SEATV Today News - Seatv24hours

ព័ត៌មានថ្មី

រដ្ឋបាលខេត្តកណ្ដាល កំណត់ភូមិចំនួន៨ ក្នុងស្រុកអង្គស្នួល ជាតំបន់ក្រហម តំបន់លឿងទុំ និងតំបន់លឿង រយៈពេល ១៤ថ្ងៃ ចាប់ពីម៉ោង ០០:០០ ថ្ងៃទី០១ ឧសភា-១៤ ឧសភា ២០២១ – តំបន់ក្រហមចំនួន ៤ភូមិ៖ ភូមិស្វាយជ្រុំ ភូមិពងទឹក ភូមិអណ្តូង និងភូមិត្នោតម្តើម នៃឃុំបែកចាន ស្រុកអង្គស្នួល – តំបន់លឿងទុំចំនួន ៣ភូមិ៖ ភូមិចក ភូមិព្រៃបឹង និងភូមិកម្ពោតស្បូវ នៃឃុំបែកចាន ស្រុកអង្គស្នួល – តំបន់លឿងចំនួន ១ភូមិ៖ ភូមិព្រៃពពេល ឃុំពើក ស្រុកអង្គស្នួល
អភិបាលខេត្តកំពង់ធំ ចុះត្រួតពិនិត្យសកម្មភាពកងកម្លាំងចម្រុះធ្វើការបិទខ្ទប់ ក្នុងភូមិសាស្ត្រស្រុកស្ទោង ឯកឧត្តម សុខ លូ អអភិបាលខេត្តកំពង់ធំ បានចុះសួរសុខ ទុក្ខ និងត្រួតពិនិត្យសកម្មភាពកងកម្លាំងចម្រុះប្រចាំការនៅទីតាំងបិទខ្ទប់ ក្នុងភូមិសាស្ត្រស្រុកស្ទោង ជាបណ្ដោះអាសន្ន ដែលបានរកឃើញមានហានិភ័យខ្ពស់ នៃការចម្លង និងការឆ្លងរីករាលដាលនៃជំងឺកូវីដ-១៩ ចូលសហគមន៍ តាមចំណុចគោលដៅនានា នៅភូមិលាបទង ឃុំកំពង់ចិនត្បូង ស្រុកស្ទោង ខេត្តកំពង់ធំ ដើម្បីហាមឃាត់ប្រជាពលរដ្ឋនៅតំបន់បិទខ្ទប់ មិនឲ្យមានការ ចេញ-ចូល រហូតដល់មានការជូនដំណឹងនៅពេលក្រោយ និង ត្រួតពិនិត្យមើលទីតាំងជាច្រើនកន្លែង ដើម្បីត្រៀម សម្រាប់ទុកដាក់អ្នកសង្ស័យឆ្លងជំងឺកូវីដ១៩ ។ ឯកឧត្តម សុខ លូ បានក្រើនរំឭកដល់កងកម្លាំងចម្រុះទាំង អស់ ក្នុងអំឡុងពេលបិទខ្ទប់ ប្រជាពលរដ្ឋគ្រប់រូបត្រូវបាន ហាមឃាត់ការធ្វើដំណើរចេញពីលំនៅឋាន លើកលែងតែក្នុងករណីចាំបាច់ ហើយការបិទខ្ទប់ទីរួមស្រុកស្ទោងនៅពេលនេះ គឺជាវិធានការមួយក្នុងកាត់ផ្តាច់នូវការឆ្លងមេរោគកូវីដ ១៩ នៅក្នុងមូលដ្ឋាននីមួយៗ ដែលកើតចេញពីព្រឹត្តិការណ៍ ២០កុម្ភៈ ។
