SEATV Today News - Seatv24hours

ព័ត៌មានថ្មី

សម្តេចធិបតី ហ៊ុន ម៉ាណែត៖ រាជរដ្ឋាភិបាលគ្រប់អាណត្តិ តែងយកចិត្តទុកដាក់ខ្ពស់លើការអភិរក្សដើម្បីការអភិវឌ្ឍ អភិវឌ្ឍដើម្បីការអភិរក្ស” សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជា ណាចក្រកម្ពុជា នាល្ងាចថ្ងៃទី១៥ ខែធ្នូ ឆ្នាំ ២០២៣ បានអនុញ្ញាតឱ្យ លោកសាស្រ្តាចារ្យបណ្ឌិត Ishizawa Yoshiaki ប្រធានមជ្ឈមណ្ឌលអាស៊ីសិក្សាស្រាវជ្រាវ និងបណ្តុះបណ្តាលធនធានមនុស្ស នៃសាកលវិទ្យាល័យសូហ្វីយ៉ា ចូលជួបសម្តែងការគួរសម និងពិភាក្សាការងារ ក្នុងឱកាសនៃការចូលរួមកិច្ចប្រជុំកំពូលរំឭកខួបអនុស្សាវរីយ៍អាស៊ាន-ជប៉ុន លើកទី៥០ ចាប់ពីថ្ងៃទី១៥-១៩ ខែធ្នូ ឆ្នាំ២០២៣ នៅទីក្រុងតូក្យូ ប្រទេសជប៉ុន ។ លោកសាស្ត្រាចារ្យ Ishizawa Yoshiaki បានសម្តែងនូវក្តីអំណរ ដែលរូបលោកបានចូលរួមក្នុងព្រះរាជពិធី សម្ពោធដាក់ឱ្យប្រើប្រាស់ជាផ្លូវការស្ពានហាលខាងលិចប្រាសាទអង្គរវត្ត កាលពីថ្ងៃទី៤ ខែវិច្ឆិកា ឆ្នាំ២០២៣ កន្លងទៅនេះ។ លោកសាស្ត្រាចារ្យ ក៏បានជម្រាបជូន សម្តេចធិបតី អំពីវឌ្ឍនភាពរីកចម្រើនដែលរូបលោកសាស្ត្រាចារ្យផ្ទាល់ ក៏ដូចជាសាកលវិទ្យាល័យសូហ្វីយ៉ា បានចូលរួមចំណែកក្នុងការងារជួសជុលប្រាសាទ អង្គរវត្ត និងប្រាសាទដ៏ទៃទៀតក្នុងខេត្តសៀមរាប រយៈកាលជាង ៣០ ឆ្នាំ កន្លងមកនេះ ប្រកបដោយមនោសញ្ចេតនាស្រលាញ់ និងកោតស្ញប់ស្ញែងចំពោះទេពកោសល្យរបស់បុព្វបុរសខ្មែរក្នុងការកសាងប្រាសាទ។ ជាងនេះទៅទៀត សាកលវិទ្យាល័យសូហ្វីយ៉ា ក៏បានបើកមជ្ឈមណ្ឌលអាស៊ីសិក្សាស្រាវជ្រាវ និងបណ្តុះ […]
សមាជិកក្រុមហាម៉ាស ជាប់សង្ស័យបួននាក់ ត្រូវបានចាប់ខ្លួននៅអឺរ៉ុបជុំវិញ ការចោទប្រកាន់ពីគម្រោងភេរវកម្ម CNN – រដ្ឋអាជ្ញាសហព័ន្ធរបស់ប្រទេសអាល្លឺម៉ង់បាននិយាយ នៅក្នុងសេចក្តីថ្លែងការណ៍មួយកាលពីថ្ងៃព្រហស្បតិ៍ថា សមាជិកក្រុមហាម៉ាស់ចំនួនបួននាក់ដែលត្រូវបានសង្ស័យថា បានរៀបចំ ផែនការវាយប្រហារភេរវកម្មនៅលើទឹកដីអឺរ៉ុប ត្រូវបានចាប់ខ្លួនដោយអាជ្ញាធរអាល្លឺម៉ង់ និងហូឡង់។ រដ្ឋអាជ្ញាបាននិយាយថា មនុស្សបីនាក់ ត្រូវបានចាប់ខ្លួននៅក្នុងប្រទេសអាឡឺម៉ង់ និងម្នាក់នៅហូឡង់ពីបទសង្ស័យរៀបចំផែនការវាយ ប្រហារលើស្ថាប័នជ្វីហ្វនៅអឺរ៉ុប។ ក្រុមហាម៉ាសត្រូវបានចាត់ថ្នាក់ដោយសហរដ្ឋ អាមេរិក សហភាពអឺរ៉ុប និងប្រទេសផ្សេងទៀតជាអង្គការភេរវករ។ ព្រះរាជអាជ្ញាបាននិយាយថា ក្នុងចំណោមបីនាក់ ដែលត្រូវបានចាប់ខ្លួននៅប្រទេសអាឡឺម៉ង់ មានពីរនាក់ជាជនជាតិលីបង់ និងម្នាក់ជាជនជាតិអេហ្ស៊ីប។ មនុស្ស ត្រូវបានចាប់ខ្លួននៅប្រទេសហូឡង់ត្រូវបានពិពណ៌នាថាជាជនជាតិហូឡង់។ ព្រះរាជអាជ្ញា