មើសគ្រឿងញៀនចំនួន ៣៥ករណីទូទាំងប្រទេសនៅថ្ងៃទី៩ ខែឧសភានេះ ។ ក្នុងចំណោមជនសង្ស័យទាំង៥៨ នាក់ មានមុខសញ្ញាជួញដូរ ២៥ករណី ឃាត់ ៣៨ នាក់(ស្រី ២នាក់) និងប្រើប្រាស់ ១០ករណី ឃាត់ ២០នាក់។ វត្ថុតាងដែលចាប់យកសរុបក្នុងថ្ងៃទី៩ ខែឧសភា រួមមាន ៖ មេតំហ្វេតាមីន(Ice) ចំនួន៤៥,២៨ក្រាម និង៣៩កញ្ចប់តូច៕
ម្សិលមិញគ្រោះថ្នាក់ចរាចរណ៍ទូទាំងប្រទេស ៧លើក ស្លាប់និងរបួសមនុស្ស១១នាក់ រាជធានីភ្នំពេញ ៖ យ៉ាងហោចណាស់មានមនុស្ស ២នាក់(ស្រី ១នាក់)បានស្លាប់ និងរបួសធ្ងន់ ៥នាក់ (ស្រី ១នាក់) របួសស្រាល៤នាក់ (ស្រី ១នាក់) នៅក្នុងហេតុការណ៍គ្រោះថ្នាក់ចរាចរណ៍ដែលកើតឡើងនៅទូទាំងប្រទេសថ្ងៃទី៩ ខែមិថុនា ឆ្នាំ២០២០នេះ ។ យោងតាមទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេសចេញដោយនាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ នៅថ្ងៃទី៩មិថុនានេះ បានបញ្ជាក់ថា គ្រោះ ថ្នាក់ដែលបង្កឲ្យមានមនុស្សស្លាប់ និងរបួសសរុបចំនួន ១១នាក់ គឺកើតឡើងដោយសារប៉ះទង្គិច ចំនួន ៧លើក ៕
ប្រទេសប្រេស៊ីល ហក់ទៅឈរក្នុងលំដាប់លេខ១ នៅលើពិភពលោក ដែលមានមនុស្សស្លាប់ និងមនុស្សឆ្លងវីរុស Covid-19 ច្រើនជាងគេ គិតត្រឹមថ្ងៃពុធនេះ មនុស្សឆ្លងសរុបនៃវីរុស Covid-19 នៅជុំវិញពិភពលោក បានកើនឡើងដល់ ៧,៣១១,៦៦០នាក់ និងមនុស្សចំនួន ៤១២,៩៩៧ នាក់បានបាត់បង់ជីវិត ខណៈដែលអ្នកជំងឺ Covid-19 ចំនួន ៣,៥៩៦,០៩៥នាក់ បានជាសះស្បើយ។ ចំនួនមនុស្សស្លាប់ថ្មី និងមនុស្សឆ្លងថ្មីប្រចាំថ្ងៃនៃវីរុស Covid-19 នៅជុំវិញពិភពលោក នៅតែបន្តកើនឡើងក្នុងអត្រាខ្ពស់ដដែល ដែលក្នុងរយៈពេល ២៤ ម៉ោងចុងក្រោយ គិតត្រឹមថ្ងៃពុធ ទី១០ ខែមិថុនា ឆ្នាំ២០២០ នេះ មនុស្សស្លាប់ថ្មីដោយសារវីរុសនេះ មានចំនួន ៤,៧៥៧ នាក់ និងមនុស្សឆ្លងថ្មី មានចំនួន ១២១,២១៣នាក់ ដែលនេះបើយោងតាម Worldometer ។ ប្រទេសប្រេស៊ីលបានឈរក្នុងលំដាប់លេខ១ នៅលើពិភពលោក ដែលមានមនុស្សស្លាប់ និងមនុស្សឆ្លងវីរុស Covid-19 ប្រចាំថ្ងៃច្រើនជាងគេបំផុត ដែលក្នុងរយៈពេល ២៤ម៉ោងចុងក្រោយ គិតត្រឹមព្រឹកថ្ងៃពុធនេះ ប្រេស៊ីលមានមនុស្សឆ្លងថ្មីនៃវីរុស Covid-19 ចំនួន ៣១,១៩៧នាក់ និងមនុស្សថ្មីចំនួន ១,១៨៥នាក់ បានបាត់បង់ជីវិតដោយសារវីរុសនេះ៕