ប្រជាពលរដ្ឋរស់នៅក្នុងតំបន់ក្រហម ក្នុងខណ្ឌទាំង០៤ ក្នុងភូមិសាស្ត្ររាជធានីភ្នំពេញ នឹងទទួលការចាក់វ៉ាក់សាំង ០២ប្រភេទគឺ ១- វ៉ាក់សាំងស៊ីណូវ៉ាក់ (Sinovac) នឹងត្រូវប្រើប្រាស់ ដើម្បីចាក់ជូនប្រជាពលរដ្ឋ នៅក្នុង ខណ្ឌពោធិ៍សែនជ័យ និង ខណ្ឌកំបូល។ ២-វ៉ាក់សាំងស៊ីណូហ្វាម (Sinopharm) នឹងត្រូវប្រើប្រាស់ ដើម្បីចាក់ជូនប្រជាពលរដ្ឋនៅក្នុង ខណ្ឌមានជ័យ និង ខណ្ឌដង្កោ។
បុគ្គលិកធ្វើការមន្ទីរពហុព្យាបាល និងសម្ភព អ៊ីសាប៊ែលឆ្លងជំងឺកូវីដ-១៩ អនុគណ:កម្មការស្រាវជ្រាវជំងឺកូវីដ-១៩ បានអំពាវឲ្យប្រជាពលរដ្ឋ ដែលទៅទទួលសេវានៅមន្ទីរពហុព្យាបាល និងសម្ភព អ៊ីសាប៊ែល (Isabel Poly Clinic) ដែលមានទីតាំងស្ថិតនៅផ្ទះលេខ ២៩ ផ្លូវលេខ ៣៦០ សង្កាត់ទួលស្វាយ ព្រៃ ខណ្ឌចំការមនចាប់ពីថ្ងៃទី២៦ ដល់ថ្ងៃទី២៨ ខែមេសា ឆ្នាំ២០២១ សូមដាក់ខ្លួន ដាច់ដោយឡែក និងយកចិត្តទុក ដាក់ តាមដានសុខភាពរបស់ខ្លួនរយៈពេល១៤ ថ្ងៃ ចាប់ពីថ្ងៃដែលអ្នកបានប៉ះពាល់ រឺទៅកាន់ទីតាំងនេះ។ មូលហេតុ អ្នក ជំងឺកូវីដ១៩ គឺជាបុគ្គលិកធ្វើការនៅទីតាំងខាងលើនេះ។
ក្រសួងការពារជាតិ បើកយុទ្ធនាការ១ខែ ចាក់វ៉ាក់សាំងជូនពលរដ្ឋនៅតំបន់ក្រហម នៅភ្នំពេញ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋ មន្ត្រីក្រសួងការពារជាតិ អញអញ្ជើញជាអធិបតី ក្នុងពិធីបើកយុទ្ធនាការជាតិចាក់វ៉ាក់សាំងនៅក្នុងភូមិសាស្ត្ររាជធានីភ្នំពេញ ដើម្បីរៀបចំចាក់វ៉ាក់សាំង ការពារជំងឺកូវីដ១៩ ជូនដល់ប្រជាពលរដ្ឋរស់នៅក្នុងតំបន់ក្រហម ក្នុងភូមិសាស្ត្ររាជធានីភ្នំពេញ នៅតាមបណ្តាខណ្ឌចំនួន៤ រួមមានខណ្ឌមានជ័យ ខណ្ឌពោធិសែនជ័យ ខណ្ឌដង្កោ និងខណ្ឌកំបូល ។ ការបើកយុទ្ធនាការជាតិចាក់វ៉ាក់សាំងនៅក្នុងភូមិសាស្ត្ររាជធានីភ្នំពេញរៀបចំ ឡើងនៅក្នុងទីតាំងមូលដ្ឋានកងទ័ព នៃកងពលតូចលេខ៧០ ស្ថិតក្នុងភូមិព្រៃព្រីងខាង ត្បូង សង្កាត់ចោម ចៅ រាជធានីភ្នំពេញ។ សម្តេចពិជ័យសេនា ទៀ បាញ់ បានមានប្រសាសន៍ថា ការផ្សព្វផ្សាយប្រគល់ភារកិច្ចដល់ក្រុមការងាររៀបចំចាក់វ៉ាក់ សាំងជូនប្រជាពលរដ្ឋដែលជាទ្រង់ទ្រាយធំនៅក្នុងតំបន់ដែលមានហានិភ័យ ចាប់ដំណើរការចាប់ពីថ្ងៃទី០១ ខែ ឧសភា តទៅ ដែលមានគណៈកម្មការចំពោះកិច្ចបានប្រគល់ឲ្យកងយោធពលខេមរភូមិន្ទ ទទួលខុសត្រូវចាក់វ៉ាក់សាំងជូនប្រជាពលរដ្ឋនៅក្នុងខណ្ឌចំនួនបួន គឺនៅខណ្ឌមានជ័យ ខណ្ឌពោធិសែនជ័យ ខណ្ឌដង្កោ និងខណ្ឌកំបូល។ សម្តេចពិជ័យសេនាបានបញ្ជាក់ថា ការចាក់វ៉ាក់សាំងជូនប្រជាពល រដ្ឋនៅក្នុងតំបន់ហានិភ័យនេះ គឺជាក្តីសង្ឃឹមនិងជឿជាក់មួយទៀតសម្រាប់ប្រយុទ្ធប្រឆាំងជាមួយនិងកូវីដ១៩ ដែលជាជំងឺរាតត្បាតដល់កាចសាហាវនេះ។ សូមបញ្ជាក់ថា វ៉ាក់សាំងដែលកម្ពុជាទទួលបានរួចមកហើយនោះ រួមមាន៖ វ៉ាក់សាំងស៊ីណូហ្វាម ជាជំនួយរបស់រដ្ឋាភិ បាលចិនចំនួន ១.៣លានដូស, វ៉ាក់សាំងស៊ីណូវ៉ាក់ […]
ប្រជាពលរដ្ឋនៅតំបន់បិទខ្ចប់ទាំង៣ ក្នុងក្រុងសៀមរាបជាងមួយពាន់គ្រួសារ បានទទួលអំណោយពីរដ្ឋបាលខេត្ត ចាប់ពីថ្ងៃទី២០ ដល់ថ្ងៃទី២៨ ខែមេសា ឆ្នាំ២០២១ បងប្អូនប្រជាពលរដ្ឋដែលជាគ្រួសារក្រ១ ក្រ២ស្ថិតក្នុងសង្កាត់បិទខ្ទប់ទាំងបីក្នុងក្រុងសៀមរាបជាងមួយពាន់គ្រួសារ បានទទួលអំណោយពីរដ្ឋបាលខេត្ត ខេត្តសៀមរាប ស.ស.យ.កខេត្ត និងសប្បុរសជន ដែលក្រុមយុវជនបានចុះចែកដល់តាមខ្នងផ្ទះ។ ការបិទខ្ទប់សង្កាត់ទាំង៣ គឺជាវិធានការដាក់ចេញ ដើម្បីទប់ ស្កាត់ការឆ្លងរាលដាលនៃជំងឺកូវីដ១៩។ ជាមួយគ្នានេះ ក៏ បានជះឥទ្ធិពលប៉ះពាល់ដល់កត្តាជីវភាព ជាពិសេសបងប្អូនដែលជាគ្រួសារក្រ១ និងក្រ២។ ដោយឃើញពីការលំបាកនេះ ឯកឧត្តម ទៀ សីហា អភិបាលខេត្ត បានដឹកនាំ និងកៀងគរថវិកា សម្ភារៈ និងបណ្តាសប្បុរសជន ពិសេសការចូលរួមរបស់សហភាពសហព័ន្ធយុវជនកម្ពុជាខេត្ត សៀមរាប។ រដ្ឋបាលខេត្តសូមអំពាវនាវបន្តដល់បងប្អូនប្រជាពលរដ្ឋទាំងអស់ត្រូវចូលរួមអនុវត្តតាមគោលការណ៍ណែនាំរបស់រាជរដ្ឋាភិបាល ក្រសួងសុខាភិបាល និងអាជ្ញាធរមានសមត្ថ កិច្ចទាំងអស់ ដើម្បីចូលរួមទប់ស្កាត់ ដក៏ដូចជាឈាបដល់ការកាត់ផ្តាច់ជំងឺកូវីដ-១៩នៅកម្ពុជា ពិសេសបងប្អូនប្រជា ពលរដ្ឋទាំងអស់ត្រូវអនុវត្តឱ្យបានខ្ជាប់ខ្ជួននូវវិធានការ ៣ការពារ និង៣កុំឱ្យបានគ្រប់ៗគ្នា៕