បានគូសបញ្ជាក់ឈ្មោះដំបូងរបស់បុគ្គលដែលត្រូវបានចាប់ខ្លួន ប៉ុន្តែស្របតាមច្បាប់ឯកជនភាពរបស់អាល្លឺម៉ង់ មិនបង្ហាញនាមត្រកូលរបស់ជនសង្ស័យនោះទេ។ ប្រតិកម្មចំពោះព័ត៌មាននៃការចាប់ខ្លួនពាក់ព័ន្ធនឹងក្រុមហាម៉ាស់ រដ្ឋមន្ត្រីក្រសួង មហាផ្ទៃអាល្លឺម៉ង់ លោកស្រី ណាន់ស៊ី ហ្វាស័រ (Nancy Faeser) បានថ្លែងអំណរគុណដល់អាជ្ញាធរប៉ូលីសអាល្លឺម៉ង់ និងហូឡង់ ដោយបញ្ជាក់ថា វាបង្ហាញថា អាជ្ញាធរសន្តិសុខរបស់យើងមានការប្រុងប្រយ័ត្នខ្លាំង និងធ្វើសកម្មភាពជាប់លាប់៕ ប្រែសម្រួលដោយ ប៊ុន សុភាព
ហុងគ្រី រារាំងថវិកា ៥០ពាន់លានអឺរ៉ូ នៃមូលនិធិសហភាពអឺរ៉ុប សម្រាប់អ៊ុយក្រែន ហុងគ្រីបានរារាំងថវិកា ៥០ពាន់លានអឺរ៉ូ នៅក្នុងជំនួយរបស់សហភាពអឺរ៉ុបសម្រាប់អ៊ុយក្រែន ត្រឹមតែប៉ុន្មានម៉ោងបន្ទាប់ពីកិច្ចព្រមព្រៀងមួយ ត្រូវបានឈានដល់លើការចាប់ផ្តើមកិច្ចពិភាក្សាសមាជិកភាព។ មេដឹកនាំសហភាពអឺរ៉ុបបាននិយាយថា ការចរចាជំនួយនឹងចាប់ផ្តើមឡើងវិញនៅដើមឆ្នាំក្រោយ។ អ៊ុយក្រែនពឹង ផ្អែកយ៉ាងខ្លាំងលើមូលនិធិសហភាពអឺរ៉ុប និងសហរដ្ឋ អាមេរិក ខណៈប្រទេសនេះបន្តប្រយុទ្ធនឹងការកាន់កាប់កម្លាំងរុស្ស៊ី។ ការទប់ស្កាត់ជំនួយនេះត្រូវបានប្រកាសដោយនាយករដ្ឋមន្ត្រីហុងគ្រីលោក វិខធ័រ អរបាន ភ្លាមៗបន្ទាប់ពីមេដឹកនាំសហភាពអឺរ៉ុបបា នសម្រេចចិត្តបើកការចរចាសមាជិក ភាពជាមួយអ៊ុយក្រែន និងម៉ុលដាវី និងផ្តល់ឋានៈបេក្ខជនដល់ហ្សកហ្ស៊ី។ ហុងគ្រី ដែលរក្សាទំនាក់ទំនងជិតស្និទ្ធជាមួយរុស្ស៊ី បានជំទាស់នឹងសមាជិកភាពសម្រាប់អ៊ុយក្រែន ជាយូរមកហើយ ប៉ុន្តែមិនបានវេតូចំពោះចំណាត់ការនេះទេ។ លោក អរបាន បានចាកចេញពីបន្ទប់ចរចាមួយរំពេច ដែលក្រុមមន្ត្រីបានពិពណ៌នាថា ជាការព្រមព្រៀងគ្នាជាមុន និងមានលក្ខណៈស្ថាបនា ខណៈមេដឹកនាំ ២៦ នាក់ផ្សេងទៀតបានបន្តការបោះឆ្នោត។ អ្នកនាំពាក្យប្រធានក្រុមប្រឹក្សាអឺរ៉ុប បាននិយាយថា កិច្ចព្រម ព្រៀងនេះជាឯកច្ឆ័ន្ទ។ ប្រធានាធិបតីអ៊ុយក្រែនលោក បានសាទរចំពោះការសម្រេចចិត្តរបស់សហភាពអឺរ៉ុបស្តីពីការចរចាសមាជិកភាពថាជាជ័យជំនះ។ នៅក្នុងសន្និសីទសារព័ត៌មានមួយនៅព្រឹកព្រលឹមថ្ងៃសុក្រ លោក ម៉ៃខល បានបញ្ជាក់ថា មេដឹកនាំសហភាពអឺរ៉ុបមួយរូបបានយល់ព្រមលើកញ្ចប់ជំនួយ និងសំណើថវិកាកាន់តែទូលំទូលាយសម្រាប់ប្លុកនេះ ទោះបីជាស៊ុយអែតនៅតែត្រូវការពិគ្រោះជាមួយសភារបស់ខ្លួនក៏ដោយ។ អ៊ុយក្រែន ក៏កំពុងស្វែងរកការអនុម័តកញ្ចប់ជំនួយការពារជាតិចំនួន ៦១ ពាន់លានដុល្លារអាមេរិកផងដែរ ប៉ុន្តែការសម្រេចចិត្តនោះក៏ត្រូវបានពន្យារពេល ដោយសារតែមានការខ្វែងគំនិតគ្នាយ៉ាងខ្លាំងរវាងសមាជិកសភាគណបក្សប្រជាធិបតេយ្យ និងគណបក្សសាធារណរដ្ឋ៕ ប្រែសម្រួលដោយ: […]