អាជ្ញាធរជាតិអប្សរា អនុញ្ញាតឱ្យប្រជាពលរដ្ឋជួសជុលនិងសាងសង់សំណង់តូចតាចចំនួន១០៨គ្រួសារក្នុងសប្តាហ៍ទី១នៃខែមិថុនា អាជ្ញាធរជាតិអប្សរា បានអនុញាតឱ្យប្រជាពលរដ្ឋអាចជួស ជុលផ្ទះសម្បែងនិងសាងសង់សំណង់តូចតាចបានចំនួន ១០៨គ្រួសារ នៅក្នុងស្រុកចំនួន៥ ដែលរស់នៅក្នុងតំបន់ការពារបេតិកភណ្ឌនាសប្ដាហ៍ទី១នៃខែមិថុនាឆ្នាំ២០២០។ តាមរបាយការណ៍របស់លេខាធិការដ្ឋានសហគមន៍នៃអាជ្ញា ធរជាតិអប្សរាដែលចេញផ្សាយនៅសប្តាហ៍ទី១ ដើមខែមិថុនា ឱ្យដឹងថា ក្រុមការងារសហគមន៍ បានចុះសម្រប សម្រួលជាមួយប្រជាពលរដ្ឋដើម្បីពិនិត្យ និងដោះស្រាយសំណើស្នើសុំជួសជុលផ្ទះ រួមទាំងសាងសង់តូចតាចនៅតាមភូមិទាំង១១២ក្នុងតំបន់ឧទ្យានអង្គរនៃស្រុកចំនួន៤និងក្រុងមួយ។ ការអនុញ្ញាតលើសំណើសុំជួសជុលផ្ទះ និងសាងសង់សំ ណង់តូចតាចរបស់ប្រជាពលរដ្ឋរួមមាន៥ស្រុក/ក្រុង ដូចជានៅស្រុកបាគងចំនួន៩គ្រួសារ នៅស្រុកអង្គរធំចំនួន ១៤ គ្រួសារ ស្រុកពួកចំនួន២៧គ្រួសារ ស្រុកបន្ទាយ ស្រីចំនួន ១៧គ្រួសារ និងក្រុងសៀមរាបចំនួន៤១ គ្រួសារ សរុបទាំងអស់ចំនួន១០៨គ្រួសារ។ ស្ទើតែរៀងរាល់ថ្ងៃ ប្រជាពលរដ្ឋដែលរស់នៅក្នុងតំបន់ការពារបេតិកភណ្ឌពិភពលោក តែងស្នើសុំជួសជុលផ្ទះឬប្តូរដំបូល ប្តូរជញ្ជាំង ប្តូរសសរ សុំតសំយ៉ាប ជួសជុលជណ្តើរ ជួស ជុលរបងដែលមានស្រាប់ បន្ទប់ក្រោមផ្ទះ ព្រមទាំងសាង សង់សំណង់តូចតាចជាដើម។ ឆ្លើយតបនឹងតម្រូវការនេះ ក្រុមការងារសហគមន៍តែងចុះពិនិត្យ ដោះស្រាយ និងអនុ ញ្ញាតជូនប្រជាពលរដ្ឋជាបន្តបន្ទាប់៕
អាជីវករនៅមុខប្រាសាទអង្គរវត្ត ចំនួនពីររូបទៀត បានស្ម័គ្រ ចិត្តរុះរើសំណង់ នៅព្រឹកថ្ងៃទី១០ ខែមិថុនា ឆ្នាំ២០២០ នេះ អាជីវករនៅមុខប្រាសាទអង្គរវត្ត ចំនួនពីររូបទៀត បានស្ម័គ្រចិត្តរុះរើសំណង់សំណង់ភោជនីយដ្ឋានរបស់ខ្លួនចំនួន២ខ្នង ដើម្បីប្រគល់ទីតាំងជូនអាជ្ញាធរជាតិអប្សរាអភិវឌ្ឍន៍ហេដ្ឋារចនាសម្ពន្ធនិងសម្បទាទេសចរណ៍ ក្នុងការបន្តដាំដេីមឈេីប្រណីត រៀបចំសួនបៃតង ទីលានបដិសណ្ឋារកិច្ច ឱ្យមានបរិស្ថានស្អាត និនិងសណ្តាប់ធ្នាប់របៀបរៀបរយល្អ៕