អ្នកជំងឺកូវីដ-១៩ បានទៅទិញទំនិញ នៅផ្សារទំនើបឡាក់គីនៅផ្លូវ០៥ សង្កាត់ឫស្សីកែវ ខណ្ឌឫស្សីកែវ អនុគណៈកម្មការស្រាវជ្រាវជំងឺកូវីដ១៩ បានបញ្ជាក់ឲ្យដឹងថា អ្នកជំងឺកូវីដ-១៩ បានទៅទិញទំនិញ នៅផ្សារទំនើបឡាក់គី (Lucky Express) ដែលមានទីតាំងស្ថិតនៅផ្លូវ០៥ សង្កាត់ឫស្សីកែវ ខណ្ឌឫស្សីកែវ ដូចនេះ អ្នកដែលបានទៅទិញទំនិញនៅទីតាំងខាងលើ នៅថ្ងៃទី២៥ ខែមេសា ឆ្នាំ ២០២១ សូមដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងមានហានិភ័យនេះ។
កម្មកររោងចក្រនៅស្រុកខ្សាច់កណ្ដាល-ស្រុកអង្គស្នួល-ស្រុកមុខកំពូល នឹងទទួលបានចាក់វ៉ាក់សាំងការពារជំងឺកូវីដ-១៩មុនគេក្នុងចំណោមរោងចក្រទាំងអស់នៅទូទាំងខេត្តកណ្តាល (ខេត្តកណ្ដាល,ថ្ងៃទី៣០ ខែមេសា ឆ្នាំ២០២១)៖ អភិបាលខេត្តកណ្ដាល ឯកឩត្តម គង់ សោភ័ណ្ឌ បានថ្លែងថា កម្មករ កម្មការិនី និងនិយោជិត រោងចក្រនៅស្រុកខ្សាច់កណ្ដាល ស្រុកអង្គស្នួល និងស្រុកមុខកំពូល គឺជាស្រុកដែលមានអាទិភាពនឹងទទួលបានការចាក់វ៉ាក់សាំងការពារ ជំងឺកូវីដ-១៩ មុនគេក្នុងចំណោមរោងចក្រទាំងអស់នៅទូទាំងខេត្ត កណ្ដាល នៅពេលដែលរាជរដ្ឋាភិបាល សម្រេចទម្លាក់វ៉ាក់សាំងជូន ដល់ខេត្តកណ្ដាល។ ឯកឧត្តមបានថ្លែងបែបនេះ ក្នុងឱកាសឯកឧត្តមអញ្ជើញដឹកនាំកិច្ចប្រជុំ ទាំងយប់ ដើម្បីស្វែងរកអ្នកដែលប៉ះពាល់ដោយផ្ទាល់ និងប្រយោល បន្ទាប់ពីកម្មករនៅរោងចក្រមួយកន្លែង ក្នុងស្រុកខ្សាច់កណ្ដាល មានជាប់ពាក់ព័ន្ធនឹងព្រឹត្តិការណ៍សហគមន៍ ២០ កុម្ភៈ នៅល្ងាចថ្ងៃទី២៩ ខែមេសា ឆ្នាំ២០២១ ម្សិលម៉ិញនេះ ។ ឯកឧត្តម ថ្លែងបន្តថា ដើម្បីធានាដល់និរន្តភាព សេដ្ឋកិច្ចនៅក្នុងខេត្ត កណ្ដាល កម្មករ កម្មការិនី រោងចក្រទាំងអស់នៅក្នុងខេត្តកណ្ដាល ត្រូវទទួលបានការចាក់វ៉ាក់សាំង ឱ្យបានគ្រប់ៗគ្នា ដើម្បីបញ្ចៀសនូវការឆ្លងនូវមេរោគដ៏កាចសាហាវនេះ។ ក្នុងឱកាសនោះដែរ ឯកឧត្តម គង់ សោភ័ណ្ឌ បានស្នើឱ្យអាជ្ញាធរស្រុក ខ្សាច់ កណ្ដាល ត្រូវស្វែងរកអ្នកដែលបានប៉ះពាល់ផ្ទាល់ […]