ប្រទេសជប៉ុននិយាយថា មិនទាន់ដឹងពីមូលហេតុនៅឡើយ នៃការងាប់ត្រីចំនួន ១,២០០តោន នៅលើឆ្នេរសមុទ្រ មន្ត្រីជាន់ខ្ពស់ប្រទេសជប៉ុន បានសារភាពថា ពួកគេបានព្យាយាមក្នុងការកំណត់ថា ហេតុអ្វីបានជា ត្រីរាប់រយតោនងាប់ និងរសាត់មកឆ្នេរសមុទ្រក្នុងរយៈពេលប៉ុន្មានថ្ងៃថ្មីៗនេះ។ កាលពីដើមខែនេះ ត្រីសាឌីន និងត្រីស្បៃកា ប្រមាណ ១.២០០ តោន ត្រូវបានរកឃើញអណ្តែតលើផ្ទៃសមុទ្រ ពីកំពង់ផែនេសាទ ហាកូដេត (Hakodate) ក្នុងកោះហុកកៃដូ ដោយលាតសន្ធឹងជាងមួយគីឡូម៉ែត្រ។ អ្នកនេសាទក្នុងតំបន់នោះបានប្រមូលត្រី ដោយភ័យខ្លាចថា ឆ្អឹងរបស់ត្រីទាំងនោះនឹងបន្ថយបរិមាណអុកស៊ីហ្សែននៃទឹក នៅពេលពួកវារលួយ និងបំផ្លាញបរិស្ថានសមុទ្រ។ យ៉ាងណាមិញ មន្ត្រីជលផលក្នុងស្រុកបានប្រាប់កាសែតថា មូលហេតុគឺមិនទាន់ដឹងនៅឡើយទេទាក់ទងនឹងការងាប់របស់ត្រីទាំងនេះ។ ប៉ុន្តែមន្ត្រីរដ្ឋាភិបាលជប៉ុន បានរិះគន់របាយ ការណ៍មួយនៅក្នុងកាសែតអង់គ្លេស Daily Mail ដែលហាក់ដូចជាភ្ជាប់បាតុភូតនេះ ទៅនឹងការបញ្ចេញទឹក ដែលត្រូវបានព្យាបាលចេញពីរោងចក្រថាមពលនុយក្លេអ៊ែរ ហ្វូគូស្ហីម៉ា ដៃអ៉ីឈី៕ ប្រែសម្រួលដោយ: ជ ង៉ា
មហាសេដ្ឋីហុងកុង Jimmy Lai ប្រឈមមុខនឹងការកាត់ទោសក្រោមច្បាប់សន្តិសុខជាតិ “អយុត្តិធម៌” ការកាត់ក្តីផ្នែកសន្តិសុខជាតិរបស់ឧកញ៉ាប្រព័ន្ធផ្សព្វ ផ្សាយហុងកុង ដែលជាប់ពន្ធនាគារ លោក Jimmy Lai (ជីមមី ឡៃ) នឹងត្រូវចាប់ផ្តើមនៅថ្ងៃចន្ទនេះ គឺមានរយៈពេលជាងមួយឆ្នាំ បន្ទាប់ពីវាត្រូវបានគ្រោងនឹងចាប់ផ្តើមដំបូង ហើយបីឆ្នាំចាប់ តាំងពីគាត់ត្រូវបានជាប់ពន្ធនាគារជាលើកដំបូង។ បុរសអាយុ ៧៦ ឆ្នាំដែលជាជនជាតិអង់គ្លេស ត្រូវបានចោទប្រកាន់ពីបទសម គំនិតក្នុងការឃុបឃិតជាមួយកងកម្លាំងបរទេស និងបោះពុម្ពផ្សាយសម្ភារៈបំភាន់។ ឥស្សរជនលេចធ្លោបំផុតត្រូវបានចោទប្រកាន់ក្រោមច្បាប់សន្តិសុខ ដែលទីក្រុងប៉េកាំងបានដាក់លើទឹកដីក្នុងខែមិថុនាឆ្នាំ ២០២០ លោក Lai ឡៃ ប្រឈម មុខនឹងការជាប់គុកអស់មួយ ជីវិត។ គាត់បាននិយាយថា គាត់មិនមានកំហុសអ្វីលើគ្រប់ការចោទប្រកាន់ទាំងអស់។ កូនប្រុសរបស់គាត់ឈ្មោះ Sebastien (សេបាស្ទីន) ដែលបានធ្វើដំណើរជុំវិញពិភពលោក ដើម្បីទាក់ទាញការយកចិត្តទុកដាក់ចំពោះករណីរបស់ឪពុកគាត់ បានប្រាប់ Al Jazeera ថាគាត់កំពុងព្យាយាមរក្សាភាពសុទិដ្ឋិនិយមមួយចំនួន។កាលពីដើមសប្តាហ៍នេះ លោក Sebastien (សេបាស្ទីន) បានជួបជាមួយរដ្ឋមន្ត្រីការបរទេសចក្រភពអង់គ្លេសដែលទើបតែងតាំង លោក David Cameron ជាអតីតនាយករដ្ឋមន្ត្រី ដែលធ្លាប់មានទំនាក់ទំនងជិតស្និទ្ធជាមួយទីក្រុងប៉េកាំង។ លោក Cameron បានសន្យាថា ចក្រភពអង់គ្លេសនឹង “បន្តឈរជាមួយលោក Jimmy Lai […]