នាពេលខាងមុខនេះ កម្ពុជានឹងមានស្ពានឆ្លងកាត់ទន្លេ មេគង្គ ក្នុងខេត្តក្រចេះ ថ្លែងនៅក្នុងពិធីសំណេះសំណាល និងសាកសួរសុខទុក្ខមន្ត្រីរាជការ បុគ្គលិក និងកម្មករ និងបំពាក់គ្រឿងឥស្សរយសជូនមន្ត្រីរាជការនៅមន្ទីរសាធារណការ និងដឹកជញ្ជូនខេត្តក្រចេះ ឯកឧត្តម ស៊ុន ចាន់ថុល ទេសរដ្ឋមន្រ្តី រដ្ឋមន្រ្តីក្រសួងសាធារ ណការ និងដឹកជញ្ជូន បានបញ្ជាក់ឲ្យដឹងថា នាពេលខាងមុខននេះ កម្ពុជានឹងមានស្ពានឆ្លងកាត់ទន្លេ មេគង្គក្នុងខេត្តក្រ ចេះ។ ឯកឧត្ដមទេសរដ្ឋមន្ត្រី បានក្រើនរំលឹកពីសមិទ្ធផលនានាដែលក្រសួងសម្រេចបានកន្លងមកទាក់ទងនឹងការផ្ដល់សេវាសាធារណៈតាមរយៈការប្រើប្រាស់ប្រព័ន្ធបច្ចេកវិទ្យាព័ត៌មានវិទ្យា ការផ្តល់នូវសេវាសាធារណៈដោយដើម្បីបង្ខិតសេវាទៅកៀកប្រជាពលរដ្ឋ យន្តការប្រើប្រាស់រថយន្តឆៀកចល័ត សេវាប្តូរបណ្ណបើកបរ សេវាប្តូរ និងពន្យារបណ្ណបើកបរនៅផ្សារអ៊ីអន កម្មវិធីថែទាំផ្លូវ (ROAD CARE Mobile App) ដល់បងប្អូនប្រជាពលរដ្ឋឱ្យបានល្អប្រសើរ ពោលគឺធ្វើឱ្យបានលឿន ធ្វើឱ្យមានប្រសិទ្ធភាព និងតម្លាភាព ជូនប្រជា ពលរដ្ឋ និងបានបង្ហាញពីយុទ្ធសាស្រ្តខ្លះៗដល់មន្ត្រីរាជការ និងយន្តការផ្សេងៗ ទៀតដើម្បីលើកកម្ពស់គុណភាពសេវាសាធារណៈ។ ថ្លែងក្នុងពិធីនេះ ឯកឧត្ដមទេសរដ្ឋមន្ត្រី បានគូសបញ្ជាក់អំពី កត្តាសុខសន្តិភាព និងស្ថិរភាពនយោបាយ ក្រោមការដឹក នាំដ៏ឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាគឺជាកត្តាដ៏សំខាន់មិនអាចខ្វះបាន ក្នុងការទាក់ទាញវិនិយោគិនពីបរទេសបង្កើត ការងារជូនប្រជាពលរដ្ឋ ទាក់ទាញអ្នកទេចរណ៍ ស្វែងរកទីផ្សារលក់កសិផល […]
សម្ដេចតេជោ ដាស់តឿនអោយប្រជាពលរដ្ឋស្ដាប់ការណែនាំក្រសួងសុខាភិបាល ដើម្បីប្រយុទ្ធនឹងជំងឺឆ្លងកូវីដ១៩ ជារៀងរាល់ថ្ងៃសូមបងប្អូនជនរួមជាតិមានការប្រុងប្រយ័ត្នថែរក្សាសុខភាពអោយបានល្អចូលរួមទប់ស្កាត់កុំអោយឆ្លងរោគកូវីដ១៩ ទាំងពីយើងទៅគេ និងពីគេមកយើង។ ជំងឺឆ្លងរលាកផ្លូវដង្ហើមកូវីដ១៩នេះ គឺឆ្លងរាតត្បាតលឿនសាហាវខ្លាំងណាស់។ ដូចបងប្អូនបានឃើញស្រាប់ហើយមានប្រទេ សជាច្រើននៅលើពិភពលោកកំពុងបិទប្រទេសបិទព្រលានមយន្តហោះ បិទសាលារៀនរួមទាំងនៅកម្ពុជាយើងផងដែរ។ ទោះបីកម្ពុជាយើងចំនួនអ្នកបានព្យាបាលជាមានចំនួនច្រើន ហើយអត្រាឆ្លងរោគក៏មិនបានកើនឡើង ខ្លាំងក៏ពិតមែន