ត្រឡប់មកពីឆ្លុះកង្កែបទៅផ្ទះវិញម៉ូតូអស់សាំងបណ្តើរម៉ូតូ រថយន្តមក ពីទិសផ្ទុយគ្នាវេរទៅបុកស្លាប់២នាក់ នៅក្រុងប៉ោយប៉ែត (ខេត្តបន្ទាយមានជ័យ,ថ្ងៃទី៣០ ខែមេសា ឆ្នាំ២០២១)៖មនុស្ស២នាក់បាន ស្លាប់ភ្លាមៗនៅនឹងកន្លែងដោយគ្រោះថ្នាក់ចរាចរណ៍ រថយន្តម៉ាក តូយូតាស៊ីណាបុកខណៈពេលជនរងគ្រោះកំពុងបណ្តើរម៉ូតូអស់សាំង ។ ហេតុការណ៍បង្កឲ្យភ្ញាក់ផ្អើលនេះ បានកើតឡើងនៅវេលាម៉ោង ៥និង២០នាទីព្រឹកព្រលឹមថ្ងៃទី៣០ខែមេសា ឆ្នាំ២០២១ នៅលើំណាត់ ផ្ឡូវជាតិលេខ៥ ត្រង់ចំណុចខាងលិចស្ថានីយ៏ថ្លឹងរថយន្តកូនដំរី ប្រហែល១៥០ម៉ែត្រ,ស្ថិតក្នុងភូមិកូនដំរី ,សង្កាត់និមិត្ត,ក្រុងប៉ោយប៉ែត ខេត្តបន្ទាយមានជ័យ ។ តាមប្រភពពីនគរបាលចរាចរណ៍ក្រុងប៉ោយប៉ែត បានឲ្យដឹងថា៖ ជនរងគ្រោះដែលស្លាប់១/ឈ្មោះ អៀង ម៉េងលី ភេទប្រុសអាយុ២៧ ឆ្នាំ មុខរបរ ធ្វើស្រែ (ជាអ្នកបណ្តើរម៉ូតូ) ២/ឈ្មោះ អាង ធឿន ភេទប្រុស អាយុ ៣៦ឆ្នាំ,មុខរបរ ធ្វើស្រែ (អ្នកដើរពីក្រោយជួយរុញម៉ូតូ)។ជនរងគ្រោះទាំង០២នាក់ នៅក្នុងភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ។ ប្រភពដដែលបានបញ្ជាក់ថា៖នៅមុនពេលកើតហេតុ ជនរងគ្រោះមានគ្នាចំនួន៣នាក់ បានជិៈម៉ូតូ១គ្រឿងម៉ាកហុងដាវ៉េវ ពណ៌ក្រហម ពុំមានផ្លាកលេខ ទៅឆ្លុះកង្កែប លុះពេលនាំគ្នាត្រឡប់មកផ្ទះវិញជិៈមកដល់លើផ្លូវជាតិ ម៉ូតូអស់សាំង ក្នុងនោះមាន១នាក់បានដើរទៅរក ទិញសាំង ហើយឲ្យឈ្មោះអើង ម៉េងលី ជាអ្នកបណ្តើរម៉ូតូនិងឈ្មោះអាង ធឿន ជាអ្នកជួយរុញម៉ូតូពី […]
រដ្ឋបាលខេត្តកំពង់ស្ពឺអំពាវនាវឱ្យអ្នកពាក់ពន្ធ័ចូលខ្លួនយកសំណាកខណៈសង្ស័យប៉ះពាល់ជាមួយអ្នកវិជ្ជមានកូវីដ១៩ (ខេត្តកំពង់ស្ពឺ,ថ្ងៃទី៣០ ខែមេសា ឆ្នាំ២០២១)៖ អភិបាលខេត្តកំពង់ស្ពឺ ឯកឧត្តម វ៉ី សំណាង បានអំពាវនាវដល់អ្នកពាក់ពន្ធ័ទាំងអស់ចូលខ្លួនទៅកាន់មណ្ឌលសុខភាពឬមន្ទីរពេទ្យបង្អែកដែលនៅជិតបំផុតដើម្បីយកសំណាកនិងដាក់ខ្លួនឱ្យនៅដាច់ដោយឡែករយៈពេល១៤ថ្ងៃប្រសិនជាសង្ស័យថាបានប៉ះពាល់ផ្ទាល់ឬប្រយោលជាមួយអ្នកជំងឺកូវីដ-១៩។ ការអំពាវនាវនេះធ្វើឡើងនៅល្ងាចថ្ងៃទី១៩ខែមេសាឆ្នាំ២០២១ បន្ទាប់ពីក្រសួងសុខាភិបាលរកឃើញថាបងប្អូនប្រជាពលរដ្ឋចំនួន១២នាក់ជាអ្នកខេត្តកំពង់ស្ពឺមានវិជ្ជមានជំងឺកូវីដ-១៩។ ក្រោយក្រសួងសុខាភិបាលប្រកាសជាផ្លូវការ រដ្ឋបាលខេត្តបានបង្ហាញជាសាធារណៈដល់បងប្អូនប្រជាពលរដ្ឋទាំងអស់ដែលមានជាប់ពាក់ពន្ធ័និងសង្ស័យថាបានប៉ះពាល់ផ្ទាល់ឬប្រយោលបានដឹងខ្លួន ហើយរួសរាន់ទៅកាន់មន្ទីរពេទ្យ។អ្នកជំងឺកូវីដ-១៩ដែលរដ្ឋបាលខេត្តធ្វើការប្រកាសជាសាធារណៈទាំង១២នាក់ក្នុងថ្ងៃនេះគឺមានកុមារ២នាក់និង១០នាក់ទៀតជាមនុស្សពេញវ័យនិងមនុស្សចាស់ដែលភាគច្រើនមានមុខរបរជាកម្មកររោងចក្រម៉ាស្ទ័រ&ប្រែងក្នុងស្រុកអង្គស្នួលខេត្ត កណ្តាល៕ ដោយ៖ អ៊ុំ ណូន(កែសម្រួលដោយ មណ្ឌល កែវ)
មន្ទីរពេទ្យមេគង្គ ត្រូវបានកែលម្អរួចរាល់សម្រាប់ពិនិត្យ ព្យាបាលអ្នកជំងឺកូវីដ-១៩ ឯកឧត្តម អ៊ុន ចាន់ដា អភិបាលខេត្តកំពង់ចាម និងជាប្រធានគណៈកម្មការខេត្ត ប្រយុទ្ធប្រឆាំងនិងជំងឺកូវីដ-១៩ នៅព្រឹក ថ្ងៃទី៣០ ខែមេសា បានដឹកនាំមន្ត្រីពាក់ព័ន្ធពិនិត្យ មើលការរៀបចំកែលម្អមន្ទីរពេទ្យមេគង្គ សម្រាប់ពិនិត្យ ព្យាបាលអ្នកជំងឺកូវីដ-១៩ ក្រោយពីបានរកឃេីញអ្នកជំងឺ កូវីដ-១៩ជាបន្តបន្ទាប់។ សូមជម្រាបថា តាមការណែនាំរបស់សម្តេចតេជោ ហ៊ុន សែន អាជ្ញាធរខេត្តកំពង់ចាម បាន រៀបចំប្រែក្លាយសណ្ឋាគារមេគង្គ ទៅជាមន្ទីរពេទ្យសម្រាប់ ព្យាបាលជំងឺកូវីដ-១៩។
រដ្ឋាភិបាលប្រទេសជប៉ុន ផ្តល់ជូនគ្រឿងឥស្សរិយយសសម្រាប់និទាឃរដូវឆ្នាំ២០២១ ជូនឯកឧត្តម ឈាង វុន រដ្ឋាភិបាលប្រទេសជប៉ុនបានផ្ដល់គ្រឿងឥស្សរិយយសសម្រាប់និទាឃរដូវឆ្នាំ២០២១ ជូនចំពោះ ឯកឧត្ដមឈាង វុន ប្រធានគណៈកម្មការកិច្ចការបរទេស សហប្រតិបត្តិការ អន្តរជាតិ ឃោសនាការ និងព័ត៌មាន នៃរដ្ឋសភា និងជាប្រធានក្រុមមិត្តភាពរដ្ឋសភាកម្ពុជា-ជប៉ុន។ ទីស្តីការគណៈរដ្ឋមន្ត្រី នៃរដ្ឋាភិបាលជប៉ុន នៅថ្ងៃទី២៩ ខែមេសា ឆ្នាំ២០២១ បានប្រកាសជាផ្លូវការពីការផ្តល់ជូននូវគ្រឿងឥស្សរិយយសនេះ ជូនឯកឧត្តម ឈាង វុន។ គ្រឿង ឥស្សរិយយសនិទាឃរដូវ “The Order of the Rising Sun, Gold and Silver Star” ជាឥស្សរិយយសដែលរដ្ឋាភិបាលប្រទេសជប៉ុន ផ្តល់ជូនឥស្សរជនបរទេស ជាបុគ្គលមានគុណសម្បត្តិ ដើម្បីជាការទទួលស្គាល់នូវកិច្ចការបម្រើជាតិ ឬបម្រើសង្គមរបស់ឥស្សរជនទាំងនោះ និងជាការសម្តែងនូវការគោរព និងកោតសរសើរចំពោះស្នាដៃលេចធ្លោរបស់បុគ្គលឆ្នើមទាំងនោះក្នុងវិស័យផ្សេងៗនៅក្នុងសង្គម។ បន្ទាប់ពីទទួលបានដំណឹងដ៏រីករាយនេះ ស្ថានទូតជប៉ុនប្រចំានៅព្រះរាជាណាចក្រកម្ពុជា បានផ្ញើសារលិខិតអបអរសាទរជូន ឯកឧត្តម ឈាង វុន។ ជាមួយក្តីសោមនស្សរីករាយយ៉ាងក្រៃលែងជូន ឯកឧត្តម ឈាង វុន ឯកឧត្តម MIKAMI Masahiro ឯកអគ្គរាជទូតជប៉ុនប្រចាំនៅកម្ពុជា បានបញ្ជាក់នៅក្នុងសារលិខិតនោះថា គ្រឿងឥស្សរិយយស […]
សម្តេចតេជោ÷ ការក្លាយជាសមាជិកអាស៊ាន គឺជាជោគ ជ័យនៃការទូតរបស់កម្ពុជា ក្នុងកាពង្រីកអនុភាព និងបង្កើនតួនាទីរបស់ខ្លួនកាន់តែសកម្មនៅក្នុងតំបន់ សម្តេចតេជោ ហ៊ុនសែននាយករដ្ឋមន្ត្រីកម្ពុជា មានប្រសាស ន៍ថា ថ្ងៃនេះគឺជាខួប២២ឆ្នាំ (៣០ មេសា ១៩៩៩-៣០ មេសា ២០២១) ដែលកម្ពុជាក្លាយជាសមាជិកសមាគមប្រជាជាតិអាស៊ីអាគ្នេយ៍ ហៅថាអាស៊ាន(ASEAN)។ ចាប់តាំងពីបានក្លាយជាសមាជិកអាស៊ានមក កម្ពុជាបានធ្វើ ការយ៉ាងជិតស្និទ្ធជាមួយសមាជិកដទៃទៀត ក្នុងការកសាងសហគមន៍អាស៊ានមួយ ដែលផ្តោតលើប្រជាជន និងយកប្រជាជនជាស្នូល ក្នុងស្មារតីនៃភាពម្ចាស់ការ និងការទទួល ខុសត្រូវរួម។ បន្ទាប់ពីការស្វះស្វែងតាមនយោបាយការទូតយ៉ាងស្វិត ស្វាញ និងទន់ភ្លន់ កម្ពុជាត្រូវបានអាស៊ាន សម្រេចឱ្យចូលជាសមាជិកទី១០ ក្នុងកិច្ចប្រជុំកំពូលរបស់ខ្លួននៅទីក្រុងហាណូយ ប្រទេសវៀតណាម នៅថ្ងៃទី៣០ ខែមេសា ឆ្នាំ ១៩៩៩។ អាស៊ានបានក្លាយជាស្នូលមួយនៃនយោបាយការបរទេសរបស់កម្ពុជា ដែលអាចឆ្លុះ បញ្ចាំងបានតាមរយៈការផ្សារភ្ជាប់ការអភិវឌ្ឍ ផ្នែកនយោបាយ សង្គម សេដ្ឋកិច្ចរបស់កម្ពុជា ទៅនឹងសមាហរណកម្មតំបន់ និងកិច្ចសហប្រតិ បត្តិការអន្តរជាតិ៕
ការរៀបចំកម្រាលថ្មស្ពានហាលប្រាសាទអង្គរវត្ត នឹងបញ្ចប់នាពេលឆាប់ៗខាងមុខ កម្រាលថ្មភក់ប្រវែង៩០ម៉ែត្រដែលជាស្រទាប់ខាងលើនៃស្ពានហាលប្រាសាទអង្គរវត្តសម្រាប់ដើរនឹងរៀបរួចរាល់នាពេលខាងមុខដ៏ខ្លី។ លោក សយ ច័ន្ទនោឫទ្ធិ ស្ថាបត្យករ បាននិយាយថាមកដល់បច្ចុប្បន្ននេះ ការងារពង្រឹងគ្រឹះសម្រេចបានស្ទើរ ១០០ភាគ រយ។ រីឯការងាររៀបចំកម្រាលផ្លូវដើរទៅភ្ជាប់នឹងកម្រាលដែលខាងសាកលវិទ្យាល័យសូហ្វីយ៉ាជួសជុលរួចរាល់នោះបានសម្រេចបាន៩០ភាគរយហើយ។ ក្រៅពីនេះ ក្រុមការ ងារកំពុងបន្តការងារពង្រឹងគ្រឹះផ្នែកខាងក្នុង និងខាងក្រៅ នៃស្ពានហាល និងកំពុងបន្តស្រាវជ្រាវនៅផ្នែកកំពង់ទឹក។ គួរបញ្ជាក់ថា ស្ពានហាលខាងលិចអង្គរវត្ត បានចាប់ផ្តើមដំណើរការជួសជុលនៅពាក់កណ្ដាលឆ្នាំ២០១៦ ស្ថិតក្នុងជំហានទី២នៃកិច្ចសហការរវាងអាជ្ញាធរជាតិអប្សរានិងសាកលវិទ្យាល័យសូហ្វីយ៉ា ប្រទេសជប៉ុន។ កន្លងមក ស្ពានហាលប្រាសាទអង្គរវត្ត ត្រូវបានជួសជុលបានប្រវែង១០០ ម៉ែត្រ ដែលអនុវត្តក្នុងជំហានទី១នៅឆ្នាំ១៩៩៦ រហូតដល់ឆ្នាំ២០០៧៕
ក្រុមគ្រូពេទ្យជួរមុខនៃមន្ទីរពេទ្យមិត្តភាពខ្មែរ-សូវៀត បានសម្រាលកូនជូនអ្នកជំងឺកូវីដ-១៩ ០២នាក់ទៀត(ជាកូនទី ៦ ទី ៧) បានដោយជោគជ័យ និងសុខសុវត្ថិភាពទាំងម្តាយ និងកូន។ ក្រុមគ្រូពេទ្យជួរមុខនៃមន្ទីរពេទ្យមិត្តភាពខ្មែរ-សូវៀត បានសម្រាលកូនជូនអ្នកជំងឺកូវីដ-១៩ ០២នាក់ទៀត(ជាកូនទី ៦ ទី ៧) បានដោយជោគជ័យ និងសុខសុវត្ថិភាពទាំងម្តាយ និងកូន។