Security - Seatv24hours

ព័ត៌មានថ្មី

រថយន្តក្រុងបុកគ្នា សម្លាប់មនុស្ស២០នាក់នៅខេត្តលីម ប៉ូប៉ូ របស់អាហ្វ្រិកខាងត្បូង អាជ្ញាធរបាននិយាយថា ការប៉ះទង្គិចគ្នារវាងរថយន្តដឹកទំនិញ និងរថយន្តក្រុងដឹកកម្មករទៅកាន់អណ្តូងរ៉ែមួយក្នុងខេត្ត Limpopo ភាគខាងជើងប្រទេសអាហ្រ្វិកខាងត្បូង បានសម្លាប់មនុស្សចំនួន២០នាក់។ ក្រុមហ៊ុនសំណង់ Murray & Roberts Cementation បាននិយាយកាលពីថ្ងៃចន្ទថា អ្នកស្លាប់១៧ នាក់ គឺជាកម្មកររបស់ខ្លួន កំពុងត្រូវបានដឹកជញ្ជូនទៅកាន់អណ្តូងរ៉ែ Venetia ក្នុងទីក្រុង Musina ជិតព្រំដែនប្រទេសហ្ស៊ីមបាវ៉េ។ កម្មករ៤នាក់បានរងរបួសក្នុងគ្រោះថ្នាក់កាលពីថ្ងៃអាទិត្យ។ ក្រុមហ៊ុនបាននិយាយថា ខ្លួនកំពុងផ្តល់ជំនួយដល់ក្រុមគ្រួសារនៃអ្នកស្លាប់។ គេនៅមិនទាន់ដឹងថា ជនរងគ្រោះបីនាក់ផ្សេងទៀតជានរណា។ កម្មករត្រូវបានគេរាយការណ៍ថា ត្រូវធ្វើការលើគម្រោងក្រោមដីនៅអណ្តូងរ៉ែ ជាអណ្តូងរ៉ែពេជ្រដ៏ធំបំផុតមួយនៅក្នុងប្រទេស ហើយជាកម្មសិទ្ធិរបស់ក្រុមហ៊ុនរុករករ៉ែយក្ស ដេបៀ (De Beers)។ គួរបញ្ជាក់ថា អាហ្រ្វិកខាងត្បូងមានបណ្តាញផ្លូវថ្នល់ ដែលមានការអភិវឌ្ឍន៍បំផុតមួយនៅទ្វីប ប៉ុន្តែក៏មានកំណត់ត្រាគ្រោះថ្នាក់តាមផ្លូវអាក្រក់បំផុតផងដែរ។ មន្ត្រីចរាចរណ៍នៅតែស្ថិតនៅកន្លែងកើតហេតុនៅដើម្បីស៊ើបអង្កេតរកមូលហេតុ៕
ទីក្រុងស៊ីដនី ចេញបម្រាមហាមប្រេីភ្លើងគ្រប់ប្រភេទ ខណៈរលកកំដៅនិទាឃរដូវ វាយលុកអូស្ត្រាលី ទីក្រុងស៊ីដនី កាលពីថ្ងៃអង្គារបានប្រឈមមុខនឹងការហាមឃាត់ប្រជាជនមិនអោយប្រេីភ្លើងគ្រប់ប្រភេទជាលើកដំបូង ក្នុងរយៈ ពេលជិតបីឆ្នាំ ចាប់តាំងពីខែវិច្ឆិកាឆ្នាំ២០២០ ដោយសីតុណ្ហភាពអតិបរិមាពេលថ្ងៃត្រូវបានគេរំពឹងថានឹងឡើងដល់ ៣៤អង្សាសេ។ សេវាពន្លត់អគ្គីភ័យជនបទនៃរដ្ឋ ញ៉ូយ៍ សៅ វ៉េល (New South Wales) បានប្រកាសនៅព្រឹកថ្ងៃអង្គារថា ការហាមឃាត់ការប្រេីភ្លើងត្រូវបានដាក់សម្រាប់តំបន់ ហ្គ្រេតធឺ សុីដនី (Greater Sydney) និងតំបន់ ហ្វា សៅ ខូស (Far South Coast) ខណៈអត្រាគ្រោះថ្នាក់ដោយសារភ្លើងឡេីងខ្ពស់ ក៏ត្រូវបានព្យាករណ៍ផងដែរ សម្រាប់តំបន់ផ្សេងទៀតក្នុងអំឡុងពេលថ្ងៃ។ សីតុណ្ហភាពខ្ពស់ និងខ្យល់បក់ខ្លាំង គឺជាលក្ខខណ្ឌដ៏ល្អឥតខ្ចោះសម្រាប់ភ្លើងឆេះព្រៃ។ អ្នកពន្លត់អគ្គីភ័យ និងបុគ្គលិកសង្គ្រោះបន្ទាន់ជាង ៥០០ នាក់កំពុងព្យាយាមពន្លត់ភ្លើងចំនួន ៦១ នៅទូទាំងរដ្ឋ ញ៉ូយ៍ សៅ វ៉េល (New South Wales) គិតត្រឹមព្រឹកថ្ងៃអង្គារ ដោយអគ្គិភ័យចំនួន១៣ មិនទាន់រលត់នៅឡើយ នេះបើយោងតាមរបាយ ការណ៍របស់ រ៉យទ័រ។ នៅតំបន់ ហ្វា សៅ ខូស […]