ប្រជាពលរដ្ឋចំនួន ៥៤២គ្រួសារ នៅសង្កាត់ព្រែកប្រា ទទួលបានបណ្ណសមធម៍ និងបណ្ណទទួលរងហានិភ័យ ភ្នំពេញៈ ប្រជាពលរដ្ឋចំនួន៥៤២គ្រួសារដែលមានជីវភាពក្រីក្រ ខ្វះខាតក្នុងជីវភាពរស់នៅ ស្ថិតក្នុងចំណាត់ថ្នាក់ ( ក្រ១ , ក្រ២ ) មកពី៦ភូមិ នៅសង្កាត់ព្រែកប្រា បានទទួលបណ្ណសមធម៍ និងបណ្ណទទួលរងហានិភ័យ ពីអាជ្ញាធរខណ្ឌច្បារអំពៅ សម្រាប់យកទៅប្រើប្រាស់ក្នុងការពិនិត្យព្យាបាលជំងឺផ្សេងៗដោយមិនបង់ប្រាក់ ។ ពិធីប្រគល់-ទទួលបណ្ណនេះបានធ្វើឡើងកាលពីព្រឹកថ្ងៃទី១៥ ខែធ្នូ ឆ្នាំ២០២៣ ក្រោមអធិបតីយភាពលោក ចេង មុនីរ៉ា អភិបាលនៃគណៈអភិបាលខណ្ឌច្បារអំពៅ និងមានការចូលរួមពីលោកគិត សុផល មេបញ្ជាការកងរាជអាវុធហត្ថខណ្ឌច្បារអំពៅ តំណាងលោកអធិការនគរបាលខណ្ឌ , លោកស្រីអភិបាលរងខណ្ឌ ព្រមទាំងមានការចូលរួមពីប្រជាពលរដ្ឋជាង៣០០នាក់ ។ លោកចេង មុនីរ៉ា អភិបាលខណ្ឌច្បារអំពៅ បានមានមតិ សំណេះសំណាលនិងផ្តាំផ្ញើទៅកាន់ប្រជាពលរដ្ឋដូច្នេះថា គោលនយោបាយគាំពារសង្គមនេះត្រូវបានដាក់ចេញឲ្យអនុវត្ត តាំងពី អតីត សម្ដេច អគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រះរាជាណាចក្រកម្ពុជា សំដៅធ្វើយ៉ាងណា លើកកម្ពស់សុខុមាលភាពប្រជាពលរដ្ឋនិងជីវភាពរស់នៅរបស់ប្រជាពលរដ្ឋក្រីក្រ ។ បច្ចុប្បន្ននេះក្រោមការដឹកនាំរបស់សម្ដេចមហាបវរធិបតីហ៊ុន ម៉ាណែតជានាយករដ្ឋមន្ត្រីនៃកម្ពុជា បាននឹងកំពុងអនុវត្តបន្ត ក្នុងគោលដៅរួមតែមួយគឺ លើកកម្ពស់សុខុមាលភាពប្រជាពលរដ្ឋនិងជីវភាពរស់នៅរបស់ប្រជាពលរដ្ឋក្រីក្រ នៅគ្រប់ ខេត្ត ក្រុង រាជធានី ស្រុក […]
ប្រធាន ICAPP÷ គណបក្សប្រជាជនកម្ពុជា បានដើរតួនាទីយ៉ាងសំខាន់ ក្នុងការចូលរួមដឹកនាំស្ថាប័ន ICAPP គណៈប្រតិភូសន្និសីទអន្តរជាតិនៃបណ្តាគណបក្សនយោបាយនៅអាស៊ី (ICAPP) ដឹកនាំដោយ ឯកឧត្តម ជុង អ៊ីយ៉ុង ប្រធាន ICAPP បានមកបំពេញទស្សនកិច្ចនៅកម្ពុជា នៅថ្ងៃទី១២-១៥ ខែធ្នូ ឆ្នាំ២០២៣ ដើម្បី ពិភាក្សាអំពី “ការរៀបចំទទួលធ្វើជាម្ចាស់ផ្ទះនៃមហា សន្និបាត ICAPP លើកទី១២ របស់គណបក្ស ប្រជា ជនកម្ពុជា នៅខែវិច្ឆិកា ឆ្នាំ២០២៤។ គណៈប្រតិភូបានជួបសម្តែងការគួរសមជាមួយនឹង សម្តេចអគ្គមហា សេនាបតីតេជោ ហ៊ុន សែន ប្រធានគណបក្សគណបក្សប្រជាជនកម្ពុជា សម្ដេចមហារដ្ឋសភាធិការធិបតី យួន សុដារី ប្រធានរដ្ឋសភា និងជាអនុប្រធាន ICAPP និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងជាអនុប្រធានគណបក្ស។ ឯកឧត្ដម ជុង អ៊ីយ៉ុង បានគូសបញ្ជាក់ថា ចាប់ពីថ្ងៃបង្កើត ICAPP នៅឆ្នាំ២០០០ ក្នុងសភាពការណ៍ពិភពលោកនៃការប្រកួតប្រជែងភូមិសាស្ត្រនយោបាយដ៏ស្រួចស្រាល់។ គណបក្សប្រជាជនកម្ពុជា បានដើរតួនាទីយ៉ាងសំខាន់ ក្នុងការចូលរួមដឹកនាំស្ថាប័ន ICAPP ក៏ដូចជាក្រុមប្រឹក្សាវប្បធម៌អាស៊ី (ACC) របស់ […]