ប៉ុន្តែមិនត្រូវធ្វេសប្រហែសមើលស្រាលបណ្តែតបណ្តោយខ្លួនអោយងាយរងគ្រោះថ្នាក់ដែរ។ មកទល់ពេលនេះជំងឺឆ្លងកូវីដ១៩ គ្មានថ្មាំព្យាបាលទេ។ អង្គការសុខភាពពិភពលោក (WHO) បានបញ្ជាក់ថានៅលើ ២១៦ប្រទេសគឺមានអ្នកឆ្លងរោគបានកើនឡើងប្រមាណ ៧,០៣៩,៩១៨ នាក់ហើយ ហើយចំនួនអ្នកស្លាប់ក៏បានកើនឡើងប្រមាណ ៤០៤, ៣៩៩នាក់ដែរ។ ដើម្បីទប់ស្កាត់ការឆ្លងរាលដាលជំងឺកូវីដ១៩ សូមបងប្អូនជនរួមជាតិឧស្សាហ៍ដុសលាងសម្អាតដៃជាមួយសាប៊ូ ចឹលឬទឹកអាល់កុល ហើយពាក់ម៉ាសការពារដោយមិនត្រូវខ្មាស់អៀន ឬស្មានៗគិតថាមិនមានអ្វីឆ្លងទេ ឬគិតថាស្រុកយើងសីតុណ្ហភាពក្តៅខ្លាំងអាចសម្លាប់មេរោគកូវីដនេះបាន គឺគិតបែបនេះមិនត្រឹមត្រូវទេ គឺកំពុងប្រថុយខ្លួននឹងជំងឺឆ្លងរាត ត្បាតនេះហើយ។ សំខាន់ពេលនេះត្រូវថែរក្សាសុខភាពខ្លួន ឯង កូនចៅ និងសមាជិកក្នុងគ្រួសារកុំអោយឆ្លងរោគកូវីដនេះ ទោះបីរស់នៅទីក្រុងឬរស់នៅតាមជនបទស្រុកស្រែចម្ការគឺត្រូវតែប្រុងប្រយ័ត្នទាំងអស់គ្នាជាប់ជានិច្ច៕
ពុលស្រាថ្នាំសម្រួលសសៃ និងក្រពះនិងស្រាថ្នាំចិនសែតាំងគុយ ស្លាប់៦នាក់ ,៥នាក់កំពុងសង្គ្រោះ នៅខេត្តបន្ទាយ មានជ័យ យ៉ាងហោចណាស់ក៏មានប្រជាពលរដ្ឋចនួន៦នាក់បានស្លាប់ជាបន្តបន្ទាប់ដោយករណីពុលស្រា ថ្នាំចិនសែ ដែលមានយីហោ តាំងគួយ ។ហេតុការណ៍នេះ បានកើតឡើងនៅវេលាយប់ថ្ងៃទី០៩ខែមិថុនាឆ្នាំ ២០២០ នៅស្រុកម៉ាឡៃ និងក្រុងប៉ោយប៉ែត ខេត្តបន្ទាយមានជ័យ ។ តាមរបាយការណ៍បឋមរបស់សមត្ថកិច្ចនិងអាជ្ញាធរនៅពាក់អាធ្រាត្រចូលថ្ងៃទី៩ខែមិថុនាឆ្នាំ២០២០ អោយ ដឹងថា៖ នៅ២ស្រុក ក្រុង ក្នុងខេត្តបន្ទាយមានជ័យ មានករណីពលរដ្ឋពុលស្រាថ្នាំដាក់យីហោថា “សម្រួលសសៃ និងក្រពះ “និង” ស្រាថ្នាំចិនសែ ” បណ្តាលអោយពលរដ្ឋ៦នាក់បានស្លាប់ និង៥នាក់ទៀតពុលដែរ តែកំពុងសង្គ្រោះបន្ទាន់ ។ ជាមួយនឹងករណីប្រជាពលរដ្ឋពុលស្រានេះ ឯកឧត្តម អ៊ុំ រាត្រី អភិបាលខេត្តបន្ទាយមានជ័យអោយដឹងថា៖ សមត្ថកិច្ចនិងអាជ្ញាធរមូលដ្ឋានរាយការណ៍ថា ពលរដ្ឋ៣នាក់បានស្លាប់នៅក្នុងស្រុកម៉ាឡៃ ។ និងពលរដ្ឋម្នាក់ទៀតនៅក្រុងប៉ោយប៉ែត ក៏បានស្លាប់ដែរ ។ ឯកឧត្តមអភិបាលខេត្តបន្តថា៖ពលរដ្ឋរងគ្រោះបានពុលស្រាថ្នាំដែលច្រកក្នុងដបទឹកសុទ្ធរាងអង្គាញ់ៗចំណុះ១/៣នៃលីត្រ ។ចំណែកលោករ័ត្ន ដាស៊ីណង់ អភិបាលស្រុកមង្គលបូរីអោយដឹងថា ៖ មកទល់ម៉ោង១១យប់ថ្ងៃទី៩ខែមិថុនា ដោយសារផឹកស្រាប្រភេទនេះដែរ ពលរដ្ឋ២នាក់បានស្លាប់ ។គឺនៅឃុំចំណោមម្នាក់ និងឃុំបន្ទាយនាងម្នាក់ ។ ក្នុងនោះគ្រូពេទ្យមន្ទីរពេទ្យបង្អែកខេត្តមិត្តភាពកម្ពុជា ជប៉ុន មង្គលបូរីបាននឹងកំពុងសង្រ្គោះ ៥នាក់ ក្នុងនោះឃុំចំណោម ៣នាក់ […]
ក្រុមប្រឹក្សាអភិវឌ្ឍន៍កម្ពុជាអនុម័តគម្រោងវិនិយោគចំនួន៤ ក្រោមទុនវិនិយោគជាង៦០លានដុល្លារអាមេរិច តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីជាស្ថាពរ ជូនដល់ក្រុមហ៊ុនដូចខាងក្រោម៖ ១-“HUA TE BANG (CAMBODIA) CO., LTD.” គម្រោងបង្កើតរោងចក្រផលិតផលិតផលពីប្លាស្ទីកគ្រប់ប្រភេទ ដែលមានទីតាំងវិនិយោគស្ថិតនៅភូមិត្រពាំងត្រប់ សង្កាត់បឹងធំ ខណ្ឌកំបូល រាជធានីភ្នំពេញ មានទុនវិនិយោគប្រមាណ ២,៨លានដុល្លារអាមេរិក និងអាចបង្កើតការងារបានចំនួន ២១៦កន្លែង។ ២- “PRINTX GP (CAMBODIA) FACTORY CO., LTD.” គម្រោងបង្កើតរោងចក្រផលិតកាបូបគ្រប់ប្រភេទ និងគ្រឿងបន្សំកាបូប ដែលមានទីតាំងវិនិយោគស្ថិតនៅផ្លូវជាតិលេខ៥១ ភូមិត្រពាំងផ្លុង ឃុំដំណាក់រាំង ស្រុកឧដុង្គ ខេត្តកំពង់ស្ពឺ មានទុនវិនិយោគប្រមាណ ៦,៦លានដុល្លារអាមេរិក និងអាចបង្កើតការងារបានចំនួន ១.៤១៤កន្លែង។ ៣-“DIZE (CAMBODIA) NONG YE FAZHAN CO., LTD.” គម្រោងបង្កើតកសិដ្ឋានដាំដំណាំចេក ដែលមានទីតាំងវិនិយោគស្ថិតនៅភូមិមាឃ ឃុំព្រែកកក់ ស្រុកស្ទឹង ត្រង់ ខេត្តកំពង់ចាម មានទុនវិនិយោគប្រមាណ ១៧,៨ […]
កូវីដ-១៩: បុរសជនជាតិខ្មែរ-បារាំង វ័យ៣០ឆ្នាំ បានជា សះស្បើយហើយ អ្នកនាំពាក្យក្រសួងសុខាភិបាលលោកជំទាវ ឱ វណ្ណឌីន បានបញ្ជាក់ឲ្យដឹងថា បុរសជនជាតិខ្មែរ-បារាំង ដែលបានធ្វើ ដំណើរ ពីប្រទេសបារាំងតាមជើងយន្តហោះ សាធារណរដ្ឋកូរ៉េ ដែលបានមកដល់ព្រះរាជាណាចក្រកម្ពុជាកាលពីថ្ងៃ ២៤ ឧសភាកន្លងទៅ បានជាសះស្បើយជំងឺ Covid 19 ហើយ ក្រោយសម្រាប់ព្យាបាលនៅមន្ទីពេទ្យមិត្តភាពខ្មែរសូវៀតមិនដល់មួយសប្តាហ៍ផងនោះ។ គិតមកដល់នាពេល នេះ ចំនួនដែលជាសះស្បើយបានកើនដល់១២៥ នាក់ ពោលគឺនៅសល់ម្នាក់ទៀត ដែលកំពុងសម្រាកព្យាបាល។ បើតាមអ្នកនាំពាក្យក្រសួងសុខាភិបាលនៅថ្ងៃនេះ មិនមានករណីរកឃើញវិជ្ជមានថ្មីនោះទេ៕