អាមេរិកទិញជីរុស្ស៊ី ក្នុងបរិមាណច្រើនបំផុតចាប់ពីខែមករា ដល់ខែកក្កដា ប្រព័ន្ធផ្សព្វផ្សាយក្នុងស្រុក បានរាយការណ៍កាលពីថ្ងៃអាទិត្យថា សហរដ្ឋអាមេរិកបាននាំចូលជីរុស្សីក្នុងបរិមាណដ៏ច្រើនដែលមានតម្លៃ ៩៤៤ លានដុល្លារពីខែមករា ដល់ខែកក្កដា។ យោងតាមទីភ្នាក់ងារសារព័ត៌ មានរុស្ស៊ី អរ អាយ អេ ណូវូស្ទី (RIA Novosti) បានឱ្យដឹងថា តម្លៃនៃការនាំចេញជីរុស្ស៊ីទៅកាន់សហរដ្ឋ អាមេរិក បានកើនឡើង៥ភាគរយ ក្នុងរយៈពេល ៧ ខែដំបូងធៀបនឹងរយៈពេលដូចគ្នា នៃឆ្នាំមុនដែលមានចំនួន ៩០០ លានដុល្លារ ដែលជាចំនួនកំពូលកាលពីមុន។ ប៉ុន្តែនៅក្នុងខែកក្កដា ការទិញរបស់សហរដ្ឋអាមេរិកបានធ្លាក់ចុះបីដងធៀបនឹងខែមិថុនា ជាកម្រិតទាបបំផុតចាប់តាំងពីខែសីហា ឆ្នាំ ២០២១ ។ ប្រទេសរុស្សី ជាប្រទេសផលិតជីដ៏ធំ គឺជាអ្នកផ្គត់ផ្គង់ធំជាងគេទីពីរដល់សហរដ្ឋអាមេរិក ក្នុងរយៈពេល០៧ ខែដំបូងនៃឆ្នាំនេះ បន្ទាប់ពីប្រទេសកាណាដា។ សហរដ្ឋ អាមេរិក និងប្រទេសលោកខាងលិចមួយចំនួនទៀត បានដាក់របបដាក់ ទណ្ឌកម្មយ៉ាងទូលំទូលាយលើរុស្ស៊ី បន្ទាប់ពីខ្លួនបានចាប់ផ្តើមប្រតិបត្តិការយោធាពិសេស នៅក្នុងប្រទេសអ៊ុយក្រែន ប៉ុន្តែការនាំចេញជីរបស់រុស្ស៊ី ដែលមានចំនួន១៤ ភាគរយនៃពាណិជ្ជ កម្មពិភពលោក មិនត្រូវបានហាមឃាត់ដោយប្រទេសលោក ខាងលិចណាមួយឡើយ៕ ប្រែសម្រួលដោយ រម៉ាម វ៉ុង
អាមេរិក និងអ៊ីរ៉ង់ដោះលែងអ្នកទោស ក្រោយផ្ទេរប្រាក់៦ពាន់លានដុល្លារ អ្នកទោសអាមេរិក ៥ នាក់ និងអ្នកទោសអ៊ីរ៉ង់ ៥ នាក់ត្រូវបានដោះលែង ជាផ្នែកនៃការផ្លាស់ប្តូរអ្នកទោសឋានៈខ្ពស់ ដែលត្រូវបានសម្របសម្រួលដោយកាតា។ អតីត អ្នកជាប់ឃុំជនជាតិអាមេរិករូបនេះ បានដើរចុះពីលើយន្តហោះកាលពីថ្ងៃចន្ទ ទៅកាន់អាកាសយានដ្ឋានអន្តរជាតិ ដូហា ក្នុងរដ្ឋធានីកាតា បន្ទាប់ពីបានមកដល់ទីក្រុងតេអេរ៉ង់។ ក្រោយមកពួកគេបានចេញដំណើរតាមជើងហោះហើរឆ្ពោះទៅកាន់សហរដ្ឋអាមេរិក។ យោងតាមទូរទស្សន៍ Press TV (ប្រេស ធីវី) របស់អ៊ីរ៉ង់បាន ឱ្យដឹងថា ជនជាតិអ៊ីរ៉ង់ពីរនាក់ក្នុង ចំណោមប្រាំនាក់ដែលអាមេរិកបានដាក់ឱ្យជាប់ពន្ធនាគារ គឺបានមកដល់ប្រទេសអ៊ីរ៉ង់ បន្ទាប់ពីធ្វើដំណើរឆ្លងកាត់ប្រទេសកាតា។ ជនជាតិអ៊ីរ៉ង់បីនាក់ផ្សេងទៀត ដែលត្រូវបានគេដោះ លែង បានសម្រេចចិត្តមិនវិលត្រឡប់មកប្រទេសអ៊ីរ៉ង់វិញនោះទេ ដោយក្នុងនោះមានពីរនាក់បន្តនៅអាមេរិក និងម្នាក់ទៀតបន្តទៅប្រទេសទីបី។ កិច្ចព្រមព្រៀងរវាងអាមេរិក និងអ៊ីរ៉ង់ក៏ត្រូវបានធ្វើឡើង ក្រោយទ្រព្យសម្បត្តិចំនួន ៦ ពាន់លានដុល្លាររបស់អ៊ីរ៉ង់ ត្រូវបានកាន់កាប់ក្នុងប្រទេសកូរ៉េខាងត្បូង មិនត្រូវបានបង្កក ដែលធ្វើឲ្យមានការដោះដូររវាងអ្នកទោសទាំងនោះ៕ ប្រែសម្រួលដោយ ៖ មិត្ត មួយហ្គិចUS and Iran release prisoners after $6bn transfer
ប្រទេសឥណ្ឌា ច្រានចោលការចោទប្រកាន់របស់កាណាដា ជុំវិញការសម្លាប់មេដឹកនាំសាសនាស៊ីក ក្រសួងការបរទេសឥណ្ឌា នៅថ្ងៃអង្គារនេះ បានច្រាន ចោលការចោទប្រកាន់របស់រដ្ឋាភិបាលកាណាដា ដែលថាភ្នាក់ងារឥណ្ឌា មានជាប់ពាក់ព័ន្ធនឹងការសម្លាប់មេដឹកនាំសាសនា ស៊ីកកាណាដា កាលពីខែមិថុនា។ ក្រសួងបាននិយាយនៅក្នុងសេចក្តីថ្លែងការណ៍មួយថា ការចោទប្រកាន់អំពីការចូលរួមរបស់រដ្ឋាភិបាលនៃប្រទេសឥណ្ឌា នៅក្នុងអំពើហឹង្សាណាមួយនៅក្នុងប្រទេសកាណាដា គឺមិនសមហេតុផលនោះទេ។ រដ្ឋមន្ត្រីការ បរទេសកាណាដាលោក ស្រី ម៉ាឡានី ជូលី (Melanie Joly) បាននិយាយកាលពីថ្ងៃចន្ទថា ប្រទេសកាណាដា បានបណ្តេញអ្នកការទូតកំពូលឥណ្ឌាម្នាក់ ពីបទជាប់ពាក់ព័ន្ធក្នុងការធ្វើឃាតមេដឹកនាំ ស៊ីករបស់កាណាដា។ ទន្ទឹមនឹងនេះ នាយករដ្ឋមន្ត្រីកាណាដា លោក ចាស្ទីន ទ្រូដូ (Justin Trudeau) បាននិយាយថា ភ្នាក់ងារសន្តិសុខជាតិបច្ចុប្បន្ន កំពុងស៊ើបអង្កេត ការចោទប្រកាន់មួយនេះ ហើយភ្នាក់ងាររបស់រដ្ឋាភិបាលឥណ្ឌា អាចពាក់ព័ន្ធនឹងការសម្លាប់នេះ ៕ ប្រែសម្រួលដោយ រម៉ាម វ៉ុង
សម្តេចធិបតី ស្នើឲ្យពិនិត្យលើភាពអនុគ្រោះថ្លៃអគ្គិសនីទៅដល់សហគ្រាសឧស្សាហកម្ម និងកសិកម្ម នៅក្នុងជំនួបជាមួយនឹងកម្មករជិត ២ម៉ឺននាក់នៅស្រុកបាទី ខេត្តតាកែវ ព្រឹកថ្ងៃទី១៩ ខែកញ្ញា ឆ្នាំ ២០២៣ នេះ សម្ដេចធិបតី ហ៊ុន ម៉ាណែត នាយករដ្ឋមន្ត្រី បានបញ្ជាទៅរដ្ឋមន្ត្រីក្រសួងរ៉ែ និងថាមពល ឲ្យពិនិត្យមើលលើលទ្ធភាពក្នុងការបញ្ចុះថ្លៃអគ្គិសនីកម្រិតណាមួយទៅ ដល់សហគ្រាសឧស្សាហកម្មកសិកម្ម។ សម្ដេចធិបតី ហ៊ុន ម៉ាណែត បានលើកឡើងថា ការគិតគូរបែប នេះនឹងធ្វើឲ្យសហគ្រាសបង្កើនផលិតកម្មរបស់ខ្លួន និងអាចជ្រើសរើសកម្មករបន្ថែមថែមទៀត។
អគ្គលេខាធិការអាស៊ាន អញ្ជើញថ្លែងក្នុងពិធីបើកសប្តាហ៍ថាមពលស្អាតចិន-អាស៊ានលើកទី១ នៅព្រឹកថ្ងៃអង្គារ ៥ កើត ខែភទ្របទ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី ១៩ ខែកញ្ញា ឆ្នាំ២០២៣ នៅទីក្រុងហៃគូ សាធារណរដ្ឋប្រជាមានិតចិន ឯកឧត្តមបណ្ឌិត កៅ គឹមហួន អគ្គលេខាធិការអាស៊ាន បានអញ្ជើញថ្លែងក្នុងពិធីបើកសប្តាហ៍ថាមពលស្អាតចិន-អាស៊ានលើកទី១។ ឯកឧត្តមអគ្គលេខាធិការអាស៊ាន បានចែករំលែកពីសុទិដ្ឋិនិយម ដែលព្រឹត្តិការណ៍នេះនឹងជំរុញឱ្យអាស៊ាន និងចិនពង្រឹងកិច្ចសហការបន្ថែមទៀត ជាពិសេសពាក់ព័ន្ធនឹងការផ្លាស់ប្តូរថាមពលរបស់តំបន់។
សត្វឆ្មាដាវញីមួយក្បាលទៀត គ្រោងដោះលែងបន្ថែមក្នុងព្រៃធម្មជាតិនៃឧទ្យានអង្គរ កាលពីថ្ងៃទី១៣ ខែកញ្ញា ឆ្នាំ២០២៣ គម្រោងដោះលែងសត្វព្រៃក្នុងឧទ្យានអង្គរ ក្រោមកិច្ចសហការរវាងអាជ្ញាធរជាតិអប្សរា រដ្ឋបាលព្រៃឈើភ្នំពេញ និងអង្គការសម្ព័ន្ធមិត្តសត្វព្រៃ (Wildlife Alliance) បានដឹកជញ្ជូនសត្វឆ្មាដាវ(Leopard Cat) ញីមួយក្បាល ពីមជ្ឈមណ្ឌលសង្រ្គោះសត្វព្រៃភ្នំតាម៉ៅ យកមកផ្សាំងក្នុងទ្រុង ដែលក្រុមការងារគម្រោង មានគម្រោងដោះលែងចូលទៅក្នុងព្រៃធម្មជាតិនៃឧទ្យានអង្គនៅពេលខាងមុខ។ តាមរយៈគម្រោងនេះដែរ កន្លងមកគម្រោងទទួលបានជោគជ័យក្នុងការដោះលែងសត្វព្រៃជាច្រើនប្រភេទចូលក្នុងព្រៃធម្មជាតិនៃឧទ្យានអង្គរ មានដូចជា សត្វទោចមកុដ(Pileated gibbon) ចំនួន១៥ក្បាល(កើតកូនបានចំនួន៧ក្បាល) សត្វឈ្លូស(Red muntjac) ចំនួន៦ក្បាល សត្វស្វាព្រាម(Silvered langurs) ចំនួន១២ក្បាល សត្វសំពោចក្រអូប(Common palm civets) ចំនួន៧ក្បាល សត្វភេខ្លួនរលោង(Smooth-coated otter) ចំនួន៨ក្បាល(កើតកូនបានចំនួន៥ក្បាល) សត្វឆ្មាដាវ(Leopard Cat) ចំនួន២ក្បាល កេងកងតូច(Oriental Pied Hornbill) ចំនួន៧ក្បាល កេងកងធំ(Great Hornbill) ចំនួន៦ក្បាល ព្វាំង(Wreathed Hornbill) ចំនួន៧ក្បាល សត្វក្ងោក(Peafowl) ចំនួន៩ក្បាល សត្វអន្សង(Common Water Monitor) ចំនួន១ក្បាល និងសត្វផ្សេងៗមួយចំនួនទៀត […]
សម្ដេចធិបតី អះអាងថា រាជរដ្ឋាភិបាល នឹងបង្កើនឲ្យកាន់មុតស្រួចចំពោះកម្មវិធីនយោបាយ ផ្ដល់ប្រយោជន៍ជូនពលរដ្ឋ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានមានប្រសាសន៏ថា រាជរដ្ឋាភិបាល អាណត្តិទី ៧ នឹងខិតខំបង្កើនឲ្យកាន់មុតស្រួចចំពោះកម្មវិធីនយោបាយ សំដៅផ្ដល់ប្រយោជន៍ជូនប្រជាពលរដ្ឋ ឲ្យកាន់តែប្រសើរថែមទៀត។ ក្នុងឱកាសជួបសំណេះ សំណាលជាមួយកម្មករ-និយោជិតជិត ២ម៉ឺននាក់ នៅក្នុងស្រុកបាទី ខេត្តតាកែវ នាព្រឹកថ្ងៃទី១៩ ខែកញ្ញា ឆ្នាំ២០២៣នេះ សម្ដេចធិបតី ហ៊ុន ម៉ាណែត បានបញ្ជាក់ថា គោលនយោបាយ ដែលគណបក្សប្រជាជនកម្ពុជា បានដាក់ចេញកន្លងមក និងនៅអាណត្តិទី៧នេះ គឺដើម្បីផលប្រយោជន៍ប្រជាពលរដ្ឋ ហើយរាល់ការសន្យារបស់គណបក្សប្រជាជន គឺតែងតែអនុវត្តឲ្យបាន។ សម្ដេចធិបតី ហ៊ុន ម៉ាណែត បានឆ្លើយតបទៅ អ្នករិះគន់ថា គណបក្សប្រជាជនកម្ពុជា ដាក់ចេញកម្មវិធីនយោបាយដដែលៗ គោលនយោបាយដដែលៗ គោល នយោបាយដដែលសម្រាប់ប្រជាពលរដ្ឋ គោល នយោបាយ តែគោលនយោបាយទាំងនោះ បានផ្តល់ផលជាច្រើនសម្រាប់ប្រជាជន។ សម្តេចលើកឡើងថា គោលនយោបាយទាំងនោះ បានផ្តល់ភាពកក់ក្ដៅ ផ្ដល់ការទុកចិត្តហើយ តើយើងដូរទៅណា យើងមានតែរក្សាលំនឹង និងបង្កើនឲ្យកាន់មុតស្រួច ជូនប្រជាពលរដ្ឋ នេះហើយជាការយកចិត្តទុកដាក់ និងការប្ដេជ្ញាចិត្តរបស់គណបក្សប្រជាជនកម្ពុជា។ រាជរដ្ឋាភិបាលកម្ពុជា […]
ក្រុមជួសជុលនៃអាជ្ញាធរជាតិអប្សរា បានរកឃើញមានការសាង សង់ខឿនពីរជាន់នៅរួតទីបី នៃប្រាសាទបាយ័ន ក្រុមអ្នកបច្ចេកទេសនៃអាជ្ញាធរជាតិអអប្សរា បានប្រទះឃើញសំណង់រចនាសម្ពន្ធថ្មីមួយដែលគេពុំធ្លាប់បានដឹងពីមុនមកទាល់តែសោះ គឺការសង់ជញ្ជាំងខឿនថ្មពីរជាន់ត្រួតគ្នានៅរួតទីបីរបស់ប្រាសាទបាយ័ន។ ការប្រទះឃើញសំណង់ដែលខុសប្លែកពីប្រាសាទបុរាណនានាទាំងអស់នេះ គឺក្នុងកំឡុងពេលដែលក្រុមការងារបច្ចេកទេសជួសជុលប្រាសាទកំពុងជួសជុលពង្រឹងរចនាសម្ពន្ធប្រាសាទនៅរួតទីបីនៃប្រាសាទ។ ស្ថាបត្យករ និងជាក្រុមការងារបច្ចេកទេសជួសជុលខឿនរួតទី៣ នៅប្រាសាទ បាយ័ន កញ្ញា ម៉េង សុវណ្ណលីលីន មានប្រសាសន៍ថា នេះជាលើកទី២ហើយ ដែលក្រុមអ្នក បច្ចេកទេសរកឃើញថា មានការសាងសង់ខឿនប្រាសាទបុរាណត្រួតគ្នារហូតដល់ពីរជាន់នៅរួតទីបីនៃប្រាសាទបាយ័នដែល ខុសប្លែកពីសំណង់ប្រាសាទបុរាណនានា ដោយគេឃើញសង់ខឿនមួយជាន់រួចហើយ មានសង់ខឿនមួយទៀតបន្ថែមពីខាង ក្រៅ ព្រមទាំងការប្តូរប្លង់ស្ថាបត្យកម្មក្នុងកំឡុងពេលសាងសង់នោះផង។ ក្រុមអ្នកបច្ចេកទេសបានសង្កេតឃើញថា ខឿនដែលសាងសង់មុន គឺអត់សូវមានក្បាច់រចនាទេ គឺមានតែស្នាមដាប់រំលីងថ្មតែប៉ុណ្ណោះ ចំណែកឯ ខឿនដែលសាងសង់ពង្រីកក្រោយគឺឃើញមានក្បាច់រចនាជាចម្លាក់ពងត្រីយ៉ាងស្អាត។ ក្រុមស្ថាបត្យ ករ បានសន្និដ្ឋានថា ការសាងសង់ខឿនប្រាសាទបុរាណថែមថយបែបនេះ ប្រហែលបណ្តាលមកពីអ្នកសាងសង់មានការផ្លាស់ប្តូរគំនិតនៃការរចនាសំណង់ឱ្យកាន់តែស្អាតជាងមុន។ កញ្ញា សុវណ្ណលីលីន ពន្យល់ទៀតថា ការប្រទះឃើញសំណង់ប្រាសាទបុរាណមានខឿនពីរជាន់នេះ គឺជាប្រវត្តិសាស្ត្រថ្មីមួយទៀត ដែលបានបង្ហាញឱ្យអ្នកសិក្សាស្រាវជ្រាវសំណង់ ស្ថាបត្យកម្មនៅតាមប្រាសាទខ្មែរបុរាណកាន់តែបានស្វែងយល់បន្ថែមទៀត សម្រាប់ការចងក្រងផ្នែកស្ថាបត្យកម្មសម័យអង្គរទុកជាឯកសារឱ្យអ្នកស្រាវជ្រាវជំនាន់ក្រោយ៕
រដ្ឋបាលរាជធានីភ្នំពេញ បានណែនាំដល់គ្រប់ស្ថាប័នរដ្ឋ-ឯកជន រោងចក្រ សហគ្រាស ក្រុមហ៊ុន សាលារៀន មន្ទីពេទ្យ វត្តអារាម វិហារសាសនា និងពលរដ្ឋទាំងអស់ក្នុងរាជធានីភ្នំពេញ វាយជួង រគាំង និងទូងស្គរ វេលាម៉ោង០៧:០០ព្រឹក នៅថ្ងៃទី២០ កញ្ញាខាងមុខ ដើម្បីអបអរសាទរ រមណីយដ្ឋានប្រាសាទកោះកេរ ត្រូវបានចុះក្នុងបញ្ជីបេតិកភណ្ឌពិភពលោកកាលពីថ្ងៃទី១៧ ខែកញ្ញា ឆ្នាំ២០២៣។ រដ្ឋបាលរាជធានីភ្នំពេញ បានណែនាំដល់គ្រប់ស្ថាប័នរដ្ឋ-ឯកជន រោងចក្រ សហគ្រាស ក្រុមហ៊ុន សាលារៀន មន្ទីពេទ្យ វត្តអារាម វិហារសាសនា និងពលរដ្ឋទាំងអស់ក្នុងរាជធានីភ្នំពេញ វាយជួង រគាំង និងទូងស្គរ វេលាម៉ោង០៧:០០ព្រឹក នៅថ្ងៃទី២០ កញ្ញាខាងមុខ ដើម្បីអបអរសាទរ រមណីយដ្ឋានប្រាសាទកោះកេរ ត្រូវបានចុះក្នុងបញ្ជីបេតិកភណ្ឌពិភពលោកកាលពីថ្ងៃទី១៧ ខែកញ្ញា ឆ្នាំ២០២៣។
អគ្គលេខាធិការអាស៊ាន អញ្ជើញថ្លែងក្នុងពិធីបិទកិច្ចប្រជុំកំពូលធុរកិច្ច និងវិនិយោគអាស៊ាន-ចិន លើកទី២ នៅព្រឹកថ្ងៃចន្ទ ៤ កើត ខែភទ្របទ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី១៨ ខែកញ្ញា ឆ្នាំ២០២៣ នៅទីក្រុងណាននីង សាធារណរដ្ឋប្រជាមានិតចិន ឯកឧត្តមបណ្ឌិត កៅ គឹមហួន អគ្គលេខាធិការអាស៊ាន បានអញ្ជើញថ្លែងក្នុងពិធីបិទកិច្ចប្រជុំកំពូលធុរកិច្ច និងវិនិយោគអាស៊ាន-ចិន លើកទី ២០។ ឯកឧត្តមអគ្គលេខាធិការអាស៊ាន បានចែករំលែកពីវិស័យសំខាន់ៗដែលសហគមន៍ធុរកិច្ចអាចដើរតួនាទីសំខាន់ ក្នុងការពង្រឹងកិច្ចសហប្រតិបត្តិការរវាងអាស៊ាន និងចិន ដូចជា ការតភ្ជាប់ច្រវ៉ាក់ផ្គត់ផ្គង់ ឌីជីថលូបនីយកម្ម និងសេដ្ឋកិច្ចបៃតងជាដើម។
គណៈសង្ឃនាយក អំពាវនាវដល់គ្រប់វត្តអារាម វាយជួង រគាំង និងទូងស្គរ ដើម្បីអបអរសាទរ រមណីយដ្ឋានប្រាសាទកោះកេរ ត្រូវបានចុះក្នុងបញ្ជីបេតិកភណ្ឌពិភពលោក គណៈសង្ឃនាយក អំពាវនាវដល់គ្រប់វត្តអារាម ទីសាសនដ្ឋានទូទាំងប្រទេស វាយជួង រគាំង និងទូងស្គរ នៅថ្ងៃទី២០ កញ្ញាខាងមុខ ដើម្បីអបអរសាទរ រមណីយដ្ឋានប្រាសាទកោះកេរ ត្រូវបានចុះក្នុងបញ្ជីបេតិកភណ្ឌពិភពលោក។ គណៈសង្ឃនាយកនៃព្រះរាជាណាចក្រកម្ពុជា បានចេញលិខិតទូលថ្វាយ ប្រគេនដំណឹងដល់សម្ដេចព្រះសង្ឃ ព្រះរាជាគណៈ ព្រះមេគណ ព្រះគ្រូអនុគណ ព្រះចៅអធិការ និងព្រះថេរានុត្ថេរៈគ្រប់ព្រះអង្គ មេត្តាជ្រាបថា ដើម្បីអបអរសាទរទិវាជាប្រវត្តិសាស្ត្រ ដែលគណៈកម្មា ធិការបេតិកភណ្ឌពិភពលោក នៃអង្គការយូណេស្កូ បានសម្រេចជាឯកច្ឆ័ន្ទចុះ រមណីយដ្ឋានប្រាសាទកោះកេរ ទៅក្នុងបញ្ជីបេតិកភណ្ឌពិភពលោក នាថ្ងៃទី១៧ ខែកញ្ញា ឆ្នាំ២០២៣។ គណៈសង្ឃនាយកសូមប្រគេនព្រះមេគណ ព្រះគ្រូអនុគណ ព្រះចៅអធិការត្រៀមរៀបចំវាយជួង រគាំង និងទូងស្គរគ្រប់វត្តអារាម មណ្ឌលវិបស្សនា អាស្រម និងសាលាបុណ្យទូទាំងប្រទេសកម្ពុជាឱ្យបានព្រមៗគ្នា នៅថ្ងៃពុធ ៦កើត ខែភទ្របទ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២០ ខែកញ្ញា ឆ្នាំ២០២៣ វេលាម៉ោង ៧:០០នាទីព្រឹក កុំបីអាក់ខានឡើយ។
អគ្គលេខាធិការអាស៊ាន ស្វាគមន៍កិច្ចសហប្រតិបត្តិការបន្ថែមទៀត ជាមួយចិន ដើម្បីដោះស្រាយការប្រឈមនានា នៅរសៀលថ្ងៃអាទិត្យ ៣ កើត ខែភទ្របទ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី ១៧ ខែកញ្ញា ឆ្នាំ២០២៣ នៅទីក្រុងណាននីង សាធារណរដ្ឋប្រជាមានិតចិន ឯកឧត្តមបណ្ឌិត កៅ គឹមហួន អគ្គលេខាធិការអាស៊ាន បានអញ្ជើញផ្តល់សន្ទរកថា នៅក្នុងវេទិកាកិច្ចសហប្រតិបត្តិការ និងការអភិវឌ្ឍអគ្គិសនីអាស៊ាន-ចិន ឆ្នាំ២០២៣។ ឯកឧត្តមអគ្គលេខាធិការអាស៊ាន បានស្វាគមន៍កិច្ចសហប្រតិបត្តិការបន្ថែមទៀត ជាមួយចិន ដើម្បីដោះស្រាយការប្រឈមនានា ក្នុងការស្វែងរកការតភ្ជាប់ថាមពលទៅវិញទៅមក និងគាំទ្រដល់សន្តិសុខថាមពលរយៈពេលវែងរបស់អាស៊ាន និងការផ្លាស់ប្តូរថាមពលដ៏ត្រឹមត្រូវ។
លិខិតមិត្តអ្នកអាន៖ ការរំកិលសេវាលិខិតឆ្លងដែនដល់កាំជណ្តើរពលករនៅក្រៅប្រទេស ជាយុទ្ធសាស្ត្រដ៏មានប្រសិទ្ធិភាពថ្មីសម្រាប់ពលករដែលគួរតែសាទរ នៅក្នុងជំនួបសំណេះសំណាលជាមួយកម្មករ កម្មការិនីជិត ២ម៉ឺននាក់ នៅខេត្តកំពង់ស្ពឺកាលពីពេលថ្មីៗកន្លងទៅនេះ លោកនាយករដ្ឋមន្ត្រី ហ៊ុន ម៉ាណែត បានប្រកាសអនុញ្ញាតឱ្យសមត្ថកិច្ចពាក់ព័ន្ធ រៀបចំធ្វើលិខិតឆ្លងដែនជូនពលករខ្មែរដែលកំពុងស្នាក់នៅ និងធ្វើការក្នុងប្រទេសកូរ៉េខាងត្បូងដល់ទីតាំងនោះផ្ទាល់តែម្តង ដើម្បីសម្របសម្រួលមធ្យោបាយ កាត់បន្ថយពេលវេលា ការចំណាយរបស់ពលករខ្មែរនៅទីនោះ។ លោក នាយករដ្ឋមន្ត្រីមានប្រសាសន៍គូសបញ្ជាក់ថា លោកបានសម្រេចអនុញ្ញាតឱ្យរៀបចំធ្វើលិខិតឆ្លងដែន (Passport) បាននៅក្រៅប្រទេសតែម្ដង ដោយចាប់ផ្ដើមពីកូរ៉េខាងត្បូងមុនគេ។ តាមរយៈការលើកឡើងរបស់ប្រមុខរដ្ឋាភិបាលដូច្នេះ ត្រូវគេមើលឃើញថាជារបត់មួយថ្មីបន្ថែមទៀតជាពិសេសពាក់ព័ន្ធនឹងវិស័យការងារកម្ពុជា គឺជាលើកដំបូងហើយ ដែលប្រមុខរដ្ឋាភិបាល តាមរយៈក្រសួងការងារ និងបណ្តុះបណ្តាលវិជ្ជាជីវៈ រួមនឹងស្ថាប័នពាក់ព័ន្ធផ្សេងទៀត មានការគិតគូរដល់សុខទុក្ខ និងបញ្ហាចោទរបស់ពលករខ្មែរនៅក្រៅប្រទេស មិនត្រឹមតែកម្មករនៅក្នុងប្រទេសនោះទេ។ ជាទូទៅការដែលប្រមុខរដ្ឋាភិ បាលកម្ពុជាបង្ហាញនូវសុឆន្ទៈដ៏ម៉ោះមុតក្នុងការធ្វើឲ្យប្រសើរឡើងនូវសេវាកម្មធ្វើលិខិតឆ្លងដែនដល់ៗទីកន្លែង ដែលពលករស្នាក់នៅ និងធ្វើការឯក្រៅប្រទេសដូច្នេះ វាជាការឆ្លុះបញ្ចាំងនូវទំនុកចិត្តដ៏ខ្ពស់ និងការយកចិត្តទុកដាក់ដ៏ធំធេងទៅលើតម្លៃនៃកម្លាំងពលកម្ម ខណៈដែលរដ្ឋាភិបាលថ្មីទើបតែចេញដំណើរមិនដល់មួយខែផង។ ជាការពិត ការសម្រេចអនុញ្ញាតឲ្យក្រសួងការងារ ក្រសួងការបរទេស ក្រសួងមហាផ្ទៃរួមនឹងស្ថាប័នពាក់ព័ន្ធសហការគ្នាផ្តល់លិខិតឆ្លងដែនដល់ពលករនៅក្រៅប្រទេសដល់កន្លែងពួកគេធ្វើការតែម្តងនោះ គឺជាគុណសម្បតិមួយដ៏ធំធេង និងជាការផ្តល់ផលប្រយោជន៍ដ៏ក្រាស់ក្រែលសម្រាប់ពលករកម្ពុជា ដែលធ្វើចំណាកស្រុកទៅធ្វើការនៅបរទេស។ តួយ៉ាងដូចជានៅប្រទេសកូរ៉េខាងត្បូងជាដើម ដែលជាការចាប់ផ្តើមមុនគេនេះ គឺពិតជាជួយសម្រួលដល់ពលករខ្មែរដ៏ច្រើនមិនអាចប្រកែកបាន ខណៈពលករខ្មែរនៅកូរ៉េខាងត្បូងប្រមាណ៦ម៉ឺននាក់នឹងទទួលបានអត្ថប្រយោជន៍នេះយ៉ាងពិតប្រាកដ។ ផលប្រយោជន៍ដែលពលករខ្មែរទទួលបាននោះគឺការជួយបង្កើនប្រាក់ចំណូលដល់ពួកគេបន្ថែមទៀត នៅពេលដែលការចំណាយមួយចំនួនរបស់ពលករមិនត្រូវបានបាត់បង់តាមរយៈយន្តការថ្មីរបស់ប្រមុខរដ្ឋាភិបាល។ តាមសភាពជាក់ស្តែងពលករម្នាក់ៗ ដែលកំពុងស្នាក់នៅ និងធ្វើការនៅប្រទេសកូរ៉េ ពិតជាមានភាពចាំបាច់នឹងត្រូវការជំនួយពីរាជរដ្ឋាភិបាល ដោយហេតុថាពួកគេមានការលំបាកក្នុងការធ្វើលិខិតឆ្លងដែនថ្មី ខណៈដែលលិខិតឆ្លងដែនចាស់អស់សុពល […]