យ៉ាងហោចណាស់សត្វដំរីចំនួន ១០០ ក្បាលបានស្លាប់នៅក្នុងប្រទេសហ្ស៊ីមបាវ៉េ ដោយសារគ្រោះរាំងស្ងួត CGTN÷ ក្រុមសុខុមាលភាពសត្វអន្តរជាតិបាននិយាយកាលពីថ្ងៃចន្ទថា យ៉ាងហោចណាស់សត្វដំរីចំនួន ១០០ក្បាលបានងាប់ នៅក្នុងឧទ្យានជាតិដ៏ធំបំផុតរបស់ប្រទេសហ្ស៊ីមបាវ៉េ ខណៈប្រភពទឹកបានរីងស្ងួត។ មូលនិធិអន្តរជាតិសម្រាប់សុខុមាលភាពសត្វ (IFAW) បាននិយាយថា រដូវប្រាំង បានអូសបន្លាយយូរ ដោយកាត់បន្ថយប្រភពទឹកដ៏សម្បូរបែបទៅជាភក់ នៅក្នុងឧទ្យានជាតិ ហាវ៉េណេ។ មូលនិធិអន្តរជាតិសម្រាប់សុខុមាលភាពសត្វ បាននិយាយនៅក្នុងសេចក្តីថ្លែង ការណ៍មួយថា យ៉ាងហោច ណាស់ដំរីចំនួន ១០០ ក្បាលត្រូវបានរាយការណ៍ថា បានងាប់រួចដោយសារតែខ្វះទឹក។ ហាវ៉េណេ គ្របដណ្តប់លើផ្ទៃដីជាង ១៤,៦០០ គីឡូម៉ែត្រការ៉េ និងជាជម្រកសត្វដំរីប្រហែល ៤ម៉ឺន ៥,០០០ក្បាល។ IFAW បានបន្តថា ទោះបីជាមានអណ្តូងថាមពលពន្លឺព្រះអាទិត្យចំនួន ១០៤ ក៏ដោយ អាជ្ញាធរឧទ្យានបាននិយាយថា វាមិនគ្រប់គ្រាន់ទេ ត្បិតសីតុណ្ហភាពក្តៅ ធ្វើឱ្យប្រភពទឹកបាត់បង់ បង្ខំឱ្យសត្វព្រៃដើរផ្លូវឆ្ងាយដើម្បីស្វែងរកអាហារ និងទឹក។ នៅក្នុងខែកញ្ញា ឧទ្យាន និងអាជ្ញាធរគ្រប់គ្រងសត្វព្រៃ Zimbabwe បានរាយការណ៍ថា “សត្វជាច្រើន” បានផ្លាស់ប្តូរពីឧទ្យានជាតិទៅកាន់ប្រទេសជិតខាង Botswana ក្នុងការស្វែងរកទឹក និងអាហារ៕ ប្រែសម្រួលដោយ រម៉ាម វ៉ុង
មហាសន្និបាតអង្គការសហប្រជាជាតិ បោះឆ្នោតគាំទ្រយ៉ាងលើសលប់ចំពោះបទឈប់បាញ់ នៅតំបន់ហ្កាហ្សា មហាសន្និបាតអង្គការសហប្រជាជាតិ (UNGA) ដែលមានសមាជិកចំនួន ១៩៣ នាក់ បានបោះឆ្នោតគាំទ្រយ៉ាងលើសលប់ ចំពោះដំណោះស្រាយ ដោយអំពាវនាវឱ្យមានបទឈប់បាញ់មនុស្សធម៌ នៅក្នុងតំបន់ហ្កាហ្សាកំពុងហែកហួរដោយសង្រ្គាម។ ដំណោះស្រាយកាលពីថ្ងៃអង្គារ បានអនុម័ត ដោយមានប្រទេសចំនួន ១៥៣ បោះឆ្នោតគាំទ្រ២៣ អនុប្បវាទ និង ១០ប្រទេសបោះ ឆ្នោតប្រឆាំង រួមទាំងអ៊ីស្រាអែល និងសហរដ្ឋអាមេរិក។ លោក Abdulaziz Alwasil (អាប់ឌុល ឡាស៊ីស អាល់វ៉ាស៊ីល) ឯកអគ្គរដ្ឋទូតអារ៉ាប៊ីសាអូឌីតប្រចាំអង្គការសហប្រជាជាតិ បាននិយាយនៅក្នុងសុន្ទរកថាបន្ទាប់ពីការបោះឆ្នោតថា “យើងសូមអរគុណអ្នកទាំង អស់ ដែលបានគាំទ្រសេចក្តីព្រាងដំណោះ ស្រាយទើបតែត្រូវបានអនុម័តដោយភាគច្រើន។ «នេះឆ្លុះបញ្ចាំងពីជំហរអន្តរជាតិក្នុងការអំពាវនាវឲ្យមានការអនុវត្តនូវដំណោះស្រាយនេះ»។ ការបោះឆ្នោតនេះកើតឡើងខណៈសម្ពាធអន្តរជាតិ បង្កើនលើអ៊ីស្រាអែល ដើម្បីបញ្ចប់ការវាយប្រហារ អស់រយៈពេលជាច្រើនខែ របស់ខ្លួនលើតំបន់ហ្កាហ្សា ដែលមានជនជាតិប៉ាឡេស្ទីនជាង ១៨,០០០ នាក់ត្រូវបានសម្លាប់ ភាគច្រើនជាស្ត្រី និងកុមារ។ ក្នុងនោះជាង ៨០ភាគរយនៃអ្នកស្រុក ២.៣ លាននាក់នៅហ្កាហ្សាក៏ត្រូវបានផ្លាស់ទីលំនៅផងដែរ៕ ប្រែសម្រួលដោយ ៖ មិត្ត មួយហ្គិច
លោក ពូទីន ពិនិត្យនាវាមុជទឹកនុយក្លេអ៊ែរថ្មី របស់រុស្ស៊ី ដោយនិយាយថា នឹងត្រូវដាក់ឱ្យដំណើរការបន្ថែមទៀត BBC៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានសន្យាថា នឹងពង្រឹងសមត្ថភាពកងទ័ពជើងទឹករបស់រុស្ស៊ី បន្ទាប់ពីប្រទេសនេះ បានសម្ពោធនាវាមុជទឹកនុយក្លេអ៊ែរថ្មីចំនួនពីរ។ លោកពូទីនបានធ្វើដំណើរទៅ កាន់ទីក្រុងភាគខាងជើងនៃ សេវវឺរ៉ូវីន ដើម្បីមើលនាវាអធិរាជ អាឡិចសាន់ឌឺ ទី៣ (Alexander III) និងក្រាសស្នូយ៉ាស (Krasnoyarsk) នៅទីធ្លាសាងសង់កប៉ាល់ សេវម៉ាស (Sevmash) ដែលត្រូវបានសាង សង់ក្នុងរយៈពេលប្រាំមួយឆ្នាំកន្លងមកនេះ។ នាវាមុជ ទឹកទាំងពីរគ្រឿង គ្រោងនឹងចូលរួមជាមួយកងនាវាប៉ាស៊ីហ្វិករបស់រុស្ស៊ី។ លោក ពូទីន បានប្រាប់មន្ត្រី និងមន្ត្រីកងនាវាចរក្នុងពិធីនោះថា “ជាមួយនឹងនាវា និងសព្វាវុធបែបនេះ រុស្ស៊ីនឹងមានអារម្មណ៍ថា មានសុវត្ថិភាព។ អធិរាជ អាឡិចសាន់ឌឺ ទី ៣ គឺជាផ្នែកមួយនៃនាវាមុជទឹក ដើរដោយថាមពលនុយក្លេអ៊ែរ បូរី (អាកទិក ខ្យល់) បំពាក់ដោយកាំជ្រួចមីស៊ីលឆ្លងទ្វីប ប៊ូឡាវ៉ា ចំនួន ១៦ គ្រាប់។ ក្រាស់ស្នូយ៉ាស (Krasnoyarsk) ជាកម្មសិទ្ធិរបស់នាវាមុជទឹកពហុគោលបំណង យ៉ាសេន ដោយបំពាក់ដោយមីស៊ីលរយៈចម្ងាយឆ្ងាយ និងមានភាពជាក់លាក់ខ្ពស់។ […]
នាយករដ្ឋមន្រ្តីចក្រភពអង់គ្លេស ឈ្នះការបោះឆ្នោតសភា លើការនិរទេសអ្នកស្វែងរកសិទ្ធិជ្រកកោនទៅប្រទេសរ៉វ៉ាន់ដា Al Jazeera ៖ ច្បាប់នៃគ្រាអាសន្ន របស់នាយករដ្ឋមន្រ្តីអង់គ្លេស Rishi Sunak ដើម្បីស្តារផែនការរបស់គាត់ក្នុងការបញ្ជូនអ្នកស្វែងរកសិទ្ធិជ្រកកោនទៅប្រទេស រ៉វ៉ាន់ដា (Rwanda) ទទួលបានជោគជ័យ នៅក្នុងសភា ដោយរួចផុតពីការប្រឆាំង ដោយសមាជិកសភាជាច្រើនរូបរបស់គាត់។ លោក Sunak បានកំណត់កេរ្តិ៍ឈ្មោះរបស់គាត់លើយុទ្ធសាស្ត្រ បើទោះបីជាមានការព្រមាននៅគ្រប់ដំណាក់កាលថា វានឹងមិនដំណើរការក៏ដោយ ក៏ផែនការនេះ បានឈ្នះការបោះឆ្នោតលើកដំបូងលើផែនការនេះនៅក្នុងសភាដោយសំឡេង ៣១៣ទល់ នឹង ២៦៩ កាលពីថ្ងៃអង្គារ បន្ទាប់ពីការចរចាចុងក្រោយ នៅក្នុងសភា។ ទន្ទឹមនោះ ទោះបីទទួលបានជ័យជម្នះក៏ដោយ លទ្ធផលបានបង្ហាញថា នាយករដ្ឋមន្ត្រីកំពុងតស៊ូ ដើម្បីរក្សាការគ្រប់គ្រងលើគណបក្សរបស់ខ្លួន។ ក្រុមអ្នកអភិរក្សកម្រិតមធ្យម បាននិយាយថា ពួកគេនឹងមិនគាំទ្រសេចក្តីព្រាងច្បាប់នេះទេ ប្រសិនបើវាមានន័យ ថា ចក្រភពអង់គ្លេសនឹងរំលោភលើកាតព្វកិច្ចសិទ្ធិ មនុស្សរបស់ខ្លួន៕ ប្រែសម្រួលដោយ: ជ ង៉ា
រដ្ឋសភាបោះឆ្នោតទុកចិត្ត លើសមាសភាពថ្នាក់ដឹកនាំគណៈ កម្មាធិការជាតិរៀបចំការបោះឆ្នោតអាណត្តិថ្មី នៃនីតិកាលទី៧ រដ្ឋសភា ចំនួន៩រូប សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា នាព្រឹកថ្ងៃពុធ ទី១៣ ខែធ្នូ ឆ្នាំ២០២៣ បានដឹកនាំបន្តសម័យប្រជុំរដ្ឋសភា លើកទី១ នីតិកាលទី៧ ដើម្បីបោះឆ្នោតទុកចិត្តសមាសភាពគណៈកម្មាធិការជាតិរៀបចំការបោះឆ្នោត ដោយរដ្ឋសភា នីតិកាលទី៧ ចំនួន ៩រូប ។ អង្គប្រជុំរដ្ឋសភា បានបោះឆ្នោតជូន ឯកឧត្តម ប្រាជ្ញ ចន្ទ ជាប់ជាប្រធានគណៈកម្មាធិការជាតិរៀបចំការបោះឆ្នោត ឯកឧត្តម ជឺ ចំណាន ជាអនុប្រធានគណៈកម្មាធិការជាតិរៀបចំការបោះឆ្នោត និងសមាជិកគណៈកម្មាធិការជាតិរៀបចំការបោះឆ្នោត ចំនួន ៧រូបទៀត គឺ ឯកឧត្តម មាន សទិ ឯកឧត្តម ឌឹម សុវណ្ណារុំ ឯកឧត្តម សោម សូរីដា ឯកឧត្តម ហេង ស៊ីឡេង ឯកឧត្តម យិច សមិទ្ធិ ឯកឧត្តម ហ៊ែល សារ៉ាត់ និងឯកឧត្តម ហង្ស ពុទ្ធា។ សមាសភាពថ្នាក់ដឹកនាំគណៈកម្មាធិការជាតិរៀបចំការបោះឆ្នោតថ្មីនៃនីតិកាលទី៧រដ្ឋសភានេះ ត្រូវធ្វើសច្ចាប្រណិធាននៅព្រះបរមរាជវំាងជាមុនសិន មុនចូលកាន់តំណែង។ […]
អូស្ត្រាលីកាត់បន្ថយ ការទទួលយកអន្តោប្រវេសន៍ពាក់កណ្តាល និងពង្រឹងការធ្វើតេស្តភាសាអង់គ្លេសសម្រាប់សិស្ស រដ្ឋាភិបាលអូស្ត្រាលីនិយាយថា ខ្លួននឹងកាត់បន្ថយចំនួនការធ្វើចំណាកស្រុកពាក់កណ្តាលរយៈពេល ២ ឆ្នាំក្នុងបំណងកែប្រែប្រព័ន្ធអន្តោប្រវេសន៍ របស់ប្រទេស។ គេមានគោលបំណងកាត់បន្ថយការទទួលយកប្រចាំឆ្នាំដល់ទៅ ២៥០,០០០ ប្រហាក់ប្រហែលនឹងកម្រិតមុនការរាតត្បាត នៅខែមិថុនាឆ្នាំ ២០២៥។ ច្បាប់ទិដ្ឋាការសម្រាប់និស្សិតអន្តរជាតិ និងកម្មករដែលមានជំនាញទាបក៏នឹងត្រូវរឹតបន្តឹងក្រោមផែនការថ្មីផងដែរ។ ការធ្វើចំណាកស្រុក បានកើនឡើងដល់កម្រិតកំណត់ត្រានៅក្នុងប្រទេសអូស្ត្រាលី ដោយបន្ថែមសម្ពាធដល់បញ្ហាលំនៅដ្ឋាន និងហេដ្ឋារចនាសម្ព័ន្ធ។ ប៉ុន្តែនៅមានការខ្វះខាតកម្មករជំនាញ ហើយប្រទេសនេះក៏កំពុងព្យាយាមទាក់ទាញពួកគេ។ ដោយបង្ហាញពីយុទ្ធសាស្ត្រអន្តោប្រវេសន៍ថ្មីរយៈពេល ១០ ឆ្នាំ នៅឯសន្និសីទសារព័ត៌មានមួយកាលពីថ្ងៃចន្ទ រដ្ឋមន្ត្រីក្រសួង មហាផ្ទៃ Clare O’Neil (ឃ្លែរ អូនៀល) បាននិយាយថា ប្រព័ន្ធចំណាកស្រុកត្រូវបានទុកចោលយ៉ាង “គ្មានសណ្តាប់ធ្នាប់” ដោយរដ្ឋាភិបាលមុន។ ការពិនិត្យឡើងវិញកាលពីដើមឆ្នាំនេះបានរកឃើញថា ប្រព័ន្ធនេះត្រូវបាន “ខូចយ៉ាងធ្ងន់ធ្ងរ” ស្មុគស្មាញ, យឺតនិងគ្មានប្រសិទ្ធភាព ហើយត្រូវការធ្វើ “កំណែទម្រង់ធំ”។ ក្នុងចំណោមវិធានការថ្មី គឺមានតម្រូវការភាសាអង់គ្លេសអប្បបរមាកាន់តែតឹងរ៉ឹង សម្រាប់និស្សិតអន្តរជាតិ និងការត្រួតពិនិត្យបន្ថែមទៀត លើអ្នកដាក់ពាក្យសុំទិដ្ឋាការទីពីរ ពួកគេត្រូវតែបញ្ជាក់ថា ការសិក្សាបន្ថែមណាមួយនឹងជំរុញសេចក្តីប្រាថ្នាសិក្សារបស់ពួកគេ ឬអាជីពរបស់ពួកគេ។ យោងតាមទិន្នន័យផ្លូវការបានឱ្យដឹងថា មាននិស្សិតបរទេសប្រមាណ ៦៥០,០០០ នាក់នៅក្នុងប្រទេសអូស្ត្រាលី ដោយពួកគេភាគច្រើនមានទិដ្ឋាការទីពីររបស់ពួកគេ៕ ប្រែសម្រួលដោយ ៖ មិត្ត […]
អគ្គលេខាធិការអាស៊ាន អញ្ជើញផ្តល់សន្ទរកថាបើកក្នុងពិធីចុះហត្ថលេខាលើអនុស្សារណៈយោគយល់គ្នារវាងក្រុមហ៊ុន Huawei Technology ជាមួយមូលនិធិអាស៊ាន នៅព្រឹកថ្ងៃអង្គារ ១៥ រោច ខែកត្តិក ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី ១២ ខែធ្នូ ឆ្នាំ២០២៣ នៅលេខាធិការដ្ឋានអាស៊ាន ប្រចាំនៅទីក្រុងហ្សាការតា សាធារណរដ្ឋឥណ្ឌូណេស៊ី ឯកឧត្តមបណ្ឌិត កៅ គឹមហួន អគ្គលេខាធិការអាស៊ាន បានអញ្ជើញផ្តល់សន្ទរកថាបើក ក្នុងពិធីចុះហត្ថលេខាលើអនុស្សារណៈយោគយល់គ្នារវាងក្រុមហ៊ុន Huawei Technology ជាមួយមូលនិធិអាស៊ាន និងជាមួយមជ្ឈមណ្ឌលអាស៊ានសម្រាប់ថាមពល ។ ការចុះហត្ថលេខានេះ គឺដើម្បីបន្តកិច្ចសហការស្តីពីការផ្តល់អំណាចដល់យុវជន ក៏ដូចជា ផ្តោតលើបរិវត្តកម្មថាមពលប្រកបដោយចីរភាពផងដែរ។
ចំនួនអ្នកស្លាប់ ដោយទឹកជំនន់ នៅសូម៉ាលី កើនឡើងដល់ ១១៨ នាក់ CGTN÷ ទីភ្នាក់ងារមនុស្សធម៌របស់អង្គការសហ ប្រជាជាតិ បាននិយាយថា ចំនួនអ្នកស្លាប់ដោយសារគ្រោះទឹកជំនន់ បង្កឡើងដោយបាតុភូត អែល នីណូ (El-Nino) នៅក្នុងប្រទេសសូម៉ាលី បានកើនឡើងដល់ ១១៨ នាក់ ខណៈទឹកកំពុងស្រក ក្នុងតំបន់ជាច្រើន និងកាត់បន្ថយហានិភ័យផងដែរ។ការិយាល័យអង្គការសហ ប្រជាជាតិសម្រាប់ការសម្របសម្រួលកិច្ចការមនុស្សធម៌ (OCHA) បាននិយាយថា ភ្លៀងបានធ្លាក់ចុះនៅក្នុងតំបន់ជាច្រើន នៃប្រទេសសូម៉ាលី ជាមួយនឹងស្ថានភាពស្ងួត នៅទូទាំងប្រទេសកាលពីសប្តាហ៍មុន។ OCHA បាននិយាយនៅក្នុងរបាយការណ៍ចុងក្រោយរបស់ខ្លួន ស្តីពីស្ថានភាពទឹកជំនន់ កាលពីល្ងាចថ្ងៃ អាទិត្យនៅទីក្រុង ម៉ូហ្គាឌីហ្សូ (Mogadishu) រដ្ឋធានីនៃប្រទេសសូម៉ាលីថា បង្ហាញពីការព្រួយបារម្ភអំពីការផ្ទុះឡើង នៃជំងឺ ដែលអាចឆ្លងតាមទឹកដូចជា រាគជំងឺអាសន្នរោគ ក៏ដូចជាជំងឺគ្រុនឈាម និងគ្រុនចាញ់ផងដែរ។ យោងតាមទីភ្នាក់ ងារគ្រប់គ្រងគ្រោះមហន្តរាយសូម៉ាលី (SoDMA) បានឱ្យដឹងថា ចំនួនមនុស្សដែលរងផលប៉ះពាល់ដោយភ្លៀងធ្លាក់ខ្លាំង និងទឹកជំនន់បានកើនឡើងដល់ ២.៤៨ លាននាក់ ហើយ ១.១ លាន នាក់បានផ្លាស់ទីលំនៅនៅទូទាំងប្រទេស៕ប្រែសម្រួលដោយ រម៉ាម វ៉